|
|
|
 Re: محمد زيّن ؤ خالد سِلِك في مطار الخرتوم . في (Re: Mohamed Adam)
|
Quote: التحية للأستاذ محمد الزين وصحبه الأشاوس..
الرجل مناضل من العيار الثقيل؛ رفض يسيب زميله لتنهشه كلاب الأمن حتي فكه
حظروا بالقوة.
يا معاوية صدقوا شباب الثورة لما قالوا:
الحل في البل! |
الحل في البل دا شعاري المفضل ؤ عندي بيهو بوست هنا .
محمد الزين لو بقى بطل العالم في العيار الثقيل للنضال
تصرفو هو ؤ زميلو ما تصرف ناس مسئولين، دا تصرف
أوباش ؤ همج وأنا أستغرب ديّل كانوا بيناضلوا من أجل شِنو ؟!...
| |
 
|
|
|
|
|
|
|
 Re: محمد زيّن ؤ خالد سِلِك في مطار الخرتوم . في (Re: معاوية المدير)
|
| Quote: هل دا قانون واللآ تعاطف منّك ساكت يا عاصم ؟... |
لاهذا ولاذاك وانما تساؤل وتعجب (زى ما اشارت اشاره مداخلتى ) عن غياب جديه فى التعامل مع المستجدات عند الاجهزه الامنيه سريعين فى الشينه لكن فى الفعل الايجابى بطء . ماداير اقول وين الشرعيه الثوريه؟
.
متفق معاك انو حصل سلوك انفغالى من محمد زين واظن لو ترك الوضوع لى خالد عمر يوسف لكان الامر اختلف لانو شايفو كان هادىء
| |
|
|
|
|
|
|
|
|
 Re: محمد زيّن ؤ خالد سِلِك في مطار الخرتوم . في (Re: معاوية المدير)
|
| Quote: لحل في البل دا شعاري المفضل ؤ عندي بيهو بوست هنا |
طيب يا زميل ما كمان تخلي محمد الزين يبل كلاب الأمن بل...
ياخي ناس كانوا منفين من السودان لسنين عديدة، وبعدين جو داخلنو، مشحونين أمل كبير وما تنسي أذهانهم رسمت صورة حالمة عن ماهية مطار الخرطوم الجديد يعني نوع التقدم ليهم جواز سفرك بيختمو ليك ويناولونك ليهو بكل أدب وإحترام وكمان معاه إبتسامة مصحوبة بعبارة Well come back home لكن وللأسف حصل العكس الناس ديل مسكوا منهم جوازاتهم ورجعوها ليهم ناقصة جواز واحد وهو بتاع زميلهم بحجة انه محظور!! يعني هذا السلوك أكد ليهم ان نظام الإنقاذ مازال يخدم وعلي طول حطم ليهم الصورة النمطية السمحة الكانوا راسمنها في أذهانهم عن ماهية مطار دولة مابعد عمر البشير .. بالله دا مش شيء محبط.. لو إنت مكانهم ما ح تصرف ليهم كم كيلو بركاوي لامن البشير داخل سجنو ينخس سنو الإتكسرت بالسقالة!
| |
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: معاوية المدير)
|
ديّل ما قادرين يفرقوا بين الديمقراطية والعصبجية
ؤ ممكن بكرة نحن زاتنا يرفعوا نخرتُن فوقنا ؤ يكون
الشعب إستبدل عصبجية شايلين خراطيش ؤ عصي
بعصبجية شاكين قمصان في البناطلين ؤ مسلحين
بأنا قضيت عمري كلو منفي ؤ مشرّد ؤ دخلت
السجن .
كدي شوفوا الساحة دي فيها كم مليون، يعني ديّل
فاكرين نفسهم هم الوحيدين المناضلين ما يتعامل
مع الموظفين بنفس الطريقة الإتعاملوا بيها معاهو
الشي شِنو البيديهو حق الطظينة والعنطظة !!!.
بجي أرد باكر إن شاء الله ...
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: معاوية المدير)
|
بعض من الحوار الذي دار في بداية الفيديو
Quote: عارف الزول دا منو؟
وين مدير الجهاز هنا؟
ما ممكن زول مناضل مع الثورة أنت داير توقفوا؟
الزول دا بيناضل من أجل الشعب السوداني تجوا توقفيهو إنتو هنا؟ |
إجراءات الدخول والخروج عبر منافذ الدولة هي من عمل وزارة الداخلية ولا مجال لجهاز الأمن في إعتراض حركة أي مواطن.
كنت سأحترم الأخ محمد زين جداً لو أنه تحدث عن حقوق خالد سلك كمواطن دون أي إستغلال للثورة والنضال.
ولكن أن يسعى لأخذ حق بدعوى تمييزه عن المواطن العادي بسبب أنه مناضل فهذه غير مقبولة وتجد مني كامل الإدانة
وهذا الفيديو يعد فضيحة لمحمد زين ولخالد سلك الذي سكت على تصرف محمد زين في موضوع يخصه.
لا للمتاجرة بالنضال.
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: Hafiz Bashir)
|
Quote: كنت سأحترم الأخ محمد زين جداً لو أنه تحدث عن حقوق خالد سلك كمواطن دون أي إستغلال للثورة والنضال.
ولكن أن يسعى لأخذ حق بدعوى تمييزه عن المواطن العادي بسبب أنه مناضل فهذه غير مقبولة وتجد مني كامل الإدانة
وهذا الفيديو يعد فضيحة لمحمد زين ولخالد سلك الذي سكت على تصرف محمد زين في موضوع يخصه.
لا للمتاجرة بالنضال. |
يا مولانا ممكن تشرح لينا النضال ده و دوايرو ... ما عاوز اقول درجاتو عشان ما تدينى على راسى ...
عشان نبقى على بينة من الامر
و الفرق شنو بين النضال و اداء الواجب
اديك مثل ود المدير و ابنه المقداد
المناضل منو فيهم و القام بى اداء واجبو نحو الوطن منو فيهم
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: Hafiz Bashir)
|
في كتير من الشحن والعصبية مافي داعي ليهم ...وطبعا الناس المحظورين علي فكرة مش بس المعارضين....
فيهم كمان ناس مجرومين اجرمو في حق البلد ..وناس عليهم بلاغات خارجية من سرقة وغش ..في القاهرة وحدها المئات من المبلغ عنهم في جرائم
منها سرقة وغش سياح وشركات وهمية للاحتيال ..الجواز لما يكون محظور الضابط في المطار مابكون عندو المعلومة الكافية من سبب الحظر بس
بتكون معلومات عن صاحب الجواز ..الضابط برسل اشارة لحاجة اسمها القوائم في وزارة الداخلية وهناك ا لموظفين بطلعو البرنت بتاع المخالفة الذي
يحال الي المدير المناوب ويقوم بالفصل فيو وارسال الرد ..الثورة ثورة بتاعت تغيير للكلام دا كلو ..لكن التغيير مابكون بتكرار الغلط والهمجية ...
القدامك دا مجرد موظف تحترمو وتقعد تمشي بالقانون لحد مايجي اليوم اتقدر تغيير القانون من فوق وتحاكم الناس الختو القانون ديل
ماتتفشي في الموظفين ديل مجرد كومبارس في مسرحية سيئة الاخراج...
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: Mohd Ibrahim)
|
معاويه المدير بعد السلام
لا اعرف درجاته المناضلين فى سلم الحزب...لكن اتوقع محاسبه حزبيه لاحقه
ضابط الامن فى المطار تعامل بمهنيه وتحدث هنا فى دول الديمقراطيه يتم إيقاف الشخص المعنى حتى يتضح السبب ...هناك اسباب جنائيه....اسريه.. سياسيه حتى مكافحه الارهاب العالمى تتضمنها لوائح الحظر
فى رحله عبور عن طريق مصر كان اسم ابنى الصغير(سنتين ونص ) فى قوائم الحظر لتطابق الاسماء ورفع الحظر ونحن فى الكاونتر
هذا مع الإدانه للوائح الامن التى تحظر مواطنين شرفاء من حريه الحركه بسبب مواقفهم السياسيه ونتمنى ان يعجل المجلس الإنتقالى من إصدار قرارات عاجله ترفع الحظر لاسباب سياسيه وإن تضيف اسماء رموز النظام فى قوائم حظر خاصه بهم لان إحتمال هروبهم هو الارجح وقد فعلها بعضهم
حنك مناضل ودخل السجون إلى اخر الدراما ربما تعود لاضطراب المشاعر فى لحظه القدوم بين الفرح وهواجس خوف الغياب لكن الامر فى مجمله لايليق بمن نذر حياته النضال ودروبه ومع ذلك لم اخفى إعجابى(بزرزه )ناس الامن وإجتهادهم للتأقلم من مشاعر إنسانيه مثل الاحترام
لو صبر الشباب و تعاملوا كمواطنين عاديين بكل طقوس الإحتجاج الطبيعية:)وخرجت القصه لاحقا كان سيكون وقعها مختلف
التحيه لاسر المناضلين.. الشهداء الغائبه اسمائهم عن سجلات الإحصاء الرسميه وهم من مهد الطريق للفرح
سنعلى ذكرهم ونحفظهم حتى يكتب التاريخ ب مداد
صدق....
