في نهاية الكلام في الموضوع الاول انتهت الحكاية انو الموظف بتاع الكهرباء الجا عمل الزيارة سعادتو وكان مستنيني اغدق عليه بحفنه جنيهات عشان هو جاء وعمل شغل وللامانه هو ما قال حرفياً لكن كل تلميحاتو كانت كدا ... المهم شلت ملفي اللهو دافع عليه رسوم ومشيت قابلت السيد المدير .. وين يا جماعه مكتب المدير .. قالوا في الدور الاول .. المهم طلعت الدور الاول ولقيت السيد المديرة .. سيدة حكيت ليها قصتي انو جوني زيارة وقالو لي محتاج لي عمود ... كان في اتنين سمان قاعدين جمبها .. قالت لي ديل الناس البعملو العمدان .. اتفاجأت من كلاما قلت ليها : مش العمود بتجي تركبو ادارة الكهرباء ؟ قالت لي ويييييين ياااااااا العمود دا بتشتريه انت !!! الي اللحظة ديك متخيل موضوع العمود دا بكلف 6 مليون ... قلت ليها يعني بتدفعو المواطن قيمة العمود اللهو حا يكون ملك الكهرباء ؟ وتدفعوني قيمة العداد اللهو حا يكون ملك الكهرباء ؟ وتدفعوني كهرباء مشتريها انا مقدم ؟ طيب انت مهمتكم شنو ؟ ما نعمل شركة خاصة برانا ؟؟؟ قالت لي دا العندي ليك عايز عايز ما عايز ما تضيع وقتنا .. قلت للتماسيح الاتنين القاعدين جمبها العمود بي كم ؟ نطا زاحد منعدم الانسانية .. قال لي العمود بي 54 مليون ... في اللحظة ديك انجلطت وقربت ابكي بس اتمالكت نفسي .. وقلت ليهم حسبي الله ونعم الوكيل .. المهم مشيت دبرت المبلغ وفعلا اشتريت العمود .. الكلام دا كان في شهر مايو في العام الحالي ... وبعد تركيب العمود دفعت رسوم العداد الهي 9 الف جنيه .. والمضحك في الامر بعد دفعت الحاجات دي كلها قالو لي مافي عدادات ... والضحك الي الان شارطني ههههههههههههههههههه
رسالة الي القائمين علي امر الحكومة المدينة او العسكرية او ما كان اسمها .... نضفو الكهرباء من العصابة المسيطرة عليها .... والله يا جماعه غير الصحة والكهرباء والتعليم والزلط ما عايزين منكم شئ ... عارفنكم استلمتو البلد جنازة ... بس نحن قلنا الرووووووووب ... وياناس الكهرباء نتقابل يوم الوقف العظيم قدام عزيز مقتدر ... أنا .....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة