|
|
|
 Re: يا مستنير قلنا الرووب، تعال راجع والمنبر � (Re: HAIDER ALZAIN)
|
| Quote: هسه لو ما بيضة بالمايونيز في زول بيحرد المنبر عشان معاوية الصايم كتب :) |
دا بالذات ما قاعد يكتب .. وح يسجل ليهو المنبر العام دا إنو جاب أسوأ حاجات ممكن نشوفها!!
أنا ذاتي واحدة من الحاجات الخلتني أقيف فترة طويلة وجود زي معاوية دا ..
وواحدة من أسوأ الحاجات الأنا عملتها في المنبر دا إني ساهمت في تسجيل الزول الاسمو معاوية دا!!
_
إزيك يا النزير وود الزين!
| |
  
|
|
|
|
|
|
|
 Re: يا مستنير قلنا الرووب، تعال راجع والمنبر � (Re: النذير حجازي)
|
النذير
ازيك
ياخ مطالبتك بعودة الزول ده بتكون ضغطته علينا شديد، خصوصا الدينا أعياد وداخلين على سنة جديدة وثورة في السودان.
ملحوظة هامة جدا
مهما اختلف الناس مع الأخ معاوية عبيد، فذلك لا يعني حرمانه من الكتابة هنا في المنبر.
يجب ان يبقى معاوية ويجب ان يكتب
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: النذير حجازي)
|
| Quote: غايتو لو في حاجة بترجعو برجعو كلامك وكلام الخواض، و ح يعمل حملة دفتردارية للإنتقام منك ومن الخواض. |
هههه
في نقدنا الرصين له، أثبتنا أنه "يبتذل" كل شيئ بما في ذلك الاستنارة نفسها.
وهو مدّعٍ للأدب، جاهل له، ومتزلّف للمبدعين والمثقفين، حتى لو وصل الأمر حدّ "حمل الإبريق" هههه
ولا يستحق التعاطف معه.
فحضرة الدكتور لم يقلْ كلمة شكر واحدة للذين تعاطفوا معه، بما في ذلك الاستاذة "نور تاور" رغم انه اشبعها سخرية ولؤماً واستهزاءً وتجريحاً.
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: النذير حجازي)
|
Quote: وواحدة من أسوأ الحاجات الأنا عملتها في المنبر دا إني ساهمت في تسجيل الزول الاسمو معاوية دا!!
|
يعني انت بتمن عليهو بإنك ساهمتا في تسجلو في المنبر دا
حسستني انك سجلتو في الامم المتحدة
معاوية الصائم اختلف او اتفق بعض الناس حوله يظل هو معاوية المناضل الراكز
الذي لم تلين عزيمته في مناهضة هذا النظام من تلاتين سنة
و قد تأثرت اسرته سلباَ لمواقفه ضد النظام
فماذا كان دورك انت و قتها ايها اللافاشكري؟
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: خضر الطيب)
|
| Quote: سلام يا حبيبنا الخواض، المسامح كريم |
نعم المسامح كريم..
ولا أحد يرفض التسامح وفضيلة الغفران،،
وفي نفس الوقت انا ما عندي مشكلة مع "ساديته" التي يمارسها على الناس في أن يمارسها علي ، فقد ألقمته أحجارا جعلته يغادر هذا المكان بفلايت وقطايع منقطعة الاوصال والنظير ههههه
وبالمناسبه هو كتب بوست اعتذار وقبلت اعتذاره،
بل وبادرته بإعطائه رقم تليفوني للتواصل،
وعد أبوبكر بالاتصال بي أمام الملأ الاسفيري،
ولم يفِ بوعده، ولم يعتذر عن الاتصال.
هل هو خجلان؟؟
ندمان؟
مضطرب؟؟؟
لا أعرف.
عموما هو متقلّب المزاج، ولا يمكن الثقة فيه:
كنت عنده أحد أقطاب المنبر الاربعة،
وفي لحظة اسفيرية هوائية "مسح بي الأرض" ادبيا ًههههههه
مرحبا به مرة أخرى "ساديا" كان أو مستفيدا من تجاربه المتعثرة :
لافرق...
