|
Re: هم ونن المهنيين ديل ذاتم ووين المهنية في م (Re: Hafiz Bashir)
|
وفد التفاوض يمثل الكتل الموقعة علي إعلان الحرية والتغير الأصم ممثلا للمهنيين ، السنهوري الاجماع ، ايمن خالد التجمع الاتحادي المعارض التفاوض بين المجلس العسكري وبين قوي إعلان الحرية والتغيير وتجمع المهنيين واحد من القوي الموقعة علي إعلان الحرية والتغير
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: منتصر عبد الباسط)
|
مريم الصادق المهدي أتت ممثلة لحزبها ولنداء السودان لا بإعتبارها طبيبة ! والأصم دخل بصفته ممثل للمهنين والوفد التفاوضي لم يقتصر علي تجمع المهنيين - وأنما حوي قوي الحرية والتغير والتي تضم تجمع المهنيين ! وقوي التغيير فيها حزب الأمة والإتحاديين وحزب المؤتمر السوداني ومجموعة أحزاب قوي الإجماع الخ بإختصار للمهنيين ممثل أو ممثلين فقط ولبقية الكتل الرئيسية ممثلين أيضا ! ...
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: كمال عباس)
|
ناس التاريخ و الجغرافيا البتسأل عنهم لا طلعوا مظاهرات مع الناس لا انسجنوا ولا اعتصموا
لا قعدوا تحت الشمس ٢٤ ساعة في درجة حرارة ٤١ ، يعني بإختصار ما موجودين على
الأرض إذا أنت ما عاجبنك الناس البتناضل دي ، تعال الميدان عشان تختبر عبقريتك ي منتصر .
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: نعمات عماد)
|
يا منتصر رئيس الحكومة في السويد ( رئيس الوزراء) ستيفان لوفين مهنته حداد خريج ثانوية مهنية لكن لم يمنعه ذلك من تولي هذا المنصب و لم يتولى المنصب بصفته المهنية, المهنة ما مقياس للنجاح و التوفيق في إدارة الحوارات و شؤون البلاد يا أستاذ رجاءً انظر للنتائج و هو ما يهم الناس يا رجل
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: منتصر عبد الباسط)
|
Quote: ناس التاريخ و الجغرافيا البتسأل عنهم لا طلعوا مظاهرات مع الناس لا انسجنوا ولا اعتصموا
لا قعدوا تحت الشمس ٢٤ ساعة في درجة حرارة ٤١ ، يعني بإختصار ما موجودين على
الأرض إذا أنت ما عاجبنك الناس البتناضل دي ، تعال الميدان عشان تختبر عبقريتك ي منتصر . |
اجي يا نعمات عماد ؟!! إنتي جادة في كلامك دا ؟!! طيب دليلك شنو على هذا الإدعاء ؟! وفرق كلامك شنو من إقصاء منتصر هسه ؟!!
بنفس القدر ..إن صح كلامك وهو غير صحيح بالطبع .. ممكن نقول كانوا وين الناس البيفاوضوا بإسمنا حاليا ديل لمن بدت إنتفاضة المدن ؟! وليه ما ظهروا إلا بعدما الشعب حنسنهم تحنيس ؟!! ومن ديك وعيك ركبوا الثورة ودلدلوا كرعينهم وعملوا فيها قيادات ...
المزايدة في الحاجات دي ممكن تخلينا نفتح ملفات كتيرة هسه نحنا صابرين عليها بالجلالة لمصلحة الوطن والشعب .
ويا منتصر ..الكلام ما في المهنة كما تعتقد . الكلام في الوفد البيفاوض بإسم كل الشعب دا ..ليه رافض يمثل الشعب الثائر دا بكل أطيافه ؟!!! لما الثورة ينادونا ..ولما يجو يفاوضوا يفطونا !!
عالم غبية وما بتتعلم من تجاربها الوطنية المريرة أبدا . ومصرة تكتكش في السلطة على حساب دماء الشعب غير آبهة باستمرار الحروب طالما بعيدة عن بيتها وأهلها .
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: منتصر عبد الباسط)
|
Quote: هناك طريقتان لاختيار الوفد المفاوض وهما ١ - أن اختيار الوفد مبني على أساس فئوي شعبي وهذا هو الأساس الذي أختاروا على أساسه هذه المجموعة وهذا ما اكده المحاورون. ٢- أن يكون الإختيار على أساس مهني وهو أن تكون المجموعة المفاوضة من أصحاب العلم والخبرة من علماء العمل السياسي والقضائي والأمني |
الزمن كان ضيق و عمر البشير سقط فجأة و ما ادانا فرصة نتشاور
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: منتصر عبد الباسط)
|
* الكفاءة والتأهيل والإستقلالية من الإنتماء الحزبي هي الأساس والمعيار لتقلد الوزارة الإنتقالية.. ماأعرفه ويعرفه كل متابع أن قوي التغيير الحرية وعلي رأسها تجمع المهنيين و ومنذ شهور ظلت تنظم وتخطط للمواكب زمانا ومكانا وشعارا وأهدافا وتحت موكب القيادة العامة هي من دعا له ونظمه! الشعب الثائر وثق بالجهة المنظمة وإستجاب لها.. - الآن الفلول وأحزاب التوالي وحوار الوثبة( غازي وإشراقة والشعبي والطيب مصطفي يسعونللتمثيل في حكومة ثورة رفضوها إبتدأ ! بل أن علي الحاج زعم أن المؤتمر الشعبي هو الذي أشعل الثورة و90% من الثوار من أتباعه.. ,**
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: كمال عباس)
|
قوي إعلان الحرية والتغيير أكثر من 35 حزب ومنظمة من غير الطبيعي ان يتشكل وفد من 35 شخص عليه التمثيل تم عبر الكتل الرئيسية ال5 نداء السودان قوي الإجماع تجمع المهنيين الاتحادي المعارض منظمات المجتمع المدني
عشان كدا اي تمثيل طبيعي ان يكون حوله وجهات نظر متباينة حتي داخل قوي الحرية والتغيير عشان كدا يا منتصر موضوعك تعبان انت عاوز تنتقد بأس طريقة حتي لو تقطع ليك موضوع من رأسك
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: عبدالعظيم عثمان)
|
Quote: رئيس الحكومة في السويد ( رئيس الوزراء) ستيفان لوفين مهنته حداد خريج ثانوية مهنية |
هو فاز بمنصب رئيس باستحقاق صندوق الإنتخابات والديمقراطية بأدواتها هي التي أتت به . ونحن في مرحلة انتقالية لم نصل بعد لمرحلة الإنتخابات التي يكون في دور الأحزاب السياسية ولابد أن يعتمد الإختيار على أساس محدد ومقنع .
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: عبدالعظيم عثمان)
|
Quote: اجي يا نعمات عماد ؟!! |
عليك الرسول كما جيتي يا آمنة مختار
تعالي و ختي إصبعك في عين أجعص مفاوض/ة و أسأليهم : أقصيتونا ليه ؟
و بالمرة كلميهم عن الملفات الح تفتحوها بعد تسلم السلطة من العسكريين .
لو قاعدة قدام القيادة ، ما قلتي رأيك في وشهم ليه ؟كلنا فترنا من الحروب .
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: منتصر عبد الباسط)
|
Quote: عليك الرسول كما جيتي يا آمنة مختار
تعالي و ختي إصبعك في عين أجعص مفاوض/ة و أسأليهم : أقصيتونا ليه ؟
و بالمرة كلميهم عن الملفات الح تفتحوها بعد تسلم السلطة من العسكريين .
