|
|
|
 Re: يا سلام أجمل خبر .. البلابل في ليلة نوبية ف� (Re: علي عبدالوهاب عثمان)
|
كمان أبننا أمجد صابر ..
خطير هذا الشاب في ترديد أغاني وردي النوبية
وأجملها مسونكيل هي من أجمل أغاني وردي أو قل واحدة من أجمل الالحان النوبية على الاطلاق
وقبل أن الاغنية من كلمات وردي والحانة
ولكن وردي كان متواضع جداً لم يذكر يوماً أنه ألف أغنية
وأمجد صابر له جمهور كثيف وسط أهلنا وإمتدادنا للشمال النوبة المصريين
شاهدت له حفل في اسوان (( أمجد بالغ )) وأطرب هؤلاء الاحباب حتى الثمالة
| |
 
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Osman Musa)
|
والله لمان اسمع اغنية مسونكيل دي طوالي بقلب هوبة .
=================
يا سلام حبيبنا عثمان .. بالنوبي (اسمان ) بدون ( ع ، ث )
تعرف الحبيب عثمان .. جمال الألحان النوبية تأتي من هذه نظرية التي طبقتها على أسمك وكما هو أسم جدي رحمه الله
عثمان .. اسمان ..
اللغة النوبية خالية من الحروف الصعبة ( ع ، ح ، خ ، ض، ظ ، ذ ، ز ، ص ، ث .. إلخ )
عشان كده .. تأتي الاغنية سهلة جداً في اللحن والاداء ..
يعني مثلاً ( أخوي عثمان ) بالنوبية ( اسمان أمبس esman ambes) تأتي هكذا ملحنة
وخفيفة على اللسان ..
اسمان امبس .. مسونكيل مبالغة ترجمتها بالعربي ( حد الزين ) الاسم مطابق لإسم والدة
الشاعر الجميل اسماعيل ود حد الزين .. رحمها الله ( توافق غريب بين وردي واسماعيل ) رحمهم الله
شكراً الحبيب عثمان .. تحياتي وشكراً على المداخلة ..
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: علي عبدالوهاب عثمان)
|
عمنا واستاذنا علي عبد الوهاب...
ما بعرف اللغة النوبية ،،ولا أقول الرطانة لاننا لمن نقول الرطانة، أميرة النوبية بتشاكلنا وتقول النوبية لغة وليست رطانة ،،،لأن الرطانة معناها الكلام المامفهوم ...والنوبية الآن لها حروف وتكتب ...وهي دائما تدندن وتغني مسونكيل ،،،ونحن نعزف ليها ...بعرف لحنها تمام وحافظنها ....
كوستاوي فعلا خبير في نقل الصور والفيديوهات المنبر...وقبل كده طلبنا منه يشرح لينا كيف ننقل الصور والفيديو من الجوال المنبر، ،،لكنه ما جاب خبرنا ..
والتحية له من هنا
والنحيات النواضر للبلابل...الأيقونات الفنية للسودان ...
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: امتثال عبدالله)
|
الابنة امتثال .. والتحية للاميرات ..
نعم لفظ رطانة صعبة شوية .. ولكن هي في اللاشعور .. تأتي هكذا بدون قصد
من أجل ذلك نتقبلها ..
التحية للبلابل .. صوت وأداء رغم مرور الزمن والعمر نفس الاداء وجمال الصوت
مبالغة بالنوبية .. خاصة عندما يلبسن ( الجرجار ) النوبي رمزية حلفا .. يا سلام
قمة الوفاء والانتماء .. ونموذج لحب الاديم ..
شكراً الابنة امتثال .. التحية خاصة للاميرات ..
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: يحي قباني)
|
الاخت إمتثال...تحياتي
الأخت هادية صديقة لي منذ زمن طويل في واشنطن و السودان، هي و زوجها الصديق المرحوم البروفيسور عبد العزيز بطران ....و لقد صورت لها عشرات الفيديوهات...
وضعت لها في هذا البوست غنيتين:
اللبسأل ما بتوه ، ثم قطار الشوق...
و السرد طويل عن البلابل....لكن دايرين نسمع من الآخرين.
لك كل المحبة و الإحترام
| |
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: ولياب)
|
يا سلام يا علي وعلى الخبر الجميل
صوت ونغم البلابل يأخذنا إلى زمن بعيد لأرض بعيدة حيث نشأ الاباء والأجداد .
أرجو أن تفيدنا بموعد الليلة .
==================
ولياب أننقا .. مسكاقمي ..