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: osama elkhawad)
|
أبوبكر عنده "أسطورة " أو "وهم" بأن العبدلله "أسامة الخواض"،
هو الأكثر تأثيراً في المنبر العام كما يستنتج من اسطورته.
ولذلك فهو الذي يحدّد شرعية وجود الاعضاء بحسب رضائي عنهم او هجومي عليهم !!!،
بحسب وهمه الاسفيري المتأصّل.
طالبته بالدليل، فكبّ زوغة نكراء..
وطالما أنّ رأسه مليئة بهذه الاسطورة الاسفيرية،
فهو لم يتحمّل هجائي له ،
وسخريتي منه في بوستين،
فانصرف بعد "نزْع الشرعية الاسفيريه عنه"
هههههههههههه
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: الزبير بشير)
|
سلام يا حلوين بدون فرز، وشكرا لكم لإثراء الپوست
كتب الخواض:
| Quote: ومتزلّف للمبدعين والمثقفين، حتى لو وصل الأمر حدّ "حمل الإبريق" هههه |
الكلام دا خطير يا الخواض، يعني كدا نفهم إنو أي زول بتداخل ومعجب بپوستاتك بأنه متزلف؟!
تعرف يا خواض معظم الأعضاء يعزفون من دخول بوستات الكتاب المشهورين علشان الناس ما تقول عليهم كسارين تلج، في ناس عندها عقدة من الحتة دي، الاقتباس الفوق دا لو كان جاء من المستنير ممكن نقبله، لكن يجئ منك يا الخواض يعني نفهم إني بحب پوستاتك وپوستات البرنس، معناتها أنا متزلف لكم؟!
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: اخلاص عبدالرحمن المشرف)
|
Quote:
أشك يا خضر في كلامك دا
معظم الكلام عن النضال كذب وللاستهلاك |
يا أبوبكر حمدأ لله على سلامة الرجوع
لا حقيقي بنات معاوية تعرضن للكثير من المعاناة بسبب
مواقفهم والتي هي لا تنفصل عن الحالة النضالية العامة التي
ضخها فيهم معاوية.. ولا يمكن أن ننظر كحالات معزولة
وما إختيار نضالي من الإسرة لمقاومة كل أشكال القهر
الذي قننه النظام السابق
الجابك يجيب حبيبنا الدكتور المشرف الرجل الصميم والأصيل
| |
|
|
|
|
|
|
|
|
 Re: يا مستنير قلنا الرووب، تعال راجع والمنبر � (Re: النذير حجازي)
|
تحياتي يا النذير .. والمستنير أبو بكر ..
معليش يخوانا في البداية أنا كنت فاكر المستنير المقصود عمكـ وهبة .. الشهير بعبد الوهاب الحاج!!
لكن اكتشفت إنو في مستنير جديد .. على الأقل الاتنين متفقين على حاجة واحدة .. وأظن مفهومة بكلامي الفوق داكـ
فـ .. حباب المستنير الجديد والقديم .. وحباب النذير همسلف ..
وبرضو تحية للأستاذ الخواض
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: محمد عبد الماجد الصايم)
|
| Quote: وأظن مفهومة بكلامي الفوق داك |
مافي اي زول فاهم أي حاجة يا عمك غير انك مافاهم انه البلد بي هنا كلها ولعت لمبات وشلعت استنارات وناشطين ومناضلين وانت لسه في عهد وهبة وبوكرامي وعييييك ..
انت فاتتك الآلام الثورية للكنداك المناضل الحازم ابوحسين ..
فاتتك عودة قريمان وإختفاء الطوربيد والغامه
المهم مرحب بعودة المستنير ثم هروبه الجـــبان مرة أخرى ..؛
أول مرة اشوف لي زول يجري يخلي المكان عشان معاوية الصائم شتمه..
