|
Re: لا توجد أي مواصلات حقيقية (بصات أو حافلات) (Re: منتصر عبد الباسط)
|
بوست جميل جدا لابد من عودة القطاع العام ومن ضمنه شركة المواصلات العامة السواق موظف والكمساري موظف والمفتش موظف وورش الصيانة موظفين وعمال والتحرك مضبوط بالمواعيد
زمان بصات ابورجيلة لما ظهرت كان بداية التدهور والزحمة تخيل زمن الفيات ما كان في زحمة ...
الموضوع مترابط مع بعضه كما ذكرت ، وهو تدمير الريف والمشاريع الكبيرة وانعدام الخدمات جميعها
لابد من عودة القطاع العام ممثلا في المشاريع الكبيرة بنفس القها واكتر وزيادة الرقعة باضافة مشاريع جديدة من تصنيع زراعي ومرافقة الخدمات لكل مشروع من مستشفيات وتعليم
علي المدي القصير يجب ضبط فوضي المواصلات باجراءات محلية يمكن ابتكارها ...اما مشكلة الطرق تحتاج دراسة علمية عديل لانو كلها غير صحيحة مع مشاكل الخريف واختناق البيئة السكانية
لماذا تعمل الحافلات عن طريق ايصالات الطريق ، ليه مايكون في ترخيص مشروط بانضباط العمل المتواصل وتسعيرة ثابتة الخ
| |
|
|
|
|
|
|
Re: لا توجد أي مواصلات حقيقية (بصات أو حافلات) (Re: عبداللطيف حسن علي)
|
سلام عليكم امر المواصلات حدث ولا حرج .بعض الخطوط المحطات الكبيره اصبحت فى ذاتها اكثر من خط مع تعريفه عشوائيه تختلف بين الصباح والمساء ووقت الذروه نهