|
|
|
 Re: نقطة نظام (Re: محمد البشرى الخضر)
|
سلام كبير يا ود (البشرى)
انا استبشرت بخولك وخصوصا ما بين القوسين..
ياخي...
نتمنى بعد الحصل الده، انو قوى الحرية والتغيير تتبني نظام جمهورية الإعتصام بحذافيره..
ما يقولوا لينا ده مستحيل، الشباب ديل نفذوه بامكانياتهم الذاتية، اذا ما قادرين اليخلوها لشباب الثورة..
يا محمد
شعب عظيم زي ده لابد من ان يكون اجره اعظم...
ان لنا ان نقيم دولة تكون حديث الملأ الأعلى قبل الورى..
عاوزين نثبت للملأ الأعلى قول الله سبحانه وتعالى في تقديمنا للملائكة:
(إِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ ۖ قَالَ إِنِّي أَعْلَمُ مَا لَا تَعْلَمُونَ (30)
لك ودي
| |
 
|
|
|
|
|
|
|
|
Re: نقطة نظام (Re: جمال المنصوري)
|
اخي جمال المنصوري السلام عليكم .. العود احمد. | Quote: .. ان لنا ان نقيم دولة تكون حديث الملأ الأعلى قبل الورى. |
طيب فرقنا شنو من ناس المشروع الحضاري ماياها دي نفس شعاراتم.... بالشولة كمان!
خلينا نكون واقعين مع انفسنا ومع الشارع ومطالبو عشان نقدر نقيم ليهو دولة تكون حديث الوري عسي ولعل الملا ذاتو يرضي عنا!!
ماتنسي معانا جبال النوبة, ابيي,اقباط وحتي معانا امثال الاخ هشام آدم .....الخ....
لاتتطير والا طائرك حبيس "الصُرة".
تقديري.
| |
|
|
|
|
|
|
|
|
Re: نقطة نظام (Re: Mohamed Adam)
|
حبيبنا / محمد ادم
تحياتي الغذيرة
البعد كان قسريا
| Quote: نتمنى بعد الحصل الده، انو قوى الحرية والتغيير تتبني نظام جمهورية الإعتصام بحذافيره.. |
معقولة يا ابو حميد وبالشولة كمان، بالرغم من اني وضحت قصدي بصورة لا لبث فيها على بعد خطوات من اية الإستدلال:
Quote: نتمنى بعد الحصل الده، انو قوى الحرية والتغيير تتبني نظام جمهورية الإعتصام بحذافيره..
ما يقولوا لينا ده مستحيل، الشباب ديل نفذوه بامكانياتهم الذاتية، اذا ما قادرين اليخلوها لشباب الثورة.. |
اما إذا كان الإنتقاد موجها للإستدلال بهذه الآية:
(وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ ۖ قَالَ إِنِّي أَعْلَمُ مَا لَا تَعْلَمُونَ (30)
بإعتباره اشارة لدولة تتبنى الشعار الديني الإسلامي، ده يبقى موضوع اخر، وجب علي توضيحه:
اخترت الآية دي لأنو هي خير مثال يمكن التدليل به على انو جمهورية الإعتصام هي المقابل الموضوعي لإعتراض الملائكة أو الملأ الأعلى.
الملائكة بنت اعتراضها على (الخليفة) المطروح على (3) نقاط:
- الفساد.
- سفك الدماء.
- المرجع الأخلاقي.
جمهورية الإعتصام اقامت ثلاثا وفق شعارها:
- حرية.
- سلام.
- عدالة (مرجعا اخلاقيا)
هذه هي الثلاث التي لم يكن يعلمها الملأ الآعلى، واخفاها عنهم الخالق، خلينا نشوف هل يصح ان تكون ثلاثة جمهورية الأعتصام حجة ضاحدة لحجة الملأ الآعلى، يلا بينا:
- الفساد فعل سالب ومنتوج نفسي ،يقيد صاحبة بسلاسل العبودية، ويقهره قهرا لتحقيق رغائبها بكل الوسائل، وهو محاط بالخوف من جميع جوانبه.
في المقابل الحرية هي فعل موجب يجعل صاحبها متحررا من كل سالب بما فيها الخوف نفسه.