*
ملاحظه على الهامش السياسى الجيد من يعرف مزاج شعبه
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: نعمات عماد)
|
Quote: لاهذا ولاذاك وانما تساؤل وتعجب (زى ما اشارت اشاره مداخلتى ) عن غياب
جديه فى التعامل مع المستجدات عند الاجهزه الامنيه سريعين فى الشينه لكن فى
الفعل الايجابى بطء . ماداير اقول وين الشرعيه الثوريه؟
.
متفق معاك انو حصل سلوك انفغالى من محمد زين واظن لو ترك الموضوع لى
خالد عمر يوسف لكان الامر اختلف لانو شايفو كان هادىء |
وين غياب الجدية يا عاصم ؟، ثم ويّن البطء ! ديّل موظفين بينضفو
في قائمة الحظر وهذا من صميم عملهم .
نعم راجعت الفديو ؤ لقيت محمد عمر تعاملوا كان أفضل من سلك ...
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: معاوية المدير)
|
Quote: طيب يا زميل ما كمان تخلي محمد الزين يبل كلاب الأمن بل...
ياخي ناس كانوا منفين من السودان لسنين عديدة، وبعدين جو داخلنو، مشحونين أمل كبير
وما تنسي أذهانهم رسمت صورة حالمة عن ماهية مطار الخرطوم الجديد يعني نوع التقدم
ليهم جواز سفرك بيختمو ليك ويناولونك ليهو بكل أدب وإحترام وكمان معاه إبتسامة مصحوبة
بعبارة Well come back home لكن وللأسف حصل العكس الناس ديل مسكوا منهم جوازاتهم
ورجعوها ليهم ناقصة جواز واحد وهو بتاع زميلهم بحجة انه محظور!! يعني هذا السلوك أكد
ليهم ان نظام الإنقاذ مازال يخدم وعلي طول حطم ليهم الصورة النمطية السمحة الكانوا راسمنها
في أذهانهم عن ماهية مطار دولة مابعد عمر البشير .. بالله دا مش شيء محبط.. لو إنت مكانهم
ما ح تصرف ليهم كم كيلو بركاوي لامن البشير داخل سجنو ينخس سنو الإتكسرت بالسقالة! |
محمد يا زميل، ما تراهو بلآهم ؤ ما قصّر، لكن البل عندوا محلآتو .
ناس قياديين ؤ بيثعتبروا مصححين ؤ مجددين يفترض أن يكبحوا جِماع العاطفة
ؤ يظهروا بمظهر يجعل المجتمع يحترمهم ويتعلم منهم . صورة حالمة كيف يا
محمد يعني كانوا متوقعين ترجاهم عصافير قابعة في بِركة عِطر أوآت ما يدخلوا
تجي ترفرف فوقُن ؤ تعطِرُن !، ما ترا الناس ديّل إتعاملوا معاهم بكل أدب وإحترام
حتي بعد وصلوا درجة مدوا إيديهم كمان . لو كان نظام الإنقاذ بيتعامل بالصورة
دي ما كان الناس ثارت عليهو . لا ما شي مُحبط بل شي ينبئ بفجر جديد يُعامل
فيه المواطن السوداني بكل أدب وإحترام .
والله يا محمد أنا ظللت في مكانهم لسنين عددا، إسمي كان محظور لدرجة إني
كنت لو عايز أجدد رخصة السواقة بتاعتي ناس البوليس بيحيلوني لجهاز الأمن
ؤ بيصلوا معاي لدرجة أخذ بصماتي، والحظر دا ما إتفكا إلآ بعد سنين، أها شِن
قولك ؟...
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: معاوية المدير)
|
Quote: كيف يكونوا مسئولين ... يرجعوا ويتقدموا بطلب عبر السفارة؟
اليي فيها نفس ناس الامن الفي المطار |
مسئولين في تصرفاتهم، إشنو اليستقبلوهو إستقبال يليق بيهو !، يليق
بيهو كيف يعني ؟!. ناس الأمن الفي المطار العيب العملوهو شنو،
والتجاوزات العملوها شنو ؟، ما الفديو قدامكم ناس أدوا وأجبهم علي
أتمّ وجه وبكل إحترام، يعني عشان بتاعين أمن من حق العبيط دا
يمارس العبط بتاعوا دا ضدهم !...
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: معاوية المدير)
|
Quote: الثورة ثورة بتاعت تغيير للكلام دا كلو ..لكن التغيير مابكون بتكرار الغلط والهمجية ...
القدامك دا مجرد موظف تحترمو وتقعد تمشي بالقانون لحد مايجي اليوم اتقدر تغيير
القانون من فوق وتحاكم الناس الختو القانون ديل
ماتتفشي في الموظفين ديل مجرد كومبارس في مسرحية سيئة الاخراج... |
سلمت يا محمد، هي فعلاً ثورة تغيير بما في ذلك الهمجية لذلك كان
من الواجب علينا أن لا نترك هذا الفديو يمر مرور الكرام لأنوا يحمل
الكثير من المفاهيم الغلط التي يجب تصحيحها، فقد ولى زمن إبراز
البطاقات والشخصيات الهُلآمية، ؤ مقولة إنتو ما عارفنو دا منو !
لو عارفنو كنتو شلتوهو شد العصب . نحن نسعي لدولة يكون
القانون فيها هو سيّد الموقف وليس الإفتراء والإذدراء والتطاول ...
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: معاوية المدير)
|
Quote: محمد عمر تعاملوا كان أفضل من سلك ...
|
لخبتهم يا المدير خالد عمر سلك أبو البنيات الحليوات ماشاء الله ..
ده بتاع المؤتمر السوداني فعلا كان هادي ..
وبيحاول يهدي ويلطّف الجو لكن برضو كان في إمكانه ..
إيقاف محمد زين عن هذا المسلك والدفاع عنه بهذه الطريقة المعيبة ..
الكان متنرفز وبيشاكل هو محمد زين عديلة بتاع حزب الأمة القومي ..
عموما التصرف مُدان وغير مقبول إطلاقا ..
كان ممكن جدا تتحق نتائج أفضل ويترفع الحظر بسهولة ..
بدون الهرج والجوطة الكبيرة الحصلت واستعداء موظفين حتى لو كانوا أمن ..
لانه ممكن يكون عندهم في قوائم المنع كثير من الاسماء والتهم الغير سياسية ..
وفي الحظر حفظ لحقوق ناس آخرين فلازم ياخدوا وقت يتأكدوا ..
وبرضو مابيقدروا يفكو أو يرفعوا اسم زول محظور من راسهم كده ..
لابد من الرجوع للرئيس حقهم ومن هو مكلف برفع الحظر بعد مراجعة قوائم المنع ..
هم ذاتهم تلقاهم ما عارفين منو خالد عمر يوسف (سلك) ..
ولا عارفين منو هو محمد زين عديله ( مع احترامنا الشديد ليهم طبعا ) ..
أما الابتزاز بحكاية إنه عضو وفد تفاوض عن حزب الأمة وماعارف أيه ..
ومن إنه خالد عمر مناضل كبير مفروض ما يتحجز ويفكوهو الآن حااااالا ..
وأديني إسمك ورتبتك تهديدا له فدي أشياء المفروض كان يتجنبها محمد زين عديلة ..
منظره وهو بيقول الكلام ده كان مش كويس خالص ..
الفديو يدينه هو أكثر مما يدين بتاعين الأمن الحاولوا يهدوهو ويقعدوهو ويدوهو موية ..
حتى يتم حل الاشكال ويترفع الحظر لكنه ساق فيها سوقة خلا ..
الناس الحيجونا كبديل لنظام دموي وقمعي أذلنا بالعنجهية والصلف وأوردنا المهالك ..
المفروض يكون مستوى تعاملهم وفهمهم أكبر من كده بكتير ..
لانه التجارب الواقعية الزي دي هي المحك مش لمن يكون الزول هادي وغير متنرفز ..
وإلا زي ماقلت الترابا دي في خشم البلد ..
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: جمال ود القوز)
|
Quote:
لخبتهم يا المدير خالد عمر سلك أبو البنيات الحليوات ماشاء الله ..
ده بتاع المؤتمر السوداني فعلا كان هادي ..
وبيحاول يهدي ويلطّف الجو لكن برضو كان في إمكانه ..
إيقاف محمد زين عن هذا المسلك والدفاع عنه بهذه الطريقة المعيبة ..
الكان متنرفز وبيشاكل هو محمد زين عديلة بتاع حزب الأمة القومي ..
|
ود القوز كلامك صاح ما لخبتهم
| |
|
|
|
|
|
|
|
|
|
Re: محمد زيّن ؤ خالد سِلِك في مطار الخرتوم . في (Re: Asim Ali)
|
Quote:
معاويه المدير بعد السلام
لا اعرف درجاته المناضلين فى سلم الحزب...لكن اتوقع محاسبه حزبيه لاحقه
ضابط الامن فى المطار تعامل بمهنيه وتحدث هنا فى دول الديمقراطيه يتم إيقاف الشخص
المعنى حتى يتضح السبب ...هناك اسباب جنائيه....اسريه.. سياسيه حتى مكافحه الارهاب
العالمى تتضمنها لوائح الحظر
فى رحله عبور عن طريق مصر كان اسم ابنى الصغير(سنتين ونص ) فى قوائم الحظر
لتطابق الاسماء ورفع الحظر ونحن فى الكاونتر
هذا مع الإدانه للوائح الامن التى تحظر مواطنين شرفاء من حريه الحركه بسبب مواقفهم السياسيه
ونتمنى ان يعجل المجلس الإنتقالى من إصدار قرارات عاجله ترفع الحظر لاسباب سياسيه وإن تضيف
اسماء رموز النظام فى قوائم حظر خاصه بهم لان إحتمال هروبهم هو الارجح وقد فعلها بعضهم
حنك مناضل ودخل السجون إلى اخر الدراما ربما تعود لاضطراب المشاعر فى لحظه القدوم بين
الفرح وهواجس خوف الغياب لكن الامر فى مجمله لايليق بمن نذر حياته النضال ودروبه ومع ذلك
لم اخفى إعجابى(بزرزه )ناس الامن وإجتهادهم للتأقلم من مشاعر إنسانيه مثل الاحترام
لو صبر الشباب و تعاملوا كمواطنين عاديين بكل طقوس الإحتجاج الطبيعية:)وخرجت القصه
لاحقا كان سيكون وقعها مختلف
التحيه لاسر المناضلين.. الشهداء الغائبه اسمائهم عن سجلات الإحصاء الرسميه وهم
من مهد الطريق للفرح
سنعلى ذكرهم ونحفظهم حتى يكتب التاريخ ب مداد
صدق....
*
ملاحظه على الهامش السياسى الجيد من يعرف مزاج شعبه |
سلآمات يا عبد الرحيم .
أتمني أن تكون أحزابنا تعرف فقه المحاسبة .
لا لوم يقع علي أفراد الأمن في هذه الوآقعة إطلاقاً، بكل أسف عرفت إنو
الشخص القادم للسودان جاي من أمريكا !.
في حالة إستبدال سُلطة بأُخرى تحدث ربكة ولا أبغي إيجاد عذر لجهاز الأمن،
معك أديّن لوائح الأمن وأتمنى أن يسرعوا في سد كل الثغرات والعمل علي
المراجعة السريعة لرفع الحظر عن الشرفاء .
أوسخ شي أن نحمل في دواخلنا العجرفة والفوقية مع النظرة الدونية للبعض
ونحن نستعد لبناء دولة مستقبلية لتستقبل ناس من جميع أنحاء العالم، وأخشى
أن نفسد ونطغى كما فسد وطغى الذين من قبلنا بحجة مواطن وأجنبي، من
أهم مبادئ الثورة أن تهذب هذه النفوس الضالة .
نسأل الله الرحمة والمغفرة لشهداء الثورة ...
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
معاوية المدير
Asim Ali
Mohamed Adam
جلالدونا
Hafiz Bashir
Mohd Ibrahim
Abdelrahim Mohmed Salih
نعمات عماد
جمال ود القوز
فيس بوك
تويتر
انستقرام
يوتيوب
بنتيريست