|
|
|
 Re: وكساني بالآمال وشاح (فيديو) (Re: خضر الطيب)
|
هات يازمن..
جيب كل احزانك تعال جيب المحن..
طول يااسى وكتر ينابيع الشجن..
جرَعني كأس من لوعه من آلامى ماالمحبوب خلاص..
خلاني ليك الليله راح..
خلَف لقلبي الحسره والشوق والجراح..
خلي النواح..
فات قلبي شمعه وحيده في هُوج الرياح..
خلاني ليك انا يازمن..
خلانى ليك راح يازمن..
وخلى الشجن..
الليل يهوّد بي ويبقى تلت اخير..
يطويني في رحابه الوثير..
انا والظنون وعذابي والصمت المثير..
خلاني وحدي جناح كسير..
انا والدموع والشكوى والليل والشجن..
رماني ليك انا يازمن..
خلانى ليك راح يازمن..
وخلى الشجن..
من بعد ماعلمني ريد..
فجر عواطفي غنا ونشيد..
بدل مراير الوحده والهم احلى عيد..
علمني ابني حياتي من اول جديد..
اشرق في عمري هواه زي اجمل صباح..
وكساني بالآمال وشاح..
قلبي المتيم بيهُ بأحلامه باح..
تاه في رياضه الرائعه في جنه إستراح..
لكنه وين الليله راح..
واصبحت ياايام حزين..
باكي العيون محتار اقول ماله الحنين..
إيه غيره بدل عواطفه صبح ضنين..
يمكن ظنون..!
يمكن خلاص انا شك في قلبي الامين..
قلبي المحال في يوم يخون..
قلبي الملآن حنيه زاخر بالامل..
ومهما حصل..
املي الوحيد الحبه مكتوب في الازل..
لايمكن ابداًً مستحيل..
في يوم اميل..
لغيره واعشق تاني زول..
مهما يكون بالود بخيل..
لو حتى يجرح قلبي بالهجر الطويل..
انا برضي صابر يازمن..
جيب كل احزانك تعال..
جيب المحن..
هات يازمن..
| |
 
|
|
|
|
|
|
|
|
Re: وكساني بالآمال وشاح (فيديو) (Re: ياسر السر)
|
Quote: استاذنا خضر لو الغربة دي بتطلع ابداعات زي دي خلاص انا ناوي اجي لندن دي وان نشوف اخرتها معاك ....
ابداع لا حدود له واختيار رائع يا رائع ...
تحياتي : ياسر العيلفون .... |
مرحب بيك فنانا الجميل ياسر
تعال ياخ المافي شنو
لاحظتا الانتقالات في الشغل دا
موووبالغة
و طبعاَ احمد الجابري فنان من الدرجة الاولى
توظيف الالات للشغل دا موبالغ فيهو
بتفهموها انتو الفنانيين
| |
|
|
|
|
|
|
|
|
|
Re: وكساني بالآمال وشاح (فيديو) (Re: خضر الطيب)
|
الحبيب خضر أمبس .. تحياتي يا جميل
الجابري أذكر في الستينيات جانا في الشمالية في ضواحي الدنيا
في أرقو .. كان زول وسيم .. أفتكر أيام عبود
كان يحضروا بعربات مكتوب عليها وزارة الاستعلامات
في كل اجازة صيفية فنانين وسينما متجولة ( آه يا زمن )
رائع جداً الجابري ..
تحياتي يا جميل .. عالم رائع ..
| |
|
|
|
|
|
|
|
|
|
Re: وكساني بالآمال وشاح (فيديو) (Re: علي عبدالوهاب عثمان)
|
Quote: الحبيب خضر أمبس .. تحياتي يا جميل
الجابري أذكر في الستينيات جانا في الشمالية في ضواحي الدنيا
في أرقو .. كان زول وسيم .. أفتكر أيام عبود
كان يحضروا بعربات مكتوب عليها وزارة الاستعلامات
في كل اجازة صيفية فنانين وسينما متجولة ( آه يا زمن )
رائع جداً الجابري ..
تحياتي يا جميل .. عالم رائع |
استاذنا الحبيب علي أمبس
احمد الجابري اسمو الحقيقي هو أحمد محمد عبدالله كرمنو
مولود في قرية في الجزيرة و انتقل لامدرمان و عاش في حي العرب
و انا بعتبر حي العرب دا وادي عبقر الاغنية السودانية
فيهو عبد الرحمن الريح و عبيد عبد الرحمن و عمنا سيف الدين الدسوقي
و كثيرمن الشعراء و الفنانين
و فيهو الكتيابية فيهم متصوفة و شعراء
وزير الاستعلامات و العمل كان وقتها
اللواء محمد طلعت فريد
و المعلومة دي عرفتها من ابوي
و بعدها لما اشتغلتا في مجال الاعلام اتأكدتا منها
لهم الرحمة و المغفرة
| |
|
|
|
|
|
|
|
|
|
Re: وكساني بالآمال وشاح (فيديو) (Re: الامين موسى البشاري)
|
حبيبنا اللمين | Quote: خضر الطيب بالله متين زول سوفت كدا ومرهف الاحاسيس ياخ |
هههههههه
انا من زمان سوفت وير و انت هارد وير يا وغد .. و الله صحي
انحنا بس كانو الكيزان ديل ملعوزننا
لكن بعد انقلعو رجعنا لطبيعتنا
بعدين زول بكون شغال في التلفزيون معقول يكون ما رغيغ ؟ :)
انجوي يا ملك.. محبتي الانتا عارفا
| |
|
|
|
|
|
|
|
|
|
Re: وكساني بالآمال وشاح (فيديو) (Re: خضر الطيب)
|
مرة يا اللمين جانا الجابري في سهرة في التلفزيون
و الجابري بحب يرفع رجل في الكرسى و التانية في الارض
و هو ماسك العود جاهو صاحبنا مهندس الصوت
قال ليهو يا استاذ انت حتكون رافع رجلك كدا طوالي
عشان اسنتر ليك المايك في وضعية معينة
الجابري ضحك وقع منو العود الحمد لله ما انكسر العود
الجابري لما رفع العود و مع ضحكتو الرائعة
قال ليهو انتو بجيبوكم من وين :)
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
خضر الطيب
ياسر السر
علي عبدالوهاب عثمان
الامين موسى البشاري
فيس بوك
تويتر
انستقرام
يوتيوب
بنتيريست