|
|
|
 Re: هشام عباس فى لايف جديد اشكالية الوعي الثو� (Re: علاء سيداحمد)
|
Quote: قدر ما حاكتب ما حاقدر اوصف الحصل الليلة
انا للان متحير و ما قادر اصدق الحصل
حميدتي سفاح دارفور وصل بيهو الغرور انو يكون الراعي لبرنامج تكريم الشهداء!!
الحصل انو قبل يومين وزارة الثقافة والإعلام وجهت لينا دعوة كاسرة الشهيد الفاتح لحضور تابين و تكريم الشهداء المقام بقاعة الصداقة
بكل حسن نية قبلنا الدعوة
لمن وصلنا قبل م يبدا البرنامج جا داخل فريق لابس كاكي الجنجويد! و جا قعد بكل قوة عين قدام كل امهات الشهداء!
المقدمة بدت البرنامج بالتحية لوالي الخرطوم و التحية لممثل محمد حمدان دقلو حميدتي الفريق ركن جمال حاجة كدا بحر
معقولة حرامي الحمير وصل بيهو الغرور انو يجيب ممثلو بكل قوة عين و يقعد مع امهات و اباء الشهداء القتلهم هو زاااتو !!؟
شعار الدعم السريع كان موجود في البوستر حق الخلفية
البرنامج كلو برعاية الدعم السريع و دي محاولة بائسة جدا من حميدتي عشان يلمع صورته بدم شهدائنا
برنامج اقل ما يقال عنه انه استفزازي جدا و فيهو استهتار واضح بدماء الشهداء
و مهما حصل ما حاقدر اوصف ملامح وجه ام الشهيد عبد السلام كشة و هي في غاية الغبن و الغضب على الاستهتار بدم ولدها الكتلوهو جنجويد حميدتي
اللعنة عليك ي حميدتي و اللعنة على حكومتنا التي اقل ما يقال عنها انها ( باطلة) و اللعنة على وزارة الثقافة والإعلام الوجهو الدعوة لاسر الشهداء و هم عارفين بكل الحاصل دا
المجد لكم يا شهداءنا و الخزي و العار للقتلة المتسلقين على دماءكم |
| |
 
|
|
|
|
|
|
|
|
Re: هشام عباس فى لايف جديد اشكالية الوعي الثو� (Re: امتثال عبدالله)
|
شكراُ يا امتثال على المرور
وفعلاُ هشام عباس كلامو كلام منطقى
وزير الاعلام فيصل محمد صالح : ماحدث فى قاعة الصداقة خطأ :
| Quote: وصف وزير الثقافة والإعلام، فيصل محمد صالح، ما حدث في قاعة الصداقة مساء الاحد بالخطأ، وانتقد غياب الشفافية فيما يتعلق بتقديم الدعوات لأسر الشهداء. وتعهد صالح الذي خاطب وقفة احتجاجية نظمها بعض أسر الشهداء ولجان المقاومة بمقر وزارة الإعلام، بإيصال مذكرتهم لرئيس الوزراء الموجود حالياً في إرتريا. وأقر الوزير بموضوعية المطالب بتعيين ولاة مدنيين واعلن استعدادهم في مجلس الوزراء لتقديم استقالتهم من الحكومة في حال تم التوقيع على اتفاق السلام، ونفى صالح مسؤولية، وزارته عن الاحتفال قائلاً: (نحنا ما نظمنا الاحتفال وما دعينا ليهو)، محملاً مسؤولية ما جرى لوالي الخرطوم بحكم مسؤوليته في ظل نظام حكم فيدرالي. ووصل عدد من أسر الشهداء لوزارة الاعلام بالخرطوم محتجين على ما حدث في قاعة الصداقة حيث لم يكتمل مهرجان لتكريم أسر الشهداء بسبب رفضهم وجود الناطق الرسمي بإسم قوات الدعم السريع ضمن المدعوين، واعتبروه استفزازاً لمشاعرهم. |
| |
|
|
|
|
|
|
|
|
|
Re: هشام عباس فى لايف جديد اشكالية الوعي الثو� (Re: علاء سيداحمد)
|
احمد حمودي..حبابك يا صديق
كتر خيرك على اشراكنا في هذا اللايف لأخونا هشام عباس..
