|
|
|
 Re: وجدي صالح يقول.لو ما عاجبكم الاتفاق شوفو أ (Re: محمد نور عودو)
|
العنوان ده في كل المقال مافي وجدي صالح محترم ومهذب ومستحيل يقول كلام من النوع ده نعرف الرجل منذ عشرون عام لم يقل كلام يجرح به انسان او يتجاوز حدوده
لكن عندما تصل الي إسم كاتب المقال المتملق الكوز النتن بقال تفهم معنى العنوان وقد كتبنا كثيرا أن الكيزان يلعبون هذه الايام على وتر التهميش والعنصرية ولكنهم لا يعلمون
أن التفاهمات مع الحركات المسلحة في خواتيمها بإذن الله
| |
 
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: Khalid Abbas)
|
أخي العزيز محمد نور عودو
ياخ يشهد الله أحسبك من خيرة رجال هذا المنبر وأكثرهم عقلانية ودواخل عامرة بالخير
لذلك اربأ بك نشر مثل هذا المقالات وفي هذا التوقيت
هل يعقل أن تكون مقالات أبراهيم بقال مرجع نحكم به على الأمور
وهل يمكن أن تصدق أخي محمد نور أن قيادي حكيم ورجل قانون مثل وجدي صالح يمكن أن يصدر منه هذا الكلام وتبني أنت رائك بناء على ذلك
معقول بقال الذي يقول عنه أخوه :
((بمجرد ان تري شقيقي الأكبر الارزقي ابراهيم بقال يتشدق بدعم الشريعة فتأكد انو هذه التظاهرة مدفوعة القيمة من المؤتمر الوطني.
#لم تسقط بعد
M Bagal Serag
هو من نبني أرائنا على كتباته ؟؟
لم أضع يدي حتى الأن على أي دليل ينفي الكلام المنسوب لوجدي
لكني أبصم بالعشرة أنه لم يقل هذا الكلام
| |
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد علي البصير)
|
أخي محمد نور
تحية طيبة
بقال كلامو صاح..
ما تسمع تبريرات عيال جلابة السطحية
ما ورد في مقال بقال بصرف النظر عن من هو بقال لابد من النظر إليه بعين الاعتبار وخاصة من طرف الحكومة الانتقالية.
فرتقوا البلد عيال حبل القيطان و يحسبون انهم يحسنون صنعاً ... تركيبة غريبة...
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد علي البصير)
|
سلامات حبيبنا
محمد علي البصير
يا اخي الف شكر علي حسن الظن وبارك الله فيك.
صدقني لم انقل المقال هنا لغرض التشهير أو بغرض العنصرية أو ما يفرقنا .
لكن لسبب بسيط لماذا لم ينفي وجدي هذا الكلام وهو يعرف خطورة هذا الكلام في هذا التوقيت؟
يا اخي للحقيقة عدة وجوه .
لننتظر أين الحقيقة ؟
تحياتي ودمت بخير يا عزيزي
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد علي البصير)
|
ول أبا محمد نور عودو
سلام
Quote: تهديد صريح وواضح في نص النهار
غايتو مشكلة السودان مشكلة نطلع من ناس الزارعنا غير الله يجي يقلعنا وناس الحس وكوعكم .
ونقع في ناس شوفو الغابة البتريحكم وغابات السودان كثيرة.
الله في يكون عونك يا سودان .
الثورة لم تنضج ولم تنجح بعد |
أنتم هذه المرة ما براكم .. بهذه الطريقة علي اليمين كلـب مش بشر لا يدخل غرب السودان من غير رضا أبناءه. زمن نكون كمبارس ولي وإلي الأبد.
وما ح نطالب بالعدالة .. سوف ننتزعها أنتزاعاً ..
بريمة
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: Khalid Abbas)
|
سلامات خالد عباس
انا شخصيا لا أتفق في معظم ما يكتبه بقال وهذا البقال تاريخو معروف مع حكومة القتلة والمجرمين البايدة.
ومعرفتك بوجدي صالح وأخلاقه في محل احترام بالنسبة لي .لكن هذا لا يعني أن وجدي صالح ملك نزل من السماء بل انسان يخطئ ويصيب .الان الكرة في ملعب وجدي صالح يستطيع أن ينفي كلام بقال وبعدها نشوف.
