|
|
|
 Re: يا مدني عباس كلامك ماصاح (Re: عبدالحفيظ ابوسن)
|
حكومة الولاية ابتدعت من زمن الحكومة البائدة قرار
عيش مدعوم وعيش تجاري
مدعوم بي 1ج وتجاري زي ماذكرت فوق
تجاري يعني الفرن يشتري دقيقو من السوق ماعندو حصة
دي خلقت سوق اسود مبرر
ناس المدعوم يشيلو الشوال يقسمو علي اتنين ويتباع تجاري
المدعوم وزنه 50 كيلو والتجاري 25 كيلو
لجان المقاومة قبضو كم فرن
الاشكالية سعرين لسلعة واحدة
الحل
إلزام الافران بالعمل وفق الضوابط او سحب الترخيص
سعر واحد بس
| |
 
|
|
|
|
|
|
|
|
Re: يا مدني عباس كلامك ماصاح (Re: عبدالحفيظ ابوسن)
|
سلام ود ابسن
خالنا بابكر الطيب الله يرحمه كان في كوستي النقل النهري وساكن في البيوت السكة حديد
في فرن جوة البيت من زمن الانجليز عمتنا زينب متعها الله بالعافية بتسوي العيش فيه وبيتو
كان مضيفة ما بعدم من ضيوف جايين ماشين
ياخ قصة يخصصوا مبنى كامل لفرن ويتكسب من ورا سلعة زي دي غلط كبير في السعودية
المخابز تلقاها جوة البقالة مخصصين ليها مكان صغير .. والافغان والباكستان الفرن جوة المطعم
والهنود في بيوتهم الفرن ده شيء اساسي ..
السؤال ليه الناس ما تستلم الدقيق المدعوم مباشرة ان شاء الله بنظام البطاقة وتخبز جوة البيت
ولا تسوي قراصة لمن يرغب ؟
عندنا في البيت الوالدة بتسوي العيش في مكنة زي الطوة وليها غطاء من فوق لينا زمن مرتاحين
من قصة فرن وصف رغيف .. صراحة محتاجين تغيير كتير من المفاهيم في حياتنا قبل نغير
حكوماتنا
| |
|
|
|
|
|
|
|
|
 Re: يا مدني عباس كلامك ماصاح (Re: يوسف الطيب احمد إدريس)
|
| Quote: من قصة فرن وصف رغيف .. صراحة محتاجين تغيير كتير من المفاهيم في حياتنا قبل نغير حكوماتنا |
نحنا شعب كسول يستمتع بالجلوس على بنابر ستات وقرايه الجرايد وكلام السياسه والكوره واخر شى يهمو الانتاج .
والاهم نمط غذائنا واعتمادنا على الخبز فى الطعام فى حين امكانيه تقليل استهلاك الخبز فى الطعام
ودا ماكلام غريب كتير من دول العالم سواء متقدمه او حتى عالم تالت زى افريقيا موائد الطعام نسبه الخبز فيها اقل مفارنه بموائدنا.
امر تانى الخبزاعتماد على القمح .ولانستفيد من دقيق انواع الحبوب الاخرى كبدائل تسهم فى حل المشكله.
| |
|
|
|
|
|
|
|
|
|
Re: يا مدني عباس كلامك ماصاح (Re: Asim Ali)
|
اخونا عاصم
كفيت ووفيت فعلا في حاجات كتيرة لازم تتغير
والله مزعلني قصة العيش المسوين منها قبة لا الحكومة لا الشعب قادر
يلقى ليها حل ... يعجبني في الشعوب الشرق الآسيوية ابداعهم في ايجاد
حلول لمشاكل الحياة اليومية بدون ما يلجأ للحكومة ولا يستكين للشكية
| |
|
|
|
|
|
|
|
|
|
Re: يا مدني عباس كلامك ماصاح (Re: يوسف الطيب احمد إدريس)
|
سلام عليكم
صُنع الخبز في البيت فكرة جميلة، لكن مكلفة بالنسبة لذوي الدخل المحدود.
هم يشترون الخبز من المخابز لأنه أرخص أو طلاب بعيدين عن أُسرهم.
شخصياً بعمل معظم الخبز في البيت بسبب حساسية الغلوتين الموجود في
القمح، من شوية عملت عيش من دقيق الذرة و عملت سندوتشات و الحمدلله.
