العار البشير، لايزال متشبث بالسلطة، بي غباء عجيب، شغل رعب جواهو او خوف، المنحط، هاري في السروال!
هناك من يقول انو مجبر علي البقاء في السلطة بواسطة مجرمي الكيزان من امثال المجرم علي عثمان، ولكن لو كان فعلا عسكري، ومن باب الوفاء لشرف الجندية، كان يواجه مصيرو بي ثبات ايا كان بالاستقالة، فورا او تسليم روحو لي سلطة البديل، ولكنو جبان، الرعديد! تامل مدي صلابة، وجسارة هؤلاء الشباب، احفاد اسود كرري!!
04-07-2019, 05:41 PM
Bashasha Bashasha
تاريخ التسجيل: 10-08-2003
مجموع المشاركات: 25803
تخيل كيف يكون الحال، قارئي العزيز لوماكنتا سوداني، او انت بتشوف بي عيونك الحاصل في الشريط اعلاه، من افراد، عزل، في مواجهة نظام ودويلة مجرمة بي اكملا، ماشين بالكرعين مين عارف لي كم من الاميال!
الشريط اعلاه، فيهو دروس، اتمني القي الوكت لرصد الدروس المستقاة من هذه الملحمة!!
شئ عجيب!!
04-07-2019, 05:46 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
الحاجة الكويسة ناس الجيش بقوا ما شغالين بالقيادة ولا بأوامر ولا يحزنون وبي كده تاتشرات الأمن تاني حتختفي لأنهم أجبن مما الناس بتتصور المسألة فكت والشعب لقى نصير ، خلاص سلمية مافي ، دوشكا بدوشكا
04-07-2019, 08:13 PM
Bashasha Bashasha
تاريخ التسجيل: 10-08-2003
مجموع المشاركات: 25803
احمد الشايقي يامراحب تقديري هذا الوعي اللي جا مطفر الان في ساعه الصفر فجاه كده او من دون مقدمات قناعتي انو مركوز زى في أعماق أعماقنا كسودانين!
نعم جا دافر من جوا الجوا أو مش من برا كما قد نتصور!
نعم كدا، رجعنا لي اصلنا بمعني التراكم التاريخي لي ارثنا الحضاري!
قصدي الفرد منا او من دون مايعي سلوكو وقبلها طريقه تفكيرو في اللاوعي هو ذبده وعصاره التراكم التاريخي لاسلوب حياه هذا الفرد وقبلها مجتمعو منذ أن ظهر علي سطح هذا الكوكب كبشر بعينه ينتمي إلي مجموعه بشريه بعينها عاشت منذ ظهورها بأسلوب محدد مستمد من عمليه التواؤم والتاقلم مع البيه المحليه الوجدت فيها هذه المجموعة والي تاريخه!
نعم ما تراكم بتاع سنين او حتي قرون بعينها وانما تراكم عشرات الاف السنين في حالتنا كسودانيبن! لهذا الوافد والعابر من مؤثرات خارجيه يظل تاثيرو محدود سطحي أو عابر لانو مساله ارقام! نعم 600 سنه تراكم تاريخي لي ثقافه وافده اجنبيه لايمكن تستبدل وتحتل مكان مكون محلي اصيل ممتد بطول وعرض مئات الالوف من السنين! هذا مستحيل! بالنسبه لي الاسلام السياسي بمثل ذبده، عصاره، خبوب تراش ال600 سنه الماضيه أو مش فقط ال30 أو 50 سنه الماضيه!!
حارجع واواصل النقطه دي عشان توضح كيف احنا فعلا أمام تحول تاريخي بشهاده دور النساء في هذا الحراك البمثلن 60% من الاقدام في الشارع الان وهذا فريد بحق ولم يتكرر في اي ثوره حتي الآن في التاريخ المعاصر!
04-07-2019, 06:49 PM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
يا بشاشا بالله شوف المصور الفيديو وبعلق على الأحداث لمن ظهر الجيش ... شوف كمية الفرح الفي صوتو ... ياخي الجيوش لو بتحفظ أمن وسلامة الشعب والبلد والله يحترموهم ويقدروهم أكتر من الرئيس البيحكم ... ربنا يرد الجيش للوطن والمواطنين ... سقطت تب ...