تحياتي
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: نعمات عماد)
|
سلامات الأخت الفاضلة
الدكتورة نعمات عماد
بقال ليكن كما يكون ويجب أن لا نتمسك ببقال وتاريخه ونترك م قاله وجدي صالح .
السودان الان في مرحلة حساسة واي كلام سلبي من هذا النوع سوف يؤدي الي تفتيت م تبقي من السودان .نحن في مرحلة بناء دولة علي الجميع الاحترام و الحرص في اقاويلهم وتصريحاتهم
حتي تنزلق الدولة
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: نعمات عماد)
|
| Quote: لماذا لم ينفي وجدي هذا الكلام وهو يعرف خطورة هذا الكلام في هذا التوقيت؟ |
| Quote: الان الكرة في ملعب وجدي صالح يستطيع أن ينفي كلام بقال وبعدها نشوف. |
سلامات محمد
ياخ من أبسط قواعد العدالة أن من يتهم شخص يأتي بدليله، مش يطلق الكلام كده في الهوا ساكت.
مُش هو ( أستاذ ) ، ( صحفي ) و ( خبير إعلامي )
وجدي أقواله موثقة بالصوت والصورة، يبقى على الأرزقي بقال يقول وجدي قال الكلام ده في اليوم الفلاتي و المكان الفلاني.
ما معقول أي واحد يتهم زول نطالب المتهم بالنفي.
و معروف الصيحة تبع منو و غرضها شنو
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: عبداللطيف حسن علي)
|
Quote: وجدي صالح يقول.لو ما عاجبكم الاتفاق شوفو أقرب غابة البتريحكم غابات السودان كثيرة!!!
|
كل مقال بقال مبني على كلام تم نسبته لوجدي صالح إن لم يقدم بقال دليل ..
يبقى المقال ده أوانطة وشغل تلات ورقات وكذب وتزييف ومحاولة لاثارة الفتن ..
والاصطياد في الماء العكر ولتأجيج الساحة الاصلا مش محتاجة تأجيج ..
ماعايزين نستبق الاحداث ونقول وجدي مستحيل يقول كده ..
لكن فليأت بقال بالدليل وإلا يكون زول كذاب وأرزقي ..
المفروض كان يجيب دليله ويقدمه في ترويسة المقال قبل أن يتهم وجدي صالح ..
من يطالب وجدي صالح بأن ينفي كلام منسوب له وهو (مثلا ) أصلا لم يتفوه به ..
يكون ده فهم غريب وعجيب .....
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: جمال ود القوز)
|
سلامات الأخ
جمال ود القوز
يا اخي كل سنة وانت طيب وعبرك تحياتي للاهل في في كوستي وتحية خاصة لود ابو سن رد الله غربته وحمد الله علي السلامة يا رجل .
يا اخي وين المشكلة لو جبنا مقال بقال في المنبر هنا عشان نعرف الصح من الكذب ؟
وكونو وجدي صالح شخص مهذب في نظرك هل يعني وجدي انسان معصوم من الخطاء ؟كدا خلونا نفكر بالعقل بعيدا عن العواطف.
تحياتي
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد نور عودو)
|
سلام يا عودو وكل عام و انت و الاسرة بخير
المقال يا دوب بتاريخ أمس, و انت عارف الناس مشغولين اسي بالترتيبات الجارية ترشيحات و توقيعات دا غير المشاكل الكبيرة وما اظن بقال بالاخمية التي تجعل الناس تتابع مقالاته وترد عليها لحظة صدورها
بعدين وجدي صالح كان احد افراد الوفد القابل الجبهة الثورية في مصر و تحدث باسم الحرية و التغيير في المؤتمر الصحفي ولو استمعت للمؤتمر للاحظت كيف لغته مهذبه و التقدير الذي ابداه للجبهة الثورية
كل هذا يجعل المرء يستبعد صدور ما جاء به بقال الذي يعمب بيديه ورجليه للفتنة و افساد المشهد لصالح النظام السابق
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد نور عودو)
|
وكونو وجدي صالح شخص مهذب في نظرك هل يعني وجدي انسان معصوم من الخطاء ؟كدا خلونا نفكر بالعقل بعيدا عن العواطف.
