|
Re: ♧ مَواهيم الجَميلَة و مُسْتَحيلَة £ (Re: الزبير بشير)
|
كيفك يا اصيل دائما تفوق حسن الظن العريض من العنوان كنت جاي ارشك قايلك متجني على ناس ام نخيل لكن آهو زي ما شايف لقيناك تنضح وردا ووعدا وتمني المهم، على قول قائلها خبرة دا طبعا انا كنت بعرفو شخصيا وهو على ما اعتقد كان حارس مرمي في دوري الداخليات ولا ثيردباك ما عارف وكان راكوبة العنقريب يخش وسط كرعينو كان عايز ليهو حارس مرمى لكرعينو ذاتو ههههه لما جينا برالمة اتلحني ليك عايز ينظمني وهو ما عارفني لما اتذكر قومة صلاة الصبح ديك في البرد اقرب ارتد من الاسلام في رقبتو ههههه آخر مرة قطعتو معاهو ناشف قلت ليهو شوف يا ابراهيم انا زول بغني والفنان بحب الجمال هسه عايزني اخلي قرمبوز الجبهة الديمقراطية والمستقلين ديل واجي اتعولق معاكم ياخ حكاية ابقى كوز شيلا من راسك اداها ضحكة وقال لي بخليك لكن تعاهدني انك ما تصوت للجبهة الديمقراطية في الانتخابات. هههه
| |
|
|
|
|
|
|
Re: ♧ مَواهيم الجَميلَة و مُسْتَحيلَة £ (Re: حمد عبد الغفار عمر)
|
من اجمل الحاجات حبيبنا العزيز د. شهاب فتح الرحمن الفنان وعازف الاورغن لما فاض بيهو الف اغنية ولحنها بتقول مقدمتها: خمسة سنين انساها كيف يا عمري قول لي كيف يا روحي قول لي كيف الاغنية دي بقت زي نشيد لن ننسى اياما مضت لن ننسى ذكراها نهاية السنة لازم ناس خامسة يغنوها في شمبات ومعاها بكى ونحيب واحيانا بدل يا عمري بقولو الاسم عدييييييل
ياخ ما بتعرف بروف فدوى علي طه تخليها تسمح لينا تاني نمشي نقرأ سنة سنتين شوية يا الحجروك عليا
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|