انا غايتو بي صراحة ما حصل دخلت مسجد السيد سنهوري في حياتي لكن سامع عن خطورة النشالين فيه . ومتاكد جدا انو اخطر نشالين في العالم موجودين بعد مسجد سنهوري في سوق ليبيا . نهاية مربع ستة . والله يا جماعة انا لفيت في اكتر المدن والعواصم المزدحمة بي المطاوي والكلابيش والامواس والختف والبلطجة والخناقات في العالم . ما لاقيت اسرع وامكر من نشالين سوق ليبيا . وزي ماقال منشول . ديل ينشلوك وتلفونك ضارب . هههههه
اخونا علي عبدالوهاب سلامات نعم في لمح البصر لطشوا حذاء الزعيم . لكن الحرامي طلع حرامي لطيف . الحرامي قال ده اكتر حذاء كسح في شوارع المظاهرات . ده حذاء مكانو متحف السودان . وضح انو سارق التلفون وسارق الحذاء كلهم سباب راكبين راس .
09-01-2019, 01:52 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
والله يا اخ علي الشاب ده عليه التكل وعليه الكتير من احلام الناس . وبرضو الشباب ناس الزعيم عمر والزعيم خالد سلك و الزعيم عصام كيمياء . بالمناسبة يا اخ علي عصام كيمياء ده هو الشاب الاشعل شرارة الثورة في عطبرة وهو دايما بكون اول المعتقلين واخر المفكوكين . عصام استاذ كيمياء في عطبرة الثانوية . رجل يبحث عن الحقوق . لا المناصب ولا الشهرة ولا المال . زول ابو بنات واخو بنات . واخو اخوان . عيبو لا داير يكون وزير لا مدير . وهو احرف زول في حماية المدنيين وحماية المتاريس . يوم شفتو يبكي بعد فض كولمبيا ما كنت فاكر انو تاني حيبكي قدر داك البكاء البكاهو يوم رحيل حميد . والله الواحد فرحان انو عندنا نسخ كتيرة من الشباب اصحاب الهمم . مدنيااااااا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة