لا للوصاية والتنظير الشارع هو الجهة الوحيدة التي تحدد مطالبها

Quote: الاتحاد الافريقي امهل السودان 15 يوم فقط للتغير المدني الديمقراطي. دي دايرة اطلاق المحكمة الدستورية اولا وباسرع فرصة دي ضرورة انتخابية ملحة. بعد داك اسقاط الـ17ولاية وولاة عسكريين واعادة الخمسة اقاليم بقرار جمهوري من المجلس العسكري عشان تجي انتخابات حاكم اقليم وبرلمان اقليم مع الفيش والتشبيه وينتهي مرحلة الحاكم العسكري في الاقليم بعدين السودانيين ديل جاهزين من انتخابات 2010 وسجلو 18 مليون وقاعدين لحدي هسة والتسجيل يكون بالجنسية الخضراء والبنية فقط ليس الرقم الوطني عشان ما عايزين تنظير كثير. تتوفر انتخابات نزيهة لحاكم اقليم وبرلمان اقليم بتقطع 90% من مشوار الديمقراطية في السودان. النظافة من الاقاليم الي المركز والعافية درجات مش كده. في الساحة الان في ناس موتورين عايزين يصفو حسابات وفي ناس عايزين يبنو وطن. المجلس العسكري يعمل صفحة فيس بوك وتويتر ويوتويب عشان يتواصل مع كل الشعب السوداني في الداخل والخارج واذاعة كمان. مما ممكن نختزل التغيير في اشخاص او تكتلات. الديمقراطية كلنا بنعرفا وبنعرف الناس الما بعرفوها وما بتجيبهم من الاساس يجو راكبين قطار الانقلابات والثورات المزيفة. الثورة الحقيقية جات 2005 وانتهت 2010 والزمن بينا.

Quote: الان هناك مطالب شعبية يجب إن تنفذ ..

Quote: حبيبنا عارف .. تحياتي.. اتفق معاك تماماً الشارع فقط لا نريد أي انتهازي شكرا على البوست

Quote: الشارع لمن يجيبك بي صناديق الاقتراع حاسب الناس امرحلة دي مرحلة تاسيس وطن والجنرالات ديل دورهم سيادي بس ومضغوطين من الاتحاد الافريقي جيب حكومتك المدنية مع الفيش والتشبيه اولا بعدين بتسمي حزبك الشارع ولي بتجي باسمك حزبك الحقيقي الحقيقي والشارع ده ما مثلث الحمدي والخرطوم بس ***** تسقط بس ...مش ده المنفستو بتاعكم سقطت ....وطار البشير what else؟

Quote: الرفس بين الحزب الشيوعي وحزب المؤتمر السوداني ده شنو ؟؟ يا اخوي صلح المحكمة الدستورية دي اول حاجة عشان ترفع العتب من المجلس العسكري بعدين برنامج ما قدمتو في مشورة شعبية للشعب السوداني في الاقليم واماكن النزوح وفي المهاجر ما تفرضو علي الناس ورؤية جون قرنق جاهزة دستور ومحكمة دستورية عليا وانتخابات 2010 سجل ليها 18 مليون سوداني في كل السودان والعالم والانتخابات طلعنا بيها الانجليز قوى الاجماع لا تمثلني تجمع المهنيين لا يمثلني المؤتمر الشعبي لا يمثلني فقظ رؤية جون قرنق التي لا تموت وعايز احيها ان شاء الله في 31 يوليو 2019 ..اذا صمد السودان حتى نتجاوز تراهات ناس المركزي دي ولن احيد شبر من برنامجي وكل يعمل علي شاكلته والعاقبة للمتقين وانا سوداني ومن الشعب وجنسيتي خضرا لا يملي علي احد برنامج ابدا وخاصة المجرب عبر الانقلابات وعلم مايو ده بعمل لي غثيان عديل انا علمي علم الاستقلال فقط.

Quote: هي لكن يا عارف الشباب مرات كان قاموا على المطالب صعبين!!

Quote: حياك الله يا عارف ناشد شفت مؤتمر صحفي لي المؤتمر الشعبي (امرا لواط) تجمع المهنيين قوى الاجماع الوطني اصابني بالاكتئاب فعلا *** لازال مثلث الحمدي ونخب بعاعيت تدير المشهد السياسي وتم الناقصة بيان الحزب الشيوعي ومناوشاتهم مع المؤتمر السوداني وده كلو مضيعة وقت انا بقول ليك بالواضح ما فاضح,,, المحكمة الدستورية ما مفاعل نووي صعب تحقيقيه يختو فيها تسعة قضاة عشان ندخل مرحلة الصراع الدستوري والثورة الدستورية .. وهسة يتاشكلو في منو بكون وزير ومنو يكون خفير وبدون فيش وتشبيه لا يوجد تمثيل للسودان في كل هذه القوى والجنوبيين بتاعين ابيي مافي اربعة سنة دي فكرة الشيوعيين وليس الشباب وما ملزمة لي اي زول تاني دستور 2005 والمحكمة الدستورية العليا حاجة واحدة ما عايزين تصفير عداد ودستور جديد هسة المطلوب فقط هو اسقاط المستوى الولائي الان ال17 ولاية والعودة الي ال5 اقاليم مع الولاة العسكريين المؤقتين ديل عشان نبدا انتخابات اقليمية حاكم اقليم + نائب برلمان اقليم وترجع الدولة اللامركزية الحقيقي المكونة من خمس اقاليم ودي ممكن في 6 الشهور دي بس ويتحرر الاقاليم من اصر المركز والفاشلين ديل ,,السودان ما الخرطوم وانا ما سائل في حكومة الخرطوم ولا مجلس الخرطوم التشريعي المعيين دي ام بلادة او انتهازية من ناس لا يحترمون خيارات الشعب الانتخابية بعدين ما تحدد انت خيارات الناس الانتخابية بتأويلات بعيدة لحدي قريب جدا 2010 سجل 18 مليون سوداني وعارفين خياراتهم كويس الفصلو الجنوب واضعفو الحركة الشعبية هي قوى مشوهة لا تاتي بها صناديق الاقتراع ابدا ولم يجمع عليها احد تفتكر الشعب السوداني من الغباء والبلادة في القرن 21 ينتخب علي الحاج والشعبي والشيوعيين والبعثيين والناصريين ؟؟ **** وذى ما قلت ليك العلم وعي وعلم مايو 1969 ومثلث حمدي واضح ولازالو يريدون ادارة السودان بفلان وعلان من المركز انا ساعى لوضع الاطار الصحيح للدولة اولا الاطار الانتخابي فقط لاني اراهن علي الشعب دون لف ودوران..