|
Re: لماذا غابت وزيرة الخارجية عن زيارة أمريكا (Re: عمر التاج)
|
الهدف الاول للزيارة هي توطيد العلاقات مع أمريكا، وتوجت بترفيع التمثيل الدبلوماسي الهدف الثاني هو رفع الحظر الاقتصادي المفروض على السودان، وجاري العمل فيه.. الملاحظة ان وفد حمدوك ليس فيه لا وزير العلاقات الخارجية ولا وزير المالية والاقتصاد المسؤولين عن الملفين أعلاه.. في تفسير ولا نفسر برانا؟
Quote: توقعت مصادر أن يجري رئيس الوزراء السوداني عبد الله حمدوك، الذي وصل إلى الولايات المتحدة أول من أمس، لقاءات مع مسؤولين أميركيين في وزارتي الخارجية والخزانة ومجلس الأمن القومي، إضافة إلى وزارة الدفاع ووكالة الاستخبارات المركزية وقيادات في الكونغرس.
وأشارت المصادر إلى أن حمدوك سيلتقي أيضاً رئيس البنك الدولي، ومديرة صندوق النقد الدولية، ويعقد لقاءات في بعض مراكز الفكر ومجالس الأعمال، ويلتقي بالجالية السودانية في الولايات المتحدة.
وكان حمدوك قد وصل إلى واشنطن على رأس وفد يضم وزراء الدفاع، والعدل، والشباب والرياضة، والشؤون الدينية. واستقبل حمدوك بمطار دالاس الدولي بواشنطن السفير دونالد بووث المبعوث الخاص للسودان، والسفير عمر محمد أحمد صديق مندوب السودان الدائم لدى الأمم المتحدة القائم بأعمال سفارة السودان في واشنطن. |
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: محمد البشرى الخضر)
|
Quote: واحب اضيف سؤال عن سبب سفر وزيرة الشباب و الرياضة و ماذا كان دورها |
عليك نووور. ده كنا خاتنو السؤال الثاني، والسؤال الثالث يفترض يكون عن سبب سفر وزير الشؤون الدينية لانه تحت تحت قالوا امريكا مافيها وزيرين بهذين المسمسين.. شكرا ود البشرى ان جعلت السؤالين ممكنين ولا ننسى نقدم المساعدتين التاليتين: الأولى؛ ان لم تكن تعلم الإجابة ومستعجل، اكتب عنوان البوست في قوقل.. حا تمشي وتجي راجع للبوست لانه عم ترامب زاتو مو عارف السبب.. المساعدة الثانية لمن هو غير مستعجل.. نقول في خيارات فترقبوها في المداخلة التالية.
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
Quote: وزيرة الشباب و الرياضة دى تشبة رءيسة الجمعية الثقافية فى الثانوى.. وعلى قول المصريين بتنطط زى فرقع لوز.. |
وزيرة الشباب مشت ترفق بت الروبي لان في عرف السودانيين مافي وفد رجالي بتمشي فيهو مرة واحدة المهم ممكن نقول عبارة عن ترفيع التمثيل النسائي في الوفد غير كده حاجة واحدة تحشر البتين ديل في شغل الارهاب ده مافي.
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
Quote: وزيرة الشباب مشت ترفق بت الروبي لان في عرف السودانيين مافي وفد رجالي بتمشي فيهو مرة واحدة المهم ممكن نقول عبارة عن ترفيع التمثيل النسائي في الوفد غير كده حاجة واحدة تحشر البتين ديل في شغل الارهاب ده مافي.
|
وبت الروبى لزومها شنو؟
غايتو إلا نوع الليس لا عاية وحجاب، لا توب زى التلبسو وزيرة الخارجية
ولو بعدنا الشائعات وتوسمنا خير وأن وزيرة الخارجية فى موقعها فتبقى وزيرة خارجية شاطرة وعارفة الزيارة ما فى ليها لزوم والعقوبات ما حتترفع .. ومسألة رفع درجة التمثيل لسفراء فتحصيل حاصل، وكان متوقع وحيحصل، فقط توقيت إعلانه الأمريكان حنوا على حمدوك ووفده فأدوهوا حاجة تحفظ ماء الوجه يغنى بيها بدل الخيبة وفشل الزيارة وغياب عن السودان 10 أيام!
