📌✍ حميدتي معانا وما همانا كان هذا شعارهم ثم صفقوا للدعم السريع بنفس الشعار ، الدعم السريع معانا وما همانا ، ثم حميدتي الضكران الأدب الكيزان ، ثم نشروا وعلقوا صور حميدتي في بوسترات في كل مواقع الاعتصام في وحول القيادة العامة وكلها عبارات ثناء وشكر وتمجيد لمواقف حميدتي ، الذين نشروا صور حميدتي ويهتفون له كانوا يظنون أنهم هم الصفوة والقيادات لهذا البلد وهم الذين يجب أن يحكموا هذا البلد وبعد سقوط النظام كان الطمع والجشع والسيطرة والادعاء زيفا انهم ممثلوا هذا الشعب والثورة ملكا لهم وهم نعاج في جلود الاسود ، اوهموا انفسهم هكذا وعندما تعارضت مصالحهم ووقف لهم حميدتي وقفة رجل غيور علي بلاده ووطنه ورفض أن يسلم البلاد لهؤلاء الذين يريدون العبث به والانتقام ، غيروا كل شعاراتهم السابقة وانقلبوا ضد حميدتي بكيل الاساءات ووابل من الشتائم التي لا تخلو من العنصرية والجهوية والمناطقية .
📌✍ انقلب كل شعاراتهم السابقة وتحولت من مدح الي هجاء و الذم بعبارات نابية وعنصرية وسخرية وفيه تحكم واضح وسافر ليس ضد حميدتي فحسب بل ضد دارفور كلها ، جاء علي لسان خالد عمر المتحدث بأسم قوي الحرية والتغيير بعد فشل مفاوضات المجلس السيادي كال الاتهامات لحميدتي بأنه يقف في حلقومهم ويمنعهم من التوصل لاتفاق وطالب خالد عمر حميدتي بالرحيل والرجوع الي دارفور بعبارة ( أمشي شوف دارفورك وجنجويدك وين ) وكأن الخرطوم ملكا لهم وورثوها من اباءهم واجدادهم ، فالسودان يا خالد ليست ملكا لقوي الحرية والتغيير بل هذا الوطن للجميع وهذه البلدة دارفور دفعت فيها الثمن ودفعت فيها الغالي والنفيس وقدمت ارتال من الشهداء في معارك دروتي وجبل مرة وحرق العلم الانجليزي في ميدان النقعة بالفاشر وأخر سلطنة سقطت في السودان كانت في العام 1916م كانت سلطنة دارفور بينما هناك من جلبوا رفاتهم من الحبشة وهناك من هربوا وتركوا السودان وهناك من باعوا البلاد للاستعمار الاجنبي ودارفور هي التي قدمت مقترح الاستقلال من داخل البرلمان قدمه الناظر دبكة قبل اسماعيل الازهري والتاريخ لن يزيف ولن يتغير . اذا كان هذا الوطن لا يسع الجميع ويستشري فيه داء العنصرية والجهوية فلدارفور الفخر في صناعة السودان .