يمكن صنع الخبز من كل أنواع الحبوب أو البقوليات أو البطاطس و الكوسة.
| |
|
|
|
|
|
|
|
|
|
Re: يا مدني عباس كلامك ماصاح (Re: نعمات عماد)
|
| Quote: هم يشترون الخبز من المخابز لأنه أرخص أو طلاب بعيدين عن أُسرهم |
دكتورة نعمات كيفك
بحسبة بسيطة اعتقد انه صناعة الخبز في البيت اقل تكلفة .. مثلا كيلو الدقيق بعمل كم رغيفة
والرغيفة الواحدة بكم في المخبز
اتذكر مرة خدحسبناها لقيناها اقل وافضل صحيا من الافران البتعمل البوتاسيوم وغيرها من المحسنات
نتمنى نشر ثقافة عمل العيش في المجتمع
| |
|
|
|
|
|
|
|
|
|
Re: يا مدني عباس كلامك ماصاح (Re: نعمات عماد)
|
Quote: صُنع الخبز في البيت فكرة جميلة، لكن مكلفة بالنسبة لذوي الدخل المحدود.
هم يشترون الخبز من المخابز لأنه أرخص أو طلاب بعيدين عن أُسرهم.
شخصياً بعمل معظم الخبز في البيت بسبب حساسية الغلوتين الموجود في
القمح، من شوية عملت عيش من دقيق الذرة و عملت سندوتشات و الحمدلله.
يمكن صنع الخبز من كل أنواع الحبوب أو البقوليات أو البطاطس و الكوسة.
|
سلام عليكم
كلام مهم وياريت لوتقدمى بوست عن تجربك اضافه الى شرح البدائل الممكنه لدقيق القمح لو امكن عسى الناس تستفيد وتتداول ثقافه جديده فى نمط الغذاء
| |
|
|
|
|
|
|
|
|
|
Re: يا مدني عباس كلامك ماصاح (Re: عبدالحفيظ ابوسن)
|
حبيبنا ابو سن
تحياتي
السعر البتتكلم عنو دا ما حصر على ولاية النيل
الابيض فقط
دا موجود في كل السودان
الجزيرة الشمالية كسلا البحر الاحمر دارفور كردفان
كلها
سعر الرغيف فيها تجاوزت الجنيه الواحد
و ٣ رغيفات ب ١٠ جنيه دي عادي جدا
الرقابة الموجودة في الخرطوم ما موجودة في غيرها
حكوماتنا السابقة و الحالية كأنها مركزة على سكان الخرطوم
عشان كدة لا غرابة انو الناس كلها تهاجر الخرطوم
دكتورة نعمات
تحياتي
اضم صوتي
يا ريت لو تعمل بوست لعمل الرغيف بالبدايل الموجودة
في البيت بعيدا عن جشع المخابز و سكون الحكومة
| |
|
|
|
|
|
|
|
|
|
Re: يا مدني عباس كلامك ماصاح (Re: عبدالحفيظ ابوسن)
|
حبيبنا ابو سن
تحياتي
السعر البتتكلم عنو دا ما حصر على ولاية النيل
الابيض فقط
دا موجود في كل السودان
الجزيرة الشمالية كسلا البحر الاحمر دارفور كردفان
كلها
سعر الرغيف فيها تجاوزت الجنيه الواحد
و ٣ رغيفات ب ١٠ جنيه دي عادي جدا
الرقابة الموجودة في الخرطوم ما موجودة في غيرها
حكوماتنا السابقة و الحالية كأنها مركزة على سكان الخرطوم
عشان كدة لا غرابة انو الناس كلها تهاجر الخرطوم
دكتورة نعمات
تحياتي
اضم صوتي
يا ريت لو تعمل بوست لعمل الرغيف بالبدايل الموجودة
في البيت بعيدا عن جشع المخابز و سكون الحكومة
| |
|
|
|
|
|
|
|
|
|
Re: يا مدني عباس كلامك ماصاح (Re: Asim Ali)
|
| Quote: تكلفة 20عيشة كم تقريبا |
التكلفة على نوع الخبز :
كيلو دقيق + ملعقتين خميرة فورية+ ملعقة سكر
+ ملعقتين زيت + نص ملعقة صغيرة ملح +ماء
الفرن قد يكون غاز أو كهرباء أو فحم، لذا يمكن
القول التكلفة تقريباً = 70جنيه
أي القطعة بي 3 و شوية.
