|
Re: ملاحظات حول مظاهرة السودانيين بواشطن الم� (Re: بكرى ابوبكر)
|
التحايا و التقدير باشمهندس و شكرا لك ع هذا البوست المفيد . فائدته انه يسلط الضوء على سودانيتنا و تحديدا على القصور الذى نعانيه ف التنظيم و الترتيب الا من رحم ربى يفتقده معظمنا .. من احزاب الى تنظيمات مجتمع مدنى ..الى منظمات .. نقابات .. و الافراد كافراد ما نقدر ننظم حياتنا و نضع هدف قدامنا و نشوف الاولويات و الاهم و المهم و نحاول ننفذو .. معظمنا عشان ما نعمم مغتربين و مهاجرين تسعين سنة .. و الواحد يرجع لبلدو خالى الوفاض .. دة كمان بعدما يلفظو الدولة المغترب فيها .. و كذا المنظمات و النقابات اما الاحزاب فالفجيعة اكبر و هم الاوصلونا لهذه الحالة 65 سنة .. الاحزاب دى و معاهم حكم العسكر .. ما قدروا يعملوا دستور يتوافق معه الجميع و يجتمعون حوله و يتمسكون به ؟ مفروض و بالعقل كدة اول حاجة كان يفكروا فىه الدستور الجامع المتوافق .. و ينطلقوا منه حسع كان كفانا شر الاقتتال و البؤس و تفكيك الدولة السودانية كما يراه البعض الان !!! ... عدم التنظيم و الترتيب و الاستفادة من الامكانيات المتاحة عندنا كسودانيين ضعيف جدا .. كتر خيرك يا شيخ بكرى ان اتحت لنا فرصة تنفيس و... لو كان ناس قناة الجزيرة و الناس الواقفين خلفها عندهم يد او مصلحة فى تلك المسيرة الحكومة كانت سقطت ياخى ديل لغاية حسع ما رفعوا فراش خاشوقجى !! لسه دموعهم ما نشفت تقول لى الالاف السودانيين ماتوا و استبيحت القرى !!! و اخرهم الاستاذ المربى و بتلك الطريقة علينا جميعا ان ننفض الغبار و بعضا من مفاهيمنا السلبية و النفاذ للهدف مباشرة مع تسقط دى .. نسقط كمان سلبياتنا .. لننعم بوطن الجمال مودتى و تقديرى
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: بكرى ابوبكر)
|
تحياتي الأخ بكري
تابعت الفعالية و الموكب عبر الفيسبوك من الإمارات و لاحظت لكل ما ورد في رسالتك من نواقص كان يمكن تفاديها بي شوية تنسيق و لكن نحمد الله أن العدد الكبير للحضور قد غطي علي كل ذلك . أتمني من الإخوة في الضفة الغربية أن يستفيدو من ملاحظاتك حتي يخرج موكب سانفراسيسكو في ٩ مارس بصورة مشرفة تساعد شباب الثورة في الداخل . التغطية الإعلامية مهمة للغاية حتي تصل الرسالة للإدارة الأمريكية بصورة قوية و أعتقد عندنا عدد من الإعلاميين يمكن الإتصال بهم للمساهمة في إنجاح مثل هذه الفعاليات مثال الأستاذة نعمة الباقر ب ال CNN
قناة الحرة كانت متواجدة كما زكرت و كذلك الأستاذ لغمان BBC
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: فضلى البكرى)
|
واحده من النواقص الاساسية عدم توفير الحمامات المتنقلة خاصة فى وجود الاطفال و ساعات الوقفة الدويلة فى البرد الشديد داك الشى الخلّا الناس تلجأ للمبانى المجاورة و خاصة بيت النباتات و بعض الناس مشت لى فندق حياة ريجنسى الشى النانى اعضاء اللدنة المنظمة المفترص يلبسو سترات مميزة عشان الناس تلجأ ليهم الوحيد الكان مميز نفسو اخونا طارق كرف و الراجل ما قصّر ساعد كتير فى بعض الامور لكن الايد الواحده ماب تحل مشاكل الثلاثة الف زول و زولة الملو ساحة الكابيتول الشى التالت برغم كل ذلك اثبت الحضور ان لا شئ يعلو هامة الوطن ان مارش واشنطون له ما بعده
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: بكرى ابوبكر)
|
شكرا بكري كنت اتوقع ان تلفت هذه المظاهرة الكبيرة الضخمة نظر الميديا الامريكية والعالمية ولكن حسب تحليلك فانها خاطبت السودانيين في الغالب الاعم ولسنا بحاجة الى هذا فالمظاهرات هنا بالخرطوم وبقاع السودان يومية تقريبا اتمنى ان تقام واحدة اخرى بنيويورك تدعى اليها كل الفنوات الامريكية والعالمية يعقبها حفل ثوري لجمع التبرعات بسنترال بارك مثلا ويشارك فيه مبدعو السودان
اتمنى ان تتبنوا ذلك يابكري وانا ساشارك معكم وبقية الزملاء وسأصل اميركا قريبا ان شاء الله قادما من الخرطوم بل اتمنى ان يكون ذلك احتفاءا بالنصر ولكننا نشيد برغم الهنات بالمنظمين والجمع الغفير من كل حدب وصوب ديل اهلنا المخلصين #وتسقط بس
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: عمر دهب)
|
الأخ المهندس بكري رغم النواقص فقد كان جهدا مقدرا ومؤثرا بعث الأمل في نفوس الكثيرين ووحد مشاعرهم في أميركا المطلوب آلية للتنسيق بين المجتمعات السودانية في الولايات المختلفة وأن يكلف الإخوة في واشنطن بمساعدة الراغبين بالمسال اللوجستية أهم مالاحظته غياب القنوات المحلية الأميركية والإخبارية والإتصال بالجاليات العربية والأفريقية الأخرى التي ستشارك في مثل هذا الحراك وأرجو أن تكون القادمة أكثر تنظيما وأبلغ تأثيرا مع تقديرنا
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: Kostawi)
|
On Sunday, hundreds of Sudanese in Khartoum North took to the streets again in response to the call of the Sudanese Professionals Association and other signatories to the Declaration of Freedom and Change. Security forces faced the demonstrators, taking part in “The March of the Martyrs”, and used “unprecedented excessive force” including tear gas, electric wires, and batons.
A 62-year-old fruit seller Osman Abubakir reportedly died after choking on tear gas, and many others were wounded. Dozens of protestors were detained.
Despite the violent security crackdown, demonstrations continued in the districts of Duyoum Bahri, El Shaabiya, El Mazad, Shambat, and El Haj Yousef.
Burri in Khartoum and El Abbasiya in Omdurman also witnessed protest marches. In Wad Madani, capital of El Gezira, and Port Sudan in Red Sea state people staged similar demonstrations demanding the overthrow of the regime.
On the international level, Washington DC, London, Berlin, and Melbourne witnessed protests organised by hundreds of Sudanese abroad in support of the Sudanese revolution, which entered its third month demanding the overthrown El Bashir and his regime from power.
Washington
Washington saw the largest Sudanese demonstration in the USA ever against the ruling regime in Khartoum.
Hundreds of Sudanese marched in front of the Congress to the White House amid cries for the overthrow of the regime and the immediate step-down of El Bashir from power.
Sudanese President Omar Al Bashir said that current crises and difficulties Sudan is going through are tests from which it will get stronger. He said that power has not been an end for itself.
Al Bashir told a conference of the Islamic Movement’s Shura Council on Saturday “Those who are talking about freedoms and are demonstrating against the government are freely organising their press conferences”.
He pointed out that throughout “the march of the Salvation Regime [the government under his rule], there is nothing to be ashamed of or hide from anyone.
Committees
On Sunday, the Legislative, Justice and Human Rights Committee of the Parliament announced the formation of fact-finding committees concerning the violence used against demonstrators in the country, and warned that the committees members will make field visits to various states to inspect those affected by the events.
Deputy-chairman of the Committee, Azhari Widatallah, said that they visited the Attorney-General and stood on the investigation, pointing out that the law will take its course in order to achieve justice.
He said one committee would visit Dongola and Merowe in Northern State on Monday. Other committees would visit El Gedaref and River Nile state on Wednesday.
Sudan uprising
On 19 December 2018, rising bread and fuel prices sparked protests in Atbara in North-Eastern Sudan. In less than a week’s time, the anti-government protests spread across the entire country and were answered with brutal violence by the Sudanese security forces. Multiple sources have confirmed that tear gas and live ammunition is being used against demonstrators. Human Rights Watch reported that Sudanese activists estimate at least 50 people have been killed since the start of the protests.
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: Kostawi)
|
سلام يا بكري؟
ملاحظتك جديرة بالاهتمام، ويجب الاستفادة منها في تنظم المظاهرات القادمة.يجب على الذين نظموا تلك المظاهرة أن يهتموا بمثل هذه الملاحظات، خصوصا أن الاخ بكري أبوبكر وأخرون حضروا من ولايات ومدن بعيدة. أما موضوع الأعلام هذا فهو ليس بمثل هذه السهولة، أتصال وفقط. هذا الموضوع يتطلب علاقات عامة وخاصة بتلك الاجهزة الإعلامية، وهنالك سودانين أمريكان لديهم علاقات واسعة مع أجهزة الإعلام. ولكن في مقابل ذلك يجب أن يكون هنالك جسم أو لجنة قوية تمثل المتظاهرين في أمريكا وخصوصا في منطقة واشنطن.
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: بكرى ابوبكر)
|
مشهد عظيم ......ولا يقلل من عظمته تلك الهنات الصغيرة .................السوداني يطبق مقولة الشاعر : وطني لو شغلت بالخلد عنه ...لنازعتني إليه في الخلد نفسي
والله ياجماعة شفت بنتي في المظاهرة ...قادمة من نورث كارولينا لتشارك .......شعرت بفخر وكأني والد الشهيد محجوب التاج محجوب .........وتقولوا لي مايسقط ...والله مادام دي الروح الجوّانا : يسقط بس ورغم أنفه
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: Mohamed Foto7li)
|
Quote: كلام عجيب و غريب من الأخ بكري و الموصلي!!!! |
الزملاء الاعزاء نصر و مولانا ما هو وجه الغرابة و العجب في الموضوع؟
شباب الثورة في السودان طلع علشان كل حاجة غلط بعملوها الخرد امثالنا فمثلا الساعة و احدة مواعيد اعلان المظاهرة...... .....بكونوا من الساعة ١٢:٣٠ في الميدان مواعيدهم مظبوطة بالدقيقة..... يا اخي عرفت ان تكلفة المسرح و السماعات حوالي ٦ الف دولار يعني لو تم تاجيرهم لمدة ساعتيين و معاهم كراسي و سمعات قومية ......علي ما اظن التكلفة حا تكون في حوالي ١٥٠٠ دولار او تم احذهم من قريك ليست مستعملات كان برضو حا تخفض التكلفة الي النص ......
دي ثورة من اجل التغير
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: بكرى ابوبكر)
|
يا خردة بكرى ابوبكر يعني نص الساعة دي فارقة معاك؟ ياخ في ناس سايقة من كندا!! وىأنت بتتكلم عن النص ساعة؟!! و بعدين حكاية الكراسي دي شنو؟ و علشان شنو؟ أنت قايل نفسك في الحلفاية؟ الما فيها نجايل! أنا حضرت: * الوقفة المليونية بتاعت فرخان في نفس المكان بدون كراسي. * وقفتين لتنصيب أوباما في نفس المكان بدون كراسي. * الوقفة الكبرى ل Save Darfur في نفس المكان. * وكتييييييير. و توجد فيديوهات. جاي أنت يا عريبي الحلفايا الأرزوني بتبكي في كرسي؟!!
دينق و الموصلي الوقفة و المسيرة دي عددها فاق عدد الحضور بتاع تنصيب رئسكم ترمب. أرقدوا عافية
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: Kostawi)
|
Quote: و بعدين حكاية الكراسي دي شنو؟ و علشان شنو؟ |
الكراسي حواجز من تقرب الجمهور من المنصة
بعدين تعال انت كنت قاعد بالقرب مني و المسافة بيننا حوالي متر تقريبا.... و كوركت ليك اكثر من ٣ مرات ما رديت ....عرفت ليه لانو الجوطة و عدم النظام حول المنصة.....يا اخي نحن شعب دايرين تغير وثورة في حاجات كثيرة.......
تاني حاجة لو قالوا للفنانيين و الموسيقين الفوق اعلاه اعملوا لينا حاجة وطنية كانوا حا يولعوا ساحة الكونجرس ... ارجع اقرا اسماء الفنانيين الكانوا في المظاهرة تاني......
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: Kostawi)
|
اخي كوستاوي الموصلي قال شنو؟؟؟ انا بنيت على ما قال اخونا بكري فاذا لم يتحدث صلاح شعيب ممثل المهنيين ولم تتح الفرصة للفنانين للمشاركة واهم من ذلك كله لم تتم دعوة القنوات الامريكية فان الجهد العظيم الذي بذل قد ضاع منه جزءا هامة وان بثق في بكري فهو قد نذر نفسه لخدمة الوطن من خلال هذا الموقع لكن في النهاية المجهود كان خارق وغير مسبوق والموكب لا مثيل له من جاليات دولة اخرى في تاريخ امريكا يلا انت اشرح لينا وورينا انو المعلومات ماصحيحة او ناقصة تلك التي اتى بها بكري
| |
|
|
|
|
|
|
Re: ملاحظات حول مظاهرة السودانيين بواشطن الم� (Re: Kostawi)
|
الأخ بكري تحياتي نحن السودانيين عندنا آفة تبسيط الأمور و استسهالها و عدم التنظيم و الترتيب ...و بنخلي الأمور تمشي على سجيتها... و الله بشوف المؤتمرات الصحفية( آخرها بتاع المهنيين في دار حزب الأمة قبل حوالي أسبوعين أو تلاتة)..المكان ضيّق، الكراسي محدودة، المكرفون واحد، المتحدثين إلا يقوموا من محلهم و يجوا المنصة، و إلا القاعد في المنصة يقوم ليه.. و تلاقي كمان اللافتة الخلفية مكتوبة بخط مكلفت أو في شاشة باهتة.. الغريبة الناس دي بتشوف تنظيم المؤتمرات برة كيف.. و كمان عارفة إنه الفعاليات دي منقولة للعالم..و الله نحن بنخجل ليهم لما نشوف البهدلة و السواطة الزي دي.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|