|
|
|
 Re: للاسف ياحمدوك (Re: عبدالحفيظ ابوسن)
|
سلام عليكم
حمدوك ضيع فرصه انو يكون قائد ثوره حقيقى يوضع مع رموز الثورات الكبرى فى العالم
لم يعمل على توحيد السودان خلفو - لتحقيق برامج مرحله الانتقال - فى خطوه تتجاوز تناقض المجموعات السياسيه ظهير السلطه الانتقاليه
شخص يبدا فتره حكمو بجوله خارجيه ويترك الداخل بتغول الغسكر على السلطه ووزير كان حتى اخر ايامو موظف (بطابع سياسى) فى حكومه البشير
لم نرى تحقيق ماذكر فى اول لقاءاته عن روشته سودانيه لحل الشكل الاقتصادى بدلا عن وصفه المنظمات التقليديه
| |
 
|
|
|
|
|
|
|
 Re: للاسف ياحمدوك (Re: Asim Ali)
|
للاسف ياعاصم
متواضع القدرات وديماجوجي يكرر نفس الاسطوانة كل مرة
كنا نحتاج لرئيس وزراء اغبش من داخل السودان يحس بنا ويعرف ادق تفاصيلنا
| |
|
|
|
|
|
|
|
|
|
Re: للاسف ياحمدوك (Re: احمد حمودى)
|
الحقيقة المرة قدام الجميع
لا حمدوك عنده رؤية ولا ق ح ت الجابتو عندها رؤية رجعو بعاعيت مايو بالمحاصصة
كان يمسك فقط في مشوار الحركة الانقطع في 2010 بسبب فهلوة هذه القوي السياسية المزمنة والمدمنة للفشل
يا اخ الحد الادني يرجع الي دستور 1974 والحكم الاقليمي اللامركزي ويخلي الشعب يتحمل مسؤلة خياراته الانتخابية حاكم اقليم وبرلمان اقليم بدل يلوث نفسه بي المحاصصة
برنارد شو قال
لا تصارع الخنازير في الوحل ستتسخ انت وستفرح الخنازير
وهذه هي ازمة حمدوك والسودان نفسه
الرؤية الفدرالية الحقيقية في دستور 2005 ودستور 1974 يلزم بها الجنرالاات ديل ويختهم في مواجهة الشعب
يزحو من محور مصر السعودية والامارات المفضوح والقبيح
ويزح هو من ق ح ت وايتام الترابي في الشعبي ومحور قطر تركيا الاكثر ابتزل
ويرجع لي المشاريع الوطنية في حدود سودان 1يناير 1956
فقط الحل في الداخل وليس في الخارج ولا جدوي ابدا من السيرك المدور في جوبا مع متسكعين الجبهة الثورية
| |
|
|
|
|
|
|
|
|
Re: للاسف ياحمدوك (Re: Mutasim Idris)
|
زول جابوهو و ادوهو حالة ميئوس منّها و قالولو انفخ فيها الامل
و مع ذلك اهل الحالة لا يخلون من غتاتة و حفر الحفر فى طريق الزول
كدى بس عاينو لى موضوع بنك السودان
قبل اللقاء مع عثمان ميرغنى و بعدهووووووو
لو بقيتو ما واعين لى ججم مشكلة البلد الاقتصادية تبقى مشكلة
لو بقيتو ما واعين للعراقيل التى تتعترض مسير الرجل تبقى مشكلتين
لو بقيتو ما واعين لحركات الحركات المسلحة التى تثقل كاهل الرجل تبقى تلاتة مشاكل
... كدى واحد فيكم يدينى سبب مقنع لى اصرار الحركات على تأجيل قيام المجلس التشريعي و تعيين الولاة
غير انو دايرين نصيبهم من الكعكعة ....
لو انتو ما واعين بى اثر كل هذا على مجابدة الرجل فى توفير معايش الناس تبقى اربعة مشاكل
السؤال هو شنو القدمناهو للرجل ليحقق احلامنا
غير شكرا حمدوك
كدى بس عاين لى دى
المغتربون و المهاجرون شنو الاتغير بعد الثورة فيهم لدعم مسيرة الرجل
للاسف لا زالت تحويلاتنا تتم عبر السوق الاسود و هى المغذّى الرئيسي لهذه السوق
و المدمّر الاساسي لاستقرار اسعار السلع
هوجة دعم الاقتصاد و دولار الكرامة حصل فيهن شنو
مشكلتنا كلنا خاتين ايدينا فوق جضومنا بلا فعل حقيقى و منتظرين الزول ده يعمل كل حاجة براهو
و كان عملو ما عجبنا نسل سكاكينّا للسلخ
____
التغيير المطلوب لا يتم الا بحركة مجتمعية ايجابية و ليس بمجهود زول واحد
اب سن و معتصم و غيركم
وكت ماكن قادرين تساعدو الزول ده امسكو لسناتكم عليكم
و شوفولكم ضل امشو عليهو
و الزول ده قدر البسويها نحنا راضين بيها و مبسوطين كمان
| |
|
|
|
|
|
|
|
|
|
Re: للاسف ياحمدوك (Re: جلالدونا)
|
داعمنو يا جلال
ووقفنا معاهو بالتأيد والتصدي لمن حاول النيل منه
نحن جوة لاعندنا دولار ولا جنية كرامة
وثقنا فيهو
واتحدينا كل الناس عشانو
نحن ما آلهة يا جلال
نحن بشر
يخطو خطوة واحدة صحيحة يطمنا بيهو
قرار ثوري ملموس
ولا يقول لينا
عووك احمو الثورة
بنحميها
لكن البسوى فيهو دة ما بشاير خير
تعال لينا جوة هنا وشوف حالنا
نحن ما آلهة عندنا اسر وواجبات مسؤولين منها
حياتنا تقسو يوما بعد يوم دون امل
لو اداني امل كان تحملنا
| |
|
|
|
|
|
|
|
|
|
Re (Re: جلالدونا)
|
سلام عبدالحفيظ ولضيوفك الكرام
صدقني د. حمدوك يمشي ويعيش في حقول ألغام وليس حقل.
