بعد عمر الدقير يأتي انسحاب الدكتور ياسر ميرغني التزاما بقرارات الحزب
أتمني ان تكون بداية صحيحة للحزب وان يتجه الي بناء قواعده وترتيب صفوفه للمرحلة ما بعد الانتقالية والابتعاد في نفس الوقت عن المحاصصة الجارية واللغط الدائر حول الكوادر المرشحة وانتماءاتها وما يحيط بالامر من فوضي لا تخطئها عين ودفع معظم الاحزب ان لم يكن جميعها بكوادرها للفترة الانتقالية مع التزامه الكامل بالعمل ضمن قحت لتجاوز المرحلة الحالية لكن الحزب اولي بكوادره
بعد إيه ؟ بعد أن سن سنة المحاصصة.. والمشاركة الحزبية.. والتي كنت تروج لها إنت بالذات في شخص الدقير ؟ للأسف تحتاجون لمجهود كبير لإستعادة ثقة الشعب بعد الخرمجة الشاركتوا فيها دي.
طبعا قراراتكم دي بعدما شفتو هيجة الثوار في الشارع وفي الوسائط.. وبعد الفضائح والبيانات التتطاقش والاعتذارات بس ياريتكم لو كنتو إحترمتوا ما تواثقتم عليه مع الشعب من الأول..
08-29-2019, 05:06 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: بعد إيه ؟ بعد أن سن سنة المحاصصة.. والمشاركة الحزبية.. والتي كنت تروج لها إنت بالذات في شخص الدقير ؟
بعد شنو .؟ يعني المطلوب شنو؟ يرشحوا كوادرهم في مقابل كوادر الاحزاب التانية؟
ده كلام مردود يا استاذة امنة الدقير لم يتم ترشيحه لا من الحزب ولا من عندي تم ترشيحه ككفاءة وكشخصية من داخل الثورة لا من خارجها في مقابل حمدوك الماعندو علاقة بالسودان 30 سنة الا من خلال اختياره بواسطة عمر البشير ولسة علي رايي الان انه الدقير أكثر كفاءة ودي والبدايات
ولما تم الاعتراض علي اساس انو فتح باب لمحاصصة حزبية تم الاعتذار واعلان بيان رسمي من الحزب .. وين المشكلة مش ده كلام مفروض تجي انت وغيرك تقولي موقف مسئول ومحترم؟
بدل تجي تقولي لا والله تجمع المهنيين وحزب الامة والاتحادي والشيوعي ما غلطانين واعمالهم مبررة عشان اصلا المؤتمر السوداني قال ليهم اعملوا كدة؟ معقولة الكلام ده
ياخي عندك المجلس السيادي ورئاسة الوزراء الهسي معينين ما شايفك اتكلمتي عن واحد فيهم عايزة انتماءاتهم ولا ده كلو مبرر عشان تم ترشيح الدقير
08-29-2019, 07:44 PM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
المؤتمر السوداني توافرت له العديد من الفرص لكي يكون حزبا سياسيا حقيقيا شبه وحيد في الساحة السودانية وعليه ألا يضيع هذه الفرص ويعمل باستراتيجية طويلة المدى، فالأحزاب الحقيقية تنشأ لكي تبقى ما بقيت الحياة، وليس كالأحزاب المرتبطة وجوديا بمنشئها: تبقى معه وتزول معه.
08-30-2019, 11:50 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: المؤتمر السوداني توافرت له العديد من الفرص لكي يكون حزبا سياسيا حقيقيا شبه وحيد في الساحة السودانية وعليه ألا يضيع هذه الفرص ويعمل باستراتيجية طويلة المدى، فالأحزاب الحقيقية تنشأ لكي تبقى ما بقيت الحياة، وليس كالأحزاب المرتبطة وجوديا بمنشئها: تبقى معه وتزول معه.
نعم يا محمد الأمين
اتمني ان تكون فترة السنوات القادمة استثمار حقيقي لهذه الفرصة من خلال عمل دؤوب في كل مناطق السودان لانني اظنها الاخيرة للحزب وقدرته علي طرح نفسه كبديل يستطيع قيادة السودان وايجاد حلول للمشاكل المزمنة والمستعصية
08-30-2019, 12:04 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: خطوة في الاتجاه الصحيح. اتمني و لا اتوقع ان تحذو بقية الاحزاب ذات الحذو
تحياتي الحبيب محجوب
فعليا دفعت الاحزاب وتجمع المهنيين بكوادرها للفترة الانتقالية ولا زالت تدفع في كل الاتجاهات عدم المشاركة من السوداني يوفر له فرصة جيدة باعتبار ان الفترة الانتقالية بكاملها ستنعكس علي الاحزاب المشاركة سلباً وايجاباً اتمني ان يستفيد منها لانها فرصة كبيرة واخيرة للعب دور فاعل في السياسة السودانية كبديل
تعليقات قراء سودانيزاونلاين دوت كم على هذا الموضوع:
at FaceBook
احدث المقالات بسودانيزاونلاين اليوم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mahjob Abdalla
AMNA MUKHTAR
محمد الأمين موسى
فيس بوك
تويتر
انستقرام
يوتيوب
بنتيريست