اقوليك حاجة يا منتصر . كتاب منبر بكري ديل كلهم لو كتفوهم واحد واحد ما فيهم واحد اظن يقدر يكتب بوست زي البوست حقك الكتبتوا عن الفنان الاصيل ابراهيم ود المقرن . والله يا منتصر ابدا دي ما من عاداتي . لكن انا حاسدك علي داك البوست الرهيب . اغنيات ابراهيم المقرن تخلي النافوخ يطقطق . ليك التحية.
10-13-2019, 01:56 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
Quote: كتاب منبر بكري ديل كلهم لو كتفوهم واحد واحد ما فيهم واحد اظن يقدر يكتب بوست زي البوست حقك الكتبتوا عن الفنان الاصيل ابراهيم ود المقرن . والله يا منتصر ابدا دي ما من عاداتي . لكن انا حاسدك علي داك البوست الرهيب . اغنيات ابراهيم المقرن تخلي النافوخ يطقطق . ليك التحية.
بتين الكلام دا يا ود موسى ؟ معقول مونت يكتب بوست من طقطق للسلام عليكم .. ؤ يحرسه لحد ما يلم الكراسي ذي حرص أخونا معاوية الزبير ربنا يرده لينا ؟؟ غايتو إذا دا حصل ليها الحق الثورة تقوم .. وصاحبو اللدود بكور يكمل بوست .
انت يا ود الملك كان قالوا سمين ما تقول آمين حسادتن تولدك زنادقة انت ود موسى أتوسم فيني خير مالك داير ناس أبوحسين يفتشوا في الأرشيف سطوري وشطوري ويطلعوا لي شيطنة الكُتاب انت الدناقلة الحُمر ديل جنسيات بنية ولا من الطلاطاشر قبيلة الحاسدة 😂 مشكور يا ود موسى أهلك الإماركة مش قالوا ات نوت ذا سايز أوف ذا بوت بت ذا موشن إن ذا أوشن كلمهم ياخ يعملوا مكتبة للناس ذات السطور😂
10-13-2019, 05:02 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
اخونا استاذ محمد طه الملك الزول الحبوب ابوكتابة مبتسمة . ياخ سلامات . صاحبك ده كتب بوست خطري جدا عن الفنان ود المقرن ابوشعر منكوش . التسجيل تلفزيوني احتمال في منتصف السبعينات الجميلة . الاغنية ( اسحار الجمال ) البوست كان في ديك السنة من اكتر البوستات المريحة للاعصاب . منتصر زاتو ما مصدق انو هو الكتبو . حاجة جاتو كدي زي اللوتري . .. اقولك حاجة يا ود الملك والله انا اعتقد انو بوست منتصر داك نفض الكتير من العلالة الضربت رف ديك الاغنية العجيبة .
10-13-2019, 07:05 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
ههههه أيوه قول كدا .. مونت عشان يفوت السطر التاني إلا بأسلاك برانية .. : يا مونت ياخي ما تقبّل علي .. أنا سادى لبكور لحد ما يلم في ورقة من أوراقو المشتتة في حوش شمبات ويجينا طاير.
10-13-2019, 07:37 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
مع إنه شهادتي في منص مجروحة وعندها عوّاره كمان .. ربما لأني على شاكلته لابحب أفتح بوستات ولاحاجتين .. مع انه الواحد ربما لاتعوزه مقدرة الكتابة لفتح بوست .. أياً كان الموضوع الذي يتناوله لكن الشغله تندرج .. تحت بند أحب ولا أحب ما أكثر من كده .. منتصر زول مليان لامن بي غادي .. غض النظر عن عدد البوستات التي فتحها وابتدرها .. فتقييم كتابته مطروحه أمام رواد المنبر وقراءه .. فالتحية لصاحب هذا القلم المعبّر والذكي واللمّاح صاحب القفشات ... مع إنه ربما لايفوتني حس الدعابة في موضوع فتح البوستات ده .. ومن إنه ليس أداة للتقييم وكده .. لكن أهو بنجامل الراجل ده وبالمره بنواسي أنفسنا .. خخخخخ ــــــــــــــــــــــــــــــــــــــــــــــــــــــــــــــــــــــــ
من جيت المنبر ده ما دقش عيني بوست لمنص عن فنان أو ابو الدنان ..
10-13-2019, 09:00 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
اخونا استاذ م طه الملك سلامات بتذكر المنبر كان محموم وعينو طالعة . وكل المواضيع كانت مسيخة . لكن الحمد الله في عز دبرسة المنبر تدخل الاخ منتصر بي داك البوست العجيب . كلامي ده جد والله .
10-13-2019, 09:30 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
عادي يا ود القوز يا قريبنا .. لأنو أصلا نحن طرائق تفكيرنا واحدة وثقافتنا واحدة ومشاكلنا متشابة .. أي بوست ممكن يعبر عنك بطريقة توافق رؤيتك أو تخالفها .. نادرا ما يقابلك بوست غير تقليدي .. أو خارج نطاق معارفك الثقافية .. زي موضوع بوست مونت دا الكلنا بما فينا هو زايقين منو.. عشان كدا بنقول ليهو أحسن لينا سطرك اليتيم بدل الهنضبة دي .. هسه لو ما ود موسى بذكاوة خلق موضوع يناسبنا كان البوست حتل زمااان.
10-13-2019, 09:42 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: اخونا استاذ محمد طه الملك الزول الحبوب ابوكتابة مبتسمة . ياخ سلامات . صاحبك ده كتب بوست خطري جدا عن الفنان ود المقرن ابوشعر منكوش . التسجيل تلفزيوني احتمال في منتصف السبعينات الجميلة . الاغنية ( اسحار الجمال )
التحيات العطرات ليك يا منتصر ولضيوفك الكرام
سـطر منتصر مصوب زى السلاح نحو الهدف .. وهو زول لمّاح وبيدخل الموضوع مباشرة .
هاك يا ابوعفان ياخ الغنية الجميلة "أسحار الجمال "
10-14-2019, 05:51 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
استاذ علاء سلامات ومشكور كتير . يخدر ضراعك . بلاي شايفين المقرن زمان كان بيدفق بي المبدعين كيف ؟ في داك الزمن الجميل السماسرة ما كانوا خاتين بالهم علي المقرن . هسع عرفنا انو المقرن المرق منو ود المقرن اتباع بي متحفو الزراعي وبي هيلتونو .
10-14-2019, 12:23 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا منص! يعني وقت يوم ربنا يفتحها عليك وتكتب بوست وتبقى "صاحب" البوست الممكن يجي أو ما يجي و نعمل مناحة وراه يطلع بوست عن كتاب وهمي زي دا طبعا استعنت بقوقل عشان افهم انت بتتكلم عن شنو لقيتو زول ضيّع تلاتة سنة من عمره في وهمة لكن نجحت معاه وببعت نسخ طبعتها الاولى بألفين دولار!! حتى عملوا منها نسخة شعبية بمية وشوية بعد نجاحها و شغلت الفلاسفة و الفنانين و العلماء في التظير ومحاولة سبر غور الحكمة المخفية في ثنايا الشخابيط, الغريبة هو زاتو قال ما في فكرة ولا حكمة ولا آية ولا من طبعو نعسان ولا حاجة عشان الناس تجتهد وراها! لكن مثقفاتية اوروبا بريّحوه! قالوا ليه ابدا انت زاتك ما ناقش حاجة, الشخبطة دي فيها فهم لا يدركه إلّا الصفوة الزيّنا! اسّي انت لولا قدّمت البوست بالطريقة دي لو كنت كتبت عن المخطوطة العظيمة التي لا يفهمها إلّا الصفوة كان جوك خرتمية واحد هنا من مثقفاتيتنا يتغنى بها ويسمّعها ليك
10-14-2019, 02:00 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
لكين يا ود البشرى الخط الكاتب بيهو الزول دا ابدااااع ... تحس بيهو مألوف عندك وياسرك بجمال الخط بدون ما تكون فاهمو .. حاولت انزل صورة من الخط لكن ما قدرت .
10-14-2019, 11:10 PM
محجوب البيلي
محجوب البيلي
تاريخ التسجيل: 04-19-2005
مجموع المشاركات: 2016
يا سلاااام. من أجمل الكتب التي قرأتها... قصدي التي لم أقرأها! تصفحته صفحة صفحة. لا يمكن أن تكون هذه مجرد شخابيط. هذه لغة أقوام في مدارات بعيدة، أو عوالم موازية لعالمنا هذا! الرسوم تذكرني بأعمال سلفادور دالي وزرافته المشتعلة. والخط الاسكريبت ـ كما قال مولانا الملك ـ هو إبداع في حد ذاته. خلاصة القول: هذه بالفعل "مخطوطة عظيمة"، رغم أنف ود البشري ـ وأجدني متفقاً مع الزملاء مثقفي أوربا في أن هذا العمل أعمق مما يُتصور. لا يهمني ما يقوله أو يعتقده "كاتبه" عنه. أحببت الكاتب والكتاب.. ونزّلت نسخة pdf !