يا سلام يا ولياب .. مناحة حلفا ( بابور كوسونا ) بصوت البلابل
مبالغة لا تستطيع حبس الدموع .. صوت وشجن وأداء من القلب كأنهن يبكين حلفا
سوف أسأل عن المواعيد .. يا ريت الزي يكون بالجرجار
المشكلة يا ولياب ناس قناة الشمالية عندما ناقصين كفاءات
تحياتي ولياب أننقا
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Kostawi)
|
تحياتي علي امبس،،في اغنية نوبية غناها وردي في حفل
زواج نوبي،،،الاغنية كانت عندي في شريط كاسيت سنة ١٩٨١ بس قدر
ما فتشت الشريط مالقيثو،،الاغنية بتقول كرولي نقولي،،،تاراويدو سلي..الخ،،انا قوقلتها ولقيتها بس
ناقصة كتير،،،داير اهل المروة يشوفوها لي.الحمريطي انت برا لانه طلبتها منك قبل كدا و ما اشتغلت بي😡
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Osman Awoda)
|
،الاغنية بتقول كرولي نقولي،،،تاراويدو سلي..الخ،،انا قوقلتها ولقيتها بس
============================
أووو ... عووضة ... أمبس
صدقني يا عووضة أنت زول ذواق جداً جداً
خاصة هذه الاغنية خصوصية جداً للمتعة الاستماع
الاغنية فيها معاني عالية جداً ولحن سماعي ( لا صفقة لا رقيص ) فقط متعة الاستماع
الحبيب عووضة في مقطع في هذه الاغنية مبالغة .. وردي يصف المحبوبة :
إرتا دوش كقلييه
إربمو سودلييه
يصف المحبوبة أنها البنت البكر في البيت .. ولاحظنا أن الاخت كبيرة في البيت كانت بمثابة الام
طيبة وإيثار تتنازل عن حقوقها للصغار .. وقال وردي وأنها تطلق الكلام هكذا على عواهنه بكل نقاء
يا سلام يا عووضة الاغنية دي بالمناسبة من كلمات وردي رغم أنه لا يصرح بذلك
يا ريت واحد من الشباب يجيب الاغنية ..
ذواق يا عووضة أمبس
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: يحي قباني)
|
هادية و امال شرفونا كتير في كندا و تربطني صداقة حميمة معهم ...
لم اتشرف بمقابلة حياة ... فهي لا تحب الاسفار و لم التقيها ...
=========================
حبيبنا الرائع الموثق قباني ..
نعم الحبيب قباني في واجدة فيهن ( طيبة ) وعلى نياتها يمكن تكون ( حياة )
حبيبنا قباني ..
حلقة عن البلابل لحسين خوجلي ( كرهته ) إلى اليوم
أولا : قال أن بشير عباس طيع عمره مع البلابل .. ( كلام مقرف )
ثانياً : مرة استضاف البلابل وسأل عن سبب أغنية ( اب عاج أخوي ) للنميري
هادية بررت الموضوع وقالت ( نحن عمرنا كان تقريباً 17 سنة ما بنعرف السياسة )
أما حياة فطلبت الانسحاب من الحلقة .. شعر حسين بالذنب وبدأ يحول الحكاية إلى مزاح وضحك
كلما أري هذا الدبدوب أتذكر ذلك اللقاء
لا أعرف لماذا كان يحاول تهشيم صورة البلابل
يمهل ولا يهمل .. اليوم ربنا ابتلاه بحجز الاموال والمطاردة ..
الحبيب قباني ..
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: ابو جهينة)
|
جاورنا البلابل في عطبرة الحبيبة
جمعتنا مع الجيرة ايضا صداقة مع اخوانهم نادر وبركات ورافقتهم لوادي حلفا في زواج عمهم
ايام
يا ريت لو واحد سجل لينا الحفل كاملا
والتحية للبلابل والاخ امجد صابر
===================
الحبيب أيوجهينة أديبنا الرائع ..
شكراً على الطلة المباركة
يا سلام على الذكريات الجميلة .. وعطبرة المدينة الملهمة
الحبيب أبوجهينة .. البلابل مبالغة بالاغاني النوبية
رغم تنشئة المدن ولكن اجادة تامة للغة النوبية ..
شكرا كثير على الاثراء يا رائع
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Ahmed Yassin)
|
حتكون ليلة تاريخية ضاربة في الاعماق
خاصة مع صوت هادية (الأطو) المصقول بالدراسة والتدريب وتمارين الصوت
بالمناسبة بيت البلابل كان ملاصق لدار اتحاد الفنانين من الناحية الغربية في شارع النيل ..
وردي كان بعمل بروفاته في الحتة دي
=================
الحبيب أحمد .. أمبس .. مودتي
يا سلام الحبيب أمبس دائما ما تقودنا إلى التأصيل العلمي وتزداد ثقتنا في الفنان
هادية مبالغة في الغناء النوبي .. متمكنة جداً من اللغة النوبية
تغني النوبية من دواخلها
شكرا الفنان أحمد امبس
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Osman Awoda)
|
الاخ علي عبدالوهاب
ما رايت اهل المنبر اتفقوا على محبة احد غيرك
وبكل اسف نحن كنوز انفصلنا عن جذورنا بسبب هجرة اهلنا من شمال السودان او جنوب مصر لنصرة المهدي في الجزيرة ابا في بداية دعوته بحسب ان المهدي ابنهم
فأتينا نحن الجيل الثالث لا نعرف عن عرقنا إلا الاسم
لهذا اجتهد الاخ الدكتور عبدالعظيم مرغني من ابناء قرية الكنوز بالنيل الابيض واصدر كتابا تحت اسم
( الكنوز ... الجذور والتاريخ والثقافة )
وفي كتابه هذا صنف الكنوز كقبيلة نوبية ترجع جذورها للعرب
اما البلابل فقد استمعنا اليهم في شبابنا وشبابهم ومثلوا نقطة بداية ونقلة نوعية في الفن اسوداني
ولو لا ان عامل السن يمنعنا أن نرتاد حفلات الغناء لحبونا لهن
لك ودي ومحبتي وتقديري اخي علي
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Ali Alkanzi)
|
حبيبنا الجميل الكنزي .. مودتي
يكفي أنك تحمل هذا الانتماء الجميل ( كنزي ) الى اليوم
الكنوز مركزهم وملكهم كان في دنقلا العجوز
واللغة النوبية الدنقلاوية في مصر يطلقون عليها اللغة ( الكنزية )
ما في عائلة أو فرد خاصة في امتداد دنقلا إلا وعروقة دماء كنزية
ناس بيض وحلوين وفي جزيرتنا ( كنزمار ) ساقية كنزي
يكفي ابراهيم عوض رحمه الله ..
تحياتي حبيبنا الكنزي ..
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: محمد مجيدو)
|
الراقى مجيدو
لم تكتب توقيعك المعتاد ( عالم بطالة) هههههههههه
كأنما تقول لكل مقام مقال .. و تزيد البوست جمالا على جمال شيخنا على و ضيوفه الكرام
... دائما العودة للجذور او التحدث عنه و نبشه لا ياتى الا بكل خير و جميل
النوبيون حريصون على تعلم اولادهم لغتهم الاصلية
و باقى اللغات من عربى لانجليزى ...... تعلمناه فرضا فى المدارس
حتى لو سكنا فى الاسكا لازم الاولاد يعرفوا لغتهم
...و البلابل و غيرهم نموذج توارث الاجيال ...
شيخ على يفيض جمالا و عندما يكتب يكتسى المنبر حلة زاهية و تترقرق الاحاسيس و المشاعر
الف شكر تاج الراس الحبيب
و لكم جميعا مودتى و تقديرى
...... كوستاوى الحبيب برضو ما جاب خبرنا يا امتثال هههههههههه
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: محمد بدرالدين)
|
كأنما تقول لكل مقام مقال .. و تزيد البوست جمالا على جمال شيخنا على و ضيوفه الكرام
... دائما العودة للجذور او التحدث عنه و نبشه لا ياتى الا بكل خير و جميل
النوبيون حريصون على تعلم اولادهم لغتهم الاصلية
===============
ميمد أننقا .. مسكاقمي ..
البلابل وخاصة في بابور كوسونا .. عالم فوق وصف البشر
لا يستطيع أحد ان يمسك دموعه ..
بالنسبة للنوبية ( نحن طبعاً الجيل داك .. فقط تحدث بالنوبية داخل البيت )
تلقائياً الابناء يلتقطوا اللغة ..
أنا أتخيل أن عمنا طلسم ووالدة البلابل حديثهم كان بالنوبية وكمان المهم الضيوف من البلد
والحبوبة والخالات والعمات .. يبدو لي أن بيت طلسم كان زي الجمعية ..
رحمه الله ..
بعدين كمان بنات عز رغم ذلك محتفظين بالنوبية بإتقان كمان
شكراً ميمد على الحضور الجميل ..
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: محمد مجيدو)
|
ترجمة لمطلع أغنية بابوركوسونا ، منقول مع بعض التعديلات التي رأيت أن أعدلها .
سررت حينما قالوا أني ذاهب لأسوان
شعرت بالسعادة لأن في طريقي سأرى مدينتي الجميلة .
تلك التي جعلتنا في حيرة من أمرنا !
