|
|
|
 Re: والله انا أكعب من حميدتي لكن ساي ما عارفني (Re: عبدالعظيم عثمان)
|
سلامات إخلاص
ما شفت البوست بتاعك
ولا أعلم انه قريب بشاشا
والموضوع عندي ما عنده علاقة
باهله او اقربائه
موضوعي مع طريقة تفكير الجنرال دا
وهو عضو مجلس عسكري انتقالي بيده مقاليد السلطة
دا الزيت كله..
فلفلته هنا مقصود بيها الناس تعرف ضعف قدرات المجلس العسكري
وضرورة الإسراع في نقل السلطة من الناس ديل
لأنهم ليسوا اهل توضع عندهم سلطة وليسوا أمناء عليها
| |
 
|
|
|
|
|
|
|
|
Re: والله انا أكعب من حميدتي لكن ساي ما عارفني (Re: عبدالعظيم عثمان)
|
الكلام القالو في اللقاء الصحفي اخطر من كدة
هو تثبيت وتاكيد لهذه المقولة : انا اكعب من حميدتي
هو قال
قوي الحرية والتغيير لا تمثل الثورة ولا تمثل السودانيين
عندو مفاوضات في الامارات مع خركات مسلحة هههههههه ياخي ده كلام لو صحيح ما بقولولهو
الادهي والامر قال
نحن عندنا برضو قواعد زي ما انتو عندكم قواعد
طيب منو قواعدك
قال الجيش والشرطة وقوات الدعم السريع ونضيف ليه جهاز الامن من عندنا فوق البيعة
وكل واحد يفهم بطريقته
انت وحميدتي شبه بعض لكن انت مستعجل حبتين
| |
|
|
|
|
|
|
|
|
Re: والله انا أكعب من حميدتي لكن ساي ما عارفني (Re: Gafar Bashir)
|
تعرف يا جعفر، العساكر كلما ما يتعصروا في التفاوض
بيحرقوا.. كل شوية الناس حتكتشف مصائب الناس ديل
يشوفوا شغلهم بعيد عن القصر الرئاسي
يشوفوا شغلهم بعيد عن الحكم
في ناس شغالين يلمعوا فيهم وأنهم صمام امان
والكلام الفارغ الكتير الحايم، نعم لهم دور
في الأمن والدفاع ولكن يجب الا يتعدي دورهم هذا الامر
تخيل عندهم لجان ومستشارين (مليون في المية كلهم كيزان)
يعني يمشوا يأخذوا رأي مستشارين النظام السابق
| |
|
|
|
|
|
|
|
|
|
Re: والله انا أكعب من حميدتي لكن ساي ما عارفني (Re: Gafar Bashir)
|
ياسر سلامات
أتمني انه يكون قاصد كلامك القلته
لكن انا اتوقع ذلك، لأنه حميدتي غادر
المؤتمر الصحفي ليس لانه تعبان
لأنه ماشي لاجتماع الشرطة
من وين إستشفيت انه قاصد التعب والأرهاق
عشان ما نظلم الزول دا ساي
لكن برضه اخذ معاك كلام جعفر
وحديثه أثناء المؤتمر الصحفي
| |
|
|
|
|
|
|
|
|
 Re: والله انا أكعب من حميدتي لكن ساي ما عارفني (Re: عبدالعظيم عثمان)
|
السلام عليكم
برضو الكلام بتاع عندي الشرطة وووو ما دليل
ببساطة عندو مواعيد مع ديل كلهم
هو قال أولادي معاكم في نص الاعتصام اضربكم كيف
المفاوضات شد وجذب وهم يحاولوا وانتو قواعدكم جاهزة
وخط الشعب واضح لا لحكم العسكر لا للديكتاتورية
نعم للحكم المدني والديمقراطية
| |
|
|
|
|
|
|
|
|
|
Re: والله انا أكعب من حميدتي لكن ساي ما عارفني (Re: اخلاص عبدالرحمن المشرف)
|
صلاح عبد الخالق؟
فعلا كعب ويضارع حميدتي خسة وسوء
وما عارف ليش البعض مجتهد في تبرير وتفسير وترهاته !
وقد أعلن ماهو أخطر من ذلك لصحيفة نيويورك تايمز !
حيث ذكر إن من ينادون بالحكم المدني -هم أقلية -شيوعيين- والأغلبية مع تفرد العسكر !
؟| Quote: قوي الحرية والتغيير لا تمثل الثورة ولا تمثل السودانيين |
وهو كلام علي الحاج وغازي والطيب مصطفي وعمر زين العابديين !
* ثم ذكر إنو عندو مفاوضات مع الحركات المسلحة بالأمارات !
بأي تتفاوض معهم وتنزع صلاحية الحكومة في التفاوض !
أما هي أوامر الأمارات ؟
| |
|
|
|
|
|
|
|
|
|
Re: والله انا أكعب من حميدتي لكن ساي ما عارفني (Re: كمال عباس)
|
الواحد يا كمال يستغرب كيف جنرالات بهذه القدرات
المتواضعة يريدوا ان ينفردوا بالسلطة
عشان يعملوا بيها شنو
بلد يرقد علي كوم من الأزمات تسبب فيها
اخوهم الجنرال عمر حسن، عاوزين يكملوا الناقصة
ويفرتكوها مسمار مسمار
يسلموا السلطة للمدنيين وبلاش جرجرة عساكر فاضية
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالعظيم عثمان
Yassir Ahmed
كمال عباس
فيس بوك
تويتر
انستقرام
يوتيوب
بنتيريست