سفير أمريكى بالسودان مقرون بإستمرار العقوبات .. أخير تعمل ليك علاقة سفراء مع بلاد الواغ واغ
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: muntasir)
|
الله يكرمك بالخير ويفك زنقتك يا بشه .. شلنا حالك ساي يوم مقعدنك جنب الشيخ الصغير في حلبة جزيرة ياس للفورمولا ... حمدوك لا قابل طرمبيتا لا نايبو مع إنو التاني قاعد ... ولا قابل وزير الخارجية ولا نايبو مع إنو التاني قاعد ... ياخي حتي بيلوسي المكعبرة دي ما قابلا ... يظهر القابلم كلهم من موظفين الصف التالت في وزارة الخارجية والخزانة ... لم أري له اي صورة او فيديو مع أيا من موظفي الإدارة الكبار ولا حتي الصف التاني ... يا دي الخيبه ... نبدأ نحسب ليهو .. دي الزيارة التانيه لي أمريكا الأولي عومرة والتانية حجه كامله (وكلو علي حسابنا) ولم يستطيع يقابل (الملك عبدالله) ... تقول لي الكيزان مرمطو بي كرامتنا الواطه ... ههههاي كيفنك يا عمر ...
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: muntasir)
|
سلام منتصر
Quote: سلام نادر انت ما شفتها لا سمعتها وعرفتها ما لابسة لا عباية لا حجاب |
العباية والحجاب يا ابوي كانت لابساهن في بلدها عشان تلبسهن في امريكا؟ بت الروبي رافقت حمدوك في اغلب رحلاته الخارجية وبشكلها المعروف للجمهور البشجع اللعبة الحلوة المهم في الامر يقال أنها موظفة سابقة في البنك الدولي ومن الممكن ان تساعد حمدوك في بعض شانه الدولي بس سفر وزيرة الرياضة دي فعلا محير، اللهم الا مشت تبلغ عن الإرهابي عبد الحي يوسف أو ينطبق عليها كلام اخونا عاطف عمر ده
Quote: في كاتب مقال اسمه ثروت قاسم مغرم باستدعاء اسم الوزيرة في مقالاته تصريحاً وتلميحاً قال ليكم الوفد تم اختياره بواسطة المبعوث الأمريكي!
|
اذا صح هذا الكلام فهو خطير ويشئ بأن الأمريكان سيتعاملون مع مسميات صنعوها مسبقا لشئ في نفس ترامب ..
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
ود الأصيل ليك وحشة والله
Quote: مدة و الله من بوستاتك بنكهة البن الحبشي. بالذات أسئلتك دي لمَّاحة و لا تخلو من براءة الذئب. و عندي كلام اكن بمش و راجع ليك. |
المرة دي البوست حايكون بنكهة الشربوت والكأس في البوست على مسؤولية شاربه خليك قريب ، أفضى لي وبفضى ليك ..
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
ود الزبير نحن جايين نهدي النفوس
Quote: مدوك لا قابل طرمبيتا لا نايبو مع إنو التاني قاعد ... ولا قابل وزير الخارجية ولا نايبو مع إنو التاني قاعد ... ياخي حتي بيلوسي المكعبرة دي ما قابلا ... يظهر القابلم كلهم من موظفين الصف التالت في وزارة الخارجية والخزانة . |
كيفنك يا صديق .. الزيارة المقررة بانها ستة أيام حسوما الظروف ما ساعدتها .. وربما لو كان الوفد صبر ثلاثة شهور أخرى ظبط فيها أموره بالداخل كانن مؤشرات التجاح حا ترتفع .. لكن نرجع لموضوعنا ، لماذاغابت وزيرة الخارجية في هذه الزيارة رغم أن غرض الزيارة يقول انها يفترض تكون ثاني اثنين اذا سافرا لأمريكا فهل رفضها الأمريكان كما قال الأخ عاطف عمر تحت .. وهنا يبرز السؤال الموازي : لماذا لم تكن في رحلة اثيوبيا قبلها بيومين؟ أم هل رفض صحبتها حمدوك كما قال عبد المنعم بيجو قبل أيام ؟ أم هل رفضت هي وقالت أخير أحرس شنطتي دي هنا وأتيح الفرصة لواحد تاني يمشي يتفسح في أمريكا ويتجول مع ناس الاصم وسلك ود.مروة وماما أميرة؟ أم هل... (الفرضيات لسه مابدت يا جماعة، منتظرين أهل الاختصاص أولا ..
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
يا ود الزبير قابل وزير الخزانة ياخ ، بعدين تغريدة بومبيو و قولة ما معناه سعدنا بالزيارة وارجاع السفراء زي القابله انت بيض النية اما اهم مقابلة و الساقوا ليها وزير الدفاع مخصوص فهي مقابلة مديرة السي آي إيه ودي الفيها الزبدة وأكان في رفع عقوبات سيكون بسبب الاستجابة و تنفيذ ما طرحته من مطالب قول خير انت بس
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: walid taha)
|
ماقلنا حاجة عن عموم الوفد يا وليد فليكن فيه وزير الأوقاف ووزير الشئون الدينية ووزيرة الرياضة لحكمة لا يعلمها الا الله سبحانه وتعالى ولكن المنطق يقول يفترض وزيرة الخارجية تذهب معهم واذا المقاعد ضيقة أو التكاليف زائدة تقعد وزيرة الرياضة أو بتاع الشئون الدينية والأوقاف خاصة أنه ماعندنا أوقاف في أمريكا ،وأن الزيارة مختصة بالعلاقات الخارجية أكثر من الدين والشباب وبعودة لمداخلة ود البشرى الأخيرة
Quote: قابل وزير الخزانة ياخ ، بعدين تغريدة بومبيو و قولة ما معناه سعدنا بالزيارة وارجاع السفراء زي القابله انت بيض النية اما اهم مقابلة و الساقوا ليها وزير الدفاع مخصوص فهي مقابلة مديرة السي آي إيه |
المفترض يجتمع مع مديرة السي آي أيه هو مدير الأمن والمخابرات والمفترض يجتمع بوزير الخزانة يفترض يكون وزير المالية والاقتصاد والوزيرين ما كانوا ضمن الوفد الزائر فهل أنجزت وزيرة الرياضة ووزير الدين هذه المهام أيضا؟ تبقى مصيبة ياوليد ..
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
تصريحات حمدوك باستعداده لعمل تسويه مع ضحايا تفجيرات نيروبي والمديرة كول دي كمان مصيبة جديدة ولو كانت معاهو حاجة اسماء كان ممكن تقرعوا من هكذا تصريح.. هذا التصريح بمثابة اعتراف صريح بضلوع السودان في الحادثتين.. وبدل ماكان وزير المالية يمشي يعفى لينا كم مليار من ديون السودان مشي وزير الدين مع حمدوك وجونا بحزمة مليارات سالبة، عبارة عن ديون جديدة.. . . ود الاصيل قصتك معبرة والله وجميلة.. بس لو جانا بكرى وطلب إيضاح للعلاقة بين القصة والبوست انا بره. هههه
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
Quote: المفترض يجتمع مع مديرة السي آي أيه هو مدير الأمن والمخابرات |
ما شرط يا قريبك, القصة ما تبادل معلومات و نقاش نظراء, القصة وما فيها للرفع من القائمة في متطلبات معينة عملتوا أو ح تعملوا فيها شنو!
بالنسبة لتسويات قضية اهالي ضحايا المدمرة و السفارتين الموضوع ما محتاج اعتراف ولا غلاط, اولريدي المحكمة حكمت و السودان ضيّع فرصته في الدفاع
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: عمر التاج)
|
أخى عمر لا حجر على رأيك لكن أعتقد حمدوك ما تايه عن ضرورة وجود وزيرة الخارجية فى هذه الزيارة من عدمه طالما ما فوضناه فلنترك له حرية إستخدام (التكتيك) الخاص به ، الذى ليس بالضرورة أن يفصح لنا عنه على الأقل فى الوقت الحالي . ننتظر النتائج إن خابت ، بعدها يمكن أن نضعه فى كرسي ساخن عن جدوى إصطحاب وزيرين فى زيارة ليست لهم فيها ناقة ولا جمل .
ما تنسى إنو الرجل (بحاول) .
تحياتي ،،
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: walid taha)
|
Quote: سلام نادر انت ما شفتها لا سمعتها وعرفتها ما لابسة لا عباية لا حجاب
|
هو الشوف إلا كل يوم .. شفتها يوم أول مؤتمر صحفى فى السودان لحمدوك .. حايمة تدى المايك من زول للتانى. وفى الصور مع ستاف مكتب حمدوك. بتلبس لبس محترم لكن ما توب. أكيد لو جات أمريكا حتكون عملية وما تلبس توب إلا إذا كانت مناسبة من نوع خاص فيمكن تلبس التوب.
