|
Re: ليه ؛ وسط سودانى الخارج تنتشر ظاهرة العوا� (Re: النصرى أمين)
|
النصري كيفك في فرق اعتقد بين العياف والحذر صاحبك بتاع العملة المعدنية ده عواف ، كان ممكن ترفعا وتمسحا بمنديل عادي جدا لكن موضوع كي اف سي ده انا بوافق عليهو تماما وفعلا جنك فوود هو والمطاعم البتشبهو كلها الظاهرة دي حتى في السودان بقت واضحة ، ما عارف سببها التمدن ولا سببا شنو لاحظت في الحلة انو الناس بطلوا ياكلو اللبن والروب مع الكسرة او العيش مع بعض ، كل زول براهو ! زمان كنا والله بنلخ سااااااي
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: Abdullah Idrees)
|
يا عبد الله ، ما تشكر لى الراكوبة فى الخريف . ديل psychopath 🙂
مرة مشيت زيارة مع صاحبى لأسرة جديدة فى كندا .. جابوا لينا عصير ليمون فريش. انا قرطعته كله صاحبى حلف ما يضوقه.
لمن طلعنا ..شاكلته ..قال لى تحلب لينا ليمونة ؟ و طيب ماله ؟ انت عرفت كيف ؟ تاوقت المطبخ
قال لى واضح العصير عصير ليمون محلوب باليد .
شايف المرض ده كيف. الله يشفيهم 🙂
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: Elhadi)
|
يا منتصر ؛ واحد من سحاسيحنا ..مشى سوق الناقة فى امدرمان. اكل بس من انتاج الصاج.. اى حاجة تانية رفض يلمسها .. السبب ..قال مافى مياه جاريه (مواسير يعنى)
غايتو اخر مرة مشيت هناك ..جابو صحن سلطة طماطم بالدكوه (اكيد طبعا لخوها باليدين) وقعت فيها ضرب شديد ، مافيش يما ارحمينى .
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: النصرى أمين)
|
يا مولانا الملك ...
عشان تعرف العقد و الهضربة و الوسواس عند الزول ده ؛ كان واضح انه متصنت يسمع صوت الخلاطة ؛ تفكيره كله منذ وطأت قدمه البيت الشراب الذى يقدم له ، قام بتحليل المشروب و معاينته و الخلاصة ان المشروب ناتج من حلب ليمونه فى جك 😂...قام عقله المريض اتصور منظر ست البيت تحلب فى الليمونة و محتويات تحت الاظافر تقع فى العصير .
شايف الناس ديل الهلاويس تصل معاهم لوين .
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: النصرى أمين)
|
نحن زاتنا طبعنا خرب يا النصرى تخيل زمان نشرب السمنة.. ونأكل العصيدة بالزبدة و السكر.. يعنى العصيدة فى القدح (الكورة حنكشة ساكت).. يحفرو حفرة فى راس العصيدة و يملوها زبدة او سمنة. و ياللا يا غموص. الزمن دا البيقول ليك دا كلسترول و اللا دا فات.. و نحن الزول عمرو 70 سنة و عمرو كلو ياهو فى الكلستورل و الفات. و بعد دا تلقاه يقفز من حجر لحجر فى الجبال. مرة عمنا قال لينا زمان ما عندنا امراض.. أمراضنا بس واحد إتفلق و تانى وقع كسر إيدو.. قال لينا الزمن دا البيقول ليك عندى حساسية و واحد تانى عنده حموضة و ما عارف شنو.
بالله يا النصرى ما عيب و جهل.. إنو بعد العقوبات تترفع بعد 25 سنة ، بدل نستورد من أمريكا مدخلات الزراعة و ننقل التكنولوجيا، و نظم الرى.. نقوم نجيب الجنك فوود زى KFC أنا لو مسؤول ارجع قانون النظام العام، بس أخصصه لمنع هذه السموم القاتلة. ياخ فى نيويورك قبل سنين منعوا الببسى و الكولا بكل أنواعها لو القزازة أكبر من 16 وقية، العمدة قال عشان تسمن و السمنة تجيب الأمراض و الأمراض تكلف المدينة بلايين الدولارات سنوياً.
تحياتى
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: Abureesh)
|
يا محمد ما تنسى حاجة مهمة جدا ... الترفيه عند الأغلبية الساحقة فى السودان هو برامج الأكل.
انا لمن امشى السودان كل برامج الترفيه اكل فى اكل فى مطاعم.. تنوع انواع الطعام المعروض يسهل من البرمجة ، مثلا ..محلات الشاورما انتشرت بطريقة غريبة أوائل التسعينات و اصبحت تتصدر المشهد اليوم . محلات السمك بقت تنافس بشده .. الحاجة النفسى اشوفا ..اكل الصينين !!
KFC اضافة ممتازة ل menu الوجبات فى السودان و كثير من الأسر تستمتع جدا بالذهاب هناك ....
بعدين ما تنسى مشاكل التخمة التى نعانى منها فى الغرب غير موجودة فى السودان.
برضه اى شخص عنده تحفظ (مثلك) من ال KFC يمكنه الامتناع... يعنى انا مثلا... اكره ما اكره المأكولات البحرية sea foods لكن اتمنى الثقافة دى تنتشر فى السودان زيها زى الشاورما .
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: Abureesh)
|
الاخ النصري أمين والضيوف الكرام أنا بعتبر العوافة من من الامراض النفسية ، والله لا يبتليك ولا يبتلي زول قريب منك وعلى حسب معلوماتي البسيطة المرض ده اسمه (OCD) اختصار لجملة obsessive compulsive disorder الله لا ابتلاك بيهو تطين عيشة القاعدين معاك، ولا ابتلى زول قاعد معاك يطين عيشتك
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: ترهاقا)
|
الخيط رفيع جدا بين العواف و بين الذى يهتم بإجراءات الصحة Hygiene.. و نحن السودانيين ثقافتنا الصحية شبه زيرو.. البكتيريا و الجراثيم و الفايرسات فى كل حتة.. و الإهتمام بالإجراءات الصحية مهم جداً. و عيب العوافة وارثينه من الأدب الصوفى. ولما قدم الشيخ بهارى من الحجاز، عمل حوش و قال الداير الطريق نديه الطريق و نذبحه أول من دخل الحوش كان الشيخ محمد الهميم عبد الصادق، جد الصادقاب.. أعطاه الطريق و ذبح أحد الخرفان، فرأى الناس دم الخروف خارج بفتحة كان عاملها مخصوص فى الجدار بتاع الحوش.. الشيخ دفع الله المصوبن قال انا كبير فى السن و أخذت وقتى فى الدنيا، و ما دام هذا الشاب الصغير ضحى فما بالى أتردد، فدخل و حصل نفس الشئ.. المهم الشيخ الرابع تردد ثم وضع السكين فى ذراعه حتى يدافع عن نفسه عند الحاجة. و لما دخل عرفه الشيخ و طلب منه نزع السكين، خصوصا انه رأى الشيوخ الثلاث احياء و الخرفان مذبوحة.. ثم قال له تلحقنى فى مكة وسأعطيك الطريق هناك.. و لما جاءه فى مكة طلب الشيخ قدح روب، شربه ثم ارجعه فى إنائه (طرشه) و قال للشيخ اشرب.. فتردد و لم يشرب.. قال له فى السودان خواف و هنا عواف؟ ثم أعطاه الطريق و لكن قال له سيكون دابك ولا تورثه ذريتك.
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: Abureesh)
|
نعم يا ترهاقا ، انها حالة نفسية تصيب البعض ؛ اظن انها مكتسبة احيانا ؛ يعنى الزول يكون صحراوى يقش اى حاجة ؛ يعيش فى ظروف معينة ؛ تبدأ تتغير المفاهيم عنده . كمثال ...هنا فى كندا ..اى حاجة تقع الواطه ..ترميها ....فى السودان ..عادى ترفعها و تأكلها و تطمن نفسك انه الشمس تكتل كل جراثيم الارض.
مرة طالع من السوبر ستور و شايل كيس رغيف كبير ..انشرط و اتشتت الرغيف فى كل مكان...عادى لقطه من الواطه ورجعته الكيس و كم نفر مستغربين فى الزول الصحراوي ده. قبل كم سنة ادخلت نفسى فى امتحان عسير جدا ؛ صعب على أغلب الناس اجتيازه..
اشتريت كباية قهوة كبيرة extra large ....كنت واقف فى محطة المواصلات شربت بقه واحدة ..انشغلت بأمر ما و وضعت كباية القهوة فى مصطبة قصيرة فى المحطة... مشيت ..انتبهت نسيت القهوة ....رجعت بعد ساعة و دخلت فى تحدى مع نفسى اشربها .... فعلا ..شريتها و جسمى كله اترقط ...نجحت فى الامتحان ..
عندنا واحد اخونا..يغسل البطيخة بالصابون قبل تقطيعها كذلك الموز.....
اللهم اشف العوافين و انزل عليهم رحمتك يارب
| |
|
|
|
|
|
|
Re: ليه ؛ وسط سودانى الخارج تنتشر ظاهرة العوا� (Re: النصرى أمين)
|
Quote: تخيل زمان نشرب السمنة.. ونأكل العصيدة بالزبدة و السكر.. يعنى العصيدة فى القدح (الكورة حنكشة ساكت).. يحفرو حفرة فى راس العصيدة و يملوها زبدة او سمنة. و ياللا يا غموص. |
سلام النصرى و زوارك الاخ ابوالريش من كتاباتك كل مرة اكتشف انو الثقافة الغذائية بين شرق السودان و غربو متشابه تماما كانو كان في جسر(طائر) بعبر النيل من شرقه و غربه دون التداخل مع ناس البحر. بس حته العصيدة بالسكر دى ما عندنا. زى القدح الاكل فيهو حمدوك ياهو بدفنو فيهو كاس سمن. اها الايادى بتاكل كدا فجاة بتفتح في كاس السمن زى النافورة.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|