قبل خمس سنوات مشيت السفاره السودانيه بجده اجدد جوازي الاستمارات مجانيه من الصباح قالوا كملت باعوا لينا الاستماره ٧٠ ريال عمال السفاره انا واولادي دفعت ٢٤٠ ريال عشان الاستماره المجانيه ما يعادل ٦ مليون حاليا عشان ٤ استمارات دا غير حق موظف الاستقبال والتصوير والرسوم وفضلت منتظر لعند الساعه ٣ بعد صفوف قالوا تجو بكره كان ما مسموح لي غير اذن يوم واحد وانا جاي من سفر ٢٥٠ كلم المهم طلبت اقابل القنصل واشرح له مشيت للسكرتير قسم برب الكعبه قال لي تدفع كم عشان ادخلك ليه قلت ليه السفاره دي مش مكتب معمول عشان يخدمني وبدفع ليه ضرايب وزكاه ونحن بتناقش القنصل ناداه لاوراق استقليت الموقف ودخلت في ضنبوا مع فتحه الباب دخلت القنصل شرحت ليه ظروف عملي كتب لي ورقه صغيره لموظف مشيت للموظف قال لي ماف طريقه رميت الورقه قلت ليه تاخد كم اخد الفيها النصيب وجدد لي جوازات أولادي. الأهم انه اليوم ٢٦ ديسمبر مشيت السفاره بعد خمس سنين دخلت بتاع الريسبشن سلم على طلع الاستماره وعباها لي قال لي امشي صور اوراقك وتعال قلت لبتاع التصوير تاخد كم قال لي مجان 😨😨 احبك يا حمدوك رجعت لبتاع الاستقبال لقيته ملا الاستمارات قلت ليه بكم قال لي مجان 😨😨 احبك يا حمدوك اها يازول اجيب فرشتي وارقد للعصر قال لي روح الشباك سلم الورق وتعال استلم جوازك 😨😨 احبك واحب ابوك يا حمدوك حسيت اني ريس جمهوريه ماشي بعظمه دفعت الرسوم حقت الجواز واخدت ورقه الاستلام كل دا خلال ٣٠ دقيقه سبحان مغير الاحوال مشيت لبتاع الاستقبال الحاصل شنو قال لي شالوا طاقم السفاره وجابوا طاقم جديد ليه شهرين الله ينصر دينك يا حمدوك.... كنت خاتي لي ٥٠٠ ريال في الجيب الفوق حقت الرشاوي زمان و١٠٠ ريال حق بتاع الاستقبال والتصوير لقيتها في جيبي قاعده بس دفعت حق الحكومه.... اليشهد الناس انا بدين حمدوك اي كان وبمنهج حمدوك وان كان شيوعي فما احلى الشيوعيه حسيت باني بني آدم محترم وما بيهيني كوز وسخ فاتح جيبه ومادي مصلايته. .............علي كل كوز مصطفي الحاج محمد منقول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة