|
|
|
 Re: مع كُل الاحترام والتقدير للاستاذ يوسف الم (Re: عبدالعظيم عثمان)
|
اعلن الاستاذ يوسف الموصلي قبل قليل
في تسجيل مصور
عدم التعامل مع قناة ٢٤
وحيا الثورة والثوار
موقف عظيم ومحترم
كل الشعب الان ورموزه
مع تسقط بس
وختم الاستاذ حديثه ب
تسقط بس؛
...........
واستغل هذه السانحة لاعلن اعتذاري التام
عن اي مخاشنات سابقة مع الاستاذ
ونتلاقي في الزمن النصيح
وميعادنا في وش الفجر
ونغني لسودان
الحرية
والسلام
والعدالة
| |
 
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: عبدالمنعم الطيب حسن)
|
واستغل هذه السانحة لاعلن اعتذاري التام
عن اي مخاشنات سابقة مع الاستاذ
ونتلاقي في الزمن النصيح
وميعادنا في وش الفجر
ونغني لسودان
الحرية
والسلام
والعدال
لا عليك اخي عبد المنعم ما يحدث هنا لا يذهب معي الىسريري لانني اعلم اننا شعب طيب
والله كنت ناوي ازور الرياض واجي فبي بيتك انت وصديقي عباس الدسيس اشاكلكم جوه البيت وقدامن صينية الغدا
تياتي
| |
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: Elmosley)
|
تحياتنا استاذنا موصلي
Quote: نِحنا أسود غُوب كَضَبْ البداني وكـرنا
ومـا بِكـتر سُرورو اللَيهو نِحنا فكرنا
شوفـتنا القبـال تبيـنا جـانا سكرنـا
نِحنا إن هجنا سبحان من يصفي عكرنا |
للنجاحات أناس يقدرون معناه ، وللإبداع أناس يحصدونه ، والكُل يقدّر جهودك المضنية ،
فأنت أهل للشكر والتقدير ..فوجب علينا تقديرك ...فلك منا كل الثناء والتقدير .
وياها المحرية فيك
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: امير بوب)
|
التحية للموصلي
Quote: التحية للموصلي على هذا الموقف المشرّف
و بالتأكيد سيكون حافز و دافع للكثيرين حتى يتخذوا مواقف مشابهة
...
شكلتنا في محلها بعد ما الحكومة دي تسقط !
اما الان فلك التحية و الاحترام
و # تسقط بس |
والتحية لأمير بوب
والخزي والعار لنظام القتل والاستبداد
ولمن سانده ولمن وقف على الحياد
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: امير بوب)
|
التحية للموصلي على هذا الموقف المشرّف
و بالتأكيد سيكون حافز و دافع للكثيرين حتى يتخذوا مواقف مشابهة
...
شكلتنا في محلها بعد ما الحكومة دي تسقط !
اما الان فلك التحية و الاحترام
الجماعة ديل مقدور عليهم
نشكرك وهذا وقت الثورة فقط
انا جاي لندن قريبا بعد الانتصار ان شاء الله حضر الكوارع
في التربيزة وبعد داك عينك ما تشوفش الا النور
وتسقط بس
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: Elmosley)
|
مرحبتين الاستاذ
مرحبتين يا موصلي
حبابك الف في الرياض
تستاهل ضبيحة وسليخة
مرارة وشطوط
وحاجات تانية
تعال بس والدسيس اليوم داك باجز رسمي
.........
وبعد ان تسقط تب
معزوم في واوسي ومعانا الدسيس برضو
وعشان كمان ناس واوسي ديل يفهموا حاجة
ويعرفو اني بعرف فنانين كبار😂
........
الحصة وطن
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: الوليد محمد)
|
سلامات يوسف الموصلي
ابدا الموضوع عندي لا علاقة له بالخيانة ولم افكر في الموضوع من هذه الزاوية (لا للتخوين في السياسة ولا التكفير في الدين)
نبهت لخطورة الدور الذي تلعبه قناة سودانية 24 في إجهاض ثورة الكرامة السودانية
بقيادة مديرها العام.. ووجب التصدي لها بكل ما نملك من قوي، والشعب لا يملك مال ولا اعلانات
ولكنه يملك مبدعين وعلماء يمكن أن يقاطعوا هذا الماخور الآسن.. وهذا ما فعلتوه وشكرا مرة ثانية على الموقف الداعم للثورة والثوار
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: عماد سويكت)
|
Quote: بالله خت لي الفيديو ده
في بوستي بتاع اناشيد الثورة واسمه
"ياجمرة قدي البوت" |
البوست (بتاع أناشيد الثورة) ناقص (نشيد) عن حلايب!
المستحيل مقايضتها بالملايات والأحذية والأجهزة الكهربية أو العلاج الرخيص.
أو التهاون فيها على أساس اعتبار غاصبها يماثل إسرائيل كما اقترحت يا يوسف.
هذا من ناحية.
إضافة لذلك
؟؟
معلومة:
النيس في الباكستان عندهم معلبات مكتوب فيها (كرع الماعز)، بالحروف العربية طبعاً، من برة، ماركة
بيختوا ليك عضم جوة العلبة، فعشان تتأكد تقوم تهوززا وتسمع بأضانك، جودة المنتج،
كرك كرك كرك.
___
لكن أنا شايف بدري على الكوارع.
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: على محمد الخير)
|
ما فض فوهك يا استاذي فقد فاقت وحشية هؤلاء كل الوصف مما يجدر بنا ان نقف ضدها وقفة رجل واحد والفنان احد الرموز التي تعبر عن المجتمع وعن حاله .
نسال الله ان يرحم من رحلو فداء هذا الوطن ونساله ان يشفي كل مصاب وان يفرج كرب كل معتقل وان يجمعنا جميعا في وطن خير ديمقراطي وطن حدادي مدادي .... وطن امن من كل المحن والاحن ..
وانا اؤيد موقفك تجاه قناة سودانية 24 حتى ينقشع هذا الظلام الدامس ...
وتسقط تسقط تسقط بس ...
تحياتي : ياسر العيلفون .....
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: على محمد الخير)
|
تحياتى استاذنا الموصلي
موقف لا يستغرب من قامة مثلك .. الانحياز للشعب هو الشي الطبيعي ...
كسرة
احلى حاجة في تسجيلك انك ( حتى الشارع الفيهو سودانية 24 ما ح تجى ماري بيهو ...)
تسقط بس .
الزميل العزيز الحمد لله وانا قاعد في السودان عشان
الجداد ما يقول قاعدين في فنادق ٥ نجوم
وشارع الجداد محروم
تحياتي
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: Elmosley)
|
| Quote: شكلتنا في محلها بعد ما الحكومة دي تسقط ! |
يا دكتور بوب بقيت تعتدي على امثال حلتنا وحقوقنا الأدبية كمان؟
القصة:
عندنا باصين في القرية يعملان بين القرية وبربر ونسبة لان القرية غرب النيل فلزوم يعدو ببنطون الباوقة وبيتسابقو عليه.
البص الأول التكيلي وسواقتو ضعيفة
والتاني عنقر بس حريف شوية
و طبعا مضبوح كلب بينهما
اليوم داك في البدء كان التكيلي و لم يستطع ادخال البص في البانطون
واجمع الناس انو عنقر يجي يدخل باص التكيلي
المهم
وفي اثناء رجوعة الخلف(أي عنقر) كان التكيلي مباري عنقر من الأرض وبيتكلم معاه:
"بارك الله فيك لكن شكلتنا في محلها"
و# تسقط_بس
| |
|
|
|
|
|
|
|
|
 Re: مع كُل الاحترام والتقدير للاستاذ يوسف الم (Re: عماد سويكت)
|
يا سلام يا أبا هديل ...
كفيت ووفيت وهذا الموصلي الذي نعرفه ويشرفنا أن نعرفه ...
وما عليك من النصيبة أم زمبارة دي خليها في التيه والدلال ...
إقتراح :-
الاتصال بالمهندس الجعيلي فهارموني بدأت تلم أطرافها ...
وبرنامج المايسترو ترك بصمة ويستحق الإستمرارية ...
موفق أستاذنا الموصلي وربنا يزيدك ويرفع قدرك أكتر ...
تسقط بس ومعاها خازوق ...
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: نزار عبد الوهاب)
|
ههههه
والله يا باشمهندس محمد الشيخ التكيلي زولكم طلع راجل واعي
تكتيك مرحلي مع المحافظة على الثوابت !
زي ما بقولوا تفاوض مع الآخرين بهدوء و لكن لا تنسى ان تحمل معك عصاً غليظة !
انا غايتو عجبتني عبارة التكيلي و لفحتها ساي لاكين ياهو لسان حالي
الموصلي بنحييه على موقفه الحالي
لاكين بعدين يكرب جريدتو و يجي مارق 😂
...
الان ، لا صوت يعلو فوق صوت الثورة
تحياتي للجميع
| |
|
|
|
|
|
|
|
|
|
Re: مع كُل الاحترام والتقدير للاستاذ يوسف الم (Re: نزار عبد الوهاب)
|
إقتراح :-
الاتصال بالمهندس الجعيلي فهارموني بدأت تلم أطرافها ...
وبرنامج المايسترو ترك بصمة ويستحق الإستمرارية ...
موفق أستاذنا الموصلي وربنا يزيدك ويرفع قدرك أكتر ...
تسقط بس ومعاها خازوق ...
الزمبارة حبيبنا نزار ما موزونة تتميز بالنشاز المطلق
مستمرون برغم الانواء لا نأبه بالجداد الاليكتروني البتة
وتسقط بس
كن بخير
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Bashasha
عبدالعظيم عثمان
عبدالمنعم الطيب حسن
يحي قباني
Nasser Amin
احمد حمودى
MOHAMMED ELSHEIKH
Elmosley
عبد الباقي الجيلي
Osama Mohammed
نصر الدين عثمان
Sayed Bekab
آدم صيام
Kostawi
Sayed Ibrahim
الوليد محمد
حاتم إبراهيم
نزار عبد الوهاب
فيس بوك
تويتر
انستقرام
يوتيوب
بنتيريست