|
|
|
 Re: لحماية موكب 6 ابريل يجب علينا إتباع الخطوا (Re: بكرى ابوبكر)
|
تنبيه هااااام :
الكلام كتير لكن ضروري تقروهو ...
بخصوص موكب ٦ ابريل دا موكب مركزي يعني مافي حاجه تخليكم تعملوا موكب في الحي او المنطقة ...
لااااااازم نمشي المكان البحددو التجمع وإذا لقينا كلاب الحكومة قاعدين طوالي نمشي المناطق المحيطة ونكون قراب وننتظر لحظة الصفر والساعة البحددها التجمع ...
وفي حاجه لازم الناس تنتبه ليها إنو موكب ٦ ابريل جايين ناس من الولايات ومن بره السودان مخصوص لليوم دا ومعناها في كميييه بتاعت ناس حيكونو في المنطقة أو حولها ، عشان كدا لازم كلنا نتوكل على الحته البحددها التجمع وإيااااكم تفكروا تعملوا موكب داخل الأحياء لأنو كدا التعب دا كلو حيضيع وما حتكون مليونية زي ما دايرين .
- ناس الشجرة اوووعكم تعملوها في الحله ، الكتمه مركزية وكبيرة مع اخوانكم من كل السودان .
- حبايبي ناس البراري الغنجه المرة دي لوكال يعني تيم مشترك تمام ؟😊
- كومرنا القديم الأصلي ناس بيت المال ود نوباوي وابروف وسوق الشجرة الشغل دا قدام هناك والترس بتاع السلك الشائك خلو في محلو وتعالو هناك عندنا كلام مع الجيش .
- اهل الواطة الشمباته طبعا ما محتاجين وصية وزي ما عارفين الكتمه المره دي كوووبيييره وفيها لاعبين قدام واشبال وناشئين واتيام نسائية عشان كدا غنجة الحلة خلوها تعالو نغنج هنااااك اتفقنا ؟ 🙂
- كيكي سيتي ناس الجيرمان اسمعوني شفتو تعالو كلكم وجيبو الجيرمان بتاع ترهاقا ذاتو معاكم على شرط ما يقوم يتحمس يعضي لينا صلعة زول كدا ! خلاص ؟
- ناس الهجمات المرتدة والبوسترات الإنترناشونال طبعا عارفين روحكم شفتو نفس المرتدة بتاعت سوق ليبيا دايرين نعملا بغادي هناك مع الفرد ناس كيكي والسم الهاري كلنا سوا في المحل القالو التجمع .
- الدروشاب ناس الدرش ودق العيش الغنجه يوم ٦ زي ما قلنا مع الجماعه تمام ؟😉
- ناس الرياض القام بالليل عارفين واللا اوريكم 😂
- جاني طيفو طائف ناسي الزمان الما اتغيرو ، قريتو الشغل دا ☝ صاح ؟ يلا هناك بس
- الناس الجو ورا وركبو قدام ناس الرميلة شفتو الشغل العملتوهو في الحلة دا تجيبوهو كلو وتجونا نكتما في راس زول هناك ✊
- ملوك الزح الصحافات كدي وروني انتو بعد موكب ٢٨ تاني يوم صحيتو عادي ؟ ياخ عيني بارده تبارك الاه شايلنها من ميدان الشهيد محجوب في الصحافة للشجرة الحماداب يا مفترين ! المهم تعالو نزح يوم السبت سوا والزحاح يزح الفقر القاعد ٣٠ سنة دا ! اتفقنا ؟
- جبببرة شوفو هوي يوم ٦ حنك اليحي ما معانا الحنك المرة دي اليموت بس هناك قدام ✌
- الثورااااات شارع النص شارع الوادي كلكم تجو هناك اوكي ؟
- جحفان 😈 ناسي وجلاسي شغل رستكة مامعانا التجمع قال نهاك يعني نهاك مادايرين دفن دقن دسيس ؟
- عباسية النار الحية شفتو إنتو بالذات تجو اول ناس خلاص ؟✌
- عد حسين الناس الرايقين الشغل المرة دي كوووبييير هناك قدام بس ، الغنجةما في الحلة لالا تعالو لينا هناك 👍
- المهندسين ناس الكتمات ياخ ، يلا زي ما عارفين المرة دي الكتمة وين واووووعا تغنجو براكم تعالو لينا هناك ظريف ؟ ✌
- المعموره النحن بندورا ازيكم ، يلا الحنك المرة دي ما لفة جوبا ولا ال ٦٠ الشغل دا لازم يكون هناااااك ✌
- قوم بينا العمر رحلة 😍 الشفاته ناس الرجم واكل البمبان المزاد رفارف قلبي ياخ ، شفتو تلحقو ما تجونا هناك والله بقطعوا معاكم وبسوق منكم صاحبي خالد وريتكم .