تحياتي
ـــــــــــــــــــــــ
الكذب عند الكيزان مقصود بدقة متناهية وهو تاكتيك قديم
وفاشل عندهم ، الان مع اتساع الميديا لم يعد مجديا
فكرة الكذبة ان توصل المعلومة الكاذبة وتعشعش في اذهان
الناس بصورتها الكاذبة ، علي امل ان البعض لن يعرف
الحقيقة الا بعد زمن طويل
انت ناقل البوست جزء من الكيزان لانك جزء من سلوكهم الجبان
والكوز سلوك في المقام الاول
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: عبداللطيف حسن علي)
|
سلام اخي العزيز محمد نور عودو
هل يُعقل أن يدعو وجدي صالح لحلول عسكرية لحسم الخلاف مع الجبهة الثورية وهو لا يملك نبلة دعك من بندقية؟
المشهد الآن فيهو قوى الحرية والتغير (لا تملك سلاح)، العسكر ودعمهم السريع (جيش بكامل عتاده الحربي)، الحركات المسلحة (يدعون أنهم قادرون على الحسم العسكري)، ورابعهم الكيزان بكتائب ظلهم.
ووجدي صالح يعرف تماماً أين موقعه ومصدر قوته.
فهل من الممكن أن يتنازل عن قوته ويسلمها بكل هذه البساطة لحميدتي والبرهان؟
وهل من الممكن أن يروج لخطاب يقصيه هو وبقية القوى المدنية من المشهد؟
معطيات للقراءة:
1/أنا ما غبي وإنت ما غبي ووجدي صالح ما غبي.
2/بقال خياله لم يسعفه في خلق أكاذيب بسناريو مختلف عن خطاب السياسيين في عهد الإنقاذ
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: Hafiz Bashir)
|
البينة على من ادعى ، وبعد دالك اليمين على من انكر
بقال مفروض البينة بتاعتو تشتمل متين و وين وعبر اي وسيط قال وجدي ما ادعاه بقال .
مش تقبقب الزول طوالي في كلام ما عندو اي اساس
لكن اعتقد انو بقال "فتل فوق حبلك" عشان كده ما صدقت ، جبت الكلام وجيت جاري
بقية المقال يكشف تماما كذب ونفاق بقال ، التجاني حسن الامين قال شنو ما عارف في صيوان وهوب كده
طلع ليهو 70 بروفيسور من البرتي وجماعة كده قالوا انتو يا غرابة ايه ما عارف
وحزب البعث والحزب الشيوعي الخ الخ
هو خطاب الكيزان ، خطاب الثورة المضادة
يا محمد نور الطعن الاستباقي في الثورة ده شي خطير ، يجب ان تنتظر ان ومن يوافقك الرأي
تشكيل الحكومة ومجلس السيادة والبرلمان والمؤسسات والمفوضيات بشكل عام لترى هل تنتمي للسودان
القديم ام سودان الثورة ، ولو اتضح انها لم تغير اي شيء ، بعد داك كلنا حنقيف ضدها
نحن استفدنا شنو من سودان البشير ونميري وغيرو عشان نكون حريصين على انو يستمر ؟
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: Hafiz Bashir)
|
سلامات مولانا
حافظ بشير
كل سنة انت والاسرة بالف خير .
ربما مر عليك هذا المقال في مكان آخر برضو ولا أدري بالظبط وجدي صالح موجه كلامو دا للجبهة أو أي جهة اخري حاملة سلاح أو غير حاملة سلاح .وبكل تأكيد هذا الكلام في هذا الوقت غير موفق .
محاربة الكذب والنفاق أمر مهم في هذه المرحلة .ومعرفة الصح من الكذب والشفافية مطلوب ايضا .
كل ما نريد معرفته هي الحقيقة
تحياتي
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: Biraima M Adam)
|
| Quote: يا زول الناس ديل ملائكة .. ما بغلطوا ..!! |
يا بريمة إختشي ياخ وخليك زول نصيحة
كل الناس الكتبت هنا، وأنا منهم ،لم نقل إنو وجدي صالح ما بيغلط
أنا أعرفه جيداً لا يمكن يقول كلام زي ده.
طالبنا الأرزقي بقال يجيب ما يؤكد كلامو ده، صعب الطلب ده؟
بقال عضو هنا خليهو يجي ويذكر المصدر بتاعو وأنا أول من يغلط وجدي و أعتذر لي بقال، أها قولك شنو؟
بقال كذاااااااااااب ، وتاريخو في المنبر ده شاهد و ماسح جوخ ، والوالي كبر قاااعد.
