أيادي الوسيط الافريقي واضحة جدا في دفع الطرفين التوقيع علي ااااي حاجة وبس علشان يكون هناك إتفاق!! قوي إعلان الحرية والتغيير أبداً ما صريحين مع الناس وتحس بالدمغسة في شغلهم. قد يكون الاتفاق دا تقدم (بحسباتهم) في المفاوضات لكن ما بالضرورة يمثل (كل القواعد) للخلل الكبير والثقوب الواضحة في الاتفاق.
07-17-2019, 06:20 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
في مسودة الاتفاق المعروفة بين الناس قبل الاتفاق كان هنالك إستثناء لشخصية حزبية (واحدة) تتولي منصب وزاري. في الوثيقة الجديدة الموقع عليها بقوا اثنييين.. شفت كيف!؟؟
07-17-2019, 06:37 PM
عمر سعيد علي عمر سعيد علي
تاريخ التسجيل: 08-20-2015
مجموع المشاركات: 885
يا Mutasim تحياتي . . كان طلعنا بي مجلس وزراء مستقل في قراراتو وبعيد من تدخلات العساكر الامور بتكون تمام . . المجلس التشريعي وخرمجة الاحزاب دي ما بتلزمنا ولا زول في الشارع جايب خبره مافي . . احزاب الحرية والتغيير الكل يوم واحد طالع ليه بي بيان ديل كان ادوها ليهم 100% ياهو حالم . .
Quote: يا Mutasim تحياتي . . كان طلعنا بي مجلس وزراء مستقل في قراراتو وبعيد من تدخلات العساكر الامور بتكون تمام . . المجلس التشريعي وخرمجة الاحزاب دي ما بتلزمنا ولا زول في الشارع جايب خبره مافي . . احزاب الحرية والتغيير الكل يوم واحد طالع ليه بي بيان ديل كان ادوها ليهم 100% ياهو حالم . .
الاخ عمر سعيد سلام وتحايا.. مجلس وزراء (مستقل) فيه أثنين محزبين لَزَم مااافي. طالما حشرتهم في النص معناها أضعفت أداء المجلس حتي قبل ما يبدأ. ما بعني الجانب التنفيذي وتسيير العمل بقدرما أعني صبغة الوزارة بالحزبية وبالتالي (التمكين الاصغر) في كل وزارة مما يخلق فجوة وعدم ثقة مافي ااااي سبب ليه بين باقي الوزارات (غير المحزبة). المجلس التشريعي بتهمني النسبة (67%) لانه ببساطة دا حق الشارع قلعوا من العسكر وتم الاتفاق عليه وأنتهي. قصة ترجع تاني وتقول انا متمسك بيه لكن اتفقت مع العسكر علي أن (نتفق) علي النسب من جديد دا بعني إنك بتوزع في مكاسب الثورة هدايا وعطايا ساااكت وما معروف تقبل بنسبة كم بعدين. الملاحظ بعد أأأأأي جولة تفوض قوي إعلان الحرية تنحني اكثر واكثر واكثر وركوبها بقي سااااهل للعسكر لحدي ما يصل العسكر يوصلوا مرحلة (الاشباع) ويعافوا الركوب.. شاكر جدا عزيزي عمر علي المرور..
07-17-2019, 07:20 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: السلام عليكم شغل ترزية في الاستثناء للشخصيتين كان يكتبوا الدقير وحمدوك وانا موافقة 😂😂😂😂😹😹😹
دكتورتنا إخلاص سلام.. شخصيتين بين قوسين الدقير وحمدوك مثلا.. لو توزيع الحقائب الوزارية دي بقي علي إساس حزبي وقالوا من البداية أنه دا اللي ح يحصل مافي زول كان عارض. لكن لما تجي في نص الطريق وتقول لي أنا ح (أفتح) العلبة وآكل لي حبتين من (حلاوة) الثورة ساااكت كدا شَرْفَة مننا بين (الاخوان) اكيد ثقتي فيك ح تهتز وما ح أضمن أنك تاكل باقي العلبة كوووولو وتقولي دا ثمن السهر والمفاوضات الجادة والحمل الثقيل والتحمل واللقاءات الماراثونية وبشتنة كانت ورقاد واطه. (قوي) كلمة بتعني جمع قوات وبالتالي قصة القلع والقسمة ما غريبة عليهم.
07-17-2019, 07:50 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
من أول جلسة مفاوضات مع عساكر الكيزان وضح جلياً عدم تقدير قوي إعلان الحرية والتغيير المفاوض بأسم الثورة حجم وثقل المهمة. أنتهت أول جلسة للتفاوض - تقرأ التعارف - بين قحت والمجلس بأكبر إنتصار للجنة الأمنية للمؤتمر الوطني حددت فيها اللجنة أطر ومسارات عملية (المشاركة) التي طرحتها قوي الاعلان مجانا بل سمحت للجنة أيضا بالتسريع في عرض بضاعتهم (الدعم السريع) بتجفيف الشارع من أي منافس. المتابع لمسيرة الثورة علي الارض مقارنة بأداء قوي الاعلان في المفاوضات المفروضة قسرا يجد الفرق الكبير بين صوت الثورة العالي الجهور في الشارع لدي الثوار و المطالب بالمدنية والعدالة وصوت الثورة الخافت الخنوع داخل المكاتب وعلي طاولة المفاوضات عند ممثليها المطالب بالمشاركة وأرجاء العدالة.
07-17-2019, 08:20 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلامات معتصم نقطة اتنين حزبيين دي انا في الاول حترت فيها و برضو بديت افكر انها مفصلة على من؟ بعد اعادة التفكير جاني خاطر انها مقصودة لمقابلة وزيري الدفاع و الداخلية المعينين من قبل المجلس! بما ان التشريع في الفترة الاولى سيكون مناط باعضاء المجلسين وبما ان الكفاءات المفترضين ناس تكنوقراط وما ناس سياسة اتوقع انه العساكركانوا يراهنون على استمالة او ربما تخويف بعضهم لتمرير و تعطيل التشريعات! لذا وجود سياسيين أمر مهم و اتنين تحديدا لأن للمعجا مقعدين أقول ربما
و الله أعلم
07-17-2019, 09:11 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: سلامات معتصم نقطة اتنين حزبيين دي انا في الاول حترت فيها و برضو بديت افكر انها مفصلة على من؟ بعد اعادة التفكير جاني خاطر انها مقصودة لمقابلة وزيري الدفاع و الداخلية المعينين من قبل المجلس! بما ان التشريع في الفترة الاولى سيكون مناط باعضاء المجلسين وبما ان الكفاءات المفترضين ناس تكنوقراط وما ناس سياسة اتوقع انه العساكركانوا يراهنون على استمالة او ربما تخويف بعضهم لتمرير و تعطيل التشريعات! لذا وجود سياسيين أمر مهم و اتنين تحديدا لأن للمعجا مقعدين أقول ربما
كيفك يا محمد وسلامات.. والله يا محمد أنا واحد من الناس اطلاقا ما عندي إختيار كل التيم الوزراي من احزاب قحت. عارف ومتفهم جدا عظم المهمة اللي ح تقابل الشباب ديل بين مطرقة العسكر وسندان دولة الكيزان العميقة. بس تمليك الشارع والصراحة معاه مهمة يااااخ. بعدين إختيار ٢ من جملة المكونات الاساااااسا ما متفقة حتي علي مشيها في الشارع ح تختار ٢ منهم كيف؟! وشيل معاك زي ما سميتها انا فوق (التمكين الاصغر للحزب في الوزارة) والنظرة علي الانتخابات!! يعني ح تفتح علي نفسك (Can of Worms) انت في غني عنها.
07-17-2019, 08:23 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الاختلافات داخل قوي إعلان قوي الحرية والتغيير بين مكوناتها يعتبر صِحّي لتباين الرؤي بإختلاف المدارس طالما الهدف واحد. بعد التوقيع علي الوثيقة إنقسم ثوار الشارع لإختلاف المدارس بعد توحد الرؤي والهدف. بعد أطول إجتماع بين قوي الاعلان والعسكر منذ بداية (المفاوضات) تمخض الاجتماع فقط عن إضافة شخصية حزبية إخري لمجلس الوزراء للشخصية الاولي المستثنية في وثيقة ما قبل التوقيع. معقولة بس؟؟. الجواب معروف من عنوانه.. وقّع العسكر علي إضافة شخصية حزبية جديدة بعد ضمان عدم المساس بمطالبتهم بإعادة المناقشة في تغيير النسب في المجلس التشريعي. مكسب.
07-17-2019, 09:41 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
دي صورة من الوثيقة الدستورية (مسربة) وكان مفروض يتم التوقيع عليها. اولا دي الوثيقة الأثيوأفريقية و ولد لبات كان عاوز الناس يمضوا عليها غمتي وجاط في الصحفيين بعد التسريب وقال ح يكسر كاميراتهم!! الناس كلها تقريبا وقفت في حتة الحصانة لعساكر المجلس لكن انا بالنسبة لي إنفاذ القوانين لا تقل خطورة عنها. نقرأها: القوات المسلحة (و) الدعم السريع هي (مؤسسة) عسكرية حامية لوحدة الوطن وسيادته (تابعة) للقائد العام للقوات المسلحة و (خاضعة) للمجلس السيادي!!!!. في البداية (الواو) بين القوات المسلحة والدعم السريع عامل لي جِن!! هل دا معناها ح يفضل الدعم السريع برااااه كمنظومة أمنية؟ تابعيتهم للقائد العام وخضوعهم للسيادي.. يعني ما لوزارة الدفاع؟! طيب قووول تابعين لوزارة الدفاع لتبعية القائد العام للقوات المسلحة لوزير الدفاع طيب خضوعهم للمجلس السيادي ليه؟؟ هل وزير الدفاع ح يخضع للمجلس السيادي ما لمجلس الوزراء؟؟؟؟ كمان برضو الأمن الوطني (يخضع) للسلطة السيادية والتنفيذية. بالعربي معناها الامن بالنص نص للسيادي والوزراء (تقاطع) اداء هنا. الشرطة تابعة للجهاز التنفيذي ويعني الداخلية بمجلس الوزراء. شوفتوا اللخبطة دي كيف؟ وفوق دا وداك ح يتم تعين وزيري الدفاع والداخلية من مجلس العسكر!! بحسباتي المجلس السيادي ح يكون فيه خمسة عسكريين + وزيري الدفاع والداخلية تابعين ليهم مباشرة. خذ في الاعتبار رئاسة المجلس في دورته الاولي للعساكر!!!.. المدنية دي كيفنها؟؟
07-17-2019, 10:05 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
طبعا معروف و مفهوم أنه الوثيقة دي كانت عليها ملاحظات من مكونات قوي الحرية وقدمتها للوسيط وتمت مناقشتها في إجتماع أمس لكن ما وقِّع عليها لاخضاعها للمزيد من الدراسة. وطبعا في الاعتبار والبال فريق التفاوض من قوي الاعلان مع الحركات المسلحة في أديس ابابا ومحاولة التوفيق بالوصول لإتفاق بعد المراجعات والملاحظات علي الوثيقة. شوف هنا كمان صلاحيات السيادي: إعلان الحرب: لو عاينت في منو عنده القرار ح تلقاهم العساكر واللي عينوهم العساكر!!. حالة الطوارئ: يعلنها المجلس التشريعي اللي ح (يتكون لاحقا)!! يعني حالة الطوارئ برضو ح يعملوها ناس اعلان الحرب اللي هم العساكر!! سلطة العفو : ليهم حق العفو عن المدانيين حسب (الغانوووون)!! يعني ناس الدولة العميقة ورموزها أرقدوا قفا. مافي داعي تقوموا كتائبكم ومليشياتكم.. حقكم محفووووووظ. ---- ننتظر يوم الجمعة ونشوف اللي ح يتغير شنو شكرا لود البشري لايراد الوثيقة في بوست مجاور..
07-20-2019, 08:13 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
تم تأجيل الاجتماع بين قوي الاعلان وعسكر الجنجويد 72 ساعة من اليوم علي ان يتم مزاولة المناقشات يوم الثلاثاء القادم. تقريبا كل مفاوضي الحرية والتغيير موجودين الان في أديس ابابا مع الحركات المسلحة للتوافق علي الوثيقة الدستورية. كل انظارالسودانين الان علي أديس مع التمنيات بالوصول للإتفاق المرجو.
السيدة نوال محمد خير تحث قوي الحرية والحركات تحمل مسئولياتهم التاريخية والتوصل لاتفاق لصون والحفاظ علي تراب الوطن. لفتة رائعة من الوفدين بتبشيرها وتبشيرنا..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutasim Idris
عمر سعيد علي
محمد البشرى الخضر
فيس بوك
تويتر
انستقرام
يوتيوب
بنتيريست