اندي المكسيكي الامريكي المربرب والمترهل كان مزهل في الجولة السابعة وحير المتابعين بي مطر اللكمات المتتالية في حلبة الميدسون اسكوير . كيف دي جات ؟ كيف اندي قدر يستعيد وعيو بعد الترتحة من الخطافية القوية من البطل جوشوا . علي كل حال نزال التحدي التاني حيكون في السعودية يوم 7 شهر 12 من هناك العالم حيتابع العراك العجيب .
11-22-2019, 05:47 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عان يا معاوية اندى حرقتو رمية الهووك الاولانية حقت جوشواء ولو لاحظتو قمز بعد مسافة مدروخ وكان بعاين لي جوشواء بي عين فاحصة . بس بعد قمز من الوقعة وجمع عزيمو كان ند خطير للبطل جوشواء . وكالو بي السبعة ضربات الكانت سبب ربكة جوشواء وهزيمتو الحزينة .
11-23-2019, 01:47 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الاسبانيول في المكسيك وسنترال وثاوث اميركا كلهم متحمسين ومشجعين لي اندى الملقب بي الجاموس الهايج . لكن في الضلفة التانية من القارة العجوز يقيف البطل جوشواء الملقب بي مطر الحجارة . علي كل حال السعودية حتكون مشتاقة للنزالات القوية وطبعا معروف انو السعودية ليها زمن من العراكات التاريخية . واخر نزال في السعودية كان نزال عنتره بن شداد
11-24-2019, 01:25 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
انت عارف يا معاوية المخضرم اورتيز ده طريقتو زي مايك تايسون لو ما خبت الخصم في الجولتين الاولانيات تاني ما بكون بي نفس حماسو وقوتو اول ما ينزل . مسكين اورتيز تاني ما عندو فرصة .
يا عثمان جشوا عالمياً مشهور أكتر من أندي إضافة لإنوا مسلم ؤ حا يلعب في السعودية، لكن أنا شايف أندي أحرف وأذكى من جشوا إضافة للسرعة، مشكلتو إنو قصيّر ؤ مترهل ...
11-30-2019, 05:12 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
بس يا معاوية انا شايف في نزال السعودية جوشواء ،مستعد اكتر وحيدقليك اندى دق العيش . حيكيلو خطافية من قولة تيت . ده تحليل سمعتو من حلبة ملاكمة الدافوري في التن افينيو .
12-05-2019, 12:59 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا معاوية قوم باقي لي الحرابة ساعة بس . قوم حضر ليك دجاجة ليها عكفات مع شوية فول سوداني وانتظر الكماج . جوشواء ح يجندل ليك المربرب ده في الجولة السابعة بي خطافيتين واحدة في الضلعة و التانية في الفك الاسفل . بعدها ح يطيح المربرب ويرقد هامد زي لوح الابلكاش . وح يقبض جوشواء في النزال ما يعادل 80 مليون دولار كاش في شنطة عليها سيفين ونخلة .
12-08-2019, 02:45 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
الاحباب عثمان ومعاوية .. تحيااتي شكراً عثمان من البوست دا بدأت اهتم بالمباراة وأتابع اخبارها جوشوا يذكرنا بكلاي .. وجد تعاطف كبير جداً من السعوديين وحتى السعوديات لهن حضور =================================== منقول من موقع الاخبار السعودي :
استعاد ملاكم الوزن الثقيل البريطاني أنطوني جوشوا لقبه العالمي بفوزه على الأمريكي من أصول مكسيكية أندي رويز بالنقاط في نزال "الدرعية" التاريخي بالعاصمة السعودية الرياض فجر الأحد. ونجح جوشوا في استعادة ألقاب الرابطة العالمية للملاكمة WBA، ومنظمة الملاكمة العالمية WBO، والاتحاد الدولي للملاكمة IBF، والتي فقدها في يونيو الماضي بنيويورك بخسارته أمام رويز بالضربة القاضية خلال الجولة السابعة. وبعد المواجهة تحدث جوشوا إلى معجبيه، وشكر كل الجماهير التي حضرت العرض، قائلا في بداية حديثه:أريد أن أشكر الله .. وأريد أن أقول بسم الله. وأعرب جوشوا عن توقه للمزيد من النزالات والانتصارات. وسيحصل البريطاني جوشوا حامل ذهبية أولمبياد لندن 2012، على نحو 60 مليون جنيه إسترليني أي ما يعادل 79 مليون دولار، قيمة جوائز مباراة الإعادة فيما سيتحصل رويزعلى 13 مليونا. وأقيمت المباراة الثأرية في حلبة تتسع لـ15 ألف شخص، تم بناؤها لاستضافة الحدث في الدرعية على مشارف العاصمة الرياض.
====================== السعودية آخر انفتاح .. 79 مليون دولار .. يستاهل ( لاحظ بدأ بالشكر لله .. وباسم الله ))
12-08-2019, 04:58 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20505
سلامات شاعرنا الخواض عندنا يا اسامة اخ شاب سوداني كان من الابطال في كمال الاجسام عرفنا عليه اخونا البطل هاشم بدر الدين . الشاب ده خلاف اشغالو ك مرافق حراسة لي بعض المشاهير في نيويورك . كان برضو بيشتغل مع بطل العالم في الوزن التقيل في ديك الايام . الملاكم هولوفيلد . يوم في التدريق كان ماسك لي هولوفيلد الكيس حق الملاكمة الكبير داك . قامت في لكمة جات في صباع الشاب السوداني الماسك لي هولوفيلد الكيس . وصباع الشاب انكسر . كع . تصدق يا اسامة هولوفيلد دفع لي علاج الشاب ده 400 الف دولار حق العملية . اها صاحبك الشلوفتو انشرطت ده اظن محتاجلو مليون للعلاج لكن هو الحيدفع . طبعا الملاكم في الحلبة الوحيد الممكن يكتل ويمرق ساكت .
12-08-2019, 04:59 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الاخ معاوية سلامات انا كان متوقع جوشواء ينبلو بي خطافية في الجولة السابعة . لكن ما عارف الحصل شنو . جوشواء في السابعة كان شوية ليزي . احتمال جوشواء كان داير يجرجرو لاحدي ال 12 وهو عارف زيادة وزن اندى ممكن تقلل من سرعتو بعد الجولة ال 12 . .
12-08-2019, 09:31 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا علي عبدالوهاب سلامات اكيد البارح قضيت سهرة ممتعة مع عراك الابطال شايف الابطال والمنظمين طلعوا من السعودية بي انطباع جيد واندهشوا من شكل الحلبة ومتابعة الشعب السعودي للملاكمة
12-09-2019, 01:52 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخينا استاذ محمد ع طه الملك سلامات والف شكر علي السهر معانا في حلبة الرياض . كان تحدي و حاجة كانت مهمة و جميلة من المنظمين انهم استطاعوا نقل النزال الضخم والمكلف لي السعودية . والنزال ده اكيد ح يفتح باب عريض للرياضة ورهانات الرياضة .
12-12-2019, 02:07 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20505
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
معاوية المدير
علي عبدالوهاب عثمان
osama elkhawad
محمد على طه الملك
فيس بوك
تويتر
انستقرام
يوتيوب
بنتيريست