يخسي على هييك إستنارة :)
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: HAIDER ALZAIN)
|
زمان البورد دا كان فيهو جنس تضامانات يا مستنير الغفلة تحيرك..
يعني هسه زي دلعك وجلعك دا وجُبنك الغير مبرر زمان كان أحلى حاجة.. بس زول يقول الحقو المستنير شتموهو
وعييييييك البوستات ما تديك الدرب .. أكان تلقى الورد كلو ارفعوا ايديكم عن المستنير..
البيطري يمثلني ... كلو ولا بكور... ابكر الذي احببت الخ الخ الخ
للأسف لكن كللو انتهي ودي سنة الحياة
يعني هسه تجي تتمنتش وتتصايص وتقول فلان قال لي وعلان عفصني وشنو ما عارف زول يشتغل بيك غير اولى القربى واولياء الدم مافي..
ان لقيت ليك زول خلااس داير يساعدك وينصرك ورتيان ليك بيقول ليك يازول ما تشيل حيلك وتسند طولك
فدحين يازول يشيل حيلك واملأ هدومك ..
عاين هادي الحنكشة والمياعة واحساسي وشعوري وما عارف ايه ما بتوخس ..
تتوخس !!
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: النذير حجازي)
|
تحياتي أبو بكر .. يا مستنير
بوست الفريج يا دوب فهمت الموضوع فيهو .. جيت أعلق لقيتو مقفول بي طبلة!!
المشكلة الواحد بقى ما عارف يقول شنو زاتو ..
أقول ليكـ كامل التضامن؟ وح تستفيد شنو من التضامن دا مع شخص لا يتورع عن أي شيء!!
المهم .. بتخيل لي نملة ماشي كويس!!
بلا تضامن بلا قزاز فاضي!!
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: أبوبكر عباس)
|
والله يا مستنير عوقتني بتسميتي: مُعاوية!!
أنا محمد الصايم يا زول هوي!!
ثم سعيدين جدا ياخ بهذه المعرفة الإسفيرية رغم الاتهامات الواضحة على آخركـ!!
____
معليش برضو للأخوان الهنا حرفنا ليهم البوست شوية .. لكن قلت أخت ليك الملاحظة
دي هنا بدل ما أرسلا ليكـ في بوست المونساتية!!
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: mohmmed said ahmed)
|
ليه الناس سايبا موضوع البوست
وتهاجم وتسىء لمعاوية الصايم
ما من الاخلاق مهاجمه شخص غايب عن المنبر
يا سيد أحمد.. الأخلاق دي لحم راس اهم حاجة فيها اللسان... عشان كدا لما تجي تتكلم عنها شوف اول حاجة اللسان دا خرج من الملافظ سعد... ووين كنت حضرتك لما كان موجود و اتعدى حدود الأدب بامحترم
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: ABUHUSSEIN)
|
الدم قصاد الدم
اعلان موت سفيري
بصفتي التي أسبغها علي ابوبقر المستطير باعتباري شخصية اسفيرية نافذة اعلن خروج جنازته السادية المحافظة على نمط شخصية الهالك
وأعلن ايضا ما من سبب شخصي لتتلحي له سوى ساديته ومصه لمشاعر خلق الله
فالاستهزاء. مقابل الاستهزاء ومع ذلك باب التوبة مفتوح لدراكولا
صدر بتاريخ اليوم
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: osama elkhawad)
|
في اعترافات لساديست المنبر اعلن شغفه في الطفولة والشباب بالمكاواة
وكان ان نقل زبدة خبرته في الاستمتاع بتجريح الناس الى الاسفير لينشر مايكروبات وجراثيم ساديته
ولهذا فهو لا يستحق التعاطف والإشفاق وبلغ به انعدام الحياء درجة تصنيف نفسه الامارة بالأذى مبدعا وسط تهليل جوقة من المغفلين المفلسين أدبياً
ربما أبدو وفق رأي لصديق حكيم كمن يستخدم دبابة لقتل ذبابة كما في حالة هذا ال.......راء الاسفيري
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: osama elkhawad)
|
وفق مصادر مقربة من النافق المقبور ابوبقر المستطير ان جثته المتعفنة في مقبرة المنبر العام الاسفيرية نشرت من باب استرداد مصداقيته المنعدمة مناقصة لشراء مخزن لإخفاء مديحه لاسامة الخواض
وقد نشرت المناقصة في الجريدة التي تصدرها جثث مقبرة المنبر العام
ويشارك في تحرير الجريدة اليومية نخبة من الخور
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: أبوبكر عباس)
|
رجعت البوست وكنت غادرته في وقت مبكر
شكراً لأنك أرجعتني عشان أقرأ رائعة عبد القادر سبيل
تحفة والله ومتماسكة وواضحة لي كقارئ غير متخصص على عكس قصيدة الخواض الما فهمتها ودي مشكلتي أنا بالتأكيد لأنه برضو ما بفهم الفن السريالي ولا اسمو شنو داك
قصيدة سبيل ذكرتني بنزار قباني لمن يطعم شعره بالعامية زي (كرمال هذا الوجه والعينين قد زارنا الربيع هذا العام مرتين) أو اختصار العبارات بمخالفة قواعد اللغة العربية زي (تلك العيناها .. أصفى من ماء الخلجانْ تلك الشفتاها.. أشهى من زهر الرمانْ ) الأبيات دي أول حاجة جات في بالي بعد قريت بنت اللذين
نعم يا خواض رجعت واستمتعت بي سبيل بس ما لقيت اجابتك القلتها
| Quote: ثم قرّرت مواجهتها بسلاح اللغة والنقد، وهو سلاح يفتقده المحاكيان ، فتمّ إخراسهما. |
حضرت الفيلم من البداية للنهاية ما لاقاني الاخراس القلتو دة
بعدين هل انت هنا بتستخدم سلاح اللغة والنقد؟! لا لا انت بقيت لاعب حواري زينا واحد وحوارك مع ابوبكر ما فيه أي نقد ولا لغة هو مكاواة زي مكاواته
كنت مسكين أيام الهنيهات يا خواض وما عملت أي حركة .. إلا إذا كنت معتبر دة اليوم الأسود الداسي ليه السكين
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: محمد البشرى الخضر)
|
ربنا بقول في محكم تنزيله (يا أيها الذين آمنوا كونوا قوامين لله شهداء بالقسط ولا يجرمنكم شنئان قوم على ألا تعدلوا)
يعني يا النذير والخواض مهما إختلفنا مع أبوبكر تبقى حقيقة إنه كاتب مبدع
حقيقة يجب أن نعترف بها
صحيح إنه زول عنده آراء في غالب الأحوال مخالفة ولا نتفق معها
لكن دا شيء وأن نسلبه من صفاته الجميلة شيء آخر
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: محمد البشرى الخضر)
|
ربنا بقول في محكم تنزيله (يا أيها الذين آمنوا كونوا قوامين لله شهداء بالقسط ولا يجرمنكم شنئان قوم على ألا تعدلوا)
يعني يا النذير والخواض مهما إختلفنا مع أبوبكر تبقى حقيقة إنه كاتب مبدع
حقيقة يجب أن نعترف بها
صحيح إنه زول عنده آراء في غالب الأحوال مخالفة ولا نتفق معها
لكن دا شيء وأن نسلبه من صفاته الجميلة شيء آخر
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: عبد الصمد محمد)
|
مشكلتي يا صمد، مع خواض الدم في الإبداع دا،
هو ما قادر يعترف بالحقيقة دي! وبغير مني غيرة مرضية!
مرات أقول أقلل مستوى الإبداع الكتابي، عشان الله يحفظني من العين والحسد.