10-15-2019, 00:59 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
تسلموا يا حبايب جميع مش زمان المثقفاتيه كان بقولوا موت الكاتب هسي دي دحين ما موت القارئ ،لمن نكتب* يا جماعة انا حصل كضبت عليكم قبل كده *هسي لو ترجمتها ليكم بتصدقوني
10-15-2019, 08:15 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
بنصدقك بس ما تشطح كتير وتهوم بينا .. المخطوطة دي اصلا اتعملت عشان اي زول يجر جدوله بطريقتو .. بس المهم يشرب ويشرّب الباقين معاه.. شوف سلمى دي كيف قرأت ..
Quote: قراءة اللامقروء: مخطوطة سيرافيني مثلا لطالما فكرت إن كان بإمكاني إخراج المعاني التي تثقل رأسي من دون الحاجة لاستخدام الكلمات... فالكلمات بقدر ما تبدو مغوية و شهية و مريحة بقدر ما تكون عصية و صعبة و منهكة حين إرادة لجم المعاني بها، ثم بعد ذلك يبقى المعنى غير مكتمل تماما... و لذلك كنت أفكر بشيء أقل إيلاما من الكلمات... لكن ما الذي قد أوتيه البشري يستطيع أن يكون أكثر دقة في التعبير عن المعنى أكثر من الكلمة، أهي الموسيقى؟ ألرسم؟ هل حقا يمكن أن يقارنا بالكلمة فضلا عن أن يتفوقا عليها؟ هذه المسألة كانت تتأرجح في ذهني من دون أن تعثر على حل... حتى اطلعت على كتاب Codex Seraphinianus (مخطوطة سيرافيني) لـ لويجي سيرافيني... حينها أدركت أنه ليس من شيء أعلى و أسمى من الكلمات... فلم يؤت البشري معجزة أكمل من الكلام...
في عام 1981 نشر الفنان الإيطالي لويجي سيرافيني كتابا سرياليا اعتبر من أغرب الكتب في العالم، سماه (Codex Seraphinianus) أي مخطوطة سيرافيني و هو عبارة عن كتاب مصور مكتوب بلغة لا مفهومة و ليست بذات معنى قد اخترعها هو، مع رسوم توضيحية غريبة لا واقعية عن ما يشبه اختراعات و أشكال نباتية و هندسية و حيوانية و إنسانية بطريقة مبتدعة... و كأنه إيجاد لعالم متكامل آخر غير هذا العالم...
هذا الكتاب العجيب كنت قرأت عنه منذ سنوات في كتاب تاريخ القراءة، و بقي ينمو في أحلامي، إلى أن أتى اليوم الذي أتيح لي قراءته أو بالأدق الدخول بعالمه، و الحق يقال أني وجدت تفاصيله السريالية _التي بدت أبهت حين تجسدها أمامي_ ليست هي مصدر الدهشة فيه بقدر ما هي الفكرة العبقرية بحد ذاتها، و ما تولده في رأسك من آلاف الأفكار... أعمق هذه الأفكار و التي جعلتني واجمة هي لحظة كشف وجودية... أن خيالنا اللامحدود بطاقته الجبارة، ما هو في حقيقته إلا تكرار لكل الصور الموجودة و لكن بتركيبات و أوضاع و علاقات مختلفة و التي هي بحد ذاتها تقليد لأوضاع و علاقات سبق و وجدت... فمثلا هل يمكن أن نتخيل شكلا ليست خطوطه مما عـُرف، أو عالما موازيا لم يسرق عناصره من هذا العالم؟ أو وجودا لم يستمد جزيئاته من هذا الوجود؟ بل هل يمكن تجسيد ما لا يمكن تجسيده إلا عبر ما هو مجسد لتوه؟ فمثلا الكتاب كل ما فيه لا واقعي... و لكن ليس من جزء فيه إلا و هو مجزوء من الواقع... و هل كنت أجهل هذا... لا... و لكن هذا لا يمنع تجديد الشعور بالخيبة... إبداعنا _و هو الخلق من غير مثال سابق_ ما هو إلا وهم... محاكاة لما هو مبدع... استنساخ لما هو محدث... كم نحن محدودون و ضئيلون و مكررون و مقلدون! و مخلوقون! يا لهزالنا! يا لبؤسنا! يا لبشريتنا! و حينها وجدت أن كفة التعبير بالكلمات قد رجحت على أي وسيلة تعبير أخرى... بل شعرت أنه على قصور اللغة و اشكالياتها، و مهما بلغ التعبير بغير الكلمات عمقا و تجريدا، سيبقى أقل قدرة من اللغة على البيان... فاللغة تملك القدرة على أن تناور على هذه المحدودية... حتى و لو شيئا ما... أفلا يمكن وصف ما لا سبيل إلى وصفه؟ مثل ذلك التعبير المبين الذي ورد في قوله تعالى: ليس كمثله شيء... أو قول رسول الله "و لا خطر على قلب بشر"... هذه الجمل التي تعابث الخيال و تشاكسه و تتحداه و تهزمه... هذا التعبير عما لا يمكن التعبير عنه و لو عن طريق السلب، قد كان عبر اللغة... عبر هذه الكلمة المعجزة... عبر هذا السر الرباني... هل يستطيع أي شيء آخر أن يعبر عن مثل هذه الفكرة المهيبة المبهمة المجردة؟ هل يمكن لكتاب عجائبي يقوم على إثارة الخيال مثل كتاب سيرافيني أن يعبر عما هو خارج الخيال و الفكر؟ حين خطرت لي هذه الفكرة و أنا أتصفح الكتاب، شعرت كم نحن مقيدون بخيالنا، و هو على اتساعه قيد... و ما خيالنا إلا بشريتنا... و أن الكلمة هي معبرنا الوحيد إلى ما وراء ذلك... و أنها معجزة الخالق قد تفضل بها علينا... من اللافت أنه جرت محاولات من الكثيرين لفك شيفرة لغة الكتاب... و بعضهم فعلا قد وجد شيفرة ما! بيد أن الطرافة في الأمر أن سيرافيني لا يفتأ يؤكد أن ليس هناك من معنى مخفي وراء هذه الكتابة المبهمة، إنها لعبة ليست بذات معنى و غايته منها أن يعيش القارئ تجربة تشبه تجربة الطفل الصغير حين يمسك كتابا لا يفهمه... و لكن هل كان مثل هذا التصريح ليثني البعض عن محاولة إيجاد شيفرة أو معنى؟ أبدا... فالناس مهووسة بالأسرار و كشفها... ذكرني هذا بالناشرين الثلاثة في رواية بندول فوكو، الذين اخترعوا خطة سرية للمؤامرة الكونية، و كانت من الاتقان بحيث أنهم حتى لو اعترفوا بزيفها فإن الآخرين لن يصدقوا... فحين يكون للناس ميل لاكتشاف الخيوط و الشيفرات و العلاقات في أي شيء فإنهم سيجدونها، لأن الدماغ قادر على اختراع صلة بين أي شيء و آخر... أليس هذا أيضا ما حصل مع جون فوريس ناش في فيلم (عقل جميل Beautiful Mind)... ألم يكن لشدة ذكائه الذي أمرضه يجد شيفرات، في أمور لا شيفرات فيها! لكن هل حقا عشت تجربة طفل صغير يمسك كتابا؟ الحقيقة أن التجربة كانت أقرب لغرقي في أحد تلك الأضغاث الكابوسية المتخبطة... جو الكتاب بدا لي مرعبا... فالصور فيها الكثير من السوداوية و القسوة و الفجاجة و التشوه... و المدرك فينا ليس كالطفل لا وعي لديه فيختبر وجودا جديدا تماما حين يفتح كتابا فلا يعتريه من المشاعر إلا الدهشة... لذلك بدا لي عالم سيرافيني غير ودي، أو حتى عدائيا... مما جعلني أسرع السير في الكثير من الصفحات دون أن أدقق في التفاصيل التي أصابتني بالقشعريرة... و حين أغلقته شعرت و كأني استيقظت من الكابوس و عدت للواقع... صحيح أن الواقع مترع حد الفيضان بالقبح و التوحش و القرف... و لكني على الأقل في هذا العالم و بعد سنوات من اختباره بت أملك بعض الأسلحة _على هزالها_ تساعدني شيئا ما في مواجهة إبهامه: بعض من معرفة، بعض القوانين المنطقية و الفيزيائية التي أستطيع أن أبني عليها، حفنة من البديهيات أنطلق منها، شيء من قدرة على التقاط الجمال وسط كل هذا القبح، بعض من وعي، إيمان أتقوى به، و كلمات أقيد فيها كل شيء و أتواصل بها... لكن في عالم الكتاب شعرت و كأني جردت من كل هذا الذي أملكه و عدت صفرا مطلقا كطفل تائه، بل أسوأ، كمخلوق سريالي يمتلك وعيا بناه من عالم مواز ثم سقط فجأة في عالمنا، لا يعلم فيه شيء و لا حتى أن الشمال هو شمال و ليس أخضر! و هذا يجعلني أكتشف أني ممتنة لكل الثوابت البديهية و الطبيعية و الزمان و المكان... حتى لو أني أحيانا أتذمر منها لأني فضولية أود أن أعرف ما وراءها... لكنها نعمة حقيقة... فماذا لو أنها لم توجد و كان على واحدنا أن يتفاجأ بقانون جديد كل لحظة فلا يستطيع أن يقف على شيء أبدا... و كأنه سقوط لانهائي في هاوية لا قرار لها!
يقول سيرافيني عن كتابه: أنت ترى ما تود رؤيته، تظنه يتحدث إليك، و لكنها إنما هي مخيلتك فقط"... و إنما كان هذا كله هو ما قرأته في هذا الكتاب اللامقروء: مخطوطة سيرافيني... Luigi Serafini سلمى
10-15-2019, 09:06 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
شفت جمال الخط دا يا أحمد ؟ لاحظ الانضباط في عدد التصاوير وعدد العنواين المحبرة بالأسود الغامق .. بوحي ليك بأنه دا شرح لاسم الشكل المرسوم .. والحروف متطابقة مع شكل الحروف تحت الرسمة!!
10-15-2019, 09:36 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
اخونا منتصر سلامات ده شغل مدهش و عالي شديد علينا . اكيد عندو ناسو . غايتو لو مشيت مركز راشد دياب في الايام الجايات ح اقوم اعلقو ليك في البورد حقهم . انا براي ما فاهم فيه التدعك . الا ملاحظ السطر الاول الاحتمال يكون ده عنوان الحكاية . ملاحظ الكلمة التانية في السطر الاول بالضبط زي توقيع اوباما . السر شنو .؟ ومن وين اوباما لقط التوقيع ده . غايتو يا منتصر لو اوباما توقيعو بصاو من المخطوطة دي تكونو بس انت وهو الناقشين الفيلم ههههههها ونرجع ليك للاغنية الداير تنكر بوستيها .
10-15-2019, 12:30 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: عادي يا ود القوز يا قريبنا .. لأنو أصلا نحن طرائق تفكيرنا واحدة وثقافتنا واحدة ومشاكلنا متشابة .. أي بوست ممكن يعبر عنك بطريقة توافق رؤيتك أو تخالفها ..
أر سرن آق مي .. تسلم مولانا الملك يا جميل .. كثير من الأحيان تكون بتفكر في موضوع وتجده أمامك .. فتقوم تنتهز الفرصة .. وهذه مزية المنتديات .. ماعون للرأي والرأي الآخر .. ــــــــــــــــــــــــــــــــــــــــــــــ مالو سيد البوست درعو ليك ولعثمان موسى .. وشايفه ينقز بي بره .. خخخخخ .. حتى ماجا إلا لماما ولا عبّر المعجبين وأداهم وجهة نظره الشافية .. في مخطوطة سيرافيني الجايبا دي .. عموما المخطوطة فيها كم مهول من الخيال الجامح الذي لا تحده حدود .. عجبتني وقعدت أفكر في أبعاد الرسوم والأشكال والخطوط .. والرؤى الفلسفية الخلت سيرافني يتجه الاتجاه دي .. ربما لأني أجنح كثيرا للخيال ويعجبني البحث في الما ورائيات .. اتا قايل منص ذاع صيتو ولقى رواج ليه ؟ .. ما عشان الما ورائيات دي .. أي حاجة وراها أو جواها حاجة وهكذا (دوالايب ) .....
10-15-2019, 12:41 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
حبيبنا ود القوز منص من أول تبادي جانا رافع الراية البيضا .. قام اخونا عثمان دفر ليهو بخرة يتخارج بيها نكرا .. قعدنا ندودر في البوست عشان ما يحتل.. لان بوستات منص شحيحة وما بجيبو الا الشديد القوى زي ما قلت .. طبعا صاحبو اللدود بكون مغيوز على بوست منص الشعلل دا
10-15-2019, 01:27 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة