|
|
|
 Re: نحن اهل الونسة جينا (Re: أحمد محمد عمر)
|
طيب هاك ديل:
أول شي فيديو البت و البلد البتباوسوا و نشر على اساس انه بعد الغاء النظام العام اتّضح انه منشور من ديسمبر 2018 في الفيس بووك
والاهم: انهم ما سودانيين زاتو
| |
  
|
|
|
|
|
|
|
|
Re: نحن اهل الونسة جينا (Re: أحمد محمد عمر)
|
حباب أبو سن ,,,, ونحن زاتنا متقريفين لي ونستك يا حبيب ...
بالجنبة كده : والله كيفتوني كيف لمن هجمتو على اجتماع الكيزان في كوستي هههههههههههههه نحي كل ثوار كوستي الاماجد
تحياتي : ياسر العيلفون ....
| |
|
|
|
|
|
|
|
|
|
Re: نحن اهل الونسة جينا (Re: ياسر السر)
|
يا ابوحسين
زمان بدري ابدر من كدة
مونساتي الامير ولا الملك كان وظيفة مرموقة عديل كدة
شغلتو يونس بس
بكون مصاقر اعلي سلطة تنفيذية وتشريعية اليوم كلو . من تصبح لامن تمسي
طق حنك بس
انت قايل الونسة دي بعرف ليها اي زول 😆
يمين بالله في ناس النكتة زاتها ما بعرفو يحكوها يخربوها ليك زاتو
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
Quote: في انحراف ولا ننتظر صلاح الزبير؟
ونسة أولاد الناس شبعانين منها |
ههههههه عاين ديل ...
واحد أمس قال مشهور بالبوكا ...
ودا الليله طلعني منحرف عدييييييل ...
دا كلو ما مشكلة ....
المشكلة اللتنين مافي واحد اعترض عليهم ...
غايتو صحبة البنبر ياها صحبة يخسيييييي زاتا ...
ليك وحشة أب سن ...
| |
|
|
|
|
|
|
|
|
|
Re: نحن اهل الونسة جينا (Re: Yousif A Abusinina)
|
اوو معلم
بالله صلاح دة منحرف 😆😆
وانا اقول ياربي مالو 😆😆
ما بزعل لو قلت ليهو يا منحرف 😆😆
بعدينك لا حياء في المعرفة وش باسم فترت من البسمات
قال ليهو يا مولانا الدرس شنو
قال ليهو النكاح
خلاس درسنا لكن ما تفحش
| |
|
|
|
|
|
|
|
|
 Re: نحن اهل الونسة جينا (Re: جلالدونا)
|
حباب شيخ العرب
والونسة الطاعمة
الدقاق الهادف؛
مش زي ونسة ناس هناي ديك بدون هدف وموضوع.
Quote: أول شي فيديو البت و البلد البتباوسوا و نشر على اساس انه بعد الغاء النظام العام اتّضح انه منشور من ديسمبر 2018 في الفيس بووك
والاهم: انهم ما سودانيين زاتو
|
الشفقة تطير وتقع في البير
كان تنتظر لحدي ما نفتح ليها بوست
| |
|
|
|
|
|
|
|
|
|
Re: نحن اهل الونسة جينا (Re: جلالدونا)
|
مصداقا لي كلامك ده يا ابوسن
Quote:
مونساتي الامير ولا الملك كان وظيفة مرموقة عديل كدة
شغلتو يونس بس بكون مصاقر اعلي سلطة تنفيذية وتشريعية اليوم كلو .
|
صادف مرة في احدي زيارات المملكة وعند العمرة صداف اننا تواجدنا
في وقت كان احد المللوك في العمرة ام ملك المغرب او ملك الاردن وكنا
نتشاوف في المسعى من بعيد لي بعيد نحن في الصفا وهو في المروة ونحن
في المروة هو في الصفا المهم في الموضوع الرجل محاط بعسكر وحاشية
وفي الدائرة في الوسط معاه واحد بيونس فيهو عديل كده الونسة الواحدة
وانا بقيت كل ما اتلاقينا اركز على المونساتي والرجل مجتهد بيتكلم والملك
ماشي وخاتي اذنوا للحكي.
عموما انا قدرت انه فعلا كان بيحكي ليهو لانه ما ممكن اتقطعنا ستة
او خمسة مرات الملك يمشي مسرعا وزولوا المعاه فقط البتكلم و بيونس.
الليلة قريت كلامك ده اكد لي فعلا الرجل كان مؤنساتي الملك
بس شكلها شغلة متعبة لانك لازم تمشي الداون تاون عشان تجيب
الجديد وتكون معاصر
اما الان جيبنا بنبرنا واتمددنا لونستك
| |
|
|
|
|
|
|
|
|
|
Re: نحن اهل الونسة جينا (Re: احمد عمر محمد)
|
يا قريبك
البرقصوا في البحر ديل ياهم حقننا بس قديم, أمّا الرقّاصة فداك تابع للسفارة الامريكية عاد دي ايّام المشروع الحضاري و النظام العام يلعلع ما كان في ود مقنّعة بسألهم خلّي اسّي
يا ود التاج أها ما بركة العفيت رقبتك من ماسورة واحراج جديد :)
| |
|
|
|
|
|
|
|
|
|
Re: نحن اهل الونسة جينا (Re: جلالدونا)
|
ههه يا صلاح
ترفع قضية تشويه سمعة طوالي وتجرجر بكرى دة في المحاكم
اي شي ولا السمعة الاسفيرية
وبعدينك قصة حاج الطيب دي ختيرة لكن برواية مختلفة لا تفسدها
اشكرك لحفظ التراث السوداني القح ونشره
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
زمان يا يوسف الموضوع كان صعب
وكنا طلاب مفلسين من اسر ماكلة شاربة
صعب جد جد ياعندك قروش ولا عربية ولا باسطة زاتو ما تقدر تاكلها
معانا واحد في حلتنا وكضاب كضب جد وبتاع فكات لي يوم الليلة تصدق ههه
اها بونس وبحجي فينا والزمن داك شامين صناحنا ومولعين وليع جد
بونس فينا كزول مفتح ومجرب وعارف الدروب وشقاها
قابطين بينا الجو
حكي لينا عن فلانة وسو وعمل ونادتو
استغربنا
المرة كبيرة قدر امهاتنا وعندها سروال والله . قبل ما يبقا موضة هسة
سخر مننا كوننا ما عارفين شي وداقسين
بعد يوم طارت شكلة بينو وبين واحد صاحبنا تاني
لامن حجزناهم
في شنو
تراهو زولنا سمع القصة بي هنا ولبد لي الحاجة
راجلها مرق بي هنا وكانت ما والدة
مرق وزولنا لقاها راقدة وكابسها
المرة مانعة قدرتو
وكفتتو ونهزرتو وقالت ليهو بكلم امك
ههه وزولنا رقد واطة ويبكي ويحنس
ولي هسة خايف تكلم برضو
ياها خوة يخسي حقت صلاح زاتا تباريهم يرموك في كوبة
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
يا صاحب كيفك
ود أو سن قول طوالي أنا مليت من سخف الاخبار ولغة الخشب دي بالله قول
تعرف في ونسة بترد الروح بالجد بتكون زي لوحة شاملة وخفيفة وفيها مرح كتير
وانت وناس وكمان دهري ياله أندح عشان ابوحسين دا انقلع من وشي
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
بمناسبة زولك دة يا أب سن عندنا بت جيرانا سميحة كدة ودفعتنا مسمينو الصيني عشان شعرو ساكن في الحلة لكن ما من البلد عشان كدة ماخد راحته
الولد مقطعها وسوقه حار كونه غريب ووجيه وأمان وكدة
أها يوم أثناء ونسته الثابتة حول فلانة عمل ليها وفلانة جاتو براها قمت طاخ سألتو من بيت جيرانا السمحة
صاحبك رجع لي وراء وبقى يضحك ويأشر لي بي يدينو الاتنين لا لا لا دي وحاة كان جات تغتصبني وقالت لي يا تعمل يا بديك طلقة ما أوصلها
ماااالك يا ود الناس؟
قال لينا دي من أول البنات الفكرت فيهن لحدي ما ود جيرانا قال لي شافها بالليل ماشة مع فلان الفلاني وشكلهم دخلوا الميدان المضلم داك .. قلت ليه بااااااس براااها جاتنا متدردقة .. ومشينا قصينا ليها قدام بيتهم أول ما جات وقفناها قلنا ليها نحن عارفين فلان الفلاني ساقك بالليل يا تمشي معانا يا نفضحك في الحلة
قالت ليهم دقايق بس دخلت البيت أخوها الكبير سواق لقتو في الصالون ومعاهو شلة سواقين وكماسرة كلمتهم وطلعوا الشارع كلهم أقل واحد فيهم شايل منفلة
قال لي انا اتجمدت في مكاني المعاي داير يجري لحقو عكاز طاير في ضهرو وقعو واطة ودخلونا الصالون المفصول من البيت داك وقفلوا علينا وربطونا
قال لي وحاة الله انجلدنا جلد في الدنيا دي وانا بكييييت أقول ليهم عليكم الله ما تدقوني والله تاني ما اعمل حاجة جاء سواق شكلو معلم قديم قعد يهبش لي في شعري قال ليهم خلاص ما تدقوهو أطلعوا لي برة أنا بتفاهم معاهو قال لي اللحظة ديك بقيت أجعر لا لا دقوني دقوني 
قال لي من اليوم داك بقيت أكان ماشي الدكان شفتها في الشارع بدخل البيت واقفل علي الباب أعاين بالرقراق لحدي ما تمشي حتى أطلع
| |
|
|
|
|
|
|
|
|
|
Re: نحن اهل الونسة جينا (Re: زهير عثمان حمد)
|
مرحبا سناري
و زهير
حدثونا حديثا نتجمل به
مولانا محمد المرتضي ونسنا ونسة احسست معه ان حتي تعليق استحسان سيخدشه
اقراهو وتاني ارجع اقراهو
حديث عذب جميل وشيق
الانسان كائن وناس
| |
|
|
|
|
|
|
|
|
|
Re: نحن اهل الونسة جينا (Re: Hani Arabi Mohamed)
|
مرحب عربي وتشكر
تعرف يا احمد اظنو في كل زمن في زي ديل
لكن زولكم دة صادق ياخ
في ناس عشان يحلو ونستهم يهتكو اعراض اسر
هسة لو ما زولنا الشليق دة كان صدقنا ان عمتنا الفي الحلة دي بتلعب
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
ونحن في تانية ثانوي جابوا لينا ولد جديد كدة منقول من الخرطوم
بلبس ليك هدوم غريبة كدة وبفلفل شعرو بي جل وونااااس وكضاب كضب شديد
بنكون قاعدين معاهو في المظلة برة وهو يدجّل لينا
أها مرة مندمجين معاهو وهو بحكي إنه مشى جامعة السودان القسم الجنوبي لقريبه وأعجبت بيه طالبة صيدلة وخلى قريبه يقيف في باب القاعة ودخلها وقام بيها في الكنبة و.....
جمبنا واحد ما من الشلة قام جاط فينا يا اخوانا الكضاب دة سايقكم ساي ما ممكن حاجة زي دي تتعمل في قاعة أثناء اليوم الدراسي
صاحبنا ايمن اتغاظ منه شديد قال ليه لأ ذكي عبقري انت ما نحن راجينك تجي تورينا يعني خلاااااص كسرت المنطق وبتناقش في امكانية الحدث؟ دة على أساس إنه في كلية صيدلة في جامعة السودان؟
الود حك راسه قال فعلاً مافي
أيمن قال ليه أها النوريك نحن في قصتنا جامعة السودان فيها صيدلة وطب وتسليح نووي ذاتوو .. واصل يا ولدنا الما بعرفوا يتونسوا ديل خلينا منهم
| |
|
|
|
|
|
|
|
|
|
Re: نحن اهل الونسة جينا (Re: أحمد محمد عمر)
|
الشفاتي دة صاحب يوسف زميلنا ودة كان عملاق في الحجم طويل سمين عظيم المؤخرة ومسكين
بقوا يجوا المدرسة سواء بسوقو بي شارع مدرسة البنات ويشاغلوا بنات المدرسة كلهن .. الشفاتي أي واحدة تجي مارة بيهم يشاغلها ويوصف في تفاصيلها لحدي ما تتكهم وتجري منهم ويوسف يتضاحك ويجي يحكي لينا والله البت ديك عقدناها وديك عملنا فيها شنو وشاعر بي نفسه بقى معلم كبير
أهاااا قوووم اتأخر يوم يا الشفاتي ويايوسف امشي براك بي شارع المدارس واتلمن ليك فيه البنات ماشات وراهو ويغنن ليه: الدفار قلِبو حار .. آآآي قلّبي قلّبي يا هناية .. أقلبي قلبو البلا .. الدفار
يوسف بقى مدنقر يمشي سريع يكوركوا فيه جرت جرت يمشي براحة يشتغلوا ليه قلبي قلبي في النهاية طب شنطتو وجرى والشارع كلو يضحك فوقه
دخل الفصل أبى يتكلم مع أي زول ماسك شنطته وراقد في الدرج بس القاسية دخلة الشفاتي الفصل لم ليك فيه فجخو جمب السبورة وداك يضحك ويوسف يكورك أنا يقولوا لي قلبي! غايتو بعد تلتلة حتى فكيناهو منه وحكى لينا الحاصل
| |
|
|
|
|
|
|
|
|
|
Re: نحن اهل الونسة جينا (Re: جلالدونا)
|
Quote: ابو حسين كان عندك بوست الليل عيد ميلاد
فتشتو سما ارض عشان ابارك ما لقيتو
كمان بقيتو تدسدسو مننا البوستات
هو المحتفى به منو |
المحتفى به قفل البوست بي طبلة ......
| |
|
|
|
|
|
|
|
|
|
Re: نحن اهل الونسة جينا (Re: ABUHUSSEIN)
|
اها يا محمد عشان حركات ابوحسين المنحرفة دي نحكي ليك قصة من التراث
قريت لابوانواس قصة حكاها هو بعد ان هرم
قال كنت شاب ومشيت الخلا . لقيت في خيمة بنات سمحات سماحة جد . شاغلني وغازلني وما قصرت معاهن
اها قالن لي خش جوة الخيمة
قال خشيت لقيت اسود عاري ضخم كبير الاطراف 😆😆
وقام كدة سكاني وانا اتزاوغ مني لامن قديت الخيمة وركبت حصاني وجريت والبنات يموتن من الضحك
حكاها للجماعة
الجماعة قالو ليهو
لكن معقول تكون مرقت منو 😕
قال ليهم
اها عشان حركاتكم دي انا تلاتين سنة ابيت احكيها
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
| Quote: الدفار قلِبو حار .. آآآي قلّبي قلّبي يا هناية .. أقلبي قلبو البلا .. الدفار |
ههههههههههههه
أخير النكته ...
ياخي دي فيها كم طن انحراف؟؟؟
يحال احمد محمد عمر الي سرية الأمن خشم القربة ...
| |
|
|
|
|
|
|
|
|
|
Re: نحن اهل الونسة جينا (Re: Salah Zubeir)
|
Quote: الجماعة قالو ليهو
لكن معقول تكون مرقت منو 😕
قال ليهم
اها عشان حركاتكم دي انا تلاتين سنة ابيت احكيها |
أبو نواس طلع مصري و ل شنو ...؟؟؟؟
المصري حكى زي عمك أبو نواس دا قصتو لم الجماعة خيروه بين القتل و الـ..........
الجماعة سألوه أها و عملو ليك شنو ...؟؟؟؟
قال ليهم آل يأتلني آل ......
| |
|
|
|
|
|
|
|
|
|
Re: نحن اهل الونسة جينا (Re: جلالدونا)
|
ناس أريزونا ديل شاعرين بي شنو ...
Quote: جا من غربة سنين
تلّب فوق عرضه المصون
لقى السبلوقة مكسورة
رفسوهو
صبحت الواطاه
هو راقد فى الواطاه
والفرس الرفسو مافى
و مرق العنقريب مكسور
عمل نايم من صلاة الصبح |
ودا صديق :-
Quote: هذا
ليس
شعر
هذا
سجع
يا ضبع
وهو توافق
الكلمات
أو الجمل
فى الجرف الاخير
وهذا من المحسنات
اللفظية
يا وجع |
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
| Quote: الفوق دة عنوان بوست عشان ما تفهموني غلط |
هههههههه
قسم الفضيل مما يتعصر بيخم البوست دا يجيبو ...
البوست دا غير الكلمتين وشرحهم جوا البوست
تاني ما فيهو أي انحرافات ...
البوست أول بوست سياسي أشارك بيهو في
سودانيز وكان القصد احداث الصدمة اللازمه
وإبراز العين الحمرا كلاعب جديد لنج ..
ياخي البوست ليهو ٤ سنة بالتمام والكمال فما
بالك بانحرافات ٢٠٢٠ وقهوة شارع شنو كدا ما
عارف غير قلبي قلبي والشدة فوق اللام كمان ...