النذير صاحبي، لكن هو قانون للصحوبية وهو أن لا تصله مني نيران صديقة،
مشكلتي لمان أجي المنتدى
بتكون ميوس الإبداع مسيطرة علي ولا بعرف صديق من عدو
أنا الغنى لي وردي:
إتّا ما بتعرف صليحك من عدوك
استغلوا الطيبة في اسمك وباسم العواطف هجموك
انت يا الناير وعند الله جزاك
الله ياخد ليك حقوقك ويجازي الظلموك
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: أبوبكر عباس)
|
سلام يا ود البشرى وصمد، شوفوا دي كتابتو امبارح، سخرية واستهزاء كالعادة، وبعدين بقى بمسك جوز جوز 😁😁، هسى ابو الريش دا ذنبو شنو؟! 😁😁:
Quote:
تعجبني دائماً التحاليل السياسية النذير والمدعو الريش |
هسى عليك الله يا ود البشرى الما عندو صليح منو؟!
الود دا شكلو معجب بالحمبرة التاني ملاسي وبقلد فيهو
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: محمد البشرى الخضر)
|
يا نذّة،
يا أخي، في موضوع التحاليل السياسية فيما يخص ضربة ترامب ورد الفعل،
كلنا لبسنا ولّ أكلنا السلطانية
والموضوع كلو طلع ضنب ككو
أنا سخرت من تحليلك وتمنيك ومن أبو الريش ومن روحي،
الأمور كلها عبثية
العزاء لأسر ضحايا الطائرة الأوكرانية
فشنو؟
لسّ المنبر بدوني مسيخ
وين صاحبك دكتور الغفلة المناضل الكبير؟
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: امير بوب)
|
يا ود البشرى، مشكلتي في الدنيا إني مبدئي، العنوان بخليهو زي ما هو، لكن لولا المبدئية لسميته الظراطون، ويكون مشجع لبكري لحذفه، الواحد فيهم يجي يرمي ظرطة ويمشي.
يا أبو لمبة يا تعبان، داك ما كان تحليل سياسي كان أمنية والأمنية ممكن تكون أي حاجة ليت لي جناحان أحاكي الطير، شوفت كيف؟ ممكن الزول يتمنى يطير، وكلو وارد في الأمنية.
كسرة: هههه قاصد دكتور مرتضى عبد الجليل؟!
والله يادوب حفرت قبرك بيدك، د. مرتضى دا ما بتقدر عليهو
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: النذير حجازي)
|
يا نذير،
ما تناكف ساكت
المنتدى دا من غيري لا يسوى بعرة بعير،
حسناً فعلت بتحنيسي
وهسّ لو قلت لي أقيف، سوف أتوقف.
وسيكون ذلك أقسى من العقوبات الأمريكية على إيران
أتحداك قول لي أقيف
دكتور الغفلة مناضل دي سي دا
قرأ كمبوني ولّ دا طب الفرع؟
الإملاء بتاعتو بطالة
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: osama elkhawad)
|
حوارات نقدية، اخوانية شعرية، اتحاد كتاب، روابط مبدعين، أدوات كتابة، قواميس شعر، حداثة والمسميات دي كلها ولى زمنها.
تكون واقف الملجة وبتفتش ليك في كيس، تجيك خاطرة من وحي الملجة، تقعد في بنبر ست الفول المدمس وتكتبها لصديق في الواتساب أو الفيس أو في المنتدى دا،
وتطلع أدب أكتر من أدب الندوات والحوارات
وتدخل بيوت الناس ورواكيبم زي الشعاع بدون إذن أو صيوانات أو مكبرات صوت.
يلعن دين أبو عركي ذاتو.
أصحى يا بريش، خليك مع الزمن يا قول رمضان زايد،
هسّ لو جبت سيرة مبارأة أهلي مدني بهراري، غير كبر
في زول بفهمني؟
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: أبوبكر عباس)
|
تعرف يا مستطير حين نعى علي اصحاب كالنذير وغيره استخدام دبابة لقتل ذبابة كما في حالتك وهو استخدام مجازي فإنني انطلق من قاعدة رسخها عندي الملاكم مايك تايسون وهي ان تحترم خصمك .
ولذلك حين ظهرت علامات الصدام معك قرات تقريبا كل ماكتبته بنفس الاهتمام ألدي اقرأ به بورخيس مثلا.
ولذلك حين سألتك مرارا عن غياب رابطة الجزيرة في اعمالك الكاملة والذي لم تجب عليه بل وتتجنبه ، ويسبب لك الكوابيس الليلية،كنت ارمي الى التنبيه الى تشوه وقصور في تجربتك مع الكتابة فهي تفتقر الى التاسيس العميق وهذا واضح من اعتزازك بانك لا تقرا المقالات الطويلة وبالتالي الكتب.
كما ان هنالك انفصام واضح في علاقتك بالمثقفين وعوام الاسفير،فأنت احيانا تحتفي بالمثقفين الكبار مثل هاشم الحسن وأحيانا كما عادة الكثير من البورجوازية الصغيرة الاسفيرية ترتدي قناع لاعتقالي عند اللزوم، لكن من الواضح انك تحتقر عوام الاسافير وقد أعلنت كثيرا انك افهم واحد في المنبر وشتمتهم جميعا.
ليس بوسعك المشاركة في اَي حوار ببن مبدعين لانك تعاني من هشاشة عظام فكرية وابداعية لكراهيتك للكتب ولذلك ترجع للمجموعة الاسفيرية التي تمقتها لانها لا تعرف كوعها من بوعها الأدبي ولذلك يمكنك ان تتفسح فيهم رغم كراهيتك الأصيلة لهم.
تلك المجموعة لها مأرب هو القرقرة والفرفشة وليست معنية بقضايا السرد الأدبي ولن تستفيد منهم ،
فهم عابرون في كلام عابر،مد.
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: محمد عبد الماجد الصايم)
|
أهلا ودالبشرى
العبدالله في قضايا الفيزياء الكونية لو طرحت في المنبر مثلا سيكون عابرا في كلام عابر لجهلي بها.
اما المبضع المستطير فالمنبر حافل بأقواله المأثورة في ذم أهله جميعا وتفضيل نفسه على الاسفيريين ولن يستطيع نكران ذلك الا اذا أراد ان يضيف شاهدا جديدا على انعدام مصداقيته.
لاحظوا كذبه وزوغانه من سبب غياب رابطة الجزيرة و تهافت رده وهذا متوقع منه،
لكنني لن أتخلى عن نصيحة مايك تايسون باحترام الخصم حتى ولو بدا المشهد كما هو الان تراجيديا:
استخدام دبابة في قتل ذبابة !!!
| |
|
|
|
|
|
|
|
|
|
Re: يا مستنير قلنا الرووب، تعال راجع والمنبر � (Re: النذير حجازي)
|
يا سلام عليك وعليهم
سيسجل التاريخ هذه المناطحة :) التاريخية كما سجل لمفكري عصر النهضة والصالونات الأدبية (البورد بتاع زمان)
من يوقظ البورد كما أيقظ سقراط أثينا ؟
نحن طبعا من العوام الذين قال فيهم السفسطائيون أعداء سقراط " فكِّروا فقط بما يُبقيكُم على قيد الحياة؛ دعوا العلم والمعرفة لنا؛ ونحن نُعلِّمَكُم مقابل أجرٍ بمقدار ما تحتاجونه من معرفة تُبْقيكُم أحياءً".
ما تحرمونا بالله .. واجركم على الله
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
النذير حجازي
HAIDER ALZAIN
محمد عبد الماجد الصايم
علي عبدالوهاب عثمان
osama elkhawad
Deng
خضر الطيب
Sayed Ibrahim
الزبير بشير
أبوبكر عباس
mohmmed said ahmed
عمر نملة
MOHAMMED ELSHEIKH
ABUHUSSEIN
محمد البشرى الخضر
حيدر حسن ميرغني
فيس بوك
تويتر
انستقرام
يوتيوب
بنتيريست