|
|
|
 Re: مساعد مخرج بمسرحية جدي المك نمر بالشارقة (Re: أبوبكر عباس)
|
سمعت انو جدي عندو مسرحية بالشارقة،
طوالي هبيت للمساعدة وأي طلبات أخرى
عقدنا ورشة عمل سريعة لتوفير ما يحتاجه المخرج من معينات حيوانية
أكسيسريس بتاعت الحيوانات
الكمبارس حداشر شاب بزينتهم السودانية البدوية
فقط فشلنا نلقى سعن
المهم دي ياها القبلية الإيجابية
جدك تلحقو حتى لو كان في قبر الخواض
| |
 
|
|
|
|
|
|
|
 Re: مساعد مخرج بمسرحية جدي المك نمر بالشارقة (Re: علاء سيداحمد)
|
مساعد مخرج مرة واحدة يا مستنير
ما شاء الله
غايتو انت وبوب ما ممكن تشتغلوا الا مساعدين
وعمرو المساعد ما ببقى مخرج هههه
اما المدعو شنو كده عمد داك؛
فانصحه يتتلمذ كمتفرج
على يد الاشتر الاسم قسم الفضيل داك؛
مافضلكم الا تجيبوا حاتم يقيف لكم قون.
| |
|
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: محمد على طه الملك)
|
هلا بجلال، علاء وعمر التاج
شكراً يا معجبين
يا محمد موسى، المسرحية استعراضية وهي خلطة من مسرحية العبادي الأصلية مع طابع استعراضي غنائي.
يا مولانا، الفيديوهات لا تغطي كامل المسرحية،
الإبل للجزء البجي فيهو شيخ العرب للبطاحين وذهابه منهم
زايد بتدي إيحاء للبادية
دا ما المهم
المهم خلاص بعد دا عادي الواحد ممكن يخرج فيلم
عادي
| |
|
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: أبوبكر عباس)
|
مهرجان الشارقة للمسرح الصحراوي
ديسمبر 2019
ليلة السودان
المك نمر حُب في الصحراء
تأليف: إبراهيم العبادي
إخراج: عادل حربي
الفرقة: فرقة المخمل للفنون الأدائية
تمثيل:
طارق علي، إيمان حسن، عبد الرحمن الشبلي، عبد الحكيم الطاهر، عبد العظيم عبد القادر، إنتصار محجوب، عبد الرافع حسن، إبراهيم شانتو، الحسين عبد الرحيم، عادل الخاص، مختار النور
م مخرج: حاتم محمد
تصميم ديكور وتنفيذ: دعاء جعفر
تصميم أزياء واكسسوارات: نادية خالد
المجاميع والإستعراض: رضا عبد الله، رحمة عبد الله، الحسين عبد الرحيم، مختار النور، إسراء، مواهب عبد الله
إدارة الإنتاج: شمس الدين يونس
| |
|
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: أبوبكر عباس)
|
عادل حربي في المسرحية سحب كل الإشارات التي تشير للقبائل،
القصّة خلت في صعوبة للمتابع الذي لا خلفية له بالنص الأصلي يجد صعوبة في فهم القصّة
كنت أتمنى أن يكون هناك راوي حائم وسط الممثلين يربط الأحداث كما فعل ناس الكويت في مسرحيتهم
راوي حائم وسط الممثلين بلمبة ويقوم بربط الأحداث
| |
|
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: MOHAMMED ELSHEIKH)
|
يا سلاااام و يا للروعة
دا شغل عالمي
بصراحة أول مرة اشاهد عمل كامل لمدة ساعة في سودانيز
لانو عمل جاذب بكل معنى الكلمة
التحية خالصة للاستاذ المخرج المسرحي عادل حربي
و للأستاذ المخرج التلفزيوني رائد الدالاتي
و التحية خالصة لمهندس الإضاءة و مهندس الصوت
و لفريق العمل من الممثلين
ملاحظتي فقط في البداية ما كان مفروض يظهر الطريق و السيارات
طبعاَ بالنسبة للتلفزيون بتشتت المشاهد
بالنسبة للمشاهدين الحاضرين العرض مع الطعوس دي ما بكونو شايفين الشارع
لانو الشارع كان بظهر في لقطات الكاميرا كرين فقط
في النهاية انتبه المخرج التلفزيوني للمسألة دي .. كويس
كت آوت :-
و التحية للأخ ابوبكر عباس مساعد المخرج البعاريني :)
لكن العمبلوك الاسود دا الجابو منو ؟
| |
|
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: أبوبكر عباس)
|
تحياتى يا ابابكر وكيف الحال
ده كله مجهود جميل و مقدر لأقصى حد
