|
كتب الكاتب الفاتح جبرا المتوفرة بمعرض الدوحة
|
|
 Re: هو البرهان عمل شنو .. العجاجة فوق كم؟ (Re: نادر الفضلى)
|
هو البرهان عمل شنو .. قابل نتنياهو القلتو عليهو سودانى شايقى
البرهان يمكن داير يستفيد من سودانية نتنياهو ويخليهو يحين شوية
وما ينسى العشرة .. ويصلح اللعب للسودان .. بدل جهجة الدفاع بالنظر
إتذكرت لامن قوات قرنق إحتلت الكرمك برضو السيد محمد عثمان الميرغنى
الما عندو منصب رسمى مشى العراق وتفاهم مع صدام فزود الجيش السودانى
بالراجمات التى كان يحتاجها لقتال قوات قرنق المتمركزة فى موق جبلى
إستراتيجى حصين .. ما فى زول إستنكر على الميرغنى سعيه. الراجمات
رجمت والكرمك إتحررت. وقرنق المقاتل إحتر الميرغنى وعمل معاهو
إتفاقية سلام.
طيب البرهان دا قائد الديش ورئيس مجلس سيادة والحفاظ على
سيادة البلد من إختصاصاته. فخلف الكواليس وبدون أى رسميات أو إلتزامات
بدا قولة خير تفاهم مع نتنياهو (لسة ما بنقةل إسرائيل)
تقولو ليهو ما دستورى وما عارف أيه قانون مقاطعة إسرائيل عام 1958
قبال 51 سنة !! خليكم عما حصل بعدها وإتفاقيات سلام وتجارة وإقتصاد
مع دول عربية مع إسرائيل .. هو التطبيع دا كيفنو ؟! وينا مقاطعتكم
للكوكا كولا الأسرئلية .. تقطرطعو كولتكم وتنسوا مقاطعتكم!
| |
 
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
تحت تحت التسريبات فى إسرائيل فى كلام أنه اللقاء بين البرهان ونتنياهو طول
لأنه بعد النقاط المعدة سابقا .. نيتو الشايقى طلع قائمة مطالب بحقوق
أهله فى السودان أراضى زراعية مئات الأفدنة وأملاك وأراضى
وعقارات سكنية وتجارية وشركات، والمعبد اليهودى، ومقابر اليهود
نيتو قال لى برهة معقولة تدو عرب الصحراء أراضى يزرعوا
وأراضينا حقت أهلى أباً عن جد تحرمونا منها ؟ وطالب بتعويضات
مليارية بالفوائد بأثر رجعى .. وكمان دخل فيها حقهم فى مياه النيل
ويا تدفعوا يا بنضيفا للديون عليكم .. وما فى دولار قرض دولى بجيكم
ختها قرض مع برهان .. ودا غير تعويضات مياه النيل حتكون كيف؟!
البرهان من الدهشة والخلعة فتح عيونو زى الريال الفضة ..
نتياهو غير التونة وبصوت هادئ قال ليهو يا حبيبى إطمن
عندكم خيار تانى ممكن تنفدوهو .. نرجع وطنا السودان
ترجعوا لينا أملاكنا وثرواتنا نشرف عليها .. وما أسرتى براها
كمان معانا كل أولاد وأحفاد اليهود الكانوا عايشين باوطنا السودان ..
والإحتفاظ بجنسياتهم مزدوجة من ضمنها الجنسية السودانية
بهت برهان قال لى لكن دا صعب .. نتيو قال ليهو ما صعب
وأوريك كيف يا إبن عمى .. تضمونا لمفاوضات السلام
نحنا اليهود عندنا مظالم تاريخية وحقوق منزوعة. كمان
من حقنا نشارك فى مفاوضات وضع الحلول لكيف يحكم السودان
.. آآآى ما تعاين لى كدا .. مساعى السلام بتاعتكم بدونا منقوصة
وما بتنجح .. السلام بنحققو للوطن نحنا .. بنجفف السلاح والتمويل
لأى حركة معارضة عسكرية أو تمرد .. وكيف يحكم وطنا السودان
دى بنريحكم منها .. كلكم من غيرنا لا تجيدون فنون إدارة الدولة
وتنميتها .. أقعدوا إنتو فى الضللة ونحنا حنبنيهو وطنا البإسمو رطنا
.. بلا أزمة محروقات ورغيف بلا قروض وديون! بلا كيزان
قالوا البرهان ما عرف يقول شنو لكن مراقة كدة قال
كلامك معقول أشاور ناسى وبجيك راجع .. وبمناسبة
مفاوضات السلام طيب بالمره نضيف مناديب فلسطين
نحلها هنا وهناك.
هههههههه ... ههههههههه .... ههههههههه
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
نادر الفضلي تحية طيبة . .
Quote: مصدر الخبر / الراكوبة نيوز
قال رئيس المجلس السيادي السوداني عبد الفتاح البرهان، اليوم الأربعاء، إن لقاءه مع رئيس الوزراء الإسرائيلي المنتهية ولايته بنيامين نتنياهو في أوغندا كان بترتيب من الولايات المتحدة الأمريكية وسيعود بفوائد كبيرة للسودان، كاشفاً أنه أخطر رئيس الوزراء عبد الله حمدوك بالاجتماع قبل يومين من موعده.
وأوضح رئيس المجلس السيادي بالسودان، في ندوة مع إعلاميين وصحفيين، أن اللقاء جاء بدون أي مطالب أو شروط مسبقة، وسيسهم في اندماج السودان بالمجتمع الدولي.
وأضاف البرهان ، أن اللقاء مع نتنياهو “تم بقناعتي الشخصية لأهمية طرق كافة الأبواب من أجل مصلحة الشعب السوداني والنهوض بالدولة”.
وأوضح أن “الاتصالات مع نتنياهو و(وزير الخارجية الأمريكي) مايك بومبيو بدأت منذ 3 أشهر وطرحنا فيها ما يستفيد منه السودان، مؤكداً “لم نطلب من نتنياهو رفع اسم السودان من القائمة الأمريكية للدول الراعية للإرهاب”.
وأردف البرهان أن الشعب السوداني سيجني نتائج اللقاء قريباً، لافتاً إلى أنه أخطر رئيس الوزراء السوداني عبد الله حمدوك قبل يومين من اللقاء من دون تفاصيل، وقد رحب بالخطوة.
وأكّد “ليس لقوى الحرية والتغيير اعتراض على الخطوة ولكن اعتراضها على عدم التشاور حولها قبل الذهاب”.
ونوه البرهان إلى أنه “تم تجاوز الخلافات مع مجلس الوزراء وملف العلاقات مع إسرائيل بيد الجهاز التنفيذي وستشكل لجنة للنظر فيه”.
وأشار إلى أن اللقاء مع نتنياهو لم يتطرق لصفقة القرن نهائياً، مشدداً على أن “ثبات الموقف من القضية الفلسطينية”.
وقال إن اللقاء هو “إبداء لحسن النية للعالم أجمع أنه ليس للسودان عداوة مع أي دولة”، مضيفاً “سنشكل لجنة من مجلسي السيادة والوزراء لدرس مزايا وعيوب العلاقة مع إسرائيل”
وأكّد “لنا الحق في العيش ضمن المنظومة الدولية مثل الآخرين ولن يمنعنا أحد من السير في هذا الطريق”.
وتابع البرهان: “لم نتصل بالسلطة الفلسطينية ولم يتصلوا بنا والسلطة نفسها معترفة بإسرائيل”، مضيفاً أن “قربنا من إسرائيل قد يكون مفيداً في مساعدة الفلسطينيين على حل مشاكلهم”.
وبيّن أن “بعض شركات الطيران يعبر أجواءنا إلى إسرائيل منذ أشهر واتفقنا على عبور كل الشركات ما عدا شركة “العال (إلى السماء)، الإسرائيلية”.
ا
|
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
نيتو الشايقى طلع قائمة مطالب بحقوق
أهله فى السودان أراضى زراعية مئات الأفدنة وأملاك وأراضى
وعقارات سكنية وتجارية وشركات، والمعبد اليهودى، ومقابر اليهود
===================
الحبيب نادر تحياتي .. بوست فيه نكهة حلوة .. نطلع شوية من الروتين
نتنياهو من عندينا ( دنقلاوي) وقبل تقريباً عشر سنوات جرت مناقشات في المنتديات
وأخذ ورد بالرفض من اهلنا الدناقلة وأهلنا الشوايقة .. ولكن ثبت أنه دنقلاوي
ورضينا بالوضع على مضض في ذلك الوقت .. لكن اليوم نعترف تماماً ..
تحياتي .. جميل الكتابة بهذا الاسلوب الشيق .. كاركتير
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: اخلاص عبدالرحمن المشرف)
|
إخلاص
سلام
برضها حجة معقولة أن نيتو وجماعتو كانوا مستضافين فى ديار الشايقية
نوع من المحاججة بدل تقبل الشروط عن سكات.لو الأمور إطورت ..
لكن النتايوا ما بنقدرو خاصة داخلين بيدهم ويد أمريكا القوية ..
أها أخونا عبد الوهاب طلع ليهم جذور دنقلاوية ولسة ..
ناس كردفان حيجيبو الفنانة راشيل الغنت أغانيهم وحيطلعوها من
عنديهم .. ويهود الفلاشا فى أثيوبيا حتفتح باب تواجد يهودى فى شرق السودان
معلوم فى التاريخ أيام سلطنة سنار كان فى يهودى جا وعمل فيها مسلم
أمدرمان فيها حى اليهود .. وكذلك بحرى .. والخرطوم كانوا ساكنيين
فيما كانت تعرف بالخرطوم شرق آنذاك (شرق السوق وحتى الجامعة)
وجوار سينما كلوزيوم سابقا كان المعهد اليهودى (ودا إختفى فى عهد الكيزان
وبدل ما يكون أثر تاريخى إتلحس وآلت ملكية الأرض القيمة أكيد لكوز)
أها دا نيتو ما حيريحهم فيو .. وياريت ناس ملف الفساد وإزالة التمكين يفتحوا
ملفه . ومقابر اليهود بالخرطوم .. ولو دخلتى على السوق الأفرنجى بشارع
الجمهورية اللافتات تغيرت ولكن محلاتهم كانت معروفة .. محل ساعتى مشهور
ومحلات أقمشة وخلافه .. دا غير الشركات لحدى زمن السبعينات ..
ننتظر ونشوف
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: اخلاص عبدالرحمن المشرف)
|
يا إخلاص
غايتو حنحاسبهم من زمن سيدنا موسى دى لو ما صابت، حيتصلبتو
ويقولوا ليك أراضى أجدادنا من ما قبل الميلاد .. أصلهم قالوا
جبل التاكا دا جبل موسى زاتو .. وحلفاية الملوك كان فيها الملك
البى سببو النبى الخدر خرق السفينة وحير سيدنا موسى
وحوت موسى قام سحار ومشى يتبختر ونط فى الموية
عند مقرن النيلين ..
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: اخلاص عبدالرحمن المشرف)
|
نادر الفضلي
شالوم
ما حصل شيء !!
بس البرهان قرف من غبار الخرطوم ، قال أحسن يمشي يستريح شوية على ضفاف بحيرة فكتوريا .
اها
بينما هو كان سارح في مشاكل السودان جاتو حاقوص الحبشية بجبنة كبيرة و معاها فنجانين.
هو استغرب لكن قال في نفسه احتمال الحبشية دي عاشت في السودان و عارفة كرم السودانيين، عشان كده جابت ليهو فنجانين .
أخد ليه رشفتين تلاتة ، جاءهو خواجة ممتلئ الجسم ، متوسط القامة و سلم عليهو بالطريقة السودانية ( زي الحال ،، الحمدلله، زي الحال الحمد لله).
اندهش البرهان بس ما حب يحرج الراجل.
قال ليهو و بكل أدب : ياخي حاسي اني لاقيتك لكن اظن الزمن طال ،،، نسيت اسمك؛ هههه ( لتخفيف الحرج).
نتنياهو : معقولة يا برهة ؟
ياخي أنا بنيامين ولد عمك نتنياهو ؛ صاحب البار ال جنب السينما في دنقلا.
البرهان: آي آي والله عرفتك .
هسة وين انت ؟ و وين ابوك و حبوبتك الشكالة ال كان عندها انداية في نيالا ؟
نتنياهو يتفادى السؤال
و يقول ياخي مبروك على نجاح الانقلاب !!
البرهان : هي ثورة ما انقلاب !!
نتنياهو : هههه صحيح كانت ثورة و اتحولت لإنقلاب
البرهان : بحدة قلت شنو ؟؟
نتنياهو : هي ثورة حقيقية خاصة بالنسبة الي دولتنا
البرهان: فنجان قهوة ما بطال
نتنياهو: يا السلام
بعد داك
انصرف نتنياهو دون اي اضافة.
لكن إتضح لاحقا ان حاقوص الحبشية التي عاشت في الديم و فتحت مقهى تحت ظلال أشجار بحيرة فكتوريا في عنتبي ضابطة رفيعة في المخابرات الاسرائيلية (موساد)
رتبت كل ما حدث دون علم السيد عبدالفتاح البرهان و دون علم محمد بن زايد أو عبدالفتاح السيسي أو محمد بن سلمان
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: دينق عبد الله)
|
Quote:
اندهش البرهان بس ما حب يحرج الراجل.
قال ليهو و بكل أدب : ياخي حاسي اني لاقيتك لكن اظن الزمن طال ،،، نسيت اسمك؛ هههه ( لتخفيف الحرج).
نتنياهو : معقولة يا برهة ؟
ياخي أنا بنيامين ولد عمك نتنياهو ؛ صاحب البار ال جنب السينما في دنقلا.
البرهان: آي آي والله عرفتك . |
يا دينق .. بعد داك بتكون الحبشية سألتم أنيشا وللا براندى وللا ويسكى .. ونتنياهو قال ليها خسارة ما عندك عرقى .. وهو برهة غنوا .. الذكريات صادقة وجميلة من زمان بنقول حليلا
ما قلتو فلسطينيون .. ههههه
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
مفاجأة.. مواقع عبرية: نتنياهو أصله سوداني وهذا اسمه الحقيقي فهل يتحدث العربية ؟..........نشرت صحف إسرائيلية تقارير مثيرة، تشير إلى أن رئيس الحكومة بنيامين نتنياهو، ولد في السودان، وليس في المناطق المحتلة عام 1948.
وذكر موقع "المصدر" الإسرائيلي، أن الشائعات أطلقها يهود سودانيون، في تسعينيات القرن الماضي، عند تولي نتنياهو رئاسة الحكومة لأول مرة، وقالوا حينها إن رئيس الوزراء ينحدر من قرية يهودية شمال السودان.
ووفق الادعاءات فإن الاسم الحقيقي لنتنياهو هو "عطا لله عبد الرحمن شاؤول" وليس بنيامين نتنياهو.
اللافت أن هناك روايات مختلفة لنشأة نتنياهو في السودان، إحداها أنه وُلِد في مدينة نوري الواقعة على الضفة الشمالية من النيل شمال السودان، وترعرع في منطقة مروي.
ورواية أخرى تقول إنه وُلِد في وادي حلفا وهو يتقن اللغة النوبية. وفي ادعاء آخر ورد أن نتنياهو وُلِد في قرية "حالوف" الواقعة في منطقة النوبة أو أنه من أبناء قبيلة الشايقية السودانية.
وفق بعض الانباء المتداولة فإن عائلة نتنياهو كانت تحمل المواطَنة السودانية، وعملت مثل الكثير من يهود السودان في تصدير منتجات الكحول والزراعة واستيرادها. إلا أن العائلة غادرت السودان عندما كان نتنياهو في سن المراهقة، هذا وفق الادعاءات، وذلك بعد أن أعلن جعفر النميري أن تجارة الكحول تعتبر عملا خارجا عن القانون.
بدورها، أفادت تقارير إسرائيلية شبه رسمية، بأن جميع ما نشر عن نتنياهو غير مؤكد، ومصدره الوحيد هو شبكة "الوطن" السودانية.
اللافت أن فيلما إسرائيليا عرض مؤخرا في متحلف تل أبيب، تحت عنوان "من هو عطا الله عبد الرحمن شاؤول؟"، تطرق إلى الشائعات المتداولة حول أصول نتنياهو.
موقع "المصدر" الذي لم يبدي رأيه بصحة الشائعات من عدمها، قال إنه قبل خمسين عام فقط، كان هناك جالية يهودية في السودان، قدمت من مصر، وعمل أفرادها بالتجارة وغيرها، قبل أن يغادروا إلى الأراضي المحتلة للعيش في الدولة الجديدة حينها "اسرائيل".
تعديل أو حذف هذا
ربما تحتوي الصورة على: ٥ أشخاص، أشخاص يقفون وبدلة
https://arabi21.com/story/1021325/%D9%85%D9%81%D8%A7%D8%AC%D8%A3%D8%A9-%D8%AA%D9%82%D8%A7%D8%B1%D9%8A%D8%B1-%D9%86%D8%AA%D9%86%D9%8A%D8%A7%D9%87%D9%88-%D8%A3%D8%B5%D9%84%D9%87-%D8%B3%D9%88%D8%AF%D8%A7%D9%86%D9%8A-%D9%88%D9%87%D8%B0%D8%A7-%D8%A7%D8%B3%D9%85%D9%87-%D8%A7%D9%84%D8%AD%D9%82%D9%8A%D9%82%D9%8Ahttps://arabi21.com/story/1021325/%D9%85%D9%81%D8%A7%D8%AC%D8%A3%D8%A9-%D8%AA%D9%82%D8%A7%D8%B1%D9%8A%D8%B1-%D9%86%D8%AA%D9%86%D9%8A%D8%A7%D...82%D9%8A%D9%82%D9%8A
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
https://scontent-hel2-1.xx.fbcdn.net/v/t1.0-0/s261x260/83916694_196491498133816_8854433345400995840_n.jpg؟_nc_cat=110and_nc_ohc=78iT0glY8ZAAX_O-hNjand_nc_ht=scontent-hel2-1.xxandoh=b5801c2d4901f91359520e97dc3dc561andoe=5ED2F68Bhttps://scontent-hel2-1.xx.fbcdn.net/v/t1.0-0/s261x260/83916694_196491498133816_8854433345400995840_n.jpg؟_nc_cat=110and_nc_ohc=78iT0glY8ZAAX_...dc3dc561andoe=5ED2F68B
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
قصة حقيقية حصلت لطلاب الهندسة بجامعة الخرطوم زمان
وألأيام ديك المقاومة الفلسطينية مولعة وحماس شديد
لو فتح باب التطوع كان كلهم إطوعوا لنصرة القضية الفلسطينية
كان زميلهم طالب فلسطينى .. فى ونسة سألوه بعد التخرج حيعمل
شنو .. قال ليهم حأسافر أمريكا أعمل ماجستير .. والجماعة بصوت
واحد .. وبعدين .. حأعمل الدكتوراة .. وإزداد فضولهم .. وبعدييين..
حأستقر بأمريكا ووأستغل وأتزوج .. وفلسطييييييييين (كورس مستغرب)
.. قال ليهم فلسطين فى الألب (القلب) ..
أها برهان بعد رجع الجماعة حيقولوا ليهو .. وفلسطيييييييييييييين ..
حيقول ليهم فى الألب ... والدستوووور
بى زعل شديد يعمل ليهو حركة شفتنة كدا .. إنتو والدستور ..
ما فى داعى تخلونا نتلفظ ونغلط معاكم !! .. بعد الدهشة
يرد عليه أحدهم .. بس يا ريس ما كمان لازم نعمل الشوية بتاعتنا دى
قلت لينا نيتو قال شنو .. وأمريكا رأيها شنو؟!
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
برهان الجماعة طربقوها ليهو فى راسو .. قالوا لي .. يا خاين!
ما خاين عشان داير بتعامل مع إسرائيل .. خاين عشان ما كلمهم قبال يسافر
وعاوز ينفرد ويضيعهم ..
حميدتى زعلان داير طرشق .. برهان قال ليهو لمن ركبت الطيارة وطرت
للإمارات كلمتنى .. ما تخلينى أفيتو كلو
مدنيى السيادة ما عارفين يسوا شنو .. قالوا الصوت الخافت والسسردبة أحسن
ومعتمدين على دراويش قحت .. وحمودوك منظمات وحكمته .. حيقول شى
وما كلمونا ووتتنازعه الخواطر والأحلام .. ولسان حالة بيقول:
يمكن برهة دا بى عملتو دى يقوم البنك الدولى يدفق القروض المليارية
ومشكلتى تتحل وأقدر أخم ليك الدباس وأعمل فيها خبير إقتصادى
وأعدى فترتى .. وبعد داك بى طريقتم! .. بس خايف لقاء
برهة ونيتو يتسبب فى تحقيق السلام الأنا متسلبط بيهو دا
والبنك الدول يبخل بالفاصوليا وما يفتح ماسورة الدولارات
ويكتشفوا أنى ماسورة .. يا ربى حيعلونى ماسورة كم بوصة!
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: نادر الفضلى)
|
"من هو عطا الله عبد الرحمن شاؤول؟"
===================
الحبيب نادر الفضلي بوست رائع .. يا ريت برهان يدخل يقرأ شوية
حبيبنا حسن فرح جاب الخبر ..
في مناطقنا في الشمال ( في أسماء فيها الشنشة العبرية )
شاؤول
شادول ( المعنى بالبنوبية .. شا ( الحربة وكذلك اشعة الشمس ) دول ( الكبير )
شاؤوس ( جد السواراب )
مدينة أورسليم ( أور ملك أو كبير القوم ) بالعبرية ( أورشليم ) معنا ( اور سليم ) بالنوبية
توجد عندنا في النوبية ( شنشنة لحرف السين كما العبرية في الدنقلاوية والمحسية خاصة اهلنا في السكوت)
سيدنا موسى (موشيه ) .. موسى بالبنوبية الغير مرغوب فيه ..
الفلاشا كما يقول التاريخ اصلهم من جزيرة ( فنتين ) بالقرب من حلفا عندما انتشرت المسيحية هربوا بسيف الخلافة
إلى هضبة اثيوبيا واصبحوا معزولين .. لأن ارض النوبة مفتوحة وبدون أي سواتر
ما تنسى كما عندنا مدينة ( عبري ) عاصمة السكوت بلد ناس وردي والخليل
وعندنا ( تبد Tabid ) الحداد أو صياغ الذهب .. احضرهم ملوك مروي من أورشليم
لأنهم كانوا ذو خبرة في الصياغة والحديد ( ربنا سخر لسيدنا داؤود الحديد )
لليوم عندنا ناس صياغ الذهب ( تبيدي ) وهناك عائلات تحمل هذا الاسم
وعندنا ناوا ( جزيرة السحر ) بلد عبدالحي حتى هو ذكرها في محاضرة
أن سحرة موسى كانوا من ( ناوا ) والمعنى ( نا الروح .. وا الجزيرة ) معناها (جزيرة الروح)
يعني عبدالحي نفسه اجداده من جماعة نتنياهو ..
الحيب نادر .. بالله شوف تعبي دا كلوا عشان نكون مع نتنياهو
هذا البوست محول للحبيب برهان .. مفيد عندما يتنوس مع نتنياهو تكون لديه ذخيرة
صدقني بوست جميل يا نادر واصل ..
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: علي عبدالوهاب عثمان)
|
ما فعله البرهان من لقاء رئيس الوزراء الإسرائيلي، فعله أيضا من قبل السيد الصادق المهدي ، فهو أيضا قابل
من قبل رئيس الوزراء الإسرائيلي، وأيضا قرأت أنه في عهد نميري قابل مساعدوه المسؤولين الإسرائيليين عدة مرات ..
..اشمعنى بس الهجوم على البرهان وهو يسعى للمصلحة العليا لشعب السودان...من رفع عقوبات ، ورفع اسم السودان من قائمة الإرهاب
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: امتثال عبدالله)
|
كتبت إمتثال عبدالله
(( فوق كم؟ x
Author: امتثال عبدالله
ما فعله البرهان من لقاء رئيس الوزراء الإسرائيلي، فعله أيضا من قبل السيد الصادق المهدي ، فهو أيضا قابل
من قبل رئيس الوزراء الإسرائيلي، وأيضا قرأت أنه في عهد نميري قابل مساعدوه المسؤولين الإسرائيليين عدة مرات ..
..اشمعنى بس الهجوم على البرهان وهو يسعى للمصلحة العليا لشعب السودان...من رفع عقوبات ، ورفع اسم السودان من قائمة الإرهاب))
مش عليك الله ؟!!
هو البرهان زاتو ما نقاش مع نتنياهو غير تندني انتاجية مزرعته
و نتنياهو وعد بإرسال مهندسين زراعيين
-------------------------
إمتثال
ياخي شالوم
| |
|
|
|
|
|
|
|
|
|
Re: هو البرهان عمل شنو .. العجاجة فوق كم؟ (Re: امتثال عبدالله)
|
خرق الدستور السوداني
حتي المؤقت 2019
مش قلنا ليكم المشكلة ما في السودان ما في الدستور والاتفاقيات التي توقع المشكلة في الالتزام بها
مجلس السيادة مجلس نشريفي والسلطات التنفيذية لمجلس االوزراء
ونتياهورجل مدني و منتخب ورئيس وزراء ويمثل مؤسسة حزبية الليكود وانتخبه الشعب الاسرائيلي ونظيره في السودان مؤقتا عبدالله حمدوك
ماذا يمثل البرهان؟؟
الله يرحم جيل الاستقلال النفيس والمحترم عالميا واقليميا 1938-1956 ونحن بنعرف الديمقراطية قبل يلدو اسرائيل ذاتا
ويلعن جيل الانقلابات والمحاصصة الرخيص من اول جنرال دخل القصر الجمهوري لي اخر جنرال 1958 و1969 و1989 و2019
قعدتو في راسنا يا بعاعيت مايو1969 يا شيوعيين ويا بعثيين ويا ناصريين وقعدتو معاكم 5 +18 جنرال
وكل يوم تغتسو في وحل الانقاذ
يا نادر الفضي الغوغائي
امشي تم معاي بوست صدام حسين وحزب (البعص) السوداني
الدولة اما مؤسسات او رجرجة
ق ح ت وجنرالات الانتقالي ديل مؤسسات ولي رجرجة ؟؟
https://top4top.io/
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
نادر الفضلى
علي عبدالوهاب عثمان
دينق عبد الله
Hassan Farah
adil amin
فيس بوك
تويتر
انستقرام
يوتيوب
بنتيريست