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: مرتضي عبد الجليل)
|
ها الشيوعي الخايس دا .. بي مناسبة القرابة .. كدا فتحتا لي حساب ارشك وأرش عقاب أهلك ... بعدين بما أنكم والكيزان بتعرفو بعض وبتحبو بعض كويس ... لييه (بتتمني) لي بشه البواسير وليس سرطان القولون مثلا ... ومن الحب ما يفضحكم ... وكمان يشيل ويوصف في علاج البواسير ... الفرق بيني وبينك زي الشمس لي الواطه ... إتا شيوعي حاقد وغبي بتفتكر أي معارض لي شيوعيتك هو كوز ... يعني بتفتكر السودان والسودانيين الما شيوعي فهو كوز ... الترابه في خشمك .... وبعد دا أرجي الراجيك ... أظنك مذكر الوصية دي :- Quote: ونصيحة مني ليك ساعة تجي طاير جوز في زول أقفل رجليك بي إحكام عشان ما تتعوق ... |
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: Salah Zubeir)
|
يا حبّة اكتشفت أن السيدة الوزيرة ومعها وزير الري في مهمة في الولايات المتحدة متعلقة بمفاوضات سد النهضة يبدو انها لم تسافر في وفد حمدوك ربما للموضوع دا, لكن طبعا بجيك متلقّي حجج اسّي يقول ليك المشكلة شنو كان تسافر معاه وتقعد ترجى وزير الري للمهمة التانية هي نان التعب لزومو شنو تفارق بيتها وبلدها قدر دا خلاص ولاء بتسد فرقتها
المهم احضروا الندوة دي و لو سمعتوا التعقيب عليها من احد السودانيين الأمريكان ما عرفت اسمه تشيلو هم لي سد النهضة حسب كلامه ح ينهار خلال خمس سنوات ودا امر منتهي
| |
|
|
|
|
|
|
Re: لماذا غابت وزيرة الخارجية عن زيارة أمريكا (Re: محمد البشرى الخضر)
|
والله وزيرة الخارجية ديل موديل 1970 دايرة درس عصر في السياسة الدولية في زمن بريكس وامريكا قد دنا عذابها
Quote: عولم وعيك:السودان في متاهته https://up.top4top.net/ المشهد السياسي الوطني والاقليمي والدولي باختصار 1- المستوى العالمي : مدرستين عالميتين امريكا صدام الحضارات ×الصين طريق الحرير 2- المستوى الاقليمي دلالين المشروع الامريكي في العالم العربي والاسلامي هي مصر والسعودية والامارات × قطر وتركيا =صراع زائف ومدمر ودمر العراق وسوريا واليمن وليبيا وايران تلعب دور الجوكر من ورا حجاب 3- المستوي الوطني السودان دولة وحضارة وبعرف لديمقراطية من 1938-1956 واجهضتها كل الانقلابات القذرة من 1958 و1969 و1989 و2019 دي كلها انقلابات وليس ثورات اطلاقا الثورات في السودان المهدية طلعت الاتراك 1885بقوة السلاح المهدية 2 طلعت الانجليز بالانتخابات 1956 وقوة الديمقراطية المهدية الثالثة تحرر السودانيين من شنو المزمنة والعروبة المزيفة وفرسانها محمود محمد طه وجون قرنق ورؤية الحركة الشعبية وليس ايتام الترابي انقلاب 1989 محور قطر تركيا او ايتام بابكر عوض الله مايو 1969محور مصر السعودية الامارات وثورة تسقط بس والخواء المزخرف ودي الخارطة السياسية في الثلاث مستويات وشوف واعتبر الثورة السودانية القادمة ثورة وعي وبصيرة فقط وليس ثورة شعبية وهي قادمة لا محالة وتبدا بي حركة بسيطة ((ترفع علم الاستقلال 1956 فقط في 1يناير 2020))في بيتك ****" ازمة اعلام ق ح ت الان :
لمن تشوف تلفزيون ق ح ت واذاعة ق ح ت الرايح ليهم درب بعرضو فكر الاستاذ محمود والدكتور جون قرنق بصورة مباشرة في التلفزيون للشعب السوداني كفاحا ودون واسطة بصورة مباشرة وواعية بتكون الثورة بدت فعلا كما هو في الصورة اعلاه ... الحزب الجمهوري= اسس دستور السودان 1955 المفروض يطلعو عليه ناس ق ح ت ديل اول حاجة وايضا رؤية جون قرنق الاصل2005-2010 دستور نيفاشا والمحكمة الدستورية قبل ناس ق ح ت يخترعو العجلة بي الاعلان الدستوري الفطير 2019 الذى لم يستوعب حتي ارزقية الهامش والحركات المسلحة النصها موية... في السودان الواضح ما فاضح ((الفدرالية والحكم الاقليمي للامركزي باسس جديدة هو الحل)) |
الازمة مستمرة يا عمر التاج
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|