|
|
|
 Re: لن نترك جبل الرماة (Re: عبدالحفيظ ابوسن)
|
Quote: السلطة مفسدة
والسلطة المطلقة فساد مطلق |
قبل أسبوعين تلاته كنت مع الرفيق أخي وابن
اختي في الخرطوم لإنجاز بعض المهام
وبعد منتصف النهار قررنا ناكل ... فطور ولا
غدا الله أعلم .. المهم المسميات (فطور ،غدا ..)
دي جاطت في البلد دي ... ذهبنا الي فندق
في العمارات شارع ٤١ بتاع واحد صاحبنا اكلم
فيهو النكهة واللمسة والطعم اللبناني ... مشينا
وقعدنا إلا نشوفلك جماعة (قحت) ٤ او ٥ أشخاص
وبقيادة الشفيع زاااااتو ... قتا لي الرفيق أخي
غايتو رفاق زمان لا يستثيقون البرجزه ... أما رفاق
هذا الزمان فإنهم يسعون لها ... الماركسية ضربت
في مقتل ... وكالعادة رد علي بأنهم ليسوا بأعضاء
في الحزب ومن حقهم أن يعيشوا بالطريقة التي يرونها ..
بعدين يا حبوب .. الشي الطبيعي انو يكون في فساد ...
الما طبيعي يكون مافي فساد ودا بتلقاهو في دولتين
تلاته او ما يعرف بي دول اسكندنيفيا ... الحكمة هنا
في وضع قوانين ونظم تظبط الفساد ومعاقبة الفاسدين
قضاءيا" فورا ليكونو عبرة ...
بعدين بتجيب عناوين بوستاتك دي من وين ...
امخاخنا بقت لو ما كشحت ليها المويه الحارة
ما بتجمع ... (خليتا لامن ألقاها) تقراها من أي حته
ما حا تفهم حاجه والعجب كان دخلت وعاينتا جوا
مافي رابط نوهاءي ...
| |
 
|
|
|
|
|
|
|
|
Re: لن نترك جبل الرماة (Re: Salah Zubeir)
|
اوعى يا ابو صلاح تكون عايز توحي بأن الاكل في فندق صاحبك دا لا يتأتى إلّا للفسدة
تكون عاد صاحب اليابا البسوّي اسوأ دعاية لصديقه. ناهيك عن أنك خال التابا 
البشيل حال ود اخته
| |
|
|
|
|
|
|
|
|
Re: لن نترك جبل الرماة (Re: محمد البشرى الخضر)
|
أنا وصاحبي وود اختي طلعنا برا الرصا
وشوف شكل الرفاق الكادحين ديل ...
انا وود اختي ترانا طبقة تحتفي بالبرجوازية
حين تلقانا في طريقنا ... وأما صاحبي زول
أعمال فندق كيف ومطعم بنكهة لبنانية
ويستقبل البرجوازيين والمحتفين بها ضف
الي ذلك لا يمانع إذا جاء الكادحين بي حقهم ...
المنظر الذي فاتك ولم تراهو هو منظر الرفاق
زات برجزه ... هنا فساد المبدأ ... وإذا فسد
الدين حا نتعولق زي ما اتعولقنا قبل كدا ...
اصلنا اتعودنا ... دااااايمن ...
| |
|
|
|
|
|
|
|
|
|
Re: لن نترك جبل الرماة (Re: Salah Zubeir)
|
ههه غايتو يا ودو بالغت
ذكرتني صاحبا لي زمان
ما تغلط تقول ليهو جبت لي شريط فنان الا يعلق فيك ويسكك . ولو لمه ياها شوفتك ليهو تاني
لو متعطر يجيك مخسوس يقول ليك عليك الله ريحنا
خليت القصة كلها ومسكت في ود اختو ههه هو زاتو ماظابط
لكن كمان صلاح بالغ 😆😆😆 المحلات دي بنقرا يافطتها ونحن ماشين بس
قبل الخروج
قال ليهو
امي شافت امك في الانداية
قال ليهو
امي خليها انت امك الوداها شنو 😆😆😆
| |
|
|
|
|
|
|
|
|
|
Re: لن نترك جبل الرماة (Re: عبدالحفيظ ابوسن)
|
ههه حتى انتي يا نعومة 😆😆
انا غايتو في البندر لو اضطرتني الظروف لي اكل برة لو ما سألت من سعر الوجبة او العصير ما بطلب
غالبا بجلى الفكرة
كباية مديدة دخن بي 80 ج كبرت اللفة النفيسة فيها والجيب مابيها 😆😆
| |
|
|
|
|
|
|
|
|
|
Re: لن نترك جبل الرماة (Re: عبدالحفيظ ابوسن)
|
ود ابو سن
زي ما قال ليك صلاح الزبير " انت بتجيب عناوين بوستاتك دي من وين!؟"
غايتو عنوان البوست اليوم اوسكار خمس نجوم ،،،
وبعدين ناس قحت العاملين نفسهم من الطبقة العملة الكادحة ونصير الثوار والمغلوبين على امرهم البيجيبهم في المطعم
البرجوازي ده شنو!!؟؟مش ده استفزاز للناس المساكين الزينا ،،،،مش يكونوا قدوة ،،،،والله خلاص عاوزين يقلدوا زعماء اللصوص
والحرامية في عهد التيه والضلال،،،
ود ابو سن :
لا تتركوا جبل الرماة، وينتصر عليكم لصوص العهد البائد، عهد اللصوص والحرامية واشباههم ،،
| |
|
|
|
|
|
|
|
|
|
Re: لن نترك جبل الرماة (Re: عبدالحفيظ ابوسن)
|
فيهو النكهة واللمسة والطعم اللبناني ... مشينا
وقعدنا إلا نشوفلك جماعة (قحت) ٤ او ٥ أشخاص
وبقيادة الشفيع زاااااتو ... قتا لي الرفيق أخي
غايتو رفاق زمان لا يستثيقون البرجزه ... أما رفاق
هذا الزمان فإنهم يسعون لها ... الماركسية ضربت
في مقتل ... وكالعادة رد علي بأنهم ليسوا بأعضاء
في الحزب ومن حقهم أن يعيشوا بالطريقة التي يرونها ..
بعدين يا حبوب .. الشي الطبيعي انو يكون في فساد ...
الما طبيعي يكون مافي فساد ودا بتلقاهو في دولتين
__________
هههه ،الاكل فى فندق بقى فساد ؟؟؟يا حليلك يا كوز ...شكرا لقحت والشفيع على إعادة تعريف الفساد فى زمن ما بعد الكيزان ..
انا الليلة ذاتى عزمت الحجة معاى فى كنتاكى نمرة ٢والصور فى الطريق عشان الكويز صلاح الزبير يوثق للفساد بمزاج !
| |
|
|
|
|
|
|
|
|
|
Re: لن نترك جبل الرماة (Re: مرتضي عبد الجليل)
|
اصلا" ما قاعد تخذلني يا (دكتور) مرتضي ...
وسع مداركك دي شوية تشوفني انا بتكلم عن شنو ...
إذا نحنا ٣ أشخاص فاتورتنا كانت اكتر من ألفين جنيه ...
يعني بي لغة السوداني البسيط ٢ مليون جنيه سوداني ...
في وجود الرفيق أخي الذي لم يبدي ولو بعض الامتعاض ..
فما بالك بالرفاق في الطاولة القاعديين فيها .. كم من
الملايين يكون دفعوها ... أليس هذا خروج عن المنهج
والدين الماركسي الذي يدين ويحرم مثل هذه التصرفات
البرجوازية ... وين الرفاق ديل من غالبية الشعب السوداني
الكادح والمظلوم البيفطر كباية شاي ومعاها اي حرف
ونصت نهار يديها ٣ بلحات إن وجدت ويرجع بيتو عصرا
عشان ياكل مع اسرتو الوجبة الوحيدة خلال اليوم ...
ما هو الشيوعية دي دين عديييل يا تامنو بيها وتطبقوها
علي نفسكم أول شي يا تخلوها ... اتعولقنا من الكيزان
تلاتين سنة بإسم الدين ... تاني كو ... بس نبقالكم زي
شوكة الحوت كدا ... أها بسطنا ليك الحكاية علل الله
تكون فهمتا يا ربع مخ (دي علي وزن كويز) ...
كلامي دا برضو شرحتو في المداخلة التانية ردا علي
أخونا ود البشرى وبتكون قريتها لكن الفهم قسم :-
Quote: أنا وصاحبي وود اختي طلعنا برا الرصا
وشوف شكل الرفاق الكادحين ديل ...
انا وود اختي ترانا طبقة تحتفي بالبرجوازية
حين تلقانا في طريقنا ... وأما صاحبي زول
أعمال فندق كيف ومطعم بنكهة لبنانية
ويستقبل البرجوازيين والمحتفين بها ضف
الي ذلك لا يمانع إذا جاء الكادحين بي حقهم ...
المنظر الذي فاتك ولم تراهو هو منظر الرفاق
زات برجزه ... هنا فساد المبدأ ... وإذا فسد
الدين حا نتعولق زي ما اتعولقنا قبل كدا ...
اصلنا اتعودنا ... دااااايمن ... |
| |
|
|
|
|
|
|
|
|
|
Re: لن نترك جبل الرماة (Re: Salah Zubeir)
|
Quote: معليش يا صلاح الزبير، تعيش و تأكل غيرها يا بورجوازي.
|
هههههههههه
البرجوازية يا دوك بقت أسلوب حياة الرفاق ...
كل الرفاق العايشين خارج السودان والبلعلعو
بإسم البروليتاريا والكادحين عملت منهم الحياة
البرجوازية عمايلا فيهم ... إشي كرشه من الأمام
وصليب من الخلف دا مظهرا ... أما عن المنهج
والسلوك فقد فاقو البرجوازيين أصحاب الجته
والرأس ... الرفيق أخي يحب ال WW علي
العشاء ... تشوفيهو يفحص في قزازة ال W
تقولي الزول دا عمو جيسكارد ديستان ...
😃😃😃😃😃
| |
|
|
|
|
|
|
|
|
|
Re: لن نترك جبل الرماة (Re: عبدالحفيظ ابوسن)
|
غايتو في موقف طبقي وموقف فكرى من قضايا الحياة
زي مافي بروليتاري مركب مكنة برجوازي
برضو في برجوازي مركب مكنة بروليتاري
والمكنة ماحتقسم تقسيمة هادية الا يكون فيها تناسق وتناغم حقيقي بين المكنة وجسم المكنة
في اقل مطب لو مافي تناسق بتخرخر وتجيب زيت عديل ولا اكلت طارة الكلتش في الوحل 😅😅
الحياة ستمتحن مبادئك ما بتخليك ساي
ولا طابق سلوكك فهمك او خلتك ميطي
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالحفيظ ابوسن
جلالدونا
Salah Zubeir
محمد البشرى الخضر
نعمات عماد
محمد على طه الملك
فيس بوك
تويتر
انستقرام
يوتيوب
بنتيريست