وضع السودان منهار سياسيا واقتصاديا مع انعزال تام عن المجتمع
الدولي، يمكن المشكلة الوحيدة ان رئيس الوزراء يكون أفضل أن كان
رجل سياسة وعليم بدروبها ومتاهاتها.. اعتقد هذا ما ينقص حمدوك
عشان كده الرجل يحتاج لمساعدة من قحت برفده بمستشارين وطنيين
لاعانته على اتخاذ القرارت الصعبة.
لكن الرجل ماشي في السكة وسيعبر بالوطن مهما كانت
التحديات.
| |
|
|
|
|
|
|
|
|
|
Re: Re (Re: Ali Alkanzi)
|
يا دكتور احمد امين
اراك تقول:
Quote: سلام عبدالحفيظ ولضيوفك الكرام
صدقني د. حمدوك يمشي ويعيش في حقول ألغام وليس حقل.
وضع السودان منهار سياسيا واقتصاديا مع انعزال تام عن المجتمع
الدولي، يمكن المشكلة الوحيدة ان رئيس الوزراء يكون أفضل أن كان
رجل سياسة وعليم بدروبها ومتاهاتها.. اعتقد هذا ما ينقص حمدوك
عشان كده الرجل يحتاج لمساعدة من قحت برفده بمستشارين وطنيين
لاعانته على اتخاذ القرارت الصعبة.
لكن الرجل ماشي في السكة وسيعبر بالوطن مهما كانت
التحديات. |
كان يعتذر زي ما اعتذر من حقيبة وزارة المالية ايام العهد البائد
هو قبل التحدي وكان يكون قدرو
ويوفي بعهده
| |
|
|
|
|
|
|
|
|
|
Re: Re (Re: Ali Alkanzi)
|
يا كنزي اسمعها مني
عسكري بحكم تاني مافي
وبرضو
ماعيب نقول جيعانين وكدة بنموت قبل تتحول مدنية كاملة
بنموت بالجوع والمرض
| |
|
|
|
|
|
|
|
|
|
Re: Re (Re: عبدالحفيظ ابوسن)
|
Quote: كنا نحتاج لرئيس وزراء اغبش من داخل السودان يحس بنا ويعرف ادق تفاصيلنا
|
اي زول عاقل من الاول عارف الكلام ده
ما رئيس وزراء بس حكومة كاملة مفروض انها مولودة من رحم الثورة
مش جيبوا لينا الشغالين في البنك الدولي عشان صندوق جعم الطلاب يبقي زيو
الناس تستفيد من جو الحريات السنتين الفضلو
| |
|
|
|
|
|
|
|
|
|
Re: Re (Re: Gafar Bashir)
|
شكرا
احمد
عادل
معتصم
علي
جعفر
نحن والله بالنا سلبة كنيران المجوس
لكن كمان بقولو
المطر من رشتو والعريس من بشتو
| |
|
|
|
|
|
|
|
|
|
Re: Re (Re: Gafar Bashir)
|
Quote: التغيير المطلوب لا يتم الا بحركة مجتمعية ايجابية و ليس بمجهود زول واحد
اب سن و معتصم و غيركم
وكت ماكن قادرين تساعدو الزول ده امسكو لسناتكم عليكم
و شوفولكم ضل امشو عليهو
و الزول ده قدر البسويها نحنا راضين بيها و مبسوطين كمان |
يا جلال سلامات..
حمدوك خزل الشارع.. عنده صلاحيات رئيس جمهورية بالوثيقة
الدستورية عملها كلها سفر وسياحة و تفكيك الكيزان بالشوكة.
كون فريق عمل اختاره فشل في تحقيق امنيات ومطالب الشارع.
التاريخ ما برحم يا جلال وحمدوك ليه حرة اختيار مكانه منه.
المليونيات كانت بتطلع (لدعمه) , اما مواكب اليوم في عطبرة
خيّرته بين التنفيذ الفوري او التصعيد. وبقية اللجان في الصف.
لجان الاحياء قلنا مااااااا بنقدروا. التجمع فهمها متأخر
واهو بحاول يفتش علي مجده الضيعوا..
الشوط الثاني من الثورة علي الابواب..
الكيزان.. شوفوا ليكم جبل اوي اليه.
| |
|
|
|
|
|
|
|
|
|
Re: Re (Re: Mutasim Idris)
|
واحدة من اشكاليات الكيزان الدفاع الاعمي عن الحكومة
اي كلام او نقد ليها تتخت في خانة العدو
والدفاع بتاع المكاواة والغيظ
لامن انقد الحكومة بنقدها بشواهد موضوعية وما بتكلم ساي
نقدها لا يعني ضدها
| |
|
|
|
|
|
|
|
|
|
Re: Re (Re: عبدالحفيظ ابوسن)
|
حبيبنا ود اب سن
والله حمدوك الا عصاه موسى معاه حتى يتخارج من بلاوى الكيزان ديل
يا اهلنا لينا ثلاثين سنة فى حكم فى ممكلة الجن ما موجود
اتفق معاك ان حكوكتة مازالت مولودة ولم تقدم بالمستوى المطلوب وكان عليه الاستفادة من الشعب الذى خلفة سدا منيعا لكن لاننسى ان معة كمية من العساكر تشد فى الجانب الاخر وهم كذلك يدعون انهم شركاء فى الثورة وهذه غلطة قحت التى يصعب علاجها
المهم نصبر ونشوف الايام القادمة ماذا تحمل لنا ونسال الله يفرج على اهلنا
مع تحياتى لك ولضيوفك الكرام
| |
|
|
|
|
|
|
|
|
|
Re: Re (Re: عبدالحفيظ ابوسن)
|
حبيبنا ود اب سن
والله حمدوك الا عصاه موسى معاه حتى يتخارج من بلاوى الكيزان ديل
يا اهلنا لينا ثلاثين سنة فى حكم فى ممكلة الجن ما موجود
اتفق معاك ان حكوكتة مازالت مولودة ولم تقدم بالمستوى المطلوب وكان عليه الاستفادة من الشعب الذى خلفة سدا منيعا لكن لاننسى ان معة كمية من العساكر تشد فى الجانب الاخر وهم كذلك يدعون انهم شركاء فى الثورة وهذه غلطة قحت التى يصعب علاجها
المهم نصبر ونشوف الايام القادمة ماذا تحمل لنا ونسال الله يفرج على اهلنا
مع تحياتى لك ولضيوفك الكرام
| |
|
|
|
|
|
|
|
|
|
Re: Re (Re: عبدالحفيظ ابوسن)
|
دي كلها انقلابات رخيصة 1958 و1969 و1989 و2019
وجماعة مايو 1969 الشيوعيين وابعثيين والناصريين وجماعة الترابي انقلاب 1989
لا يشكلون ابدا رؤية 95% من الشعب السوداني حتي تخر انتخابات 2010 رغم التزوير
كلها بضاعة وافدة ############ة ومفروضة بالمحاصصة او الانقلاب بن عوف او البرهان حميدتي
وجدعو دستور 2005 واتفاقية نيفاشا والمحكمة الدستورية
هل ق ح ت والعسكر ديل
هم انظف واو وعي واذكي ناس ومشاريع في السودان ؟؟؟
من 2010 قلت في البورد ده
الثورة الحقيقية تزحنا من الوضع المخذول في العالم العربي وجامعة الدول العربية ونظمة الون مان شو وقرود السيرك الامريكي الخمسة ديل بالذات مصر والسعودية والامارات وقطر وتركيا
وترجع الاقاليم ورؤية دستور 1974 ودولة جنوب السودان فقط
غير كده لا ثورة ولا هم يحزنون والزمن بينا
لمن تصلو الميس قريب بتجو تشوفو الدرب الابيتو ده
https://top4top.io/
الصراع بعد الاستقلال اصلا بين
الدولة المركزية المجرمة × الدولة الفدرالية المحترمة
ودسنور 2019 ده بتاع ساطع الحاج والسنهوري وصديق يوسف اعادة تدوير الدولة المركزية وفي 18 ولاية بالتعيين والمحاصصة
وصطدمو بي 5+18 جنرال بعد زح البشير
والعمدة فار صار مية عمد
لبوة واسد
جمعة واحد
تقول دي سعاد هسة؟؟؟؟
هسة لو اصرو علي الاقاليم والغاء الولايات 18 من اول المفاوضات كان ممكن تحصر الصراع في الخمسة اقاليم وتواجه الجميع بالانتخابات الاقليمية باسس جديدة حاكم اقليم وبرلمان اقليم والشعب مصدر السلطات وده كان حرر 95% من الشعب السوداني فعلا من حثالة المركز المجرمة ...
الله يرحم الدوش والله
انتهازية ق ح ت والمحاصصة لوثنم مع الانقاذ
والحديث ذو شجون
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالحفيظ ابوسن
Asim Ali
احمد حمودى
adil amin
Mutasim Idris
جلالدونا
Ali Alkanzi
Yousif A Abusinina
فيس بوك
تويتر
انستقرام
يوتيوب
بنتيريست