📌✍ اما تسليمهم السلطة دون عناء ودون تعب ودون ديمقراطية وانتخابات سلطة بالمجان لتصفية حساباتهم واما الاساءة والنبذ والشتائم ( فريق اول خلا ، جنجويد دارفور ، ارجعوا دارفور ، اطلعوا من الخرطوم ، امي ، جاهل ، تاجر حمير ، حميرتي ) وغيره من الاساءات الفارغة والجارحة واستهداف حميدتي ليس في شخصه بل هذا استهداف لدارفور كلها ويتكرر المشهد والتاريخ لن ينسي استهداف الخليفة عبد الله التعايشي والثورة التي قادوها انزاك وسموها بثورة الاشراف ويتكرر الان نفس المشهد ونفس العنصرية ونفس الجهوية في وصف حميدتي بفريق اول خلا ويطلع من الخرطوم ويرجع دارفور ،، هو البلد دا حقيقة كدا حق منو بالضبط ؟ هل البلد ملكا لقوي الحرية والتغيير يقرر فيه ما يشاء ويخون فيه من يشاء ويطرد من يشاء ويسئ لمن يشاء وينزع الجنسية والوطنية ممن يشاء . هذا الوطن لنا جميعا رضيتم ام ابيتم دارفور قلب السودان النابض ، دارفور البوابة الغربية التي ظلت تحافظ علي أمن واستقرار البلاد منذ الاستعمار وحتي تاريخه . منصب نائب رئيس وحتي رئيس جمهورية السودان مستحق لدارفور ودارفور الصفوة الفيها والعلماء الفيها وحملة شهادات البروف والدكتوراة والمهندسين والدكاترا يوزنون عقول هؤلاء المغرورين من قيادات قحت الذين يفتكرون انفسهم هم السودان ولا غيرهم في هذا السودان . غصبا عن قحت وغصبا عن كل عنصري مغرور حميدتي الان يمثل السودان داخليا وخارجيا وهو يحكم السودان الان وموتوا بغيظكم ، حميدتي من دارفور وشمس الدين من جبال النوبة يمثلون السودان خارجيا في السعودية أمس وهذا نصر كبير للهامش وابناء الهامش الذين ظلوا منذ الاستقلال وحتي الان مهمشون ومبعدون من صنع القرار . ندافع عن حميدتي ونقف مع حميدتي ضد الاستهداف العنصري والجهوي والقبلي رضيتهم ان نعيش جميعنا سودانيين والوطن للجميع مرحب واذا لم ترضوا فمن اليوم فصاعدا نحن عنصريين ايضا وندافع عن دارفور وابناءها وقياداتها .
📌✍ ما العيب في أن يكون حميدتي تاجرا من قبل ؟ جميع الاديان السماوية تدعو إلي العمل لانه أساس تقدم الحياة وعمارة الارض فما العيب أن كان حميدتي يعمل في وظيفة التجارة ؟ والان يعمل نائبا لرئيس جمهورية السودان .. غفير في الجامعة صار مديرا للجامعة ،، رسول الامة محمد صلي الله عليه وسلم كان أميا وراعيا للغنم ،، المسيح عيسي عليه السلام كان نجارا في ارض الجليل ، سيدنا داؤد كان حدادا ويأكل من عمل يده ،، فكل الانبياء عملوا في مهن هامشية فأين المشكلة في شخص كان يعمل تاجرا والان نائبا للرئيس وأهم من يظن أن بيده الملك لغيره فالملك لله وحده لا شريك له يعطيه من يشاء ،، لاحظوا لأمر الله الذي يقول فيه اصطفاه عليكم في سورة البقرة ( وقال لهم نبيهم إن الله قد بعث لكم طالوت ملكا قالوا أني يكون له الملك علينا ونحن أحق بالملك منه ولم يؤت سعة من المال قال إن الله أصطفاه عليكم وزاده بسطة في العلم والجسم والله يؤتي ملكه من يشاء والله واسع عليم ) هذا أمر الله وانتهي فكون حميدتي يكون نائبا للرئيس وفريق أول فهذا أمر الله ولا أحد منكم يستطيع ان ينزع او يفعل شي . اوقفوا أستهداف حميدتي واستهداف دارفور فالوطن لنا جميعا ..
بقال كوز لا يؤخذ برأيه يجير كل شئ لصالح الثورة المضادة وكان حاضر في مشيرة ناس عبد الحي وباقي الدواعش عشان كدا كلامه يبله ويشرب مويته مع كامل الإدانة لأي تعليق يتجاوز حميدتي شخصيا وعمايله الي اهله او منطقته
05-25-2019, 02:05 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
ناس الخلا إبعاذهم من خلاهم وتحريكهم للخرطوم هو إقصاء لهم من خلاهم! فصاروا غرباء .. وتصرفاتهم سواء بالسلاح أو بدونه أكثر غرابة خاصة ما معروفهم خلاهم دا وين بالظبط وحدوده وين مداخلة لى برا! والمعروف زول الخلا لا يسوس أهل الميدنة وإلا حثت إنتكاسة المثال التاريخى العالمى المغول التتر . ومحلياً من الأمثلة حكم تتر الإنقاذ فلا نحتاج لمغامرة جديدة .. ولا يمكن من تطلع لتكنوقراط الإنحدار لقيادة تتر أميين وكمان مجهولى الهوية!
