حمدوك في ابوظبى يلتزم باعلان اسم رئيس القضاء والنائب العام والمحكمة العليا نهاية الاسبوع

مرحبا Guest
اخر زيارك لك: 10-17-2019, 10:01 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-08-2019, 04:25 PM

الكيك
<aالكيك
تاريخ التسجيل: 11-26-2002
مجموع المشاركات: 20878

للتواصل معنا

FaceBook
تويتر Twitter
YouTube


حمدوك في ابوظبى يلتزم باعلان اسم رئيس القضاء والنائب العام والمحكمة العليا نهاية الاسبوع

    04:25 PM October, 08 2019

    سودانيز اون لاين
    الكيك-
    مكتبتى
    رابط مختصر



    حمدوك في ابوظبى يلتزم باعلان اسم رئيس القضاء والنائب العام والمحكمة العليا نهاية الاسبوع
    معالى ابوشريف
    شهد مبنى السفارة السودانية في ابوظبى امس لقاءا سياسيا مهما للوفد الرئاسى السودانى الزائر بقيادة رئيس الوزراء عبد الله حمدوك ووزراء الخارجية والمالية والتجارة والصناعة بالجالية السودانية بدولة الامارات العربية المتحدة في العاصمة ابوظبى ..
    وسط هتافات الثورة وشعاراتها رحب السفير الكارب بالوفد وبالحضور واشاد بالثورة وشبابها وقدم رئيس الوزراء للتحدث وكان قد سبقه ممثل للجالية في كلمة مختصرة

    بدا حمدوك خطابه بالترحم على الشهداء وقال لولاهم لما كان هذا اللقاء ممكنا ولن يهدا لنا بال ان لم يندمل الجرح واخذ حقوقهم كاملة .
    وقال انا سعيد بان التقى بهذا الجمع الغفير فى هذه العاصمة الجميلة وانتم تعايشون الفرق ما بين ما تعمله القيادة الرشيدة الحكيمة فى بناء الدول والاهتمام بالانسان وهذا مثال لما يفترض ان تقدمه القيادة فى العالم العربى والافريقى من دور فى بناء الشعوب.

    وقال فى خلال الستين سنة الماضية مررنا بثلاث انتقالات تغيير ادهشت العالم فى اكتوبر 1964 وفى ابريل 1985 وثورتكم المجيدة التى اصبحت كمثال للثورات السلمية فى الجزائر والعراق وهونج كونج وغيرها .
    الاساس لبرنامج حكومتنا ينطلق من شعار الثورة حرية وسلام وعدالة فالسلام ياتى فى المقدمة لايقاف الحرب ووضع حد لمعاناة اهلنا فى المعسكرات منطلق من رؤية الوطن وشعاراات الثورة التى توحدنا – العنصرى المغرور كل الوطن دارفور وهو شعار عظيم اعاد لنا الاحساس جميعا بالوطن الجامع .
    وهذا مؤشر يقودنا للامام .
    نحن بلد غنى بالموارد ما علينا الا تضافر الجهود معا نحن وانتم وجاليتكم المميزة .
    لنحقق العدالة المرتبطة بالسلام والتمثيل العادل المستحق للانسان وفى مقدمة ذلك المراة والكند اكات
    لهذا كان اهتمامنا بان تكون المراة فى الواجهة السياسية فاخترنا ان تكون وزارة الخارجية للمراة مع الاهتمام بالشباب وبناء كوادر قوىة للمرحلة القادمة و قبل نهاية الفترة الانتقالية
    من اجل السلام كانت اولى زيارتى لجوبا ونحن شعب واحد فى بلدين لدينا حركات تحمل السلاح التقيت بالاخوة فى الكفاح المسلح وهنالك امكانية لتحقيق السلام ومن ثم التقيت بالاخ عبد الواحد فى باريس وهذا من اهم تحديات الفترة الانتقالية .
    هنالك جانب التحدى الاقتصادى وهو تحدى كبير ومسالة الغلاء ودعم السلع الضرورية هذه قضايا مهمة لا نملك العصا السحرية لحلها الان لان ا لتركة كبيرة ..خراب ثلاثين عاما ولكن وضعنا برنامجا محكما نحاول به الخروج بمساعدتكم كجالية متميز فيها مختلف التخصصات ساهمت بقدر كبير فى انجاح الثورة ولا توجد لدينا مستحيلات
    من ثم فتح باب النقاش للحضور فقدم البعض اقتراحات وبعضهم تساءلات واستفسارات جاوب عليها حمدوك ووزيرة الخارجية ووزير المالية ومدنى عباس
    وهنا استعرض لبعض الاجابات التى وردت من كل منهما
    امتص حمدوك حماس الحاضرين بان قدم لهم رؤيته فى نقاط قائلا ان من خلال زياراته الى كافة الدول التى زارها تشابهت كل مطالب الجماهير السودانية وهو ما يجعلنا امام تحدى لتحقيق رغبات الثورة والثوار وتلك الجماهير فى كافة البلاد الخارجية