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد نور عودو)
|
سلامات
عبدالله إدريس
كل سنة انت والاسرة بالف خير.
كدا بعيدا من الانفعالات اضبط كلامك وخاطب بأسلوب ينفع للنقاش .
اذا تابعت البوست كويس انا قلتا لا أتفق مع بقال .
واذا بقال كتب هذا الكلام من خيالو اين المشكلة لامن نجيبو المنبر ونبحث الصح من الكذب ؟
وهل هذا في نظرك طعن للثورة؟
يا اخي علينا علي ان ننظر الي الامور من عدة جوانب بدل النظر لجانب واحد
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد نور عودو)
|
Quote: كل سنة انت والاسرة بالف خير.
|
وانت اسرتك بالف خير
كلامي مضبوط جدا
انت بتتهم زول وبتطالبوا بأنو يثبت براءتو او يقر بما نسب اليه وتتجاوز قاعدة البينة !
وين البينة هنا عشان تطالبوا بتوضيح؟ انت لو محايد ما بتجيب كلام مطلوق ساي قالوا
زول ثبت انو غير صادق وتم ضبطه بالكذب في المنبر ده ، يعني شهادتو في اي شي محل
شك حتى قانونا . ده بالاضافة لعلاقتو المستمرة بالنظام السابق و بعض رموزه مما يشككك
اكثر في كل ما يكتبه .
يبقا كان مفروض على الاقل تتريث في طلبك التعسفي من وجدي او تطلب من بقال
يوضح الكلام ده اتقال متين ووين والدليل عليهو شنو ..
فما تقول انا ناقل ، كان ممكن نتعامل معاك كناقل فقط لو لم تطلب من وجدي ما ة طلبته
خاصة وان الكلام يادوبك اصبحت عليهو الواطة وما تم 24 ساعة ، وبالنظر لبوستاتك في
الفترة الاخيرة وما ابديته في هذا البوست بنيت كلامي ..
انت زعلان من شنو بالظبط في الكلام الانا كتبتو ده ؟
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد نور عودو)
|
يا محمد نور انا لا زعلان ولا مندفع ولا حاجة ولو شعرت بالحدة في اسلوبي ، اعتذر لك ، هذه طريقتي العادية في النقاش
ومندفع دي بالذات في قاموسي ما موجودة
خلاصة كلامي هي كلها في حتة الاندفاع دي بالذات ، الناس تروق وتنتظر تشكيل الحكومة وهياكلها المختلفة
بعد داك تقيمها تقييم موضوعي ، هل تلبي اشوق سودان الثورة ام لا ؟
ثق تماما اننا لن نرضى ان يتم تهميش احد لأن أي واحد فينا حيكون اول المتضررين
السودان ده يا يمشي كويس ، يا يتوكل على الله وكل زول ياخد حقو ..
تعبنا ياخ ..
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: Abdullah Idrees)
|
يا عبد الله إدريس
يا اخي العفو والعافية
وانا زي قلتا جبتا المقال هنا في المنبر ما عندي اي مشكلة شخصية مع وجدي صالح او لغرض عنصري أو تشهير كل م نريده اذا قال هذا الكلام في هذا الوقت قد أخطاء خطاء كبير وان لم يقل علي بقال ان يعتذر و يتحمل تبعات مقالو.
اقتباس
...............
ثق تماما اننا لن نرضى ان يتم تهميش احد لأن أي واحد فينا حيكون اول المتضررين
السودان ده يا يمشي كويس ، يا يتوكل على الله وكل زول ياخد حقو ..
تعبنا ياخ.
...........
امل ان لا يصل السودان مرحلة كل زول يأخذ حقو ويطلع شجرتو يا اخي لابد من أن نعمل جميعا لأجل سودان واحد موحد لا تهميش ولا إقصاء اكيد البلد يسع الجميع بس نصفي النية ونعمل من أجلو .
العفو والعافية وتحياتي
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: Farida Mahgoub)
|
Quote: يبقا كان مفروض على الاقل تتريث في طلبك التعسفي من وجدي او تطلب من بقال
يوضح الكلام ده اتقال متين ووين والدليل عليهو شنو . |
ناقل المقال عارف المفروض كان يحصل شنو بس عامل لينا فيها حركات المجلس العسكري ، ولا يمانع ومبسوط جدا في نشر
هكذا فتن ، فهم بقايا وشظايا المؤتمر اللا شعبي واللاوطني اللذين لا يريدون للسودان خيراً
ما حيقيفوا من إثارة الفتن طالما مدفوعة القيمة ، يعني لو لاحظتم مؤخرا نشاط منقطع النظير
بس نقول ليهم موتوا بغيظكم فالشعب السوداني قرر أن يشق طريقه رغم انوفكم النتنة
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: ترهاقا)
|
Quote: أنتم هذه المرة ما براكم .. بهذه الطريقة علي اليمين كلـب مش بشر لا يدخل غرب السودان من غير رضا أبناءه. زمن نكون كمبارس ولي وإلي الأبد.
وما ح نطالب بالعدالة .. سوف ننتزعها أنتزاعاً ..
بريمة |
تزعلو ليه يا بريمة
من ايتام صدام حسين وعبدالناصر
مش ابيتو جون قرنق والحركة الشعبية ان شاء الله يبيعوكم في السوق
اانت يا بريمة قاعد في امريكا 30 سنة ما اتعلمت الفدرالية
نحن عايزين الفاشلين ديل يرفعو يدهم من الاقاليم وبرنامجي واضح ما فاضح
وحركات الارزقية ديل وعقاب الكيزان ديل ما بودوكم لي الحل علمي يرفع معاناتكم
نقول ترجع الاقاليم ونحكم نفسنا والخرتوم حقتهم دي عودنا فيها عود مرة
https://up.top4top.net/
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: adil amin)
|
[b\
الكوكلان كلكس .. عادل
أنت طرحت خليط غير متجانس من الأفكار .. انا معك قلباً وقالب في الفدرالية .. لكن مشكلتي معاك في أنواع الجنسيات .. بنية وزرقة .. وممكن تصرف لبعض كرت احمر عديل ..!!
أنت قلل الكلام .. وركز علي الفدرالية .. والله هناك أخوك ما يقصر معاك في حملتك الأنتخابية ..
بريمة
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: حامد عبدالله)
|
ول ابا العزيز..استاذنا محمد نور عودو..حبابك يا صديقي..
انا لا اثق في اخونا ابراهيم بقال سراج ، ولكني اثق كثيرا في اخونا وجدي صالح..!
وايضا لا اثق في كل من تداخل هنا في محاولة التبرير لمقولة منسوبة (جزافا لوجدي صالح)..لا اثق يا محمد نور عودو في كل من يحاول الدفاع عن وجدي صالح..!!
ما لم يعرفه اخونا ابراهيم سراج ، انو وجدي صالح دفع التمن في حشاه (ياترى كم زول/ة متذكر انو وجدي صالح فقد بعض من اسرته في الثورة الأخيرة,,موت من دم ولحم ، ومن يتذكر او يعرف كم فقد محمد نور عودو من اسرته ، من دم ولحم..!!)
نبحث عن البناء يا محمد نور عودو ، يا وجدي صالح عبدو..نبحث عن ما يجمعنا..ليكون خطوة نحو المستقبل..!
نفس التمن الذي دفعه محمد نور عودو ، ايضا دفعه وجدي صالح..!
فما الذي يمنعنا من بناء سودان تاني وجديد كمان..؟؟!
يا ابراهيم بقال..وجدي صالح غير ملزم بتقديم تبرير لك او لغيرك..والغابات كتيرة يا بقال..اختر ما يناسبك منها..!!
كبر
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: عبداللطيف حسن علي)
|
Quote: ول ابا العزيز..استاذنا محمد نور عودو..حبابك يا صديقي..
انا لا اثق في اخونا ابراهيم بقال سراج ، ولكني اثق كثيرا في اخونا وجدي صالح..!
وايضا لا اثق في كل من تداخل هنا في محاولة التبرير لمقولة منسوبة (جزافا لوجدي صالح)..لا اثق يا محمد نور عودو في كل من يحاول الدفاع عن وجدي صالح..!!
ما لم يعرفه اخونا ابراهيم سراج ، انو وجدي صالح دفع التمن في حشاه (ياترى كم زول/ة متذكر انو وجدي صالح فقد بعض من اسرته في الثورة الأخيرة,,موت من دم ولحم ، ومن يتذكر او يعرف كم فقد محمد نور عودو من اسرته ، من دم ولحم..!!)
