|
|
|
 Re: محلات السوريين في الخرطوم كلها سدوها (Re: Osman Musa)
|
تسلم حبيبنا ود موسى
منح الجواز او الاقامة الدائمة في اي بلد كما تعلم يتم على حسب قوانين البلد
لكن الكيزان كانوا بتاجرو بالجوازات و الشئ دا سبب مشاكل كتيرة للبلد
تدفع تاخد الجواز حتى لو كنت خارج البلد
و في اجانب بجو داخلين بصالة كبار الزوار و بطلعو بنفس الصالة
و معاهم جوازات سودانية دبلوماسية
| |
 
|
|
|
|
|
|
|
|
Re: محلات السوريين في الخرطوم كلها سدوها (Re: خضر الطيب)
|
قالوا يا خضر في صالون الحلاقة حق عبدالله البشير
لو انت اجنبي تجي تحلق راسك وتدفع حق الحلاقة بالجنيه السوداني
وتدفع عشرة الف دولار حق الباسبورت السوداني للكاشير وتكون شايل صورك
معاك تديهم الصور والاسم رباعي وتتخارج .
بعد تلاته ايام تجي نفس الصالون تستلم الباسبورت .
اي جنسية ليها الحق في التجنس بدون ما يكون صاحب الجنسية عارف اى
معلومة عن السودان الوطن الواحد .
| |
|
|
|
|
|
|
|
|
Re: محلات السوريين في الخرطوم كلها سدوها (Re: خضر الطيب)
|
أخي عثمان
تحية سلام وعدالة،،
خطوة غير موفقة من وزير التجارة والصناعة السيميلاكي،،،
الذنب ليس ذنبهم لذلك لا يجب أن نحاسبهم بجريرة نظام ظالم يحمل اسمنا
المفروض تتم معالجة الموضوع مع الوضع في الاعتبار أنهم لاجئين بصرف النظر عن كل شيء،،
لكن تقفيل محالهم التجارية بهذا الشكل التعسفي فيه إساءة بالغة لنا كسودانيين
ما زلت أذكر الكم الهائل للسودانيين الذين عاشوا في حضن سوريا وما زالوا..
هذا المدني وصمة عار في جبين الحكومة الانتقالية،
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: اخلاص عبدالرحمن المشرف)
|
يا أخلاص المحليات بتنفذ قرارات الوزير مدنى
يا إسماعيل هى سوريا براها كانت حاضنة السودانيين
السودانيين منتشرين فى كل بلاد العالم وفى معظمها
متجدعيين وسياد بلد حتى لو ما عندهم جنسية البلد
وشغاليين تجارة وموظفين وبيحولوا للسودان
بالدولار الحار
قرار الوزيلا الدايش دا خجلنا فى غربتنا
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: نادر الفضلى)
|
اذا كان الوزير قرر طرد السوريين أو منعهم من مزاولة التجارة فهو قرار خاطئ وغير موفق ، وعلى الوزير أن يلغي هذا القرار المجحف فورا ...
ولكن ربما أغلقت محلات السوريين لأنهم ليسوا المالكين الحقيقيين لهذه المحلات ، فربما، وأقول ربما واظن، وأن بعض الظن اثم ، أن هذه المحلات مملوكة ل لصوص وحرامية الانقاذ ومشغلين السوريين كواجهات فقط للتغطية ولذا اقفلوا هذه المحلات حتى لا ينكشف أمرهم...
أما إذا كان الأمر غير ذلك فإن السوريين لهم الحق في الاقامة والعيش في السودان وممارسة التجارة لأنهم ضيوف السودان، وليس ضيوف نظام اللصوص والحرامية
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: امتثال عبدالله)
|
مع التحية للحبيب عثمان
بصراحة الخبر مؤسف جداً
المهم هناك مجموعة من السوريين لديهم حفارات في الصحراء شرق النيل
في دنقلا .. ناس منضبطين وينجزون العمل بكفاءة وسرعة عالية جداً
وتكلفة اقل بكثير من شركة زادنا .. تخيل قبل السوريين كان الحجز بالرشوة والانتظار
لمدة شهور ...
معليش ناس الشاورما والمكسرات والمعجنات لكن ناس الحفريات مهمين جداً
واضافة حقيقية ودعم للاقتصاد ,,
وسوريا كانت بدون تأشيرة وجامعاتها كانت مفتوحة للسودانيين
تحياتي الحبيب عثمان
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: اسماعيل عبد الله محمد)
|
الاخ استاذ اسماعيل سلامات
انا بفتكر يا اخ اسماعيل قصة منح الباسبورت السوداني
ده كلو كان احتيال من شقيق البشير وسماسرتو . المفروض
جميع الضيوف المنصوب عليهم يطالبوا بي تعويض و ممكن
الحكومة تسترد ليهم المبالغ من المحتالين بي القانون .
وبعدها الحكومة تمنح الضيوف اقامة حسب شروط قانون
السودان .
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: Osman Musa)
|
قرار الوزير كان واجبه كمسؤول أول عن امن البلد فى جانب من جوانبه.
سوريا مشكورة رحبت السودانيين و كتير من الدول الاخرى التى ينتشر فيها السودانيون.
ولكن ما فى سودانى قدم رشوة لمسؤول سورى ليعطيه الجواز السورى.
وكلام اخونا إسماعيل ان السوريين لا ذنب لهم غير صحيح. السورى دفع قروش وهو يعلم انها رشوة لذلك يجب تقديمه للمحاكمة وليس تقفيل محله فقط. هم ساهموا فى انتشار الفساد و يتحملون المسؤولية.
فى رأيى ان تعتبر معاناتهم كلاجئين .. وبذلك تسحب منهم الجوازات و يعطون أذونات عمل كلاجئين و يوقعون على اعتراف بالرشوة ويعددون الأسباب التى دفعتهم الى ارتكاب هذه الجريمة.. و يشهدون على كل من ساعدهم فى ذلك ولمن سلمت الرشوة.. بمعنى اخر يتحولون لشاهد ملك مع نزع الجوازات.
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: Abureesh)
|
Quote: قرار الوزير كان واجبه كمسؤول أول عن امن البلد فى جانب من جوانبه.
سوريا مشكورة رحبت السودانيين و كتير من الدول الاخرى التى ينتشر فيها السودانيون.
ولكن ما فى سودانى قدم رشوة لمسؤول سورى ليعطيه الجواز السورى. |
وكمان مافي سوداني في سوريا أكّل السوريين لحم حمير وكلاب وبلاستك
وغسلوا الدجاج في حوض المراحيض ، ناس عايزين يقعدوا بأدبهم ، مرحب حبابهم
ولكن ناس عايزة تكسب بضرر من استضافوهم ، في ستين داهية ، بس القرار ده م ما مفروض
يشمل كل السوريين اللي منهم في ناس عايشين محترمين نفسهم ومضيفنهم
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: Abureesh)
|
يجب على حكومة حمدوك ان تراجع قانون منح الجنسية
و عليها كذلك مراجعة قانون الاستثمار
حتى لا تتضرر البلد و لا يتضرر الآخرون
بالنسبة لقانون الاستثمار كنت قد انتجت برنامجاَ بهذا الخصوص
هناك اعفاءات من ضريبة الدخل لمدة خمسه سنوات
و اعفاء كامل من الجمارك على كل مدخلات الانتاج
ينقسم الاستثمار الى ثلاثة افرع رئيسية
الاستثمار الصناعي
و الاستثمار الزراعي
و الاستثمار الخدمي
بالنسبة للاستثمار الصناعي هو الذي ينهض بالبلد مع الاستثمار الزراعي
اما الخدمي فهو استثمار ضعيف و يجب ان يقوم به اهل البلد لدواعي امنية و صحية
وهو يتمثل في المطاعم و المقاهي و البقالات و غيرها
| |
|
|
|
|
|
|
|
|
|
Re: محلات السوريين في الخرطوم كلها سدوها (Re: Osman Musa)
|
Quote: ده كلو كان احتيال من شقيق البشير وسماسرتو . المفروض
جميع الضيوف المنصوب عليهم يطالبوا بي تعويض و ممكن
الحكومة تسترد ليهم المبالغ من المحتالين بي القانون .
وبعدها الحكومة تمنح الضيوف اقامة حسب شروط قانون
السودان . |
بالضبط دا المطلوب.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
خضر الطيب
اسماعيل عبد الله محمد
نادر الفضلى
علي عبدالوهاب عثمان
Abureesh
ترهاقا
Mohd Ibrahim
فيس بوك
تويتر
انستقرام
يوتيوب
بنتيريست