04-07-2019, 10:38 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: الحاجة الكويسة ناس الجيش بقوا ما شغالين بالقيادة ولا بأوامر ولا يحزنون
سلام ياترهاقا،
نعم هي ذات الثورة داخل الجيش نفسو، وهذا طبيعي لانهم وكما اعاد تاكيدو المجرم علي عثمان، هم قافلين علي اذلامم داخل الجيش، ولكن واضح ده كلو كلو حينتهي بتطهير الجيش في الاخر، وهذا مفصلي!
ده كلو بوضح كيف احنا كشعب مواجهين بي كم هائل من جبال المصاعب!
ولكن بقدر ما كان التحدي معجز، التحول الناجم عن نصرنا
حيكون خــــــــــــــرافي،
حيكون تـــــــــــاريخي،
حيكون جــــــــــــــذري،
نعم هذه ثورة حـــــــضارية، بمعني المفردة لدك حصون الانقلاب الحضاري بل قلعو من الجـــــذور، باذنه تعالي!
مرة اخري، راجع الجسارة اللي في الشريط اعلاه!
الوعي هنا، غريزي، نعم لدني، نعم الي ميكانيكي، لانو اصيل، وهو المعني بالمركوز في اعماقنا!
بالعدم في شنو بخلي فرد عادي يواجه الموت بمثل هكذا اصرار؟
راجعو كلام المذيع في الشريط اعلاه!
نعم واعي جدا انو ممكن يفقد حياتو في اي لحظة، ورقم هذا لم يتراجع مع انو ده، في المظاهرات السلمية هو القاعدة!!
في اي مظاهرة الطبيعي في المواقف الزي دي الناس تتفرق لتعيد الترتيب من مدخل اخر او وكت اخر!
نعم ما من العادة كفرد اعزل تروح دافر هكذا في وجه الرصاص، وانت اعزل، لانو كده، نهايتك حتمية، كفرد!!
وريت الشريط لي واحد عابر طريق، مكان اقامتي مابعرف افريقيا كلها كقارة دعك من السودان، موقعا وين، اها انقر قال شنو؟
قال لي بعدما استفسر من الحاصل:
these are nuts!!!0
معليش ما حاترجم الجملة اعلاه!!!
04-08-2019, 04:12 AM
Bashasha Bashasha
تاريخ التسجيل: 10-08-2003
مجموع المشاركات: 25803
اى مكان اى موقع يا بشاشة الوجه و الخير معاك متابعةً مناصرةً موازرةً فرحين بما تحمله لنا من اخبار و مستبشرين بالغد المشرق الواعد اللهم انصرنا و فك اسر الوطن صباحات البشر و السعد و يوم جميل و نصر قادم
04-08-2019, 02:14 PM
Bashasha Bashasha
تاريخ التسجيل: 10-08-2003
مجموع المشاركات: 25803
الان ثبت ان المجرم علي عثمان شخصيا ومليشياته هم القامو بكل مافي الاشرطة اعلاه!!
نعم دولة، داخل دولة!
ايضا ثبت اشاعة هروب البشير مرسلة من جهاز امن القتلة لتفريق الشارع.
المجرم البشير محركو الاساسي في كل مايفعل هو الرعب، هو الخوف لانو فعلا اجبن من مشي علي قدمين في السودان، او ماصدفة كيف المخلوق ده، المعروف من فتح ب"الكضاب" لايشبهنا في كثير من صفاتو الشخصية، هذا الفاسد، ولهذا ماعندو اي مانع البلد كلها تولع، لو هذا بينجيه من الهلاك، كما يتصور هو، مصيرو، لانو واعي جدا جدا بي جرائمو هذا الفاسد!
البهمني كسوداني، كيف مخلوق بهذه المواصفات مشروع الاسترقاق الحضاري اختارو كامام لدويلة شرع الله!
نعم كيف مجرم، منحل اخلاقيا، ك علي عثمان هو ابرز من انتج هذا المشروع!
هل ده صدفة؟
ماعلاقة بشر كهؤلاء، بنا نحن الشعب السوداني؟
نعم كيف واحد زي محجوب شريف، الملحد افتراضا، يكون بمثل هكذا نقاء، صفاء، نظافة، يردد الشعب السوداني كلو، خلفو، بصدق مجسد في نموذج سلوكو، شخصيتو، ماني الوليد العاق، لاخنتا لاسراق، وامثال هؤلاء من الرساليين افتراضا يكونو بمثل هكذا فساد، واجرام معروفين لشعبنا ب"الحـــــــــرامية"؟
لمــــــــــــــــــــاذا؟
ده السؤال المحتاج لنصف قرن من الان، لاكمال الاجابة عليه!
04-08-2019, 02:28 PM
Bashasha Bashasha
تاريخ التسجيل: 10-08-2003
مجموع المشاركات: 25803
هناك اجماع في الشارع ان مايحدث الان ليس مجرد ثورة علي نظام بعينه محدد، وانما ثورة بمعني المفردة ستغير كل شئ في السودان باذنه، ولهذا قنا في هذا الفضاء، من اولي ايام الثورة، علينا الصبر حتي يستوي الحراك علي نار هادئة، ليكون المردود فعلا، بقدر صبرنا 30 سنة،
وبقدر التضحية، اي ملايين الابرياء، مع تفتيت السودان!
نعم من اول يوم استبشرنا خيرا بتجاهل الاعلام الدولي لنا!
نعم استبشرنا خير بعدم الانحياز الفوري للجيش للشارع لحسم النتيجة!
كلامنا عامة مابقع واطة!!!!
السبب الاساسي هو ادوات تحليلنا المنحوتة من صخر التراكم التاريخي لي ارثنا الحضاري، نعم لاهو، شرقي او غربي، وانما ســـــــوداني 100%!
نعم لاهو ماركسي، ولاهو اسلاموي اطلاقا!!
بقول كده عشان القارئي يعرف احنا جايين من وين، وهذا مفصلي!!
من 2011م في هذا الفضاء، قنا مشروع البديل خلاص نزل الشارع!
يا الهي!!
هذا ضخم!
صمام الامان الحسيت بيهو، بالقلب من 2011 هاهو يتجسد علي ارض الواقع، والاشرطة اعلاه نموذج كيف مشروع البديل فعلا نزل الشارع او سلفا خلق كوادر مؤهلة من منازلهم وتلقائيا، او بي صورة لدنية في شكل وحي يوحي!!!
04-08-2019, 05:49 PM
Bashasha Bashasha
تاريخ التسجيل: 10-08-2003
مجموع المشاركات: 25803
لاقاك وين في ثورات العالم، عزل، نســـــــــــاء، ثم رجال، بقعدو كده للصباح عرضة للموت في اي لحظة؟
انا غرضي اتعرض بالشرح او تسليط الضو، علي بعض قيمنا هذه، المركوزة جوانا كتراكم تاريخي تبلور عبر القرون، اللي تجلت في هذه اللحظات كما في الاشرطة اعلاه...
من قيمنا المدفونة في الاعماق، هو العلاقة الحميمة، اللصيقة مابين السودانيين، وباكثر من اي مجموعة بشرية اخري، بما فيهم اهلنا الافارقة!
ده موضوع كبير متشعب، صعب حشرو في مداخلة او اتنين، ولكن حنتكول علي الحي امون الذي لايموت.
قبل ما اواصل، من النكات والمواقف الظريفة المتصلة بالنقطة دي، اذكر ايام ماكنا جدااااااد من الورقة، اقصد معظمنا هنا في امريكا، اواخر الثمانينات واوائل التسعينات، كنا اذكر بنحوم ذرافات اي في شكل مجموعات، حاضنين بعض في الشارع بالجلاليب، في زياراتنا اليومية لي بعض!
هذا لفت نظر مديرة السكن بتاعي، وهي من بيض جنوب افريقيا لاحظ!!
نعم نادتني علي جمبة، او قالت لي، الناس هنا، بفتكروكم gays!!!!
نعم قالت بينظرو لي حميميتنا دي، "ذكور" بي فهم ناس البلد دي، اي كالفورنيا، نمشي في الشارع قالدين بعض،كسلوك بتاع شواذ، جنسيا!!!!
عييييييييييييك!!
قطع شك احنا كسودانيين ماقاعدين ننتبه للجانب ده كتير!!
اقصد جانب القرب الشديد خالص، بينا كسودانيين كقاعدة.
لاحظ الاغلبية في الوكت داك، من اولاد حلتي، هنا في "بومونا" كالفورنيا، كانو من ود نوباوي، نعم انصــــارررر، يازول هي، جذور الاغلبية منهم، تعود الي غربنا الحبيب!!!
الاشارات اعلاه، كلها ذات دلالات محددة في تاريخنا.
اذا مافهمنا هذا البعد، في ارثنا الحضاري، وبالتالي في المكون التاريخي لشخصية السوداني التاريخية، ما حنفهم البحصل ده، صاح!
رجاءا ارجعو للشريط بتاع ليلة امس، وتاملو مشهد سودانيات وسودانيين من الشــــــــارع العريض، ماعندهم اي صلة مباشرة اسرية مثلا او ايا كانت، بكونو طول الليل وحتي طلوع الفجر، مع بعض، شايلين ارواحم علي الاكف، معرضين للموت في اي لحظة!!
هذا يفوق الخيال حقيقة!
انا فضلت مسمر لساعات طويلة امبارح بالليل قدام الكمبيوتر اقش في الدموع والمخاخيت، متابع بث حي مباشر بواسطة واحدة من اخواتنا، او رصدها لي استشهاد اتنين من المعتصمين!!!
شئ عجيب!!
كيف امكن هذا؟
هل هذا ممكن في خارج السودان في اي ركن في الكون ده؟
لو لي بشك، والسبب بسيط:
الخمسة الاخيرة دي انا دخلتها في الاحتكاك عمدا، التقصي، النقاش، الحوار، مع الاف، مش عشرات او مئات، من ناس من كل ارجاء المعمورة بحكم طبيعة عملي، عشان ابدا مشروع اصداراتي، عن تاريخ الثقافة السودانية كما اعلنت في هذا الفضاء، بعنوان:
الاصل السوداني للحضارة، واقع ام خيال..
العنوان قطع شك حاغيرو بناء علي الشايفو يجري امام عيوني الان.
اذن دخلت وكت مهول جدا، عشان اصل للاستنتاج اعلاه، كيف المشاهد دي، لايمكن تتكر الا كاستثناء، خارج وعاء الثقافة، السودانية!
طيب، ماهو مصدر، سر، واساس هذه العلاقة الحميمة ورغم انف محارق الابادة، والحروب الاهلية العبثية، ما بين السودانيين؟
معليش، اعتذر، لا اميل للتانيث والتذكير، لانو هكذا اسلوب حقيقة وافد علي وجداني ككوشي، لانو لسانا الكوشي مكان نشات لايفرق اطلاقا علي اساس النوع زي ما قتا في موقع اخر، فمعذرة لاخواتي، واماتي.
انا بخاطب النوعين بي صيغة واحدة من باب الوفاء لارثنا الاموي!
شعب عظيم يحكمه سفاكين دماء الصوص وحرامية وتجار دين ،،، شعب عظيم لا يستحق ما يعانيه من شقاء وتعب ونصب بسبب هؤلاء اللصوص وسفاكين الدماء، ، ولكن العزاء أن شمس الحرية على وشك الشروق..
04-10-2019, 04:20 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: يا بشاشا بالله شوف المصور الفيديو وبعلق على الأحداث لمن ظهر الجيش ... شوف كمية الفرح الفي صوتو ...
العزيز نزار مرحب بيك،
اخانا في الشريط اعلاه، بتاع ملحمة "فتح كوبر" عربيهو فيهو accent بي رندون بيض امريكا للزينا، انا بكيفني شديد خالص، خالص، او بحسسني بي انتماء خاص، لي امثالو من الناطقين بي لسانا الكوشي!
واضح انو من اهلنا في دارفور تحديدا!
هذا بعد اخر لم اتطرق له، وهذا بعض ماجعلني اصرخ يا الهي!!!
نعم في غمضة عين رجعنا لي اصلنا ساعة الحارة بعد اكثر من نصف قرن قتل وابادة بالوكالة، لبعضنا!
ده هو المعني بهذا الخيط!!!
06-16-2019, 03:58 PM
Bashasha Bashasha
تاريخ التسجيل: 10-08-2003
مجموع المشاركات: 25803
المقصود الاشارة للفرق الشاسع، الواسع، حد التضاد مابين نموذج انسان وشخصية الثقافة الارية مقارنة بانسان وشخصية الثقافة السودانية اي السوداء بصفة عامة.
اذكركم كيف تاريخيا العالم من حيث الثقافة ينقسم الي عالمين اي ثقافتين لاثالث لهما!
الاولي هي ثقافة المهد الجنوبي اللي اصلو السودان الحالي ثم كمت اي مصر، طبقا لشيخنا ديوب، والثانية هي ثقافة المهد الشمالي اللي بتشمل كل غير السود او غير الافارقة باختصار. بناءا عليه، الجنوب،
نعم جنوب هذا الكون ممثل في السودان الحالي، المرأة وليس الرجل هي اللعبت الدور الاساسي فيه، وهذا قطعا فريد، مقارنة بالشمال اللي نوع الذكور انفرد فيه بكل شئ!!
كنتيجة للطبيعة الاموية تاريخيا للثقافة السودانية، تما اختراع صيغة الزواج لتنظم العلاقة بين النوعين، في مجتمعنا، وهذا ايضا فريد!
ليه؟
لانو المهد الشمالي ما كان عندو حاجة اسمها زواج زاتو!!!!
06-16-2019, 05:13 PM
Bashasha Bashasha
تاريخ التسجيل: 10-08-2003
مجموع المشاركات: 25803
لهذا والي هذا التاريخ، فالعلاقة بين النوعين كقاعدة في الشمال هي علاقة صاحب، بصاحبة والسلام!!!
هذا مفصلي لو عايزين نفهم سر القرب الشديد مابين السودانيين، مقارنة بالبعد الشديد مابين افراد ثقافة المهد الشمالي!
بذات القدر اسلوب حياة الاستقرار الحضرية تاريخيا لعبت دور اساسي في الفرادة المشار اليها اعلاه في تكوين شخصية السوداني، وهذا بدورو، مفصلي مقارنة بي حياة التنقل في المجتمعات الرعوية البدوية!!
اذن اندهاش عالم اليوم من الحاصل في السودان، بعضا من اسرار ما حدث ويحدث، هو هذه العلاقة الحميمة اللصيقة بينا كسودانيين، رغم انف قرون الاسترقاق الثقافي، الروحي، العروبي، البجسدوهو المتاسلمة، اغوات العرب، فينا!
لهذا نجاح العصيان المدني المنقطع النظير في عالم اليوم، هو انعكاس وتجلي، لجانب العلاقة الوثيقة مابين السودانيين كافراد بي صورة لاوجود لها، ولا مثيل لها في المجتمعات الاخري!
06-16-2019, 05:53 PM
محمد نور عودو محمد نور عودو
تاريخ التسجيل: 01-08-2013
مجموع المشاركات: 6183
شالوم يا فكي بشاشا ربنا يرحم شهداء الأمة السودانية احر التعازي لاسرهم المكلومة والشفاء العاجل للجرحي وعودة حميدة للمفقودين والحرية للمعتقلين.و النصر العاجل للشعب السوداني في ثورته. التحية لك وانت تنقل الأحداث من أرض الوطن نتمني ليك التوفيق وربنا يحفظك من كل سؤء وتكمل المهمة وتعود بالسلامة مصور الفيديو الاول فيديو تحرير الكبري هو ابراهيم شوتايم المشهور بجنرال شوتايم لقد نجا من الموت عدة مرات ايام المظاهرات وظل مرابط أمام القيادة العامة طيلة فترة الاعتصام ويقوم بنقل مباشر للاحداث حتي يوم فض الاعتصام وكان مصدر لعدة قنوات الفضائية العالمية .امل ان يكون بخير .
06-16-2019, 07:05 PM
Bashasha Bashasha
تاريخ التسجيل: 10-08-2003
مجموع المشاركات: 25803
سلام يا محمد نور نعم شوتايم والدسيس هم ابرز شخصيتين في ملحمه الاعتصام وهؤلاء برزو بي صوره إليه ميكانيكيه تلقائيه لحكمه يعلمها هو! شو تايم انا بتكييف ليهو كمان اكتر بي سبب عربيهو الاصلي اقصد المكسر نعم ذات عربي من نشاتا وسطم في دنقلا! نعم بتعصب جدا للسودانيين البدو لغه الغزاة بالحته الفيها الحديدة كابلغ اجمل واروع دليل انو الشي ده وافد دخيل واجنبي! ياريت ياريت لو كان لساني المستعرب كان كده!! معليش والده حبوبتي الاتربت في الابيض هي الجابت لينا العربي الفصيح في البيت علي غير عاده بقيه الأهل واهل المنطقه! ولكن البغفر ليها الذنب ده انها كانت فارسه حاربت في معركه الابيض كجنديه نعم بل مرقتا لي كمت في معركه توشكي لنستعيد ارض اجدادنا هناك ونجت من الأسر باعجوبه لها المجد!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bashasha
نادر الفضلى
ترهاقا
نزار عبد الوهاب
محمد بدرالدين
محمد نور عودو
فيس بوك
تويتر
انستقرام
يوتيوب
بنتيريست