|
|
|
 Re: هل حقاً تغنن البلابل نور بيننا لنميري أيض� (Re: النذير حجازي)
|
النذير حجازي تحياتي . .
محاكمة الشخصيات والافراد بأثر رجعي اظنها محاكمة غير عادلة . .
تطور الحياة وزيادة نسبة الوعي تفرق من زمان لآخر . .
حتى 1989 السودانيين ما كان عندهم مانع يحكمن عسكري . .
الآن في 2019 يخيل لي لو حصل انقلاب ممكن بكرة تلقى الشعب كلو في الشارع . .
وممكن بعد خمسين سنة يجي جيل يضحك علينا ويستغرب انو كيف كان حاكمنا واحد زي البشير وانو كان في كائنات اسمهم الكيزان كانو بيسرقو فينا ثلاثين سنه ونحن بنتفرج . .
| |
 
|
|
|
|
|
|
|
|
Re: هل حقاً تغنن البلابل نور بيننا لنميري أيض� (Re: النذير حجازي)
|
البلابل ديل يا أبو النيز يمثلن احدى الاهرام الفنية والجغرافية وباذن الله التاريخية الراسخة للسودان .
البلابل لمان غنو في حضرة النميري الاغنية التراثية ابعاج اخوي نحن كنا في طلايع مايو وكانو وكنا" تيين ايدجرز"
وكان سبدرات شيوعي ودالي كان كوز والاصم لم يولد بعد.
| |
|
|
|
|
|
|
|
|
Re: هل حقاً تغنن البلابل نور بيننا لنميري أيض� (Re: MOHAMMED ELSHEIKH)
|
سلام
# حقائق عن اغنيات البلابل ،، مدهشه
رومانسية الألم
حين تسمع الأغنية تطربك و حين تفهم مغزاها تمتعك, في حضرة واحد من هامات الغناء الكبار بقاهرة المعز دار نقاش في غنا زمان و غنا الليلة فكان سؤالي. (انت يا حاج بتحب تسمع منو ؟) سؤال بوهيمي قد توقعت إجابته معهودة دأبه كدأب جيله الذهبي و هي وردي , محمد الأمين , عثمان حسين ..الى آخر فناني تلك الحقبة الخالدة. كانت الإجابة صاعقة حين كانت البلابل!
هبطت أسهم محدثي في نظري حينها و كنت جاهلا متظارفا حين علقت ( خليت الناس الكبار كلها و مسكت في الجكس يا حاج ؟!) .. رد لي الصاع صاعين بتعليق مقتبس جما من حكمة سليمان ( انتو أولاد الزمن ده بتسمعوا ساي ! الغنا رسايل للبيعرف يقراها). و هنا استرسل بعد أن أشعل كل حواسي للمتابعة.
العهدة على الراوي و شهود جلسته كان استرساله ( البلابل ديل علموا السودان معنى الحب الأسري مع أن السودان بهتهم و ظلمهم كيف الحريم يغنن و يساهرن برة كاشفات راسهن؟! , الناس هسه بتسمعهم و قايلين غناهم في عشق زول لكن عشقهم كان لأخوهم ود أمهن و أبوهن, لما قالوا نحييك ما بتحيينا قالوها ليهو لما بقى ما بيسلم عليهن و سمع كلام ناس الحلة القالوا أخواته كعبات و طاعنوه, و لمن حرد ليهم البيت و هجرهم مشى مدني و اختفى قالوا ليهو البنريده تايه يا حليل البريدنا و بالتفاصيل قالوا ما عارفين مكانه و عارف وين مكاننا و تبرير هجره بسهرهن في الحفلات و الكلام الكعب لما قالوا يمكن دي الليالي شالت حسن ظنه).
مواصلا حديثه ممتلكا مسامعي واصل ( حتى لقدام لما أخوهن اشتاق ليهن شديد جا الحلة و وقف في الدكان الناصية سأل من أخبارهن و أبى يصل البيت و لولا سيد الدكان فيما بعد كلمهن بأنه جا ما كانوا عرفوا و هنا قالن ليهو نور بيتنا و شارع بيتنا و فوق كده لما طول منهن قالن ليهو حبايبنا قرايبنا ,تخاصمونا؟ و متعالي علينا بقى له سنين و دارت دورة الأيام و نحنا مع الزمن أغراب).
لم يتوقف السرد لما يقارب الساعة حتى انتهى بي في سيناريو هذه الرومنسية المجهولة عن الأذهان بنهاية جميلة فحواها - ما عهدته روايته - ( أخوهم رجع و راضاهم و استسمحوا بعض و تخليدا للقصة كتب ليهم عبدالباسط سبدرات رجعنا ليك و جينا غفرنا انك بالوشاية فصدت كبد الفرحة فينا و عينينا البكت فجعت رموشها دموع سخينة )
الحوار مختصر و قد سعيت قصارى العنت في ذكر كل محتوياته ذات القيمة. غفرانكم لإطالتي و العتبى للكهل الرقيق ليتجاوز جهلي حينها و العذر أحيكه ثوبا يزين البلابل حلة بهية إجلالا و احتراما نيابة عن السودان.
حفظا للحقوق, محدثي كان الراحل الفنان معتصم الحضري بالقاهرة بشهادة الأستاذ السر قدور 2010.
منقووووول. مبااالغة والله بنسمع ليهم وماعارفين مغزى القصائد
--------
من الأرشيف
| |
|
|
|
|
|
|
|
|
|
Re: هل حقاً تغنن البلابل نور بيننا لنميري أيض� (Re: دفع الله ود الأصيل)
|
Quote:
النذير حجازي تحياتي . .
محاكمة الشخصيات والافراد بأثر رجعي اظنها محاكمة غير عادلة . .
تطور الحياة وزيادة نسبة الوعي تفرق من زمان لآخر . .
حتى 1989 السودانيين ما كان عندهم مانع يحكمن عسكري . .
الآن في 2019 يخيل لي لو حصل انقلاب ممكن بكرة تلقى الشعب كلو في الشارع . .
وممكن بعد خمسين سنة يجي جيل يضحك علينا ويستغرب انو كيف كان حاكمنا واحد زي البشير وانو كان في كائنات اسمهم الكيزان كانو بيسرقو فينا ثلاثين سنه ونحن بنتفرج . . |
كلام مخ في دماغ ملان وعي و مدفق لهناك...تحياتي ليك يا زول
| |
|
|
|
|
|
|
|
|
|
Re: هل حقاً تغنن البلابل نور بيننا لنميري أيض� (Re: عباس محمود)
|
| Quote: لguilty pleasure لدي لا زلت أحياناً أدخل اليوتوب وأسمع المايويات في بوست قديم في المنبر هنا لأبوساندرة رد الله غربته عن أغاني مايو وفي شعاراتنا مايو😅 |
تعرف يا منص
اغنية طويت ازمان طويت أجيال
وريتنا جديد ما كان على بايل
للثنائي الوطني
وفي مقطع بقول يامايو حبيب زي امي وابوي زي اختي واخوي
وقبل المقطع هناك صولو بالاكورديون
لم اسمع حتى اليوم اجمل منه حتى اليوم
-----------------------------------
شكرا ابنتنا امتثال
| |
|
|
|
|
|
|
|
|
|
Re: هل حقاً تغنن البلابل نور بيننا لنميري أيض� (Re: MOHAMMED ELSHEIKH)
|
يا ود الشيخ
اسمع (بتسجيل الاذاعة)...
يا شموسا في دروب الليل أشعلت النهارا
نحن شلناك وساما..........وكتبناك شعارا
نحن صرنا بك يا مايو .....كبارا
واتخذناك حبيبا و صديقا ...وديارا
لم تكن حلما و لكن كنت للشعب انتظارا
وتماما اشرق الصبح على الشعب تماما
اسمعها بصوت وردي (آنذاك)...وشوف لو ما وقف شعر جسمك كله
| |
|
|
|
|
|
|
|
|
|
Re: هل حقاً تغنن البلابل نور بيننا لنميري أيض� (Re: ABDALLAH ABDALLAH)
|
عبد الله عبدالله
بعد قريت تعليقك عن ما جاء به عمر نملة ، رجعت وقريت تعليق عمر نملة مرة تانية بعمق ووجدت فعلا أن ما جاء له عمر نملة عن البلابل هو خلاصة ما كنا نود أن نعرفه عن أغنيات البلابل ...فشكرا عمر نملة على هذا التعليق الاوسكار ، مع انك نزلت الدموع من عيونا ....والتحيات النواضر من هنا للبلابل ....
| |
|
|
|
|
|
|
|
|
|
Re: هل حقاً تغنن البلابل نور بيننا لنميري أيض� (Re: امتثال عبدالله)
|
حبيبنا النذير تحياتي يا جميل
ما في فنان ما غنى للنميري ( كلهم )
رغم أن البلابل اصغر وحدة كانت في عمر 17 سنة عندما غنوا لنميري( عين ما بين 20-17)
لكن يا الحبيب نذير .. بلابل بالنوبية عالم آخر .. فوق البشر ..
إجادة تامة للغة النوبية كأنهن حبوبات .. رغم الاقامة في زخم المدن وكما الارستقراطية
اصيلات البلابل ..
اغنية مناحة النوبة ( غرق حلفا ) بابوركوسونا .. يا سلام ..
عالم آخر فوق البسط درجة أعلى من ( البسط ) الصوفي
خاصة هادية هي قائدة المجموعة ..
تحياتي الحبيب نذير
ومقالة عمر نملة الحبيب زين وجه البوست
كلام مؤثر وحقيقة لأننا عشنا ذلك الزمن الجميل
ليت الشباب يعود يوماً
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
النذير حجازي
أمير فرح
محمد على طه الملك
Mahjob Abdalla
MOHAMMED ELSHEIKH
عمر نملة
دفع الله ود الأصيل
Kostawi
عباس محمود
Zakaria Fadel
منتصر عبد الباسط
ABDALLAH ABDALLAH
علي عبدالوهاب عثمان
فيس بوك
تويتر
انستقرام
يوتيوب
بنتيريست