يا سمعة قبل كم يوم كده شفت حميدتي بهوزز في عصايته كي كي قلت كان دقوا ليه الزمبارة وقام نقز بس ذكرني أسد ودالباوقة النتر هسع سيدك نائب الرئيس ده شوفو ليه إسم زي حق بشة عشان لأنه ما صاح تقولوا هيع ساكت يا الجلابة الجدد😂😂
05-25-2019, 02:20 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
نعم ضد الاقصاء , ضد العنصرية. ضد الجهوية , ضد القبلية. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ بس بقيت شايف في ابتزاز نوعا ما في القضايا المطروحة اي مكوّن تعرّض لانتهاكات في العهود السابقة يريد من الشعب السوداني ان يدفع ثمن تلك الجرائم.
يا اسماعيل انت الآن تؤيد و بشدة في حميدتي و قواته و الان في الصفحة الاولى لك كم من البوستات في حميدتي و انت فى نفس الوقت تشتكي من الاقصاء و تحمّل (الجلابة) جانبا من المظالم.
في دارفوريين اخرون تم قهرهم بواسطة حميدتي الذى تروج له ببوستات هؤلاء الدارفوريين تم قتلهم بعشرات الالوف و في مذابح اقيمت على اثرها محاكم دولية.
يعني يا اسماعيل انت و كونك تساند و متعاطف مع حميدتي و قواته فانت متهم بالتحيز أو قل بالاقصاء لعناصر دارفورية اخرى متضررة من هذه المليشيا القبلية.
* بجيك بعد الفطور لو ربنّا سهّل
05-25-2019, 02:46 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
يا ناصر أنا ما دعوت لاقصاء زول ولا قلت لي زول اخرس. المنبر مفتوح لكل الآراء والأفكار و حكاية ده كوز وده شيوعي ما من المنطق في شيء.. علينا بالرأي المطروح..بعيد عن الشخصنة..
05-25-2019, 02:55 PM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10253
اسماعيل دا محتاج حبوب مسكنة هههههها ملحوظة اسماعيل دا كوز تبع المؤتمر الشعبى لان امينه الحالى من دارفور والسابق ايضا على حسب قولهم وهذا جهل مركب ربنا يكون فى عون اسماعيل وما شاكله
05-25-2019, 03:14 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
بقّال مناصر للنظام السابق ولا داسيها وضد الثورة في لقاء مع المجلس العسكري ايام المتاريس حرض على الثوار المجلس العسكري بكل وضوح فا مقاله دا ما تقراه بمعزل عن توجهه, هو يسعى للفتنة لا أكثر, وما يبدو دفاعا عن حميدتي ليس كذلك فبقال كباقي الكيزان متضررين من خيانته لهم ويتحينون الفرصة للانتقام لكن كقاله دا سعي للفتنة و اثارة مشاعر اهل دارفور في حقيقته
عاصم ما عندي فكرة عنه
05-25-2019, 03:55 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
هم جرو للجيش ليه ؟؟ قالينها اكتوبر 1964 مش قلت ليك الناس ديل يتقصهم الابداع السياسي وهم عروبيين ذى حميدتي بس حميدتي علي الفطرة وديل خريجين جامعات ومؤدلجين شيوعيين والناصريين وبعثيين بالله بلد يكون فيها بثعيين وناصريين وشيوعيين لحدي هسة مش ازمة عديل ..وجدعو مشروع الحركة الشعبية2005-2010 واخذ يتخبطهم المس الان " .غير حميدتي بكون في منو ديل ناس المركز يا اسماعيل ناس تصفية حسابات بدون محكمة دستورية بي ختق فطس بس \ وعلم مايو 1969 اكبر دليل علي وعيهم القديم المسوس وحياك الله يا اسماعيل وقصة ده كوز وده جردل ما بتخارج الناس ديل المقال ده واضح الكل يفر من الديمقراطية والانتخابات وسبق ان فرو منها ايضا في 2010 كيزان علي الشيوعيين
05-25-2019, 07:07 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
