|
|
|
 Re: وزيرة خارجيتنا الجديدة اسمح من وزيرة خارج (Re: Osman Musa)
|
عمو إنتا قاصد ياتا في ديل :-
Quote: رَفَغ: (اسم)
رَفَغ : مصدر رفِغَ
رَفغ: (اسم)
الجمع : أرْفُغٌ و رُفُوغ
الرَّفْغُ : اللِّينُ والسُّهُولَةُ
الرَّفْغُ : السَّعَةُ والخِصْبُ
الرَّفْغُ : المكانُ الخِصْب ، أو الجَدْب
الرَّفْغُ : كلُّ موضع يجتمع فيه الوَسَخُ من البدَن
الرَّفْغُ : اللَّئِيمُ السَّافل
رُفغ: (اسم)
الجمع : أرْفُغٌ و رُفُوغ
الرُّفغُ : كلُّ موضع يجتمع فيه الوسخ من البدن
رفُغَ: (فعل)
رفُغَ رَفاغَةً فهو رافِغٌ ورفِيغٌ
رفُغَ العَيْشُ : رغِدَ
رفِغَ: (فعل)
رفِغَ رَفَغًا فهو أرفَغُ ، وهي رفْغَاءُ
رفِغَ : اتَّسَعَ رَفْغُه
رفِغَ : اشتكى باطِنَ لحمه
رَفاغَة: (اسم)
رَفاغَة : مصدر رفُغَ
رَفاغة: (اسم)
الرَّفاغَةُ : سعة العَيْش وخِصبه
أرفاغ: (اسم)
أرفاغ : جمع رُّفْغُ
رِفَاغ: (اسم)
رِفَاغ : جمع رَّفْغُ
رفاغية: (اسم)
الرّفَاغِيَةُ : الرَّفاغَةُ
أَرفَغَ: (فعل)
أَرفَغَ : اتَّسَعَ عَيْشُهُ ورغِدَ
أَرفَغَ له العَيْشَ : أَوْسَعَهُ وأرغَده
أرْفُغ: (اسم)
أرْفُغ : جمع رَفغ
أرفَغُ: (اسم)
الأرفَغُ من العيش : الخصيب الواسع الطيب |
| |
 
|
|
|
|
|
|
|
|
Re: وزيرة خارجيتنا الجديد٥ة اسمح من وزيرة خار (Re: Maawya Hussein)
|
سلام صاحب البوست وضيوفك.
...........................
(..وزيرة خارجيتنا الجديدة اسمح من وزيرة خارجية موريتانيا)
................................
عندي قريبي شين شنا مبالغة اشني مني وغادي خريج واستاذ رياضيات شاطر جدا قدم لعدة وظايف في عدة وزارات وشركات قطاع عام وقطاع خاص لكن للاسف ما اتوظف عشان شكلو شين.
عندو زميلو زميل دراسة شغال استاذ في مدرسة بنات في احدي مدارس الخرطوم ولقي فرصة عمل في الخليج وقرر يترك التدريس في السودان ويسافر الي الخليج وكلم مدير المدرسة. مدير المدرسة طلب منو لو بيعرف استاذ كويس يجيبو ليهو قبل ما يسافر.الاستاذ ما لقي زول كويس وشاطر الا قريبي الشين دا .فا قام مشي ليهو وكلمو عشان يمشي يشتغل تدريس في مدرسة البنات قريبي وافق والاستاذ مشي للمدير وكلمو بانو لقي ليهم استاذ شاطر جدا لكن بس شكلو ما وجيه المدير وافق .بعد كم يوم قريبي مشي المدرسة وقابل المدير وبقية الاساتذة واليوم التاني باشر شغلو اول ما دخل الفصل زول قصير عيونو حمر ال تقول بتكحل بالشطة والنخرة ماشاءالله زي عادم الفيراري والراس زي مكنة التلاجة والكرش ابو زنقلة بس وشعرو قرقدي كل تلاتة عاملين كوم وفوق لي دا عندو صلعة بجلي الفرملة . وقال السلام عليكم الفصل كلو اتخلع دا شنو دا الجابو لينا؟ لا في طالبة قامت احتراما له ولا في طالبة ردت السلام ما اشتغل بيهم الشغلة مسك الطبشيرة وبداء في الحصة هو بدي في الحصة والبنات في الفصل ونسة ضحك وقرقرة المهم تم الحصة ومشي للمدير وقال ليهو لو دايريني نشتغل معاكم بكرة انا بطبق صرامتي في الفصل لو ماعايزين كلمني من هسي عشان بكرة ما اجي.
المدير قالو ليهو اعمل الانت الدايرو .
قريبي يوم تاني دخل الفصل ما في طالبة قامت .قبل ما يبدا الحصة قال ليهم شوفو ياطالبات انا هنا استاذكم ما صديقكم ولا خدامكم وبكرة لو دخلت الفصل ما قمتو عندي معاكم كلام . وبداء في تدريس الحصة بعد شوية بسمع صوت دلوكة في الفصل ويسمع طنطنة نحن في غابة ولا حديقة الحيوانات يا دنيا يا فيكي ناس شينين لكن انت اشني من شوفناهو في الدنيا وقرقرة للنهاية.
قريبي دا زعل ومشي وقف قدام البنت البدق الدلوكة وقال ليها يابت بنهرة البت اتخلعت ونطت من الشباك وجري وصراخ بالله قال ليك الفصل سكت سكوت الليل وواصل في الحصة بعد شوية البنات اندجمن مع اسلوب الاستاذ وبقن يتابعن الحصة بشغف الحصة انتهت بسرعة عجيبة.
ولامن يوم التالت جاء ودخل الفصل البنات قامن بكل احترام وردن السلام وانكبن في الحصة بعد اسبوع قريبي بقي نجم المدرسة في التدريس وحصتو زي خطبة الجمعة واصبح من المحبوبين في المدرسة رغم شناتو.
وبعد كم البت الصرخت ونطت من شباك جات مع ابوها وابوها ضابط كبير اول دخل المدرسة مع بنتو وهو زعلان بسال وين الحيوان الطرد بتي من المدرسة وين الحمار دا. وقريبي صادف هو المدير قاعدين سوا وبسمع في كلام الضابط ابو البنية وقال لي اصلو اليوم دا اخر يوم في حياتي خلي الزول البنبز فيني يجي يا خلصتا منو يا خلص مني ونويت للشر.لكن مدير مدرسة كان شخص حكيم جدا وعرف غضبي ف قال اول وصل الينا ابو البنية وقال وين الحيوان الطرد بتي دا. قال لحظة عايز ارد علي ابو البنية تدخل المدير. وقال لابو البنية احترم نفسك ياسيد انت داخل مؤسسة تعليمية ونخن نربي اجيال هنا اتفضل اطلع برة شوف حديقة الحيوانات البفتش عنها وقال لي شوف شغلك يااستاذ .ابو النية وقف وقال
كيف يتم طرد بتي من المدرسة ؟
المدير قال ليهو بتك ما مؤدبة ومتربية وما بتحترم الاساتذة ولا زميلاتها و لم تتطرد كما تقول هي براها نطت الشباك وغابت كم يوم امشي ربي بتك كويس .
ابو البت معليش انا كنت فاهم الموضوع غلط لو كدا نخلي البت تواصل دراستها وتاني الكلام دا ما يتكرر منها.
المدير قال ليهو لايا سيد في الاول امشي اعتذر للاستاذ النعتو بالحيوان والحمار وبعد داك نشوف.
الراجل مشي اعتذر للاستاذ والاستاذ قبل الاعتذار ورجع للمدير.
المدير قال ليهوبعد دا خلي بتك تمشي تعتذر للاستاذ وبكرة تجي المدرسة قامت البت مشت اعتذرت للاستاذ ويوم التاني جات المدرسة بكل ادب واحترام وواصلت دراستها.
ف قريبي الشين دا غير سلوك البنية 360 درجة حتي في المنزل مع والديها واخوانها لدرجة ابوها طلب كم مرة من قريبي الشين عشان يمشي يتغدا معاهم وقريبي كان برفض عشان يمشي يتغدا لغاية ما جا ابو البنية وساقو البيت واتغدو ونشاء بينهم علاقة تقدر تقول اكثر من اخوية وفصل قريبي الشين دا طالباتو جابن في احسن نسبة الامتحانات.
فاياخي كدا نحن الشينن ديل برضو ادونا فرصة في الوظايف لنظهر في الاعلام ونوري الوجه التاني من الوجوه المتعددة في السودان التي لا تظهر الا في مخيمات النزوح وكراكير الجبال ووسط الغابات ورمال الصحراء عند الكوارث ولبضعة ثواني كخبر عابر.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
Salah Zubeir
Osman Awoda
احمد حمودى
Maawya Hussein
محمد نور عودو
صديق مهدى على
Mahjob Abdalla
فيس بوك
تويتر
انستقرام
يوتيوب
بنتيريست