كل الحاجات سمحة وكويسه واتعملت بطريقة ممتازة
إلا شى واحد بس
وهو التمثيل
نحن ما بنعرف نمثل يا ناس
الشى الوحيد الغلبنا نعمله وجيه هو التشخيص والتمثيل
زى كأنه شى كده ما بناسب طبيعة وطريقة السودانيين
مع أنه عندنا مؤسسة أكاديمية راقية ورائدة من سنة 69 بتخرج دراميين فى كل التخصصات
بس فى مادة واحدة نسوا يختوها فى المنهج وهى
التلقائية وتقمص الشخصية
ده كله لأنه الموهبة لا تدرس فى المعاهد
اذا فى شخص موهوب يمشى يدرس ويعرف القواعد والمطلوبات والتقنيات البتنمى وتطور الموهبة العنده
لكين ما يمش عشان يدرس ويتعلم الإبداع
واللع فى مسلسل درامى اسمه دكين فى التلفزيون
أبسط شى يتقال عنه هو أنه مخجل ومضحك
والله العظيم بس عبارة عن تمثيل التلاميذ زمان فى الجمعية الأدبية
وكله زى دكين ده بس
حاجتين مفروض السودانيين يلغوها من حياتهم
التمثيل و كرة القدم
والله جد
| |
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: أبوبكر عباس)
|
عبد الخالق عابد، صديقي، وزميل معانا هنا ومعاهم هناك، ودنقلاوي لكّة،
ضربت ليهو تلفون قلت ليهو لو ما جيت حضرت مسرحية جدي، لا بيني لا بينك
المهم الراجل كان مريض وكراعو كانت مورمة،
تكبد الصعاب وجاء للمسرح الصحراوي،
قعدتو جنبي عشان أشرح ليهو الكلمات الصعبة
في نص المسرحية جنبنا باكستان بتان مرقوا
قلت ليهو: بكونوا مسطحين ما فاهمين حاجة
قال لي: هو نهنا فاهمين هاجة عشان هم يفهموا؟!
| |
|
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: أبوبكر عباس)
|
يا أبا ذر،
يا أخي، ما عصرت علينا شديد كدا؟
التمثيل السوداني المسرحي عموماً والتمثيل الكوميدي تلفزيوني ومسرحي
بستمتع بيهن جداً
موش في حسابات الأونلاين بختوا ليك أسئلة تختار منها للتدقيق لاحقاً مثل؛
ممثلك المفضل؟
دائماً قاعد أختار سؤال ممثلك المفضل
وإجابتي عليهو هي جمال
والمقصود هنا جمال حسن سعيد
مرّة لاقيتو في مطار الخرطوم، في ظرف ثواني تعرفت بيهو وطوالي حكيت ليهو قلت :
سؤال الحماية لحسابي البنكي هو
ممثلك المفضل منو؟
والإجابة هي جمال ودا انت،
عاين لي بطريقتو العجيبة ديك
وقال لي: فيهو دولارات كتيرة؟
قلت ليهو أكتر مما تخيل
قال لي طيب ما تدونا حق الحراسة دي
| |
|
|
|
|
|
|
|
|
|
Re: مساعد مخرج بمسرحية جدي المك نمر بالشارقة (Re: أبوبكر عباس)
|
والله يا بكرى وماك طالبنى حليفة
قبيل كنت داير اقول ليك الزول الوحيد البضحكنى لدرجة الهوس هو جمال حسن سعيد
يمكن هو فنان الكوميديا الوحيد المبدع فعلا
عشان سببين
الأول عشان اصلا هو إنسان دمه خفيف وذكى
والسبب التانى وده المهم عشان هو تلقائي وما بتكلف الأداء
انا برضو بعرفو معرفة شخصية
وبالمناسبة فى حفل الحنة بتاعة زواجه وكانت عاملاها ليهو شقيقتو فى امتداد ناصر
حصل حدث فنى هام جدا فى تاريخ غنانا كله يمكن
فى الحفلة وكان فيها مجموعة من فنانين مركز شباب بحرى الجدد
انا اكتشفت فنان مطرب شاب جديد غير طعم ومعنى الغناء تماما
اسمه محمود عبد العزيز
اليوم داك قلت للجماعة بالله اتذكرو الود ده بعدين
لأنه حيكون احسن مطرب فى السنين الجايه
وعزمنا محمود معانا اليوم داك بعد الحفلة فى القعدة بتاعتنا
هههههههه
الله يرحمك يا محمود
ونلاقيك فى الجنة
وتانى برضو نعزمك هناك
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أبوبكر عباس
Hafiz Bashir
جلالدونا
علاء سيداحمد
عمر التاج
محمد الأمين موسى
محمد على طه الملك
MOHAMMED ELSHEIKH
خضر الطيب
أبوذر بابكر
عبد الخالق عابد
علي عبدالوهاب عثمان
فيس بوك
تويتر
انستقرام
يوتيوب
بنتيريست