لو قاعدة قدام القيادة ، ما قلتي رأيك في وشهم ليه ؟كلنا فترنا من الحروب . |
هي الثورة إلا عندكم هناك في القيادة يا نعمات ..في الخرطوم محل الرئيس بنوم ؟ كان كدا يختي نومي نومك إنتي ما جايبة خبر .. الثورة مستمرة عندنا منذ منتصف التسعينات ..والدموم سايلة . وهسه دي العملتوا أسيادا ذاتها نحنا الفجرناها والوقائع والتاريخ قاااعد . بعدين مفاوضينكم ديل بصراحة ما شايفة فيهم جعيص يملا عيني..سوري يعني . وثم كلموهم يبطلوا المحركة دي ..وينجزوا بسرعة فالشعب قاعد في الهجير وصابر ..والثورة يجري إختطافها الآن والمحاور تعمل على تكربس الإنقلاب .
وكان صحي فترتو من الحروب ..ماااا بتكرروا نفس الغلطة النسفت الإنتفاضة الفاتت تاني.
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: AMNA MUKHTAR)
|
نوم شنو و كلام فاضي شنو ؟
انا لا اتحدث بأسم التجمع و قوي التغيير و لا أشارك في المفاوضات. و مثل بقية الشعب
أتوقع مزيد من الشفافية و كثير من الحزم و صلابة المواقف .
و صحيح الشعب كله ثائر داخل و خارج السودان و مع ذلك إذا كان الشرق أو الغربأو الجنوب أو أقصى
الشمال يري انهم تعرضوا للإقصاء لماذا لا يفرض أجندته على المفاوضين. ما دام هم مقصرين ؟
أليس الشعب مسئول عن حماية الثورة من الإختطاف ؟
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: منتصر عبد الباسط)
|
Quote: انا لا اتحدث بأسم التجمع و قوي التغيير و لا أشارك في المفاوضات. و مثل بقية الشعب
|
والله يا نعمات يختي مداخلتك الأولى الجيتي نابلة بيها في البوست دا ..وطلعتي فيها بجرة قلم ناس التاريخ والجغرافيا من نعيم الثورة وهجيرها خلتني أفتكر إنك قيادة تجمع المهنيين شخصيا هههههه
وغايتو نحنا قايمين بدورنا في حماية الثورة من إختطاف المحاور وكذلك حث المتمحركين الذين استلموا قيادة الثورة على سرعة الانجاز . المهم ينجزوا حكومة الثورة المدنية حتى لو جابوا لينا الصادق وبته ومرته ومنو داك وعياله ..المهم حكومة مدنية حا نبصم عليها . نخلص من حكم العسكر أولا والحساب بعدين .. جلد نضيف لما يقولوا الروووووب .
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: نعمات عماد)
|
سلام يا نعمات،
غايتو رجعتينا لي ايام ما كنا بنتخيل حيجي يوم زي ده، في السودان يجعل الايام ديك اقرب للخيال منه الي واقع عشناه.
نعم كنا احنا ناس الاداب في الجميلة او مستحيلة عندنا حساسية مفرطة في مباريات دوري الجامعة مع ناس الهندسة الكنا بنسميهم "ناس البلعات"! او ناس الطب الكانا بنسميهم "دايات"!!!!
نعم بنهزمم كتير او نهتف في مظاهرات عارمة: "زمانكم فات يا دايات"!!!! اها بروف عبدالله الطيب بي تقلو خشا في الخط او قال العلم، في كلية الاداب، وبقية الكليات مجرد حرف ومهن!!! فبالله هووووي ياناس، بنصلح السراير، اقعدو غادي............
احنا ناس اداب، الدونا، مافيش دون....
اها دكتور كوباني ده بالذات، الشاعر، كنا انو او هو او نحنا برالمة بنتاقر شديد خالص في موضوع اداب او طب في داخلية اربعات في البركس!!
كان متعصب جدا ضد الزينا، زيك كده!!!!!!!!!!!
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: Bashasha)
|
Quote: كان متعصب جدا ضد الزينا، زيك كده!!!!!!!!!!! |
لاحولااااااااااااااااا
على قولك .
ياخي دي حساسية زائدة و الله .
تعرف انتسبت لكلية الادآب - أدب مقارن ، مباشرة بعد تخرجي من طب الأسنان
الذي لم أحبه رغم إنه مهنة عظيمة .للأسف لم اواصل .يعني قدر كدا بحب الآداب
و الشعر و القصة .و لأني أحب الإعتذارات 😀 ، أعتذر لكم و لآمنة و لكل خريجي
التاريخ و الجغرافيا عن ما مسكم. من كلمات لم أخترها. بعناية كافية .
و بكل الصدق ألفي الدنيا. انا أصلاً معجبة بمعرفتكم العميقة بالتاريخ ،
انت و آمنة و عبدالله ، ،معليش نسيت اسم والده .
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: منتصر عبد الباسط)
|
مؤتمر صحفي لكباشي المتحدث بإسم المجلس العسكري قبل قليل: *حكومة إنتقالية بأغلبية من المجلس العسكري ٧مقابل ٣ مدنيين !! * فتح مسارات القطارات والسيارات ..يعني باختصار كدا فض الاعتصام !!
تبا لكل من إستهون بتضحيات الشعب ويخاطر الآن بإسالة مزيد من الدماء لا قدر الله . هل رأيتم ما أدى إليه صراعكم على الكراسي وأنانيتكم وعدم تجردكم لمصلحة وطنكم ؟ أطالب الآن قيادات الحرية والتغيير للنزول جميعا إلى الميدان مع المعتصمين ويواصلوا ليلهم ونهارهم وسطهم ..وكذلك يتلقوا الرصاص بدلا عنهم كما فعل الثوار.
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: AMNA MUKHTAR)
|
موضوع التمثيل في المجلس السيادي تمت تنحيته جانبا اليوم دفع مفاوضو الحرية والتغيير لجند جديد وهو مناقشة صلاحيات المجلس السيادي ومستويات الحكم الأخري والإعلان الدستوري
لا يوجد تهافت او غيره يوجد اصرار من المجلس العسكري علي السيطرة علي مجلس السيادة هذا هو الموقف الآن
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: عبدالعظيم عثمان)
|
سلام يا آمنة
Quote: *حكومة إنتقالية بأغلبية من المجلس العسكري ٧مقابل ٣ مدنيين !! * فتح مسارات القطارات والسيارات ..يعني باختصار كدا فض الاعتصام !! |
إستمعت قبل قليل للمؤتمر الصحفي لم يتوصل الطرفان لأي إتفاق حول تشكيل المجلس السيادي ومازالت هذه النقطة نقطة خلافية. ولا يوجد حتى الآن ما يشير إلى أن قوى الحرية والتغيير في إتجاه للتنازل حول هذه النقطة. ولكن اقترحت قوى الحرية والتغيير الإتفاق حول صلاحيات المجلس اولاً. بالنسبة للسكة حديد والكباري إتفقوا على فتح كبري النيل الأورق عاجلاً ثم فتح مسار القطارات وفتح كبري بري وإزالة الحواجز من امام دار الشرطة ولا أدري لماذا خص فتح كبري النيل الأزرق بعاجلا دون البقية.
| |
|
|
|
|
|
|
Re: هم ونن المهنيين ديل ذاتم ووين المهنية في م (Re: Asim Ali)
|
شكراً يا الأخ عاصم علي والله لا يهمني أن أنتصر لرأيي ولو كان ما يجول بخاطري يقوله غيري لكن أسعد أو أرجو أن أكون كذلك . نتمنى بعد الحال يتنبه الناس ويتوحدوا من أجل الوطن ولا تسـتأثر جماعة دون الأخرى بالرأي وتتعصب لرأيها الوطن للجميع فلابد من تكوين لجان خبراء خاصة في الاقتصاد ويحشد له كل المختصين حتى ممن هم في المهجر وتتلتزم الحكومة بتنفيذ ما تخلص إليه اللجان ولا يتعقدوا من مؤتمرات الكيزان الأرزقية فليس اليوم كالأمس وليس عهد الحرية كعهد الكيزان الغابر.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|