نبحث عن البناء يا محمد نور عودو ، يا وجدي صالح عبدو..نبحث عن ما يجمعنا..ليكون خطوة نحو المستقبل..!
نفس التمن الذي دفعه محمد نور عودو ، ايضا دفعه وجدي صالح..!
فما الذي يمنعنا من بناء سودان تاني وجديد كمان..؟؟!
يا ابراهيم بقال..وجدي صالح غير ملزم بتقديم تبرير لك او لغيرك..والغابات كتيرة يا بقال..اختر ما يناسبك منها..!!
كبر
|
يا سلااام يا أخونا كبر
دا كلام يشرح الصدر
قدمت نموذج طيب للخطاب المفروض يسود هذه الحقبة
لو دائماً تكتب زي كدا ندعمك طوالي رئيس للمرحلة الإنتقالية ( وجه باسم )
| |
|
|
|
|
|
|
|
|
|
Re: وجدي صالح يقول.لو ما عاجبكم الاتفاق شوفو أ (Re: محمد علي البصير)
|
سلام لكل المتداخلين القدام والجدد واكرر شكري لكم جميعا من احسن ظن بي في نقل الخبر ومن إساءة الظن بي وانا عن نفسي مسامح الجميع وكما ذكرت من قبل ليس لدي اي مشكلة شخصية مع وجدي صالح .
واليوم ابراهيم بقال سراج هو بزات نفسو فاتح بوست بنفس الموضوع تقريبا يمكن الناس يناقشوا معاه هناك .
الأستاذ محمد النور كبر
يا اخي اشكرك جزيل الشكر لهذا المداخلة القيمة المتوازنة حقا انا لا أعرف وجدي صالح وليس لدي معه أي مشكلة ومثلما ذكرتا يا كبر كم فقد وجدي من أسرته وحياته في الكفاح ضد حكومة الإنقاذ وكم فقدنا انت وانا وغيرنا من أسرنا وحياتنا في النضال والكفاح ضد حكومة الإنقاذ البايدة في الحقيقة كل واحد فينا يعرف الثمن الذي دفعه ويحس بالألم أشد الألم عند ذكر حكومة الانقاذ سيئة الذكر .الان انتهي نظام الإنقاذ ودخل السودان مرحلة جديدة ولابد للجميع ضبط الخطاب والمصطلحات يواكب العصر الجديد أعلم تماما يا صديقي ان نظام الإنقاذ انتهي لكن هناك من يريد استخدام خطاب الإنقاذ وسياسة الإنقاذ لضرب الثورة وخلق البلبلة وعلي الناس ايضا مواجهة مثل هؤلاء بكل شفافية حتي لا ينتشر الإشاعات التي تنتشر كالنار في الهشيم .
انا لا اثق ولا اتفق في كل ما يكتبه بقال لكن هذا لا يعني نغض النظر عن كتاباته وخاصة مثل مقال امس يجب أن لا يمر مرور الكرام صحيح وجدي غير ملزم لكي ينفي ما كتبه بقال عنه لكن يا صديقي ترك الموضوع بدون اي توضيح هكذا حتما ليس في صالح وجدي ربما يستغله البعض لاغتيال شخصيته وانت عارف المشوار مازال طويل وطويل جدا ووجدي الان أصبح شخصية عامة .
اعتقد هذه نقطة مهمة يجب علي الناس الاهتمام بها و واحدة من أسباب نقل المقال . ما يهمنا هو بناء سودان جديد دولة القانون والمساواة والعدالة وإزالة كل مخلفات والظواهر السلبية التي خلفتها نظام الإنقاذ البائدة طيلة الثلاثة العقود .
عاش كفاح الشعب السوداني ومعا لبناء سودان جديد معافي من أمراض حكومة الانقاذ.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
محمد نور عودو
محمد علي البصير
اسماعيل عبد الله محمد
Biraima M Adam
نعمات عماد
kamal omer
عبداللطيف حسن علي
جمال ود القوز
محمد البشرى الخضر
Hafiz Bashir
Abdullah Idrees
Farida Mahgoub
ترهاقا
adil amin
حامد عبدالله
Kabar
فيس بوك
تويتر
انستقرام
يوتيوب
بنتيريست