الف مرحب بيك اخ بشير و كل عام و انت و الأسرة بألف خير
Quote: سلام يا خضر
مات خليل إسماعيل ولم تكتشف أغنياته بعد
عليه رحمة الله و رضوانه
خليل اسماعيل فنان جميل و رائع وهو من الجيل الثاني من الفنانيين قبل ما يجونا كيزان السجم ديل كانت السهرات كتيرة و كبيرة بعدها سأءت الامور الكيزان دمرو كل شئ يا بشير .. لا بارك الله فيهم توفى العديد من الفنانين و الشعراء و الكتاب و الادباء ناس بالروعة دي ما بعيشو في اجواء خانقة لهم الرحمة و المغفرة جميعاَ
01-02-2020, 10:47 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
الف مرحب بيك الفنان ياسر العيلفون سنين طويلة ياخ اتمناك و الاسرة بألف خير
Quote: على حسب راي المتواضع جدا انو الفنان خليل إسماعيل هو فنان الفنانين ,,, وأيضا الفنان زيدان إبراهيم هو مطرب الفنانين ... رحمهما الله جميعا ,,,
وهي النفس ما حملتها تتحمل ,,,,, شوف الروعة دي كيف بالله ... شكرا استاذنا خضر ,,,
تحياتي : ياسر العيلفون .....
الفنان خليل اسماعيل هو من اوائل جيل الاغنية الحديثة و كمان الراحل زيدان ابراهيم .. العباسية خليل كما هو معروف من مدينة الابيض حي القبة و من نفس المدينة خرج الشاعر الفذ محمد عوض الكريم القرشي صنو الفنان الراحل عثمان الشفيع و كذلك الشاعر محمد المكي ابراهيم و للفنان خليل اسماعيل علاقة قرابة مع الزعيم اسماعيل الازهري والشاعر محمد المكي ابراهيم ديل ناس ما بتكرروا يا يا سر
01-02-2020, 02:16 PM
خضر الطيب خضر الطيب
تاريخ التسجيل: 06-24-2004
مجموع المشاركات: 9984
نسأل الله له الرحمة و المغفرة و ربنا يمتعك بالصحة و العافية استاذ ابو جهينة كانت لينا ايام جميلة مع المبدعين ديل و خليل اسماعيل انسان جميل الدواخل قبل و بعد التسجيل بكون في ونسه بتخليك تعرف دواخل الانسان الناس ديل كانوا جميلين و بدونا طاقة ايجابية هم كانو مقدرين انو الشغل البنعمل فيهو دا توثيق ليهم و انحنا مقدرين استجابتهم للدعوة و حضورهم يا سلااااام ياخ اهو بقينا عايشين على الذكريات
01-02-2020, 03:13 PM
خضر الطيب خضر الطيب
تاريخ التسجيل: 06-24-2004
مجموع المشاركات: 9984
استاذنا على أمبس كل عام و انت طيب يا طيب و الاسرة الكريمة بألف خير
Quote: الحبيب خضر .. بوست رائع أكثر عبارة شك في التاريخ في إحدى أغنيات خليل اسماعيل .. العبارة هي (( أقول يمكن أنا ما جيت )) مبالغة ..
تحياتي الحبيب خضر
نعم هي اغنية قبال ميعادنا بي ساعتين ابيتو انا و اباني البيت
الشاعر تاج السر عثمان فيها كلام عجيب
قبال ميعادنا بي ساعتين أبيتو أنا و أباني البيت أغالط نفسي في إصرار و أقول يمكن أنا الما جيت طالت وقفة الأشواق معاي جنب المكان ذاتو أنا و رعشة ظلال الليل و قلبي حزينة دقاتو فات ميعادنا فات روّح شال الليل حكاياتو و أنا المستني في الميعاد و ليك حبل الصبر مديت أغالط نفسي في إصرار و أقول يمكن أنا الما جيت تخيلي كيف مشاعري أنا أنا المصلوب على الميعاد أعود كيفن ملان غربة و أشيل الليل عذاب و سهاد و يا ريتك ما وعدتيني و يا ريتنا نحن كنا بعاد و برضي رجعت متصبر
يا سلااام استاذنا علي شوف دي يا استاذ
معاي خطواتي راجعة البيت و أغالط نفسي في إصرار و أقول يمكن أنا الما جيت
آمنت بالله
ربنا يديك الصحة و العافية يا حبيب
01-02-2020, 03:22 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12475
=============== حبيبنا الجميل خضر .. تحياتي الشاعر بالغ .. أذكر أنني قرأت في فترة سابقة مذهب الشكية الريبية الشك فيما يذهب إليه الحواس الانسانية لكن هذه الدرجة من الشك لم يصل إليه احد قبل هذا الشاعر و أغالط نفسي في إصرار و أقول يمكن أنا الما جيت
تفوق على جماعة الشكيين بمراحل كيف أتى الشاعر بهذا الاحساس
اللهم أغفر له وارحمه ..
01-02-2020, 03:57 PM
الطيب عبدالرازق النقر الطيب عبدالرازق النقر
تاريخ التسجيل: 06-14-2007
مجموع المشاركات: 1955
الحبيب خضر عندنا اشياء جميلة جداً في الشعر السوداني ولكن حصري داخل دائراتنا فقط ماعدا البيت المتداول عربياً ذلك البيت من قصيدة جماع : إﻥ ﺣﻈﻲ ﻛﺪٓﻗﻴﻖٍ ﻓﻮﻕٓ ﺷﻮﻙٍ ﻧﺜﺮﻭﻩ ﺛﻢ ﻗﺎﻟﻮﺍ ﻟِﺤُﻔﺎﺓٍ ﻳﻮﻡَ ﺭﻳﺢٍ ﺍﺟﻤﻌﻮﻩ وهناك أبيات لأبوقطاطي مبالغة .. نجم الليل منو العداهو غيري وزاد حسابو شوي وسافر بي خيالو هناك صنقر فوق سحاب الري بنيت في الموج قصور آمال ومديت للرهاب إيدي وشديت سرجي فوق الريح عشان ألقاك بدور أطوي المسافات طي لم يتطرق الشعر العربي إلى مثل هذا النموذج من المبالغات الذي جعل المستحيل ممكناً .. حتى نجوم uncountable لم يعدهم فقط بل زاد كمان شوية شكراً خضر الحبيبب هكذا بعض النماذج بالمختصر رحم الله هؤلاء العباقرة .. بوست جميل يا خضر
01-02-2020, 04:31 PM
خضر الطيب خضر الطيب
تاريخ التسجيل: 06-24-2004
مجموع المشاركات: 9984
الف مرحب بيك يا الطيب النقر و الله قبل ما تجو انتو بي ترابيكم و لا كان في هنات و لا كان في اي مشكلة الدنيا كانت بخير و الناس كانو بخير عوستوها عواسة السجم
01-02-2020, 09:14 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
ألف مرحب بيك يا حامد كل عام وانت و الاسرة بألف خير وقفتا الاوتو بلاي بتاع اغنية البوست في حضرتك و بقيت اسمع في اغنيتك الجميلة بحب التسجيلات الإذاعية اغلبا سجلوها اصحابي الرشيد اب احمد و اسامة جمعة و شهلابي و هي كلمات الراحل ابوقطاطي بسحروك يا سمحة لو شافو الخدود ولا شافو الأعين المكحولة سود في بنات الجيل بشوف حسنك فريد فيك قوام ذي الغصن وكتين يميد و الجمال الفاتن الفات الحدود ربنا يغطيهو من عين الحسود و الله خايف في مشيتك يسحروك ------- التحية للأخ الموثق لغنانا الجميل ناصر الليندي هاك يا حبيب
01-02-2020, 10:44 PM
خضر الطيب خضر الطيب
تاريخ التسجيل: 06-24-2004
مجموع المشاركات: 9984
الشاعر الراحل محمدعلي ابو قطاطي مع الزميل الاعلامي و الشاعر هلاوي و عن اغنية بسحروك و قد كانت الكلمات عن طالبة في مدرسة المليك و التي كانت اللبنة الأولى للجامعة الأهلية قبل ان تتحول لمقرها الحالي
01-02-2020, 10:48 PM
خضر الطيب خضر الطيب
تاريخ التسجيل: 06-24-2004
مجموع المشاركات: 9984
كانت امتع اللحظات مع الفنانيين و العازفين قبل البروفة الأخيرة و بعد ما ينتهي التسجيل خليل اسماعيل كان بروعة الدكتور عوض دكام و عوض دكام دا حكاية تانية ليه الرحمة و المغفرة و كان صديقو سعادة اللواء حمادة دا موضوع تاني في الفيديو التحت دا شاهدو خليل مع طارق جويلي اسماعيل كان متحفظ شديييد بالمناسبة :)
01-02-2020, 10:55 PM
سامى عتبانى سامى عتبانى
تاريخ التسجيل: 04-02-2008
مجموع المشاركات: 2142
Quote: الحبيب خضر الطيب متعك الله بالصحة والعافيه وسنه سعيده عليك ونتمناها سنه خير علي كل السودان تخريمه صورة منتصر سيداحمد لقطتها من ويييين ؟
كل سنة و انت و الاسرة بألف خير يا حبيب ما تتخيل مشتاق ليك قدر شنو يا سامي المكانة
مفروض انك عارف مونتي دا حبيبي و متواصلين مع بعض هو بخير كان في مصر و رجع اليونان كان مفروض نروس في ايرلندا مع اصحابنا لكن دقت في العراضة هي اختلفت المواعيد اجلناها السنة الجات دي
01-02-2020, 11:57 PM
سامى عتبانى سامى عتبانى
تاريخ التسجيل: 04-02-2008
مجموع المشاركات: 2142
الاستاذ خضر وضيوفه الكرام ، كل عام وأنتم بخير الصديق الراحل خليل اجمع الوسط الفني على حبه وإحترامه ، اطلق عليه زملانا في نادي الفنانين ( فنان الفنانين) هذا بالاضافة إلى روح الدعابة والسخرية الذكية التي لم نعد نفهمها إلا بعد مرور بعض الوقت ألف رحمة تنزل عليهو
01-03-2020, 00:27 AM
خضر الطيب خضر الطيب
تاريخ التسجيل: 06-24-2004
مجموع المشاركات: 9984
ألف مرحب بيك موسيقارنا الجميل احمد ساطور كل عام و انت و الاسرة بأف خير يا ملك
Quote: الاستاذ خضر وضيوفه الكرام ، كل عام وأنتم بخير الصديق الراحل خليل اجمع الوسط الفني على حبه وإحترامه ، اطلق عليه زملانا في نادي الفنانين ( فنان الفنانين) هذا بالاضافة إلى روح الدعابة والسخرية الذكية التي لم نعد نفهمها إلا بعد مرور بعض الوقت ألف رحمة تنزل عليهو
الفنان خليل اسماعيل انسان جميل و نقي الدواخل مرح حد المرح دي كانت ايام جميلة يا احمد احتفظنا باللحظات دي و طلعنا خلينا إرث انا شخصياَ راضى عنو و برضو لقينا ناس جميلين في غربتنا و اشتغلنا ليهم شغل جميل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر الطيب
بشير حسـن بشـير
ياسر السر
ابو جهينة
علي عبدالوهاب عثمان
الطيب عبدالرازق النقر
Hamid Elsawi
سامى عتبانى
ترهاقا
فيس بوك
تويتر
انستقرام
يوتيوب
بنتيريست