ياخ فترت 😁 تاني في منو عشان ما انسى زول
اي اي ياخ الناس الساكنين محل الحكومة مخزنة قروشنا ناس المقرن 😍 هناك هناك ✌
وإنتو يا ناس العزوزاب برضو
كووووبر الحلوين نحن راجنكم هناك ✌
وحلفاية الملوك حبايبنا ياخ
وحلة خوجلي .
وناس الجيلي بالله بدري .
المهم يا ناس إتخيلوا الكتمة بإذن الله حيكون فيها أمة لا إله إلا الله دي كلها حيكون المنظر كيف 😈
انا ما بقدر اقول ليكم حتسقط في اليوم دا لكن بقول ليكم في زول بقول واي صحي صحي
عشان كدا لازم كلنا نستعد لليوم دا وكمان لازم محل حدد التجمع عشان ما نتشتت وتعبنا يضيع .
* الناس الجايين من الولايات شفتو الزول البتنزلوا معاهو دا تجيبوهو في طرفكم اوعي تخلوهو في البيت ✌
يلا يا ناس فتكم بعافيه وابقوا كتاااار
وأي زول يشتغل استعداد وإعلام وتوعيه ويعمل البقدر عليهو واضعف الإيمان توعي الناس الحولك وتأكد ليهم إنو السودان كلو جاي ، ومنتصرين بإذن الله ✊✌
شييييير كتيييير عشان يصل الناس
#تسقط_بس
#مليونية6ابريل
#مدنالسودانتنتفض
احمد المصطفى
| |
  
|
|
|
|
|
|
|
|
Re: لحماية موكب 6 ابريل يجب علينا إتباع الخطوا (Re: بكرى ابوبكر)
|
سلام يا بكري
Quote:
6/ حماية المتظاهرين لبعضهم البعض للحد من الاعتقالات الضرب وذلك بالتكتل والمحافظة على وحدة الصف |
Quote: لااااااازم نمشي المكان البحددو التجمع وإذا لقينا كلاب الحكومة قاعدين طوالي نمشي المناطق المحيطة ونكون قراب وننتظر لحظة الصفر والساعة البحددها التجمع ...
وفي حاجه لازم الناس تنتبه ليها إنو موكب ٦ ابريل جايين ناس من الولايات ومن بره السودان مخصوص لليوم دا ومعناها في كميييه بتاعت ناس حيكونو في المنطقة أو حولها ، عشان كدا لازم كلنا نتوكل على الحته البحددها التجمع وإيااااكم تفكروا تعملوا موكب داخل الأحياء لأنو كدا التعب دا كلو حيضيع وما حتكون مليونية زي ما دايرين . |
| |
|
|
|
|
|
|
|
|
|
Re: لحماية موكب 6 ابريل يجب علينا إتباع الخطوا (Re: Yasir Elsharif)
|
لابد من إثبات بيان إعلان قوى التغيير والحرية الأخير لهذا اليوم في هذا البوست :
حزب المؤتمر السوداني
4 Std. ·
#بيان مشترك
أمام الجمع الحشيد
أقيف وأقول النشيد
في مواكب 6 أبريل
جيشنا: لا زال الأمل باقٍ.. وثائرون حتى تمام القصيد
إن موكب 6 أبريل هو موكب السودان الوطن الواحد ما قد كان وما سيكون، الوطن الذي كان وما زال تحت ربقة الظلم والهوان، بسبب نظام الاستبداد والقهر والظلم لكل القطاعات وكافة الفئات بما فيها القوات المسلحة إلا من طأطأ وتذلَّل، وأما ما سيكون فهو بعد صناعة التغيير الذي نأمل أن نتم به ومعه القصيد.
موكب السودان الوطن الواحد يستلهم ذكرى عزيزة على قلوب السودانيين؛ المدنيين ممن سيّروا المواكب المطمئنة، وهتفوا: جيش واحد شعب واحد، والعسكريين الذين كانوا في طلائع صُناع المجد من الجنود وضباط الصف وكبار الضباط بانحيازهم للشعب والنزول عند رغبته في التغيير.