    . • حمدوك التزم بتعيين نائب عام و رئيس قضاء الأسبوع القادم
    • التزم بإعادة هيكلة السفارات
    • مدنى عباس مدني التزم بتفكيك كل شركات الأمن و الكيزان و إرجاع المال لوزارة الماليه
    • وزير الماليه وعد بتثبيت الاقتصاد وسعر صرف الدولار خلال ٩ شهور
    • وزيرة الخارجيه اكدت انها تعمل مع المنظمات و ووزاراء الخارجيه والامم المتحدة والدول الشقيقة لرفع اسم السودان من الدول الراعيه للإرهاب
    وإعادة هيكلة السفارات و و مراجعة التدرج الوظيفي بالسفارات و تأهيل كادر وطني للعمل الدبلوماسي









                  
|Articles |News |مقالات |بيانات

10-08-2019, 05:14 PM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 4841

للتواصل معنا

FaceBook
تويتر Twitter
YouTube


Re: حمدوك في ابوظبى يلتزم باعلان اسم رئيس ا� (Re: الكيك)

    هع انا الكيك الكمل بلادو فريك خبر جميل يا الكيك انت رجل محب للوطن ويهمك امره وانشاء الله
    الامور تمشى تمام
                  
|Articles |News |مقالات |بيانات

10-09-2019, 00:27 AM

Mutasim Idris
<aMutasim Idris
تاريخ التسجيل: 04-03-2019
مجموع المشاركات: 1055

للتواصل معنا

FaceBook
تويتر Twitter
YouTube


Re: حمدوك في ابوظبى يلتزم باعلان اسم رئيس ا� (Re: صديق مهدى على)

    مش كلنا عملنا توقيعات في بوست الاخ النصري امين علي
    تصنيف مليشيا الجنجويد مليشيا ارهابية؟
    غايتو ماعارف يا شغال نحن ضدهم ياهم شغال ضدنا.
    ول بعد التوقيع يجّب ما قبله؟؟
    Quote: • وزيرة الخارجيه اكدت انها تعمل مع المنظمات و ووزاراء الخارجيه والامم المتحدة والدول الشقيقة لرفع اسم السودان من الدول الراعيه للإرهاب

    وجودنا في اليمن وليبيا ارهاب دولي. مش؟
                  
|Articles |News |مقالات |بيانات

10-09-2019, 07:54 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 34036

للتواصل معنا

FaceBook
تويتر Twitter
YouTube


Re: حمدوك في ابوظبى يلتزم باعلان اسم رئيس ا� (Re: Mutasim Idris)

    سلام وشكرا يا شريف على التلخيص.

    هذا لقاء في اسكاي نيوز مع رئيس الوزراء

                  
|Articles |News |مقالات |بيانات

10-09-2019, 08:52 AM

adil amin
<aadil amin
تاريخ التسجيل: 08-01-2002
مجموع المشاركات: 21249

للتواصل معنا

FaceBook
تويتر Twitter
YouTube


Re: حمدوك في ابوظبى يلتزم باعلان اسم رئيس ا� (Re: Yasir Elsharif)

    اعتماد قانون الجنسية 1957 الي ما قبل 30يونيو 1989 لكل من يحملون جوازت سفر في الخارج ومراجعة الرقم الوطني وجوازات السفر لكل من يحملها بعد 30 ويونيو1989 ولحدي الليلة
    ده اول نشاط عملي لمكافحة الارهاب واخراج السودان منو
    شوفو الناس اللسه شايلين جوزات سفر سودانية من بعد 30 يونيو 1989 وما سودانيين لا وعيا ولا سلوكا ديل البجيبو هوا للسودان في هذه المرحلة والسودان مليان مطرفين وعلما سوء ينعقون في المنابر حتي الان
    ودي مسؤلية وزير الداخلية العنصر ي النائم البكش في الحبش والافريقيين في الخرطوم والسودان الان



    نحن ما عايزين كلام عايزين افعال ولحدي هسة ما في اي تحرك في اتجاه استعادة السودان واخلاق السودانية وعالقين مع هذه الدول في سقوطها المخزي في اليمن وليبيا

    وده حديث ناس الواتس والشافينو الناس في السودان
    Quote: 📌📌📌
    الفريق شرطه الطريفي ادريس وزير الداخليه

    شفل الكيزان البتعمل فيهو ده ما بمش تاني

    ولا بينفع فاحسن تتعامل بالقانون وروح الدوله الجديده وترببه الكيزان

    العشتها دي تربيه فساد فما تحمل الامراض والسرطانات الورثتها دي

    وتستمر فيها وعاوز تمارس صلف وغرور البشير وتخرمج من الان

    اولا الحمله المفتعله ضد الاثيوبين قول 1

    الموضوع بتاع الاجانب الافتعلتوا ودورت في الاثيوبين بالتحديد خمش

    وضرب واخراجهم من مساكنهم في دفارات ده شغل وسخان ومكشوف

    ما بمثلنا نحن كسودانين ولا بمثل الشعب الثار ده شغل بمثلك انت

    والمجلس العسكري الشريك في السلطه الاساليب دي اساليب كيزان

    نكون معاك واضحين والكوز عمروا ما بينضف لكن بيفهم بالرجم فما

    تخلي الشعب ده يقبل عليك والله تترجم وتتكجم زي الما حصل شي

    فريق مين انت كلها تربيه كيزان والعملك فريق وهو مشير نفسه الان

    في كوبر وغيرهم من الذين ظنوا انهم اقوي من في ارض السودان

    واقوي من الشعب فبطل خرمجه نحن كشعب سوداني تاني بنعرف

    نتعامل مع اي طاغيه الا باتجاه الحديده البارزه فقط✋

    نرجع لموضوع الاجانب .

    تنظيم الاجانب وتوفيق اوضاعهم يتم بصوره قانونيه تحفظ لهم انسانيتهم ويعاملوا وفق القانون .

    وهذا متعارف عليه في كل دول العالم يعني انت اصدرت قرار لحصر

    او تقنين اقامه الاجانب يبقي الاجراء يتم بنشره في الصحف ودعوه

    كل اجنبي الحضور الي مكاتب دائره الاجانب لتوفيق اوضاعه بالحصول

    علي اقامه ودفع ما يترتب عليه من ضرائب او رسوم اقامه او الذهاب

    لاماكن اقامه الاجانب بصوره حضاريه ومنحههم مهله للقيام بتوفيق

    اوضاعهم بعد هذه المده اذا وجد اي اجنبي يقيم بصوره غير شرعيه

    يتعامل معه وفق قانون الاجانب سواءكان ترحيله او تغريمه لمخالفته

    لوائح الاقامه او كسر اقامته كمثال لذلك دبي مفتوحه لكل مخاليق

    الكره الارضيه ولكن يدركون ثمن قضاء يوم بعد انتهاء مده الاقامه

    ويتم دفعه بدون مجامله مافي زول بيطاردوه او يقابضوه في بيتو

    او في الشارع لانو حيجي براهو مارق ويدفع تكاليفوا لذلك الناس

    تدخل بالالاف وتخرج قبل ان تخالف مده الاقامه يبقي العملتوا بدفاراتك ده شغل بتاع عنقاله ورباطه وبلطجيه ليس الا.

    والحاجه المغترض تعرفها انو الاثيوبين ديل جيرانا وامس رئيسهم

    كان معاك في قاعه واحده لاخراج السودان من ازمه كبيره عشان

    يجي واحد زيك كده احمق وسفيه يشوه وجهنا مع دوله جاره زي

    اثيوبيا تربطنا معهم القارة الافريقيه والدم بالتزاوج فكم سوداني متزوج باثيوبيه انت لا تدري لجهلك ومعاك العساكر العاملين انفسهم

    زي الضرات في الحكومه الانتقاليه وهناك شي اخر يجب عليك ان تعلمه اننا يجب ان نسعي لفتح حدودنا وفق اتفاقيات مع دول الجوار

    ليستفيد شعبنا مش جاي انت بتعمل بوصايا الكيزان لتدمير جهود بناء

    الوطن الذي من اجله تحامل الشعب علي نفسه وترك امثالك يتوجدون

    في المجلس الرئاسي فما تستفزنا اكثر .

    ونجي للحاجه التانيه في خرمجتك 2

    بالامس القريب تم ضرب الشعب الذي خرج في مليونيه القضاء العادل

    كمطلب ثوري تم ضرب الشعب واطلاق الغاز المسيل للدموع عليه

    وهو يقوم بكل المطالب والمسيرات بسلميه سلميه سلميه فافهم

    كويس معني سلميه يعني مافي تغريب ولا تكسير ولا تعدي علي

    ايا كان او مكتسبات الدوله الانت وكميه الفرقاء المالين كتوفكم

    دبابير ونجوم ما قدرتوا تحافظوا عليها والبشير كان مشفلكم زي

    النعاج وعلمكم الفساد وقله الادب وعدم احترام الشعب فكنتوا مجرد

    ضباط وجنرالات فاسدين وصامتين للطاغيه الشعب البتفك فيهو بمبان

    ده الحررك وغيرك حتي تدخلوا القصر الجمهوري الان وقبلها ما

    كنت تدخل الا لتتلقي اوامر او سادي خدمه في شارع النيل عشان

    المخلوق الجاهل الكئيب الاسموا البشير ده يكون عازم ليهو لصوص
    .
    ليبيع لهم البلد انتهي✋

    تحذير امور الكيزان الوسخه دي ما تستمر فيها جيب ليك طبيب نفسي

    يؤهلك لتقبل ان تكون كائن بشري والا المزبله ستضمك قريبا .

    وكفي


    اعلام ق ح ت ضعيف جدا وغير مواكب ولا جماهيري ولا شعبي "المشورة الشعبية " اعلام غير مفتوح للتواصل مع الناس في الداخل والخارج كما هي الميديا في العالم اليوم
                  
|Articles |News |مقالات |بيانات

10-09-2019, 05:34 PM

الكيك
<aالكيك
تاريخ التسجيل: 11-26-2002
مجموع المشاركات: 20878

للتواصل معنا

FaceBook
تويتر Twitter
YouTube


Re: حمدوك في ابوظبى يلتزم باعلان اسم رئيس ا� (Re: adil amin)

    شكرا لكل من مر بى هنى
    اللقاء كان عبارة عن تفاعل بين الجماهير المتعطشة لرؤية حكومة التغيير واعضاء الحكومة الزائرين لابوظبى اول مرة
    ما لاحظته فى خطاب حمدوك هو لم يشر الى المجلس التشريعى الذى ننتظره بفارغ الصبر ليكون حاميا ومشرعا للعهد الجديد واتمنى ان يتكون من هذا الموقع موقع سودانيز اون لاين فهو البرلمان الاول الذى انطلقنا منه وبشرنا بالثورة من خلاله وعندما شب هؤلاء الشباب عن الطوق وجدوا توثيقا مهما لكل يوم فى حياة الاخوان المجرمين وثقنا لهم كل موقف وكل كلمة وكل خبر سىء واسوا وكل فعل سىء واسوا .
    نتواصل
                  
|Articles |News |مقالات |بيانات

10-13-2019, 07:12 PM

الكيك
<aالكيك
تاريخ التسجيل: 11-26-2002
مجموع المشاركات: 20878

للتواصل معنا

FaceBook
تويتر Twitter
YouTube


Re: حمدوك في ابوظبى يلتزم باعلان اسم رئيس ا� (Re: الكيك)

    ايضا لقاء الحكومة بجماهيرها كان ارتجاليا وان كان احسن من لقاء السعودية وعجزت السفارة عن انارة المنصة المظلمة ومن ثم توزيع الفرص واخطا المقدم عندما طالب الحضور بالتقدم نحو المنصة للسؤال عبر المايك الوحيد
    انفعال الحضور طغى على اشياء كثيرة كان يمكن ان تقال وحمدوك استطاع ان يمتص الحماس بقدراته الفائقة فى تطويع الكلمات واختصارها
    مدنى وجد استقبالا كبيرا وكانت كلماته تشبه الثورة واعجب الكثيرين فى تناوله لقضايا مختلفة تحدث عنها
    نتواصل
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de