يا اسماعيل فاقد الشئ لا يعطيه ابراهيم بقال كوز و كان عضواً فى حزب المؤتمر الوطنى الاقصائى حميدتى شخص اقصائى بدليل انه صرح وقال بأن من يضرب عن العمل لن يعود اليه ( بمعنى انه سيفصله من العمل ) هذا هو الاقصاء والتهميش فى ابهى تجلياته
اسمع كلام هذا الشاب وهو من ابناء دارفور عن حميدتى
05-25-2019, 07:17 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
تحياتي اسماعيل ابراهيم بقال هذا احقر من كتب يوم اجتماع احزاب الفكة تحدث وكرر الحديث عن فض الاعتصام وان الاعتصام يعيق الحركة حديثه كان واضح عليه انه متفق عليه ليقوله .. هذه الثورة قامت ضد العنصرية في المقام الاول ويكفي الثوار فخرا انهم هتفوا في وجه الطاغية اب قلبا ميت بان كل البلد دارفور وهذا المجلس الكيزاني بقيادة سبابي الحمير امتداد للكيزان وعنصريتهم ولا ننسي قصة ادم الدارفوري الذي وقف ضد مليشيات المؤتمر الوطني وحمي الثوار مع اخوانه العساكر ناس حامد وبعد فترة جيئي به في مشهد عبثي ليقولوا انه مجرم وهو من قتل الثوار يوم 8 رمضان .. نحن نتحدث عن وطن كامل لا عن جزء لان كل اجزائه لنا وطن فيكفي عنصرية
05-25-2019, 07:10 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
تاخذ عليه اوسكار يا اسماعيل عقاب الشيوعيين خلو المقال ومسكو في الزول الكتبو ده الوعي العايز يحكم السودان بي 300+17 وتامل
كيف شعر يكون عندهم ليه ورقبة رافعين علم مثلث الحمدي ومايو 1969 ؟؟؟ ويضحكو علي الشباب المغيب في الساحة https://up.top4top.net/
لو عندكم ليه رقبة كان بقيتو ناس علم استقلال بتاع 1يناير 1956 وبقيتو حركة شعبية من يوم قيامة الساحة الخضراء نعمل شنو بي عبدالناصر وصدام حسين وحستو واجبهة امعادية للاستعمار في القرن 21
05-26-2019, 08:40 AM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2820
العلم ده يعبر عن جمهورية العاصمة المثلثة مثلث الحمدي فقط وبعاعبت مايو 1969 وايتام الترابي وليس السودان الحضاري بتاع 1 يناير 1956 اطلاقا ولو كان الكيزان الشيوعيين اصحاب حق كانو احترمو الموجود 2005-2010 رؤية جون قرنق الواعية للسودان وبدو بي اصلاح المحكمة الدستورية ورفدها بتسعة قضاة محترمين فعلا عشان تنظف الساحة اسياسية من الساقطين ووتدين كل الانقلابات 1956و1969و1989وتشرف علي الانتخابات ايضا .. وتحاسب مجرمين المؤتمر الوطني باسس دستورية صحيحة
https://up.top4top.net/ هسة في الاربعة شهور دي شفتهم اتكلمو عن الجنوب والجنوبيين ؟ او حتي عن دينكا نقوك المعانا في الشمال لحدي هسة
07-28-2019, 07:50 PM
ابراهيم بقال سراج
ابراهيم بقال سراج
تاريخ التسجيل: 10-12-2005
مجموع المشاركات: 10842
[quite] ودارفور هي التي قدمت مقترح الاستقلال من داخل البرلمان قدمه الناظر دبكة قبل اسماعيل الازهري والتاريخ لن يزيف ولن يتغير
إبراهيم بقال جاى تصفق لمقالك ؟
فى المقتبس أعلاه أنت من تزور التاريخ .. معذور بتلفح ساكت
Quote: انقلب كل شعاراتهم السابقة وتحولت من مدح الي هجاء و الذم بعبارات نابية وعنصرية
لم تذكر ما هى العبارات النابية والعنصرية عشان تكون عندك مصداقية قول النابية لا يليق ذكرها .. لكن العنصرية لماذا لم تذكرها
ولعلمك أى قرية أو مدينة بما فيها العاصمة لديها مواطنيها المقيمين بها ودا فى كل بلاد العالم وليس قاصراً على السودان فقط حميدتى ومليشياته ليسوا من مواطنى العاصمة الخرطوم!
07-28-2019, 09:23 PM
Hassan Farah
Hassan Farah
تاريخ التسجيل: 08-29-2016
مجموع المشاركات: 9208
المقال المنسوب للأخ/ ابراهيم بقال فيهو عيوب كثيرة، وفيهو تسويق لفكرة معيبة، هو عبارة عن طلب وظيفة اكثر عن كونه مقال، خد مثلا عندك دي:
Quote: الشتائم التي لا تخلو من العنصرية والجهوية والمناطقية .
ما داير انفي ليك العبارة دي على اطلاقها، لأنو حصل وقريت كتابات كتيرة فيها وضوح كبير للعنصرية والجهوية، بس دي بي نجي عليها ونفلفلها ونحاول نصل لمصدرها الحقيقي، لكن خليني انفي ليك هذه العبارة من داخل المقال نفسه ونشوف كيف استغلها صاحب البقالة (قصدي كاتب المقال، خذ العبارة دي للتدليل:
Quote: *حميدتي معانا وما همانا كان هذا شعارهم ثم صفقوا للدعم السريع بنفس الشعار ، الدعم السريع معانا وما همانا ، ثم حميدتي الضكران الأدب الكيزان ، ثم نشروا وعلقوا صور حميدتي في بوسترات في كل مواقع الاعتصام في وحول القيادة العامة وكلها عبارات ثناء وشكر وتمجيد لمواقف حميدتي
يعني ممكن نعتبر على اقل تقدير انو استقبل بهذه الحفاوة دون اعتبار للعنصر أو الجهة أو الثقافة، أو التعليم من قبل (الثوار في الميدان) وليس النخبة السياسية .. كويس كده ؟ طيب الثوار اللي على الأرض ديل كانو من جميع اعراق السودان المختلفة، والأغلبية كانا من الهامش وشعارهم المطروح (حرية، سلام، وعدالة)، الشباب ديل اصلا ما طرحوا نفسهم للحكم (اعني الثوار على الأرض اصحاب الإنجاز والإعجاز) ... كويس كده؟ طيب يا سمعة شوف صاحب البقالة غير تاريخ الصلاحية بتاعت المنتج ده كيف عشان يسوقوا؟ هاك:
Quote: الذين نشروا صور حميدتي ويهتفون له كانوا يظنون أنهم هم الصفوة والقيادات لهذا البلد وهم الذين يجب أن يحكموا هذا البلد وبعد سقوط النظام كان الطمع والجشع والسيطرة والادعاء زيفا انهم ممثلوا هذا الشعب والثورة ملكا لهم وهم نعاج في جلود الاسود ، اوهموا انفسهم هكذا وعندما تعارضت مصالحهم ووقف لهم حميدتي وقفة رجل غيور علي بلاده ووطنه ورفض أن يسلم البلاد لهؤلاء الذين يريدون العبث به والانتقام ، غيروا كل شعاراتهم السابقة وانقلبوا ضد حميدتي بكيل الاساءات ووابل من الشتائم التي لا تخلو من العنصرية والجهوية والمناطقية .