يأتي رهاننا على الجيش في دعم التغيير، ليس مناورة أو تمويهاً، ولكنه رهان يستند على إصرارنا في الاستمرار على درب ثورتنا في سلمية تحميها القوات المسلحة، خادمة الشعب ومنجدة الوطن في النكبات.
لقد نُكب الجيش بهذا النظام، فحاول نزع استقلاليته التي هي عماد هيبته، وتحايل لجثً حياده الذي هو شاهد نزاهته وبرهانها، وما أتت ثورتنا إلا لتضرب في عمق ما رُزئ به الجيش السوداني، فالنظام الذي يخون عهده مع الشعب والوطن، يريد أن يجعل من الجيش مطية لجرائمه ودرعاً يداري خلفه عوراته، يعاهد الشعب على حمايته ثم ينقض عهده لمصلحة حفنة مجرمة اختبر شرها وطبقته على الشعب وشهد العالم على جرائمها كلها.
نؤكد مرة أخرى إن مواكب 6 أبريل ليست سدرة منتهى الثورة بل هي درج سامٍ ومتقدم في سلم الصعود نحو تمام التغيير ولكنها درج مكلل بعشم الوصول لهتاف عزيز يصدقه العمل، أن جيش واحد شعب واحد، إيذاناً بإتمام القصيدة: أشكر جندينا الرشيد اللي مجد السودان مُشيد.
#موكب6ابريل
#مدن_السودان_تنتفض
قوى إعلان الحرية والتغيير
٣ أبريل ٢٠١٩
| |
|
|
|
|
|
|
|
|
|
Re: لحماية موكب 6 ابريل يجب علينا إتباع الخطوا (Re: امتثال عبدالله)
|
1/ ارتداء كمامات للحد من مضار البمبان
2/ السير في خطوط منظمة مع التماسك بالايادي وضبط ايقاع الهتاف
3/ قوة التحمل وعدم التأثر بأي استفزازات صادرة من افراد الأمن
4/ الثبات وعدم الإنسحاب لأي ظرف من الظروف
5/ عدم الانشغال بالمدسوسين والمندسين من أفراد الامن
6/ حماية المتظاهرين لبعضهم البعض للحد من الاعتقالات الضرب وذلك بالتكتل والمحافظة على وحدة الصف
7/ إلتزام السلمية وعدم التخريب والوقوف الصارم في وجه أي مخرب
8/ الضبط وعدم العشوائية وذلك بالإلتزام لتوجيهات قادة المسيرة في الصفوف الامامية
9/ تحييد قوات الشرطة بالسلمية والهتاف الموحد وعدم الدخول معهم في أي احتكاكات جانبية
10/ توفير بعض الخدمات اللازمة من مواطني الاحياء للمتظاهرين مثل ماء الشرب وأدوات الاسعافات الاولية
#لو عندك حب لوطنك لا تدع المنشور يتوقف عندك
| |
|
|
|
|
|
|
|
|
|
Re: لحماية موكب 6 ابريل يجب علينا إتباع الخطوا (Re: امتثال عبدالله)
|
1/ ارتداء كمامات للحد من مضار البمبان
2/ السير في خطوط منظمة مع التماسك بالايادي وضبط ايقاع الهتاف
3/ قوة التحمل وعدم التأثر بأي استفزازات صادرة من افراد الأمن
4/ الثبات وعدم الإنسحاب لأي ظرف من الظروف
5/ عدم الانشغال بالمدسوسين والمندسين من أفراد الامن
6/ حماية المتظاهرين لبعضهم البعض للحد من الاعتقالات الضرب وذلك بالتكتل والمحافظة على وحدة الصف
7/ إلتزام السلمية وعدم التخريب والوقوف الصارم في وجه أي مخرب
8/ الضبط وعدم العشوائية وذلك بالإلتزام لتوجيهات قادة المسيرة في الصفوف الامامية
9/ تحييد قوات الشرطة بالسلمية والهتاف الموحد وعدم الدخول معهم في أي احتكاكات جانبية
10/ توفير بعض الخدمات اللازمة من مواطني الاحياء للمتظاهرين مثل ماء الشرب وأدوات الاسعافات الاولية
#لو عندك حب لوطنك لا تدع المنشور يتوقف عندك
#تسقط_بس
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
بكرى ابوبكر
Yasir Elsharif
عبدالعظيم عثمان
عمر أبوعاقلة
ABDALLAH ABDALLAH
الحجاج الصادق
فيس بوك
تويتر
انستقرام
يوتيوب
بنتيريست