-سفك الدماء ده مبلغ لم الملائكة عن البشر، يقابله السلام في جمهورية الإعتصام: كلنا شاهدنا ان محيط القيادة اثناء ممارسة الجمهورية لسلطاتها على الأرض، ان السلام قد عم جميع سكانها الذئب (الجيش والدعم السريع) كان يرتع مع الغنم، وملاذا لمن لا ملاذ له.
- نجي (وَنَحْنُ نُسَبِّحُ بِحَمْدِكَ وَنُقَدِّسُ لَكَ) وده مبلغ علم الملأ الأعلى للخلافة (الدولة الدينية) الخالق في النقطة دي تحديدا قال ليهم (إني اعلم ما لاتعلمون) ليه:
حسب فهم الملائكة ان العبودية لله شرط اساسي لخالفته، لو كان الموضوع زي ما هم متصورين، كان اكتفي بيهم ماهم قمة العبودية ( يَخَافُونَ رَبَّهُم مِّن فَوْقِهِمْ وَيَفْعَلُونَ مَا يُؤْمَرُونَ ۩ (50)) اكتر من كده في شنو ؟
في شوية وشويات، لو نظرنا جيدا لصدر الآية لعرفنا ربنا عاوز شنو؟
(وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ )
من الواضح جدا في الآية دي أنو ربنا عاوز (خليفة) مش عبد...
الفرق شنو ؟
تفرق كتير يا مان..
العبد عليه السمع والطاعة..
الخليفة حر (اخلاقيا) بموجب تفويض الخلافة..(وَقُلْ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا(29) وجود عبارة الظالمين لها علاقة متبادلة مع مفهوم العدالة، وده شرط الخلافة ألأساسي.
طيب ده علاقته شنو بالعدالة؟
اقول لك، العدالة(كمرجع اخلاقي) والحرية فعلان متلازمان يكمل بعضهم بعضا، العدالة هي المساواة بين كفتين أو اكثر (هي فعل وفكر) والحرية هي التحرر من الرغبة، وديل بالنسبة للملائكة مافيش..
اما في جمهورية الإعتصام، مورست فيه العدالة القصوى (اشتراكية السودانيين الأصيلة) الشيرنق، (كان عندك خت، كان ما عندك شيل) اشتراكية اصلية لا فيها شق لا طق (ولا يهولن أحداً هذا القول، لكون السودان جاهلاً، خاملاً، صغيراً، فإن عناية الله قد حفظت على أهله من أصائل الطبائع ما سيجعلهم نقطة التقاء أسباب الأرض بأسباب السماء)
وترنم الجميع بإنشودة (المجد لله في الاعالي، وعلى الارض السلام ،وبالناس المسرة) استظل بها الشيخ مهران والمصلون من خلفه، في مشهد لم ير الملائكة مثله من قبل، جمعت فيه الإسلام، بالمسيحية، بكريم المعتقدات، بالالحاد دون تمييز....
ايعقل يا محمد أن يكون قصدي مشابها لدولة بني كوز وبالشولة كمان!!!!
يل خي دولة بني كوز دي (من وجهة نظري) هي المقصودة بإعتراض الملائكة:
(قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ )
مع خالص حبي
| |
|
|
|
|
|
|
|
|
|
Re: نقطة نظام (Re: جمال المنصوري)
|
الحبيب جمال .. تحياتي ..
ملاحظ أن سلوك الصرف مازالت نفس الطريقة
مهرجانات في الاقاليم قاعات وكراسي وعربات بالكوم ( بنزين )
كلها في اشياء لا عائد منها ( وداع حجاح ) ( بداية عام دراسي ) ( ورشة عمل ) .. إلخ
أمس في المؤتمر الصحفي للتغيير ق ح ت .. طاولة فيها عصائر ملونة وصحون من المعجنات
على الطاولة أول مرة في المؤتمر صحفي ( اكل وحاجات باردة ) والمؤتمر منقول عبر تلفزيونات العالم
أكيد صاحب الفندق الذي نظم المؤتمر أراد أن يرفع من التكلفة
المطلوب : بيع كل تلك الكراسي الوثيرة ومنعها حتى استديوهات التلفزيون والجلوس بإسترخاء كما كان بكري حسن صالح
ايضاً هناك مظاهر توحي بالبذخ وعدم جدية .. موجة من المظاهر إجتاحت السودان حتى وسط العائلات
مع التحية والتقدير الحبيب المنصوري
موروث الانقاذ .. مسئولين كانوا مرضى بالدونية ..
| |
|
|
|
|
|
|
|
|
|
Re: نقطة نظام (Re: علي عبدالوهاب عثمان)
|
الحبيب / علي عبد الوهاب
تحياتي يا زول يا نيل
اتفق معاك انو مظاهر الصرف البذخي الكيزاني لا زالت موجوده..
كي ثقة في إن الطاقم الوزاري الجديد سينتبه لهذه النقطة ويوليها الرعاية المطلوبة.
مودتي
| |
|
|
|
|
|
|
|
|
|
Re: نقطة نظام (Re: جمال المنصوري)
|
اخونا الغالي جمال المنصوري وشرفي انا ذاتي في اعماقي قلت اخوي جمال دا مالو المره دي غاب وماجاب . .لكن... شكرا ليك علي التوضيح الشافي الكافي والآن اكتملت عندي الصورة فاعذرني علي الفهم الخاطئ والله بقينا الواحد مابيثق في معظم مستخدمي الديانات في النقاشات العامه بالذات البيتكلموا بإسم الله لانهم في الغالب ناس Second hand يعني الواحد صار يثق في زول غشيم عادي ولا يثق في زول يقعد يدخل اسم الله في نقاشاتو و في الغالب تجد علمو وفهمو للخالق علم زول مبرمج زي الريبورت الآلي... وانت سيد العارفين .
بالنسبة لفكرة البوست حقا هي طيبةQuote: اما في جمهورية الإعتصام، مورست فيه العدالة القصوى (اشتراكية السودانيين الأصيلة) الشيرنق، (كان عندك خت، كان ما عندك شيل) اشتراكية اصلية لا فيها شق لا طق (ولا يهولن أحداً هذا القول، لكون السودان جاهلاً، خاملاً، صغيراً، فإن عناية الله قد حفظت على أهله من أصائل الطبائع ما سيجعلهم نقطة التقاء أسباب الأرض بأسباب السماء)
وترنم الجميع بإنشودة (المجد لله في الاعالي، وعلى الارض السلام ،وبالناس المسرة) استظل بها الشيخ مهران والمصلون من خلفه، في مشهد لم ير الملائكة مثله من قبل، جمعت فيه الإسلام، بالمسيحية، بكريم المعتقدات، بالالحاد دون تمييز. |
فعلا دي قفزة عالية _ بتاعت سلوك جماعي _ مارسوها الشباب بالقيادة العامة _ نحو الاشتراكية, قد تحير ليس المجتمعات الاشتراكيه فحسب بل قد تحير اشتراكية الاشاعرة ذات نفسها.
اقترح:
تتطور الفكرة حتي تصل لإستثمارات في الأراضي الزراعية برؤوس اموال عالمية .. مثلا:
مديرية دارفور او قول اي مديرية اخري تقطع كم هيكتار تأجره لرأس مال اجنبي او وطني ثم تعود نسبة مئوية من ارباحة لصالح هذا المشروع...
فكرة موفقة.
| |
|
|
|
|
|
|
|
|
|
Re: نقطة نظام (Re: Mohamed Adam)
|
| Quote: اخونا الغالي جمال المنصوري وشرفي انا ذاتي في اعماقي قلت اخوي جمال دا مالو المره دي غاب وماجاب |
مرحبتين يا ابوحميد
تصدق يا ابوحميد، لمن قريت مداخلتك الأولى جاني احساس انك عامل لي كمين عشان تجبرني اشرح الفكرة كاملة (مش ليك) انت قاصدني اشرحها للناس التانين..
يا ابوحميد
في اعتصام القيادة التقت الارض بأسباب السماء كما وصفها الأستاذ/ محمود تماما، لدرجة انو عروج الشهداء الي السماء تم من صخرة الأعتصام بكل بساطة، الم تر كيف كانوا مدهشون..
الم تسمعهم بيترنمون وهم صاعدون : يا انت يا وطنك، شيل معاك كفنك ( او كما قالوا) ...
نشروا الفرح في طول البلاد وعرضها، انا واحد ناس كنت متأكد تماما ان الخالق الأعظم قايد الإعتصام بنفسه الم يقل جل ما قائل : (وَاللَّهُ يَدْعُو إِلَىٰ دَارِ السَّلَامِ وَيَهْدِي مَن يَشَاءُ إِلَىٰ صِرَاطٍ مُّسْتَقِيمٍ (25)
تلك البقعة من الأرض ستظل قدس الأقداس..
| |
|
|
|
|
|
|
|
|
|
Re: نقطة نظام (Re: جمال المنصوري)
|
انا سمعت في لايف من أحد المقيمين في ألمانيا، نسيت اسمه ، وقال نفس الكلام الانت بتطالب بيه ، وقال انهم سوف يودعون في بنك السودان مبلغ ١٠ مليار يورو وتحدث عن خطط لإعادة تأهيل مشروع الجزيرة وإعادة السلم التعليمي القديم ٤+٤+٤ وأكد أن التعليم سيكون مجاني لكل سوداني والعلاج مجاني وهناك مشاريع لعدم قطع الكهرباء في السودان...وانهم فقط ينتظرون تشكيل الحكومة المدنية..وقال إنه اجتمع من قبل مع قوى التغيير والحرية ومع البرهان، وقالوا له إن يحضر السودان ويجتمع مع وزير المالية بعد تشكيل الحكومة المدنية وان يبحث معه هذه المشاريع...وكلامه كلام جميل جدا ..وياريت واحد يقدر ينزله هنا ..
والرجل خلانا نحلم بسودان جديد ومزدهر ....وما علينا إلا أن ننتظر تشكيل الحكومة المدنية ....بعد ٣٠ سنة أخرى
| |
|
|
|
|
|
|
|
|
|
Re: نقطة نظام (Re: امتثال عبدالله)
|
Quote: انا سمعت في لايف من أحد المقيمين في ألمانيا، نسيت اسمه ، وقال نفس الكلام الانت بتطالب بيه ، وقال انهم سوف يودعون في بنك السودان مبلغ ١٠ مليار يورو وتحدث عن خطط لإعادة تأهيل مشروع الجزيرة وإعادة السلم التعليمي القديم ٤+٤+٤ وأكد أن التعليم سيكون مجاني لكل سوداني والعلاج مجاني وهناك مشاريع لعدم قطع الكهرباء في السودان...وانهم فقط ينتظرون تشكيل الحكومة المدنية..وقال إنه اجتمع من قبل مع قوى التغيير والحرية ومع البرهان، وقالوا له إن يحضر السودان ويجتمع مع وزير المالية بعد تشكيل الحكومة المدنية وان يبحث معه هذه المشاريع...وكلامه كلام جميل جدا ..وياريت واحد يقدر ينزله هنا ..
والرجل خلانا نحلم بسودان جديد ومزدهر ....وما علينا إلا أن ننتظر تشكيل الحكومة المدنية ....بعد ٣٠ سنة أخرى |
وعليكم السلام : امتثال
بالتأكيد سمعتي وحتسمعي زيو الكثير والكثير،
السودانيون يحملون حبا كبيرا لبلدهم وعندهم الرغبة في تطويره
وجعلوا جنة ونموذج..
النظام السابق حرم السودانيين وبإصرار من خدمة بلدهم.
لو تذكري كيف قبض على مجموعة (ايادي الخير) النفرة بتاعت السيول..
شكرا ليك كتير
| |
|
|
|
|
|
|
|
|
|
Re: نقطة نظام (Re: جمال المنصوري)
|
مجرد اقتراح:
ان يكون الديزل، والبنزين والمشتقات البترولية الأخرى مدعوما للمزارعين، المواضلات العامة.
ويكون تجاريا للعربات الخاصة.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
جمال المنصوري
محمد البشرى الخضر
Mohamed Adam
علي عبدالوهاب عثمان
فيس بوك
تويتر
انستقرام
يوتيوب
بنتيريست