😀😀😀😀😀
| |
|
|
|
|
|
|
|
|
|
Re: نحن اهل الونسة جينا (Re: جلالدونا)
|
| Quote: الفوق دة عنوان بوست عشان ما تفهموني غلط |
عنوان بوست منحرف نعم ....
بس ما أفتكر إتذكرتو و ذكرتو بي حسن نية لأنو مداخلاتك الأخيرة كلها بتصب في حتة إنحراف مدسوس و لقى الحرية ....
الله يجازي الكان السبب
| |
|
|
|
|
|
|
|
|
|
Re: نحن اهل الونسة جينا (Re: ABUHUSSEIN)
|
بالمناسبة يا شباب انا ماشي أجازة طويلة
يا ود ابوسن شراب الاجازة دايما بكون تقليدي تقنرح علي شنو اوعك من بول الاسد
*يا أبوحسين انت نصيحتك لي شنو عارف خبرتك بيش وكمان زول ساهلة ساي ما زول صيد بالبنادق ولا عذاب قنيص
| |
|
|
|
|
|
|
|
|
|
Re: نحن اهل الونسة جينا (Re: زهير عثمان حمد)
|
| Quote: *يا أبوحسين انت نصيحتك لي شنو عارف خبرتك بيش وكمان زول ساهلة ساي ما زول صيد بالبنادق ولا عذاب قنيص |
لازم يكون اخضر و بي استك من فوق عشان البرد و كدا .... 😂😂😂
| |
|
|
|
|
|
|
|
|
|
Re: نحن اهل الونسة جينا (Re: ABUHUSSEIN)
|
تشرف يا زهير
شراب دي ماعرفتها والله
شراب ولا شوراب
لو شراب انا زول جبنة بسة 😆😆
ولو شوراب شوفتي ليهو ايام الجامعة
زول مراكيب ساي فاشرية وامكن اخليها بقت بي 500 ج
يا ابوالحسين كنا ماشين كويس خشيتو حرفتو البوستي 😆😆
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
| Quote: يا ابوالحسين كنا ماشين كويس خشيتو حرفتو البوستي 😆😆 |
و الله من ما باريت لي حاج الطيب و جلالدونا قنعت منك ظاهر و باطن ....
انا زول الله ساكت و زول بريء و خجول كمان .....
ياخي حاج الطيب دا نكتتو الوسخة دي حكاها هنا في المنبر و الباسوورد بتاعتو عمرها ايام ...
😂😂😂😂😂😂😂😂😂😂
| |
|
|
|
|
|
|
|
|
|
Re: نحن اهل الونسة جينا (Re: ABUHUSSEIN)
|
| Quote: انا زول الله ساكت و زول بريء و خجول كمان |
اصحي يا ...... وخمسه نجمات ...
زاكرة المنبر قاااعده ما عملو ليها فورماتنق ...
اتا قايل الانحراف دا إلا صاحبو يعترف ...
ما ممكن يلم فيك واحد منحرف يطلعك زيو ..
أنا هسي قتا احمد محمد عمر ...
ننقل ولا ننقل ....
| |
|
|
|
|
|
|
|
|
|
Re: نحن اهل الونسة جينا (Re: عبدالحفيظ ابوسن)
|
الفئة الأكثر انحرافا من ناحية قيمية تعد من بين مقاييس التشتت الانحرافي لقياس مدى التبعثر السلوكي،
و للتوضيح اكتر
مدى امتداد مجالات الفئة المنحرفة بمعيار التشتت ضمن منظومة الفئات الغير منحرفة فى مجموع حقل الدراسة
____
من ضمن معايير ضبط الدراسة معيار قل من صاحبك اقول لك من انت
الحمد لله صحبانى اتنين بس
الرجل القامة معاوية الزبير
و الانسان المرهف محمد حيدر المشرّف
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالحفيظ ابوسن
ABUHUSSEIN
محمد البشرى الخضر
عمر أبوعاقلة
ياسر السر
Salah Zubeir
Yousif A Abusinina
ابو جهينة
حمد عبد الغفار عمر
جلالدونا
عمر التاج
احمد عمر محمد
Osman Awoda
Sinnary
زهير عثمان حمد
أحمد الشايقي
Hani Arabi Mohamed
فيس بوك
تويتر
انستقرام
يوتيوب
بنتيريست