|
Re: والله دي فضيحة يا ناس قناة الجزيرة. (Re: Deng)
|
ولقد نقل الاخ ياسر الشريف الاتي في بوسته:
الدكتور أسامة العيدروس لم أكن أعرف عنه شيئا ولكن العم قوقل ما بقصر. جئت منه بهذه المادة:
ــــــــــــــ
مدير العلاقات الدولية بالتلفزيون أسامة العيدروس ل«تقاسيم»: الانتباهة نشر في الانتباهة يوم 27 - 08 - 2011
أسامة أحمد عيدروس من أبناء عطبرة درس الاقتصاد والعلوم السياسية بجامعة أم درمان الإسلامية ونال الماجستير في العلاقات الدولية والدكتوراه في الدراسات الإستراتيجية والأمنية من جامعة ماليزيا، بدأ العمل الإعلامي في برنامج ساحات الفداء إعدادًا وتقديمًا ومراسلاً حربيًا للتلفزيون يشغل
حاليًا منصب مدير العلاقات الدولية بالتلفزيون.. يأتي رمضان هذا العام بطعم مختلف للدكتور بعد غياب اربعة عشر عامًا عن السودان التقينا به في هذا الحوار ليعّرفنا أولاً على ماهية عمله وعن سنوات الغربة ورمضان خارج السودان.. حوار: سحر محمد بشير تصوير: محمد الفاتح ** بداية حدِّثنا عن ماهية عملك كمدير للعلاقات الدولية بالتلفزيون؟ - نعمل على فتح علاقات مع قنوات التلفزيون الشقيقة والصديقة بالإضافة الى التعاون مع اتحادات الإذاعات والتلفزيون الإقليمية والدولية والإشراف على بروتوكولات التعاون ومذكرات التفاهم في مجال التلفزيون. ** رمضان في الخرطوم بعد عشرين عامًا من الغياب عنها فسّر لنا تلك السنوات؟ - السنوات الأولى من سنة 1990 1997م كنت مراسلاً حربيًا من ارض العمليات لبرنامج ساحات الفداء من الجنوب آنذاك والفترة من 1997حتى 2005م قضيتها في ماليزيا بغرض الدراسة ومن 2005 2010م كنت في دار السلام بروناي. ** صوِّر لنا الشارع الماليزي في الشهر الكريم؟ - الماليزيون لهم اهتمام كبير جدًا برمضان ويتم التحضير له قبل وقت كافٍ ويتحول الشارع لشارع رمضاني بذات الملامح السودانية من تراويح وزحمة المساجد والأسواق. ** أول رمضان مرّ عليك وأنت خارج السودان؟ - كان بماليزيا وكنا مجموعة طلاب سودانيين من ولايات مختلفة نسكن مع بعضنا وحاولنا قدر الإمكان أن يكون رمضان سودانيًا فتجمعنا في ساحة المبنى احضرنا البرش والعصيدة والقراصة وحتى الكول وتحضرني هنا طرفة فالماليزيون لديهم يوم مفتوح في العيد يسمى «open day يجتمعون فيه فاعتقدوا ان تجمعنا هذا يوم مفتوح كيومهم في العيد ولكن اندهشوا جدًا عندما تكرر الموقف وتساءلوا :يوم مفتوح كل يوم؟؟ ** هل ثمة تشابة في العادات والتقاليد بين السودان وماليزيا ؟ - تبادل الأطباق عادة مشتركة بيننا ويهتمون جدًا بوجود البلح على المائدة عملاً بالسنة الشريفة ويطلقون عليه اسم «كُرمة» ويخرجون لصلاة التراويح بزيهم المميز والعباءة البيضاء بالكامل بالنسة للنساء. ** لكل دولة أطباق تميزها فما هو الطبق المميِّز لماليزيا وهل نال رضاكم؟ - غالبية طعامهم من الكائنات البحرية إضافة الى الأرز والهنود الماليزيون أكلهم أقرب للسودانيين وتأقلمنا عليه إلا من بعض الأكلات مثل السمك بالسكر لم نستسغ طعمه. ** صف لنا يومك الرمضاني بالسودان؟ - بعد أربعة عشر عامًا من الغياب كنت في شوق شديد لرمضان السودان وأصررت على الذهاب لعطبرة وشرب القهوة السودانية وكل الطقوس السودانية، أما عن اليوم في رمضان فهو عادي جدًا فقد تعودنا على العمل في رمضان بماليزيا حيث الجو رطب واليوم قصير. ** نعود بك مرة أخرى الى أجواء العمل حدثنا عن اجتماع اتحاد إذاعات الدول العربية الذي عُقد بالسودان في نهاية السنة الماضية؟ - طبعا أول اجتماع للجمعية كان بالسودان منذ سنوات خلت وتزامن الاجتماع هذه المرة مع احتفال التلفزيون باليوبيل الذهبي، وقد ذُهلنا من الاستجابة الواسعة حيث حضر أكثر من 38 مديرًا لإذاعات وقنوات من الاتحاد و14 من دول إفريقية بالإضافة لمشاركة ثلاثة وزراء وعدد من وكلاء الوزارات لعدد من الاتحادات الأوربية وآسيا وقد كانت دورة انعقاد مميزة بشهادة الجميع وأكسبتنا علاقات واسعة. ** ماهي انطباعات الإعلاميين عن السودان وهم يزورونه لأول مرة؟ - وسائل الإعلام العالمية تعكس صورا مشوّهة عن السودان، فقبل حضور بعضهم كان يسأل هل يجب عليه إحضار عقارات وأدوية كجانب وقائي؟ وأحد الأجانب قال: كنت أتوقع سماع صوت دوي الرصاص بمجرد هبوطي من الطائرة، لكنهم فوجئوا بالأمن المستتب والسلام وكرم الضيافة. ** هل تربطك علاقة بالمطبخ؟ - زوجتي تحب المطبخ جدًا ولاتحوجني لدخوله ولكن أكون طباخًا ماهرًا في فترة غيابها وحضورها للإجازات وأطلب من الجميع عدم إخبارها بذلك. ** الوجبة المفضلة لديك في رمضان ومشروب يعجبك؟ - قراصة او عصيدة واحب الحلومر جدًا ** وكيف تقضي أمسياتك الرمضانية؟ - الكمبيوتر «لخبط» على الناس برنامجهم.. عن ذات نفسي أجلس على «الفيس بوك» واجتماعياتي تكون في تناول الإفطار. ** عشت فترة طويلة جدًا بماليزيا.. حدِّثنا عن انطباع الماليزيين عن السودان... - السودانيون كُثر بماليزيا، وقد عشنا في شكل مجموعات وكنا جالية نوعية تضم أساتذة جامعات وطلاب الدراسات العليا، وقد كان لتلك الرابطة إسهام كبير في عكس وجه السودان الحسن.. وفي العام 1995م أقمنا أسبوع السودان بماليزيا بعدها دخلت شركة «بتروناس» في مجال البترول السوداني وتوافد عدد من الطلاب على الجامعات السودانية لدراسة اللغة العربية والطب وعمومًا الشعب الماليزي طيب وودودولم نعانِ من الغربة لأنهم وسط مترابط ولديهم اهتمام بالعائلة.
| |
|
|
|
|
|
|
Re: والله دي فضيحة يا ناس قناة الجزيرة. (Re: Deng)
|
Quote: - السنوات الأولى من سنة 1990 1997م كنت مراسلاً حربيًا من ارض العمليات لبرنامج ساحات الفداء من الجنوب آنذاك والفترة من 1997حتى 2005م قضيتها في ماليزيا بغرض الدراسة ومن 2005 2010م كنت في دار السلام بروناي. |
ده "الخبير الاستراتيجي" الذي كان يكتب للناس من مناطق العمليات عن قصص "الدبابين" وبطولاتهم الوهمية، وعن الاشجار التي كانت تكبر وتهلل وعن القرود التي كانت تدل "مجاهدي" الدفاع الشعبي على "العدو"!!
| |
|
|
|
|
|
|
Re: والله دي فضيحة يا ناس قناة الجزيرة. (Re: Deng)
|
اخي دينق
اسامة العيدروس شخصية معروفة جدا و له مجاهداته
ولا ينكرها الا مكابر
نشط في ساحات الفداء فنقل و رفع الروح المعنوية و القتالية للمجاهدين
فنحن نؤمن بالفكرة لا بالاشخاص و لا بالنظام
لكم اجمل التحايا
| |
|
|
|
|
|
|
Re: والله دي فضيحة يا ناس قناة الجزيرة. (Re: طارق ابراهيم ابوالفضل)
|
Quote: اسامة العيدروس شخصية معروفة جدا و له مجاهداته
ولا ينكرها الا مكابر |
يعني كللللللللللللللللللللل الأراء الفوق دي عن الكووووووووووز (العيدروس) ماصحيحة يا استاذ طارق؟
(له مجاهداته) - له مجاهداته في ماذا؟ جاهد مع الكيزان ولا جاهد امام بوابات القيادة العامة؟
(لاينكرها الا مكابر) - يعني امة لا اله الا الله ديل كلهم مكابرين ولا الحكاية شنو؟
| |
|
|
|
|
|
|
Re: والله دي فضيحة يا ناس قناة الجزيرة. (Re: Deng)
|
Quote: ده "الخبير الاستراتيجي" الذي كان يكتب للناس من مناطق العمليات عن قصص "الدبابين" وبطولاتهم الوهمية، وعن الاشجار التي كانت تكبر وتهلل وعن القرود التي كانت تدل "مجاهدي" الدفاع الشعبي على "العدو"!! |
بالضبط كدة
افهم من كدة قناة الجزيرة دي ناوية تشوه صورة المعارضة ولا شاينة وين؟ ماكانوا كويسين معانا الجديد شنو؟ كونوا استضيفو (كيزان) اناقروا في بعض دة بيوحي للمشاهد ان الطرف الثاني من االحوار ضعيف والمشاهد بفتكر الطرف الضعيف دة معارضة.. وبعدين معاك ياقناة الجزيرة قمتو على عوارتكم تاني ما كنتو كويسين؟
| |
|
|
|
|
|
|
Re: والله دي فضيحة يا ناس قناة الجزيرة. (Re: Deng)
|
حبيبنا دينق تحياتي حسب متابعتي ل برنامج الإتجاه المعاكس دا يستضيف شخصيتين مختلفتين في الآراء لكن لمن يجيب لينا ديك الصباح المجرم يونس محمود و كلبه اسامة عيدروس يبقى دي فضيحة كاملة الدسم ل البرنامج لكن السؤال هل قناة الجزيرة لا تعرف تاريخ الرجلين؟ ام أن قناة الجزيرة تستخف بعقول المشاهدين؟
| |
|
|
|
|
|
|
Re: والله دي فضيحة يا ناس قناة الجزيرة. (Re: عماد الدين الطيب عمر)
|
دينق وشركاه دي ما فضيحة بس دي فضيحة بجلاجل حتى الحلقة لم يقدمها فيصل القاسم ، قدمها مذيع اسمه زين العابدين وكان الاداء باهتا والحوار مملا ولم يكن هناك خلاف اصلا ..ولا تباعد في الرؤى كوز vs كوز اسامة الكوز كان متخصص اكاذيب بحسب شهادة مخرج ساحات الفداء وهو قريب كان يفبرك خطابات مثل (اماه لاتجزعي) والشهيد الذي حملته الملائكة ورائحة المسك عمت القرى والحضر وازكمت الانوف .. والقرود التي قاتلت معهم ببسالة والنور الذي نزل من الفضاء وبقى يتارجح بين شاهدي قبر دباب والكلام الذي قثيل فيهم لم يقال حتى في شهداء بدر
| |
|
|
|
|
|
|
Re: والله دي فضيحة يا ناس قناة الجزيرة. (Re: Ahmed Yassin)
|
∆ لا بل قيل فيهم ما لم يقله أبو نواس في الخمر. ود ياسين ياخ مالك خاتفا من خشمي؛ صحي و الله: الاسمو زين العابدين توفيق دا زاتو فعلن ما كان جادي ؛ و يتبسم معاهم متل نار القصب؛ شكلهم تقول دافنو سوا . عارف ، عشان يتمو الناقصة كان الجزيرة بالمرة تجيب ليهم الكوزة روضة الحاج و لا السموءل خلف الله يديرو ليهم عشرة ونستم القاجة دي؛ و لا كمان خليناعشان زمالة ماليزيا كان بالعدم ، يجيبو عوض إبراهيم عوض عشان يقعد ينطط و يلمع في الواحد و يقول لينا : هو رجل كان كذا و كذا! فا شايفين بالله عليكم كيف تكون «شكارتا دلاكتا»؟!!!
| |
|
|
|
|
|
|
Re: والله دي فضيحة يا ناس قناة الجزيرة. (Re: Dr. Ahmed Amin)
|
. يا دينق سلامات ... فردتك خدر الطيب برضو كان شغال في ساحة الفداء في تلفزيون السودان ... ومشى السعودية وكان بصور لناس ود الباوقة حفلات السفارة ... لكن فجاءة الزول دا قَلَب و ركّب مكنة مناتل واسه جاء قطر واشتغل في قناة الكيزان (الجزيرة) ... صدق المثل اللي بيقول : ضنب (الكوز) عمرو ما بنعدل ...... . .. .
| |
|
|
|
|
|
|
Re: والله دي فضيحة يا ناس قناة الجزيرة. (Re: قسم الفضيل مضوي محمد)
|
صحيح يا ودالاصيل
Quote: لاسمو زين العابدين توفيق دا زاتو فعلن ما كان جادي ؛ و يتبسم معاهم متل نار القصب؛ شكلهم تقول دافنو سوا . عارف ، عشان يتمو الناقصة كان الجزيرة بالمرة تجيب ليهم الكوزة روضة الحاج و لا السموءل خلف الله يديرو ليهم عشرة ونستم القاجة دي |
دا لو برنامج (المرأة) ما كان حيكون بارد كدة وزي ما قلت انت يا ودالبادية المذيع كان مستهتر بالحلقة خاصة في سؤال حوله للكوزين عن استطاعة البرهان في اقالة نائبه حميدتي او تنظيم الجيش طبعا روضة الحاج فقدت كثير جدا من معجبيها ومتابعيها والهوة بقت شاسعة بين الناس الطيبين وبين اشعارها التي اصبحت غير موزونة وباردة
| |
|
|
|
|
|
|
Re: والله دي فضيحة يا ناس قناة الجزيرة. (Re: Ahmed Yassin)
|
كلامك صاح يا دينق نحن قلنت ثورة ما تزحنا من العرب مافي فايدة والجزيرة لا تسوق الديمقراطية في العالم والعربي والاسلامي تسوق مشروع الفوضى الخلاقة والاخوان المسلمين والعربية نفس الشي ومن الاجدى يكون للمعارضة اذاعة فقط تصل لكل السودان والسودانين ذى بتاعة الحركة الشعبية زمان وتقدم برنامج سودانية محترمة تستهدف وعي السودانيين والعمق الحضاري لهم ا\مصر والعرب ديل لا جدوى منهم اطلاقا والمصري المستهبل في البرنامج واضح السخرية والاستهزاء في حواره لانه عارف اصلهم وفصلهم مرة واحدة جابو عمر القراي بالصدفة نجض ليهم ريبيع عبدالعاطي المصريين والعرب بخافو من الجمهورييين ما عايزين سودانيين اذكياء يظهرو في الميديا العربية ابدا والسودانيين الاذكياء معروفين والله دموع الحبشي د محمود ديري دي بالدنيا كلها تاني بس الحبشة نفر . وعلم الاستقلال ..وكس ام العرب ( ما تزعل ده اسم قرية في القضارف )
| |
|
|
|
|
|
|
Re: والله دي فضيحة يا ناس قناة الجزيرة. (Re: adil amin)
|
Quote: مرة واحدة جابو عمر القراي بالصدفة نجض ليهم ريبيع عبدالعاطي المصريين والعرب بخافو من الجمهورييين ما عايزين سودانيين اذكياء يظهرو في الميديا العربية ابدا والسودانيين الاذكياء معروفين |
كانت حلقة متميزة - التحية للدكتور عمر القراي والله رفع راسنا في السماء وألجم الكوز الوسخ ربيع عبد العاطي التحية للاخوان الجمهوريين في كل بقاع الارض. يكقي ان قناة الجزيرة تسوق للكيزان ودي براها تكفي لسقوط هذه القناة.
| |
|
|
|
|
|
|
Re: والله دي فضيحة يا ناس قناة الجزيرة. (Re: Deng)
|
Quote: عادل امين
لا تكسم لو سمحت. |
انت مالك انت عربي ولي العرق دساس كل مرة تكشف لي انك شيوعي مندس بس ومش دينق الاصلي
https://up.top4top.net/
انت شفت حاجة..عايزين نعملا تسريحة كمان ورقصة تقطع وش العرب والمصريين ديل من السودان قلت ليكم علم الاستقلال بفطع رجل العرب من السودان رفعتو علم مايو لثورتكم المخستكة اما دموع محمود ديرير الاثيوبي العزيزة دي توب عديل ذى توب محمد نجيب زمان دموع محمود قوم لف لفك قطر ذى ما بقول ابوالحصين
| |
|
|
|
|
|
|
Re: والله دي فضيحة يا ناس قناة الجزيرة. (Re: adil amin)
|
قسم الفضيل يا كوز السجم انت لسه بتفرفر بعد سيدك البشير راح في حق الله تباً لك و لسيدك البشير و كل الكيزان المنبوذين لمعلوميتك لانك كوز جاهل انا ما حصل اشتغلتا في برنامج ساحات الفداء لانو البرنامج كانو بشتغلوهو الكيزان في شركة خارج التلفزيون و بجي جاهز للبث الحاجة التانية انا ما شغال في قناة الجزيرة و دينق عارف الحاجة دي و كتير من الأصحاب و لما كنت في السعودية كنت مخترق سفارة الكيزان يا تور الله .. النظام دا ما وقع بالساهل بالمناسبة اسمك ذاتو خنيس .. قسم الفضيل ؟ ما عاوز اتلفظ لانو هدف البوست اكبر من تفاهاتك المداخلة دي شيلا علقا في رقبتك لانك عارف اني ما قاعد ارد عليك
Quote: يا دينق سلامات ... فردتك خدر الطيب برضو كان شغال في ساحة الفداء في تلفزيون السودان ... ومشى السعودية وكان بصور لناس ود الباوقة حفلات السفارة ... لكن فجاءة الزول دا قَلَب و ركّب مكنة مناتل واسه جاء قطر واشتغل في قناة الكيزان (الجزيرة) ... صدق المثل اللي بيقول : ضنب (الكوز) عمرو ما بنعدل ......
|
| |
|
|
|
|
|
|
Re: والله دي فضيحة يا ناس قناة الجزيرة. (Re: مرتضي عبد الجليل)
|
الحبيب دينق .. تحياتي .. منذ توقيع الاتفاقية لاحظت أن الجزيرة بدأت تميل نحو من هم يعارضون الاتفاقية خففت من تأييدها ق ح ت .. مع تكرار مستمر لبيان الحزب الشيوعي يبدو أن الجزيرة هذه الايام في تيه ليست لديها اتجاه ثابت .. فقط ضد محور الامارات السعودية .. وهي في السودان لا تدعم المجلس العسكري رغم أنهم أقرب للاخوان
هناك خلط في موقف قناة الجزيرة .. لا أفهم ..
تحياتي دينق ..
| |
|
|
|
|
|
|
Re: والله دي فضيحة يا ناس قناة الجزيرة. (Re: علي عبدالوهاب عثمان)
|
Quote:
اخي دينق
اسامة العيدروس شخصية معروفة جدا و له مجاهداته
ولا ينكرها الا مكابر
نشط في ساحات الفداء فنقل و رفع الروح المعنوية و القتالية للمجاهدين
فنحن نؤمن بالفكرة لا بالاشخاص و لا بالنظام
لكم اجمل التحايا |
الاخ طارق إبراهيم الفضل.
بتقصد شنو ب "مجاهداته" دي ، هل هي كوزنته؟ بعدين ما قامت به "ساحات الفداء" كان تضليل في تضليل لبعض البسطاء. طيب ما هي الفكرة في كوزنة وخيانة هذا العيدروس؟
| |
|
|
|
|
|
|
Re: والله دي فضيحة يا ناس قناة الجزيرة. (Re: خضر الطيب)
|
Quote: افهم من كدة قناة الجزيرة دي ناوية تشوه صورة المعارضة ولا شاينة وين؟ ماكانوا كويسين معانا الجديد شنو؟ كونوا استضيفو (كيزان) اناقروا في بعض دة بيوحي للمشاهد ان الطرف الثاني من االحوار ضعيف والمشاهد بفتكر الطرف الضعيف دة معارضة.. وبعدين معاك ياقناة الجزيرة قمتو على عوارتكم تاني ما كنتو كويسين؟ |
ماهر الماحي
سلامات.
قناة الجزيرة مصرة إصرار غريب أن ترفع وتقدم الكيزان في السودان للرأي العام و"كممثلين" للسودانين. ياخ كده بالله شوف ضيوف الجزيرة من الذين يحملون ألقاب "خبير إستراتيجي" ديل لو عملت عليهم بحث سريع تجده كلهم كيزان من النظام البائد.
| |
|
|
|
|
|
|
Re: والله دي فضيحة يا ناس قناة الجزيرة. (Re: Deng)
|
Quote: اسامة العيدروس شخصية معروفة جدا و له مجاهداته
ولا ينكرها الا مكابر |
يعني كللللللللللللللللللللل الآراء الفوق دي عن الكووووووووووز (العيدروس) ماصحيحة يا استاذ طارق؟
(له مجاهداته) - له مجاهداته في ماذا؟ جاهد مع الكيزان ولا جاهد امام بوابات القيادة العامة؟ الاجابة : جاهد مع الكيزان طبعا.
(لاينكرها الا مكابر) - يعني امة لا اله الا الله ديل كلهم مكابرين ولا الحكاية شنو؟
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|