هشام عباس حبابك يا صديقي..
فعلا سؤال منطقي عن هل كونها ثورة سودانية ام ثورة خرطومية ، والكلام ده قلناهو من ديسمبر 2018 ، وعينك ما تشوف الإ النور..!
الشعب السوداني عاطفي ومزاجي يا هشام ، والمظهر بيأثر كتير..فياريت يا قريبي تاني لمن تجي تعمل لايف امسح وشك قبل التسجيل..يعني حكاية مسح الدقينة والضحكة الناقصة الباهتة بتذكرنا بمناظر مش لذيذة (يعني منظر حسن الترابي وسخريته التي سام بها الشعب السوداني لسنين وسنين.!!!)..
كلامك سمح يا هشام..
ما يخص الآتي:
اولا: فض الإعتصام ليست مسئولية الدعم السريع لوحده او العسكر او جهاز الأمن ، قوى الحرية والتغيير بصمت على فض الإعتصام وادت الضوء الأخضر للعسكر والدعم السريع لفض الإعتصام..فالحديث عن شيطنة طرف دون الآخر هو حديث لدعم خرطومية الثورة التي تحاول التهرب منها..
ثانيا: مافي مشكلة يا قريبي..الدعم السريع جاب بصات وعربات عشان يحل مشكلة المواصلات للجماهير ، مافي مشكلة عندنا خيارين :
واحد: يا اما تجمع المهنيين وقوى الحرية والتغيير تجيب بصات وعربات عشان تحل مشكلة المواصلات للمواطنين وتحرضهم على مقاطعة حاجات الدعم السريع ، ويا اما تشتغل حملات تعبئة وتوعية وتطالب الجمهور بمقاطعات بصات الدعم السريع وتطلب من حناكيش الخرطوم يمشوا كداري لتثبيت موقف احتجاجي (وشعوب كتيرة عملتها من قبل اشمعنا شعب جمهورية العاصمة المثلثة؟؟!!)..نفس الكلام ينطبق على حكاية العلاج الذي وفره الدعم السريع للمواطنين..يا اما نجيب علاج ويا اما نعمل حملات لمقاطعة أي خدمات علاج مقدمة من قبل الدعم السريع..!
اتنين: ما قادرين نعمل حاجات زي دي ، يجب ان نتذكر ان الدعم السريع شريك في السلطة الإنتقالية ، وبالتالي نفض الشراكة دي ونشوف لينا صرفة تانية..!!
ثالثا: ليس دفاعا عن الدعم السريع ، لكن يا اخوي الناس ديل الإتحاد الأوربي محتاج ليهم ، وامريكا عارفة دورهم شنو في حرب اليمن (ترضية لحناكيشها في الخليج ، عشان النقاطة تستمر لأمريكا وده لعب كبير يا صديقي..وشعرا ما عندنا ليهو رقبة..!!)..وفي السودان قحت قبلت بيهم كشريك في الفترة الإنتقالية..فشنو لماذا الشيطنة الجزئية دي؟..شرحوا الناس دايرة تشيطن خليها تشيطن كل مكونات الفترة الإنتقالية ، وتشكها تاني وتعيد تشكيلها من اول..ونشوف الجديد..ومافي حاجة بتمنع تب..!
رابعا: بالمناسبة يا هشام ، شئنا ام ابينا ، الدعم السريع ، تحديدا حميدتي ، عندو شعبية كبيرة في السودان ، والشعبية دي عندها الوعي تفرز بين الدعم السريع والحركة الإسلامية ، وعارفين ما في علاقة بعد الثورة بالحركة الإسلامية..والآن الصراع في مواجهة:الحركة الإسلامية ، وبقايا الإسلاموعروبية في السودان..فالدعم السريع الآن لو قرر الخروج من الخرطوم..فلن تكون هناك دولة سودانية يا قريبي..!!
خامسا: النقة الفي السهلة والكلام المجاني ما بيودي لي قدام..الناس عندها رأي في الدعم السريع تفض الشراكة بتاعة الفترة الإنتقالية وتقول للدعم السريع ما بتلزمنا وادينا عرض اكتافك..ومافي مشكلة تب..ونشوف الخيارات التانية شنو..!
والسؤال المهم يا هشام: لماذا لا تعمل قوى الحرية والتغيير على تبييض وجهها وتقدم خدمات للجماهير تتجاوز خدمات الدعم السريع؟
هل ظنت قوى الحرية والتغيير ان مسالة حيازة الثورة بوضع اليد كافية؟..
العيب في قوى الحرية والتغيير يا صديقي ، القوى الكسلانة التي صحت الصباح ولقت نصيبها ، ولا تريد حتى الدفاع عن هذا النصيب بالجهد المستحق..!
الشغل بتاع فقه (البصيرة ام حمد) لا يجدي في هذه المرحلة ، فالأجدى العقلانية والتعامل بواقعية مع المعطيات الموجودة..!
كبر
| |
|
|
|
|
|
|
|
|
Re: هشام عباس فى لايف جديد اشكالية الوعي الثو� (Re: Kabar)
|
Who cares
بريمة
We care and all the people of sudan who are looking forward to see the criminals behind bars care ..
ونحن نتعجب لمن يدافع عن من قتل ٣٠٠ الف نسمة من سكان دارفور ...الحركات المسلحة التي رفعت السلاح في وجه هبل القوم، زعيم عصابة اللصوص والحرامية، البشير ، هم الذين يمثلون شعب دارفور لأنهم رفعوا السلاح في وجه الطاغية للدفاع عن حقوق مالية دارفور ، أما زعيم الجنجويد فقد استأجر هبل ليقتل سكان القرى في دارفور الآمنين وغير المسلحين بدعوى أنهم يساعدون الحركات المسلحة....
لا تدافع عن من قتل وذبح وسحل أهل دارفور ولا تدافع عن من قتل شباب الثورة خلال فض اعتصام القيادة العامة....
| |
|
|
|
|
|
|
|
|
|
Re: هشام عباس فى لايف جديد اشكالية الوعي الثو� (Re: امتثال عبدالله)
|
كبر يا صديقى تحياتى
{1} Quote: ما يخص الآتي:
اولا: فض الإعتصام ليست مسئولية الدعم السريع لوحده او العسكر او جهاز الأمن ، قوى الحرية والتغيير بصمت على فض الإعتصام وادت الضوء الأخضر للعسكر والدعم السريع لفض الإعتصام..فالحديث عن شيطنة طرف دون الآخر هو حديث لدعم خرطومية الثورة التي تحاول التهرب منها.. |
هشام عباس تحدث عن النقطة اعلاه اعتبارا من الدقيقة 2.35 حيث انه يدين ويحمّل جميع الوحدات العسكرية والامنية فى الدولة
مسئولية جريمة فض الاعتصام ولم يشيطن طرف دون الآخر فى هذه المسألة .
{2} | Quote: فالأجدى العقلانية والتعامل بواقعية مع المعطيات الموجودة..! |
بالظبط هذا ما يدعوا اليه هشام ويطالب به وليس فى هذا المقطع فقط وانما فى مقاطع اخرى ايضاُ يتحدث فى ذات السياق
فى الدقائق الاخيرة اعتبارا من الدقيقة 27
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
علاء سيداحمد
جمال ود القوز
Biraima M Adam
Kabar
فيس بوك
تويتر
انستقرام
يوتيوب
بنتيريست