و ممكن ان تكلف أكتر بعد إضافة حليب و بيض و
فانيليا و زبدة أو زيت اكتر.
| |
|
|
|
|
|
|
|
|
|
Re: يا مدني عباس كلامك ماصاح (Re: نعمات عماد)
|
للاسف بعض الناس سخروا من قضية الخبز وعابوا علينا السخط والاحتجاج ويجب ان ندعم ونصبر
قضية الخبز قضية اساسية جدا هنا في السودان
نحن كثقافة وسلوك عام لا نصنع الخبز بل نشتريه من المخابز . وصبرنا ولكن لا نر خطوات جادة في تقليل الضائقة المعيشية ولا نر فرجا ولا خطوات عملية . بل نري تماهيا وتتبعا لخطوات الحكم البائد الاقتصادية حذو النعل بالنعل
بل وتعينات كوادر الحكم البائد في السلطة الحالية
لست ضد حمدوك ولكن ضد بعض السياسات الاقتصادية التي تضعنا لقمة سائغة في فم البنك الدولة وبقايا النظام السابق
كما ذكرت العزيزة نعمات فتكلفة 20 رغيفة 70ج مع التذكير كيلو الدقيق سعره 60 ج وهو مايكفي لتصنيع 20 عيشة
ان كنت عاجز عن شراء 20 عيشة ب 40 ج فأنا عن تصنيعه ب 70 ج او اكثر اعجز
نحن داخل السودان شخوص من لحم ودم وليس افكار او نظريات ولا جمادات
ولا نأكل افكارا ولا نظريات
| |
|
|
|
|
|
|
|
|
|
Re: يا مدني عباس كلامك ماصاح (Re: عبدالحفيظ ابوسن)
|
ابسن كيف حالك
Quote: للاسف بعض الناس سخروا من قضية الخبز وعابوا علينا السخط والاحتجاج ويجب ان ندعم ونصبر
قضية الخبز قضية اساسية جدا هنا في السودان
نحن كثقافة وسلوك عام لا نصنع الخبز بل نشتريه من المخابز . وصبرنا ولكن لا نر خطوات جادة في تقليل الضائقة المعيشية ولا نر فرجا ولا خطوات عملية . بل نري تماهيا وتتبعا لخطوات الحكم البائد الاقتصادية حذو النعل بالنعل |
انا اول من تداخل معاك في البوست وجبت مقترح صناعة الخبز في البيت.. كان قصدي حل من الحلول اللي ممكن الناس توجدها عشان تتفرغ لبقية هموم الحياة اليومية
لم طرحته طرحته عن تجربة شخصية للوالدة في البيت
لينا قريب سنتين او تلاتة بنسوي فيه البيت
مدري وين السخرية في الكلام ده ؟
بالنسبة لمقترح الاخت نعمات يختلف عن اللي بنسويه نحن
في البيت .. العيش العادي دقيق ملح خميرة لحد ما يفور
ويقطعوه وينخبز والحمد لله تكلفته اقل ..
طريقة الاخت نعمات فيها سكر وبيض واضافات تانية
وتكلمت انو الناس تفتش عن بدائل لكتير من مشكلات
الحياة اليومية بس
عموما اعتذر اذا اصابك شيء وواضح من كلامك انك زعلان
وسلام
| |
|
|
|
|
|
|
|
|
|
Re: يا مدني عباس كلامك ماصاح (Re: يوسف الطيب احمد إدريس)
|
لا يا يوسف
ماقاصد اي زول في البوست دي
لكني متابع موضوع الرغيف دة في كم محل وكم موقع
اقصد في عموم السايبر وليس في هذا البوست
تصنيع الرغيف في البيت ممتاز وثقافة يجب ان تسود
حاولت افهم فرن عاصم بعملو كيف وغلبني ياريت لو ينزلو لينا كتابة
بعملو من شنو وكيف
عجبني جدا
| |
|
|
|
|
|
|
|
|
|
Re: يا مدني عباس كلامك ماصاح (Re: عبدالحفيظ ابوسن)
|
سلام عليكم
ابسن معليش و لا يهمك، أحياناً بتكون التعليقات نتاج عدم إلمام
بتفاصيل المشكلة فقط.
آن شاءالله الأمور ح تتحسن بعد ما نعدي الوقت الصعب جداً القدامنا.
يا أخ الطيب
نحن في البيت عندنا حساسية من دقيق القمح، لكن بعمل عيش من دقيق
الذرة و الرز و الذرة الشامي و كمان كتير من الحلويات.
لكن بنفس وصفة والدتكم العزيزة الله يديها العافية، ممكن
يتعمل خبز عربي و على الطوة فوق الغاز أو الفحم.
https://youtu.be/mbOLaYjmCyEhttps://youtu.be/mbOLaYjmCyE
السادة الخبراء بالله ساعدونا في الفيديو دا.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالحفيظ ابوسن
علاء سيداحمد
يوسف الطيب احمد إدريس
Asim Ali
نعمات عماد
فيس بوك
تويتر
انستقرام
يوتيوب
بنتيريست