فقمت مسرعا لكي أسافر ومع العجلة نسيت أن أودع أمي
حتى أجد مكاناً في الباخرة .
ركبنا البوستا (الباخرة) التي كانت تعمل منذ القدم
تلك الباخرة الجميلة التي كانت تاثرنا كثيرا بمنظرها
الجميل وبحارتها بلبساهم الأبيض الناصع .
وكان مثار أعجابنا تلك الاضاءة حينما كنا في أشكيت .
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: علي عبدالوهاب عثمان)
|
Quote: الراقى مجيدو
لم تكتب توقيعك المعتاد ( عالم بطالة) هههههههههه
كأنما تقول لكل مقام مقال .. و تزيد البوست جمالا على جمال شيخنا على و ضيوفه الكرام |
الحبيب .. ابو حميد .. يا أصلي ..
ماخد بال حضرتك ... هههه
فعلا كنت على عجل وداخل اجتماع
ولم اكتب توقيعي المعتاد ..
كما ان لمقام القامة وردي فيه رهبة وتقدير ,,
وبالمناسبة وردي غنى لي في عرسي سنة 1981
كما لم يغني من قبل .. وبدون اجر ... (رحمه الله بواسع رحمته )
بس دفعت اجر العازفين (1500ح ) تقاسموها فيما بينهم ..
ولعلمك كان اجر محمد الامين وكمال ترباس في نفس الفترة 750ج ..
اه .... من داك زمن جميل ...
تحياتي يا برنس ....
عاالم بطاالـــــــــــــــــــــــــة ,,
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Ali Alkanzi)
|
,
وبالمناسبة وردي غنى لي في عرسي سنة 1981
كما لم يغني من قبل .. وبدون اجر ... (رحمه الله بواسع رحمته )
بس دفعت اجر العازفين (1500ح ) تقاسموها فيما بينهم ..
=====================
مجيدو أننقا ..
يا سلام والله انت أسعد واحد .. وردي في حفلة زواجك ..
ذكرى لا تنسى
عازفين وردي .. قريبي حمزة سعيد بدري ( آخيراً كان قائد اوركسترا التلفزيون )
ما كان يفارق وردي حتى حضر معاه في البلد عندنا سنة 1968..
تقريباً حمزة كان سكان في الحلة الجديدة ( ما عارف الخرطوم رغم أنني زرت أبوه عمنا سعيد بدري )
حكي لي .. الله يرحمه .. قال جاء ابن البادية رحمه الله .. يسأل عنه في البيت
طلع أبوه قال ليه ( حمزة ما يمشي إلا مع وردي عشان قروشو تمام انتو ناس طماعين وعثمان حسين معاكم )
ابوه كان عمنا سعيد بدري مع البدريات ( ناس خليل فرح بدري ) الله يرحمهم جميعاً
قال الحكاية بقت نكتة وسط الفنانين ..
شكراً مجيدو الجميل .. ده زواج تاريخي الله يحفظك والعائلة ..
مودتي ووو أشري ..
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: علي عبدالوهاب عثمان)
|
علي انقا مسكاقرو
شهادتي مجروحة في البلابل.....اخوة وصداقة وزمالة بطول العمر.....لا استطيع ان اوفيهن حقهن....
| Quote: ما استغرب له أجادة البلابل للنوبية رغم النشأة في بيئة عاصمية |
هادية بالذات تربية حبوبات وعاشت طفولتها في وادي حلفا ومن هنا كانت إجادة اللغة النوبية...
إن شاء الله يوم شكرهم ما يجي...
| |
|
|
|
|
|
|
|
|
|
Re: يا سلام أجمل خبر .. البلابل في ليلة نوبية ف� (Re: Farida Mahgoub)
|
هادية بالذات تربية حبوبات وعاشت طفولتها في وادي حلفا ومن هنا كانت إجادة اللغة النوبية..
========================
ووو فريدة أنسي .. مسكاقمي ..
يا سلام يا فريدة على المعلومة الرائعة ..
هادية نموذج للانسانة النوبية ..
عرفت السبب السر في تعابير وجهها عندما تغني ( بابور كوسونا )
الله يحفظهن .. يا رب
شكرا فريدة انسي .. مع التحية
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
علي عبدالوهاب عثمان
Osman Musa
Kostawi
Ahmed Yassin
ابو جهينة
يحي قباني
ولياب
Osman Awoda
محمد عبد الله الحسين
محمد مجيدو
Ali Alkanzi
محمد بدرالدين
Farida Mahgoub
محمد محمد قاضي
فيس بوك
تويتر
انستقرام
يوتيوب
بنتيريست