|
|
|
 Re: وجبة البدوي المجانية للتلاميذ (Re: عمر التاج)
|
قدرت مادورت الموضوع ده في راسي ما وقع لي
كدي فهموني ياجماعة
هل هي وجبة حقيقية
ام دعم مالي
وإذا كانت وجبة فعلا كيف ستقدم
ومن تتكون
وهل يتم طبخها مركزيا ام ولائيا
وهل ستتشكل ميزات لإعداد الوجبة في كل مدرسة أم توزع جاهزة
وهل هناك اليه لتوزيعها على الطلاب كل يوم ام ستؤكل مخزنة وناشفة
وهل وجية تلاميذ الخرطوم مثل وجبة طلاب الشمالية ام هي من عامة قوت البلد
كدي فهموني البدوي ده ختاها في الموازنة على ياتو اساس عشان نوافق عليها او نرفضها
| |
 
|
|
|
|
|
|
|
 Re: وجبة البدوي المجانية للتلاميذ (Re: عمر التاج)
|
سلام عمر التاج
ايام الكيزان كان فى تجربه اسمها الوجبه المدرسيه يديرها الكيزانمن ماعرف بالوجبه المدرسيه واللى اتحول لاحقا لمكتب طلاب التعليم العالى (التنظيمى) المواجه للمسرح فى اض الاعتصام وتم اقتحامو بمجموعه من الثوار وعساكر من الجيش بدايات الاعتصام.
القصه اعتقد انها لن تتخطى كونها مشروع اعلامى لن يصل فعليا الى مستحقيه فى اطراف الولايات قبل اطراف العاعاصمه والمدن الكبرى (لانوالمشروع ماحيتعدى العاصمه والمدن الكبرىان امتد المشروع اليها
قبل الوجبه المدرسيه (على مستوى السودان ) وين هى المدارس فى اطراف الولايات ؟ البتكون تحت ضل شجره ؟او فى العراء وسبوره مسنوده على حائط ؟
.
موضوع الوجبه دا مفروض يكون مشروع اجتماعى وحاليا فى منظمه - اشك فى انها اخوانيه بامتدادات خارجيه شغاله فى مشروع افطار الطالب فى الخرطوم والافضل للحكومه التركيز على تاهيل البنيات الاساسيه للمدارس وتشجع وتحفزوتسهل المشروع الاجتماعى لاطعام الطلاب بعيدا عن الكسب الاعلامى لاستجداء التعاطف لموازنه رفع الدعم
| |
|
|
|
|
|
|
|
|
|
Re: وجبة البدوي المجانية للتلاميذ (Re: عمر التاج)
|
في الحقيقة ليس لي المام جيد بمدى توفر هذه الظاهرة في العالم من حولنا ..
ففي الخليج الذي أعيش فيه، وتحديدا المملكة العربية السعودية التي تضع اهتماما كبيرا بالتعليم
وتوفر له ميزانية ضخمة، وتذلل في سبيل انجاحه كل السبل والمقومات ..
ورغم ذلك لم أسمع بدعم وجبة التلميذ قط ..
عندنا في التعليم العالي يتم منح الطالبة ألفين ريال شهريا ( أي ما يعادل 45 مليون جنيه للطالب الجامعي الذي يدرس علوم حاسب )
ولكن لا يقدم له أي وجبة أو مشروب مجانا إلا قارورة ماء في وقت الاختبارات ..
الاعاشة كنا نسمع بها في جامعة الخرطوم قديما،
وعندما دخلناها لم نجد فيها حتى الفول والعدس
وحتى ما كان يعرف بالدعم الطلابي حرمنا منه بدواعي عدم الاستحقاق ..
دخلنا المدارس بحقنا ، ودفهنا علبها رسوما سنوية .. ولذا نجد أن فكرة مجانية التعليم ضرورية جدا في موازنة العام 2020
أما مجانية وجبة التلميذ هذه، فغير أنها كانت في الداخليات والمدارس الحكومية ، فلم أسمع بها إلا في تذكرة البص السياحي عندما كنا طلابا
ثم أوقفوها - ولم يخصموها من سعر التذكرة- بداعي أنها تسببت في تسمم بعض المسافرين ..
لذا فاسمحوا لي جهلي وسؤالي عن كيف تطبق هذه الوجبة المجانية
وإلا فسأنكت هذا البوست كل يومين وأسأل الناس سؤال نكير - أقصد جبرة-
وجبة الطلاب المجانية عملتوا فيها شنووووووو +13 تربع.
| |
|
|
|
|
|
|
|
|
|
Re: وجبة البدوي المجانية للتلاميذ (Re: عمر التاج)
|
حبابك عاصم أخوي
وشكرا علي الإضافة الثرة
Quote: ايام الكيزان كان فى تجربه اسمها الوجبه المدرسيه يديرها الكيزانمن ماعرف بالوجبه المدرسيه واللى اتحول لاحقا لمكتب طلاب التعليم العالى (التنظيمى) المواجه للمسرح فى اض الاعتصام وتم اقتحامو بمجموعه من الثوار وعساكر من الجيش بدايات الاعتصام.
القصه اعتقد انها لن تتخطى كونها مشروع اعلامى لن يصل فعليا الى مستحقيه فى اطراف الولايات قبل اطراف العاعاصمه والمدن الكبرى (لانوالمشروع ماحيتعدى العاصمه والمدن الكبرىان امتد المشروع اليها
قبل الوجبه المدرسيه (على مستوى السودان ) وين هى المدارس فى اطراف الولايات ؟ البتكون تحت ضل شجره ؟او فى العراء وسبوره مسنوده على حائط ؟
.
موضوع الوجبه دا مفروض يكون مشروع اجتماعى وحاليا فى منظمه - اشك فى انها اخوانيه بامتدادات خارجيه شغاله فى مشروع افطار الطالب فى الخرطوم والافضل للحكومه التركيز على تاهيل البنيات الاساسيه للمدارس وتشجع وتحفزوتسهل المشروع الاجتماعى لاطعام الطلاب بعيدا عن الكسب الاعلامى لاستجداء التعاطف لموازنه رفع الدعم |
مبنى الوجبة ده هل تصدق دخلته مرة بالغلت ..
ومن باب حب الاستطلاع جيت ماري بجاوره وقلت أدخل أشوف بقدموا ياتونوع من الوجبات؟
أوقفني عند الاستقبال رجل ضخم الجثة مفتول العضلات مشرئب القامة عريض المنكعين وقال لي في قسوة:
- عايز منو ؟
فقلت له بثبات حاولت تصنعه لتلطيف الجو المكهرب حولي
- عايز أستفسر عن الإجراءات المطلوبة للوجبة ..
- وجبة شنو يا برلوم ؟
- الوجبة المدرسية ، أقصد الوجبة المدعومة .. آآآ أقصد وجبة الطالب الجامعي
عندها فتل الرجل شاربة ونظر لي نظرة كادت ان تخترقني قبل ان يقول لي ..
- يا زول اتخارج من هنا سريع قبل ما نعملك أنت زاتك وجبة ..
وفعلا اتخارجت سريع، بس ما متذكر طلعت مهرولا أم جاري ، بس المتذكر انه سمعت صوته وهو يلاحقني من الخلف ..
- وأوع تعتب هنا تاني ..
ومن ديك وعييك، وتاني ما اتذكرتها إلا في مداخلتك دي ..
المهم ، حتى الان ما عارفها كانت وجبة شنو ، وماعايز أعرف زاتو ..
وأسه وجبة البدوي دي زاتا طارت لي في رأسي
بس كلامك الأخير أعاد لي صوابي وتسآلاتي المشروعة ..
هل يعرف البدوي عدد المدارس المحتاجة للوجبة في السودان
وهل لديه إحصاءات دقيقة بعدد الطلاب في المدارس الحكومية والخاصة في كل الولايات والاقاليم
وهل تشكلت لجان حقيقة على مستوى المحليات والمناطق ورفعت هذا المقترح باحصاءات دقيقة أم هي مجرد طفرة سياسية عليا؟
وهل لدى الوزراة تقديرات حقيقية بموازنة الوجبة وكم تكلفتها من الخبز والدقيق والترحيل والملاح أم هي موازنة تقدر وفق ما اتفق لاحقا ..
وهل ستكون وجبة واقعية فعلا أم تبقى لينا مثل خط هيثرو أيام الكيزان ؟
| |
|
|
|
|
|
|
|
|
|
Re: وجبة البدوي المجانية للتلاميذ (Re: عمر التاج)
|
زيها وزي الداخليات زمان، ما قريت في الاهلية يا عمر ؟
ممكن يعملوا متعهدين يوردوا وجبات معقولة للمدارس ودي ما حاجة صعبة ، المورد او المتعهد بتعاقد مع
الوزارة ويورد الوجبات حسب العدد المسجل للطلاب والمدرسة حتحدد استاذ يشرف على التوزيع ويتأكد
انو الوجبة مطابقة لمواصفات الوزارة ، مدير المدرسة يوقع على مستندات استيفاء العقد او يبدي ملاحظاتو
او يشتكي المتعهد في حال خرق العقد الخ الخ ، البلد عندها خبرات كفاية في الامور دي ..
صراحة الموضوع ده مهم جدا ومؤرق لأي أب في بلد تصل فيها نسبة الفقر حسب تقارير الوزارة 65%
فطور الطلاب مشكلة بالجد ، شيء مؤلم انو طالب ما يقدر يفطر ، وللعلم الموضوع ده بقا ظاهرة بعاني منها
عشرات الالاف من اطفالنا ، وحتى كتيرين من البلقو فطور بكون حاجة اي كلام بتسكت كواريك المعدة بس .
بس اتمنى انو يكون في ميزانية محسوبة كويس لانو الموضوع ما ساهل.
| |
|
|
|
|
|
|
|
|
|
Re: وجبة البدوي المجانية للتلاميذ (Re: Abdullah Idrees)
|
مرحبا قريبي عبد الله
الاهلية ، أو شندي الثانوية قريتها
وزي البتذكر كان فيها داخلية ، لكن كنا خارجيين ، ماعارف ليه؟
بس اتخيل لي كانت مدارس داخلية متكاملة ، عندها داخلية وميز وطباخين
وبتقدم اعاشة كاملة وليست مجرد وجبة
واعتقد انها كانت موجودة على مستوي الثانوي العالي فقط وفي مدارس معينة في كل ولاية
أسه البدوي عايز يعملها وجبة واحدة ، يعني ما نظام داخلية وكده
وعايز يعممها للمدارس كلها ، من الأساس لاعن الثانوي ..
ودي يتخيل لي موضوع صعب جدا ان لم يكن مستحيلا
غايتو الله يكون في عونه كان نجح في المشروع ده واكان فشل
الموضوع جد صعب ويحتاج درسات واليات ضخمة لتنفيذه
وبعد بكره السنة الجديدة نعيش باذن االله ونشوف
| |
|
|
|
|
|
|
|
|
|
Re: وجبة البدوي المجانية للتلاميذ (Re: عمر التاج)
|
لحد سنة 1990 في الاقاليم اغلب المدارس المتوسطة والثانوية بنات او اولاد كانت داخلية لانو المدارس
كانت بسيطة ، في شندي كانت الاهلية بنات وبنين ثانوي، عندنا غرب النيل كان في المتمة كان في الاموي-متوسطة
، زينب محمود والشيخ مصطفى الامين ثانوي ، كان في داخليات متوسطة في حجر الطير وودالحبشي
نعم كان فيها مرافق كاملة ، وده الحال في كل الاقاليم والموضوع كان ماشي زي الساعة من زمن الانجليز
عايز اقول ليك انو فنيا الموضوع ساهل جدا، متعهد الطعام بيمسك 5-6 مدارس بيكون فيها حوالي 2000 طالب
ويشغل معاهو طباخين او طباخات ويعمل مطبخ ويشتغل حسب العقد بتاعو وهي كلها وجبة واحدة
وما فيها طبخ زي وجبة الغدا مثلا ، سندوتشات معقولة ومناسبة للطلاب .. بعدين بدل ما كنا زمان
بناخد تلات وجبات في الداخليات وشاي تلات مرات اسي دي وجبة واحدة وفطور بس وممكن تجهزا
في مطبخ بسيط جدا ، بوفيه مفتوح هو؟
وتلقائيا ممكن تتأسس شركات بتاعة catering وتخلق وظائف كمان الموضوع بستاهل يعني.
المشكلة في نظري هي التمويل ، اذا في تمويل الموضوع في غاية البساطة .
| |
|
|
|
|
|
|
|
|
|
Re: وجبة البدوي المجانية للتلاميذ (Re: Abdullah Idrees)
|
كان التمويل موجود الأمر سهل جدا ..
الكاش بيقلل النقاش ..
لكن ان بقى تنظير في الهوا ساي
الله لي الطلبة المساكين في المدارس ..
وده الحييحصل ..
ماتشاؤم لكن المعطيات بتقول كده
حكومة غرقانه لي اضنيها ..
في ميزانية ماقادره تظبطها
جارية تفكر في حاجة بعيدة ..
زي وجبة فطور للطلاب في المدارس ..
شي عجيب يأخ ..
شايف الملهيات وتعشيم الجماهير والهاءها ..
وأحلام زلوط بدات تكتر !!!! ...
الله مايشوّفنا زمن لحس كوعنا .. 
| |
|
|
|
|
|
|
|
|
|
Re: وجبة البدوي المجانية للتلاميذ (Re: صديق مهدى على)
|
الناس المصدقه اقصه الفطور دى
-زمان وفى التمانينات وحسب ماشفت .كان الوالدمعلم فى واحده من مدارس دارفور الداخليه وكان المؤن اغلبها من المعونه الامريكيه زى جوالين الزيت .
-المدارس كانت محدوده وكان فى مسئوليه تجاه العمليه التعليميه ككل.
-الليله عندكمدارس مش فى اطراف الولايات بل (فى اطراف الخرطوم) الطلبه ماعندهم فصول وقاعدين نصهم فى الشمس ونصهم فى الضل والسبوره متكوله على حيطه خليك فصول تحت الاشجار ديل ماهيه استاذتهم فى تلتله خليك من التزام بفطورهم.
-تركه الانقاذ الاخلاقيه (الفساد)وسيطره الكيزان على السوق دا باب لفشل المشروع ان صح نيه الحكومه لفعل ذلك.
.
مازلت مصر على كون بندفطور المدارس مجرد اعلام لاستجداء تعاطف الشعب ولن يكون ليهو وجود حقيقى على الارض (ربما الاعلى نطاق محدود فى الحواضر)
ومازلت مصر على ضروره تبنى المشروع بشكل مجتمعى(منظمات مجتمع مدنى وراس مال وطنى وقيادات محليه ...الخ) مع تسهيل ومتابعه الحكومه للمشروع
ياناس ماتتكلمو كاننا لسه فى السبيعنات او الستينات او نقار نفسنا بامريكا او زعيطومعيط
المشروع دا مسئوليه تزيد من اعباء الدوله وباب الفساد الالاكيد (ما ح اقول محتمل) وفشلو حيكون داوى اكثر من فشل اى مشروع تانى لانو فشل حيحس بيهو اى بيت مش موضوع يخص شريحه معبنه ويكون فشلو محدود.
نخلى الرومانسيه ونكون واقعيين
| |
|
|
|
|
|
|
|
|
|
Re: وجبة البدوي المجانية للتلاميذ (Re: Asim Ali)
|
سلامات جمال القوز
Quote:
كان التمويل موجود الأمر سهل جدا ..
الكاش بيقلل النقاش ..
لكن ان بقى تنظير في الهوا ساي
الله لي الطلبة المساكين في المدارس ..
وده الحييحصل ..
ماتشاؤم لكن المعطيات بتقول كده
حكومة غرقانه لي اضنيها ..
في ميزانية ماقادره تظبطها
جارية تفكر في حاجة بعيدة ..
زي وجبة فطور للطلاب في المدارس ..
شي عجيب يأخ ..
شايف الملهيات وتعشيم الجماهير والهاءها ..
وأحلام زلوط بدات تكتر !!!! ...
الله مايشوّفنا زمن لحس كوعنا |
قيمة الوجبة لوحدها لا اعتقد مؤثرة في الموازنة
١٥ جنيه (سعر جملة) ممكن تفطر ليها تلميذ ،
وإذا بلغ العدد خمسة مليون طالب اساس وثانوي (تقديرا)
فإن التكلفة لا تتجاوز المليارين والربع شهريا..
ولكن تبقى مشكلة تنفيذ المشروع، من إداريين ولجان إدارية ولجان خدمات ولجان متابعة ولجان مالية والتي مؤكد انها ستصرف قدر هذا المبلغ الي حين وصول الطبق من المالية المركزية الي التلميذ في ام صفقا عراض..
وكان من الممكن أن تقدم هذه الوجبة في شكل إعفاء للطالب من رسوم الدراسة أو الطباشير أو الكهرباء التي يتحصلون عليها من للطلاب كل شهر..
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عمر التاج
Asim Ali
Abdullah Idrees
جمال ود القوز
صديق مهدى على
فيس بوك
تويتر
انستقرام
يوتيوب
بنتيريست