غي ذمتك دي يا اسماعيل الكلام ده بيتماشى مع الواقع ؟ نمشي لي نقطة تانية: تبدل شعارات الشباب ديل وتحويلها الي شعارات غضب وكراهية لي حمدتي، هم الناس الحوالينو، وخلينا نثبت النقطة دي قوي.. موقف الثوار ما اتغير الا بعد ما بدأ خطاب حميدتي يتغير، ولو عاوز دلايل فيديوهات نجيبها ليك بالكوم، وبدأ يتفز الثوار.. و طبيعي انو موقف الثوار يتغيير، بس كان نسأل نفسنا منو وكيف ولماذا اتغيير حطاب حميدتي: الجواب: *-منو = الناس الليهم تأثير على حمدتي. * كيف= بكتابة عبارات استفذت الثوار. *لماذا = لسببين: الأول : انو الطاقم ما عاوز حميدتي يمشي في اتجاه اكتساب الثوار ومن وراهم اغلبية الشعب. الثاني: انو الطاقم يكون عبارة عن اغبياء، ودي مستبعدة تماما. يبقى المقال والمقصود من المقال في ألأول: الإبتزاز، وثانويا (ضربني وبكى، وسبقنى واشتكى) ده ملخص البقالة الفوق دي شكرا سمعة على سعة صدرك، ولكاتب المقال نقول (حسب المقاييس والمواصفات البضاعة دي متهية الصلاحية) النصيحة للسيد/ حميدتي: غير الطاقم تكسب مودتي
07-29-2019, 06:49 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
يا اسماعيل يا خوي ما تخلط الأوراق وتجوط الحكاية ساي وعنوان البوست ده عبارة عن اصطياد في المياه العكرة أولاً قوى الحرية والتغيير ما طلبت من حميدتي يطلع من الخرطوم ويمشي دارفور من وين جبت الكلام ده !!!؟؟ ثم ثانياً الإستهتار بحميدتي لم يكن لقوى الحرية والتغيير أي دور فيه وإنما كان ذلك في الأسافير من طرف ناس ناغمين على حميدتي بسبب ما ارتكبته قواته في فض الإعتصام !!! ثالثاً كيف لقائد ضحك عليه الكيزان وحملوه تبعات فض الإعتصام أن يكون قائد لدولة ، أنا شخصياً ليس لدي أي مشكلة في أن يكون رئيس السودان من أي جهة من جهاته الثمانية الشرق الغرب الجنوب الشمال لكن يجب فيه أن يكون قائداً بحق وحقيقة وقائداً لكل السودان وليسلحزب معين أو قبيلة معينة ، ولو كانت الأمور بالتمني لتمنيت أن يكون القائد جون قرنق عائشاً بيننا وأن يكون هو رئيس جمهورية السودان !!! على ما يبدو أنك كنت ضد حميدتي عندما كان في دارفور ولكن عندما جاء الخرطوم أصبحت من مؤيديه ليس لشئ إلا لظهور أصوات من الجلابة ترفض تواجده في الخرطوم ، إذن حبك الذي الظهر فجأة الآن لحميدتي ليس لسواد عيونه وإنما نكاية فيمن وقفوا ضده وطالبوا بخروجه من الخرطوم !!! إنت مشكلتك عويصة جداً لأنك إقصائي وإن حاولت التدثر بغير ذلك !!! فلا يمكن للإقصائي أن يبني بلداً معافى فلا تطلب من الناس ألا يكونوا إقصائيين وأنت في نفسك مترع ومشبع بالإقصائية !!
هذا المدعو اسمعيل عنصري بغيض اصلا ويكن حقد دفين .. واصلا يا اسمعيل .. لكن ما تستعجل وتفرح الموضوع دا طويل وكل الوساخة حتظهر شوية شوية ودارفور دي أنت لست باحق من الفور بها خلي بالك امثالك هم من يبيعون السودانيين وقضاياهم بمقابل غبائن شخصية ضيقة ... والموضوع اكبر منك بكتير وانت وامثالك اموركم مكشوفة وسوف تدفعون الثمن غاليا .
07-29-2019, 11:23 AM
حسام عبد الرحيم
حسام عبد الرحيم
تاريخ التسجيل: 06-24-2011
مجموع المشاركات: 721
و الله مافي زول بيسخر من دارفور غيرك إنت و المدعو بقال, إنتو زي الشٌفع المدلعين عايزين الناس تلوليهم و تحنسهم م الناس كانت بتسخر كتير من البشير و اللمبي و حسين خوجلي و حمدي بتاع بلادي سهول وووو ,في زول رجع السخرية لقبائلهم!؟ كنت في القيادة أيام الإعتصام شفت مواكب كجبار و مروي و الشرق ووو كان فيها ناس كتار جدا من دارفور و بالمقابل مواكب دارفور شارك فيها كل السودانيين بكل قبائلهم و أثنياتهم كل البلد دارفور يا عنصري و مغرور .. ياخ الناس إتجاوزت الحاجات دي بسنين ضوئية و إنتو لسه مصرين ترجعونا المربع الأول, ياخي حاولوا أتصالحوا مع نفسكم و اتححروا من عقدكم دي ..
تحياتي
07-29-2019, 11:15 AM
elhilayla
elhilayla
تاريخ التسجيل: 02-05-2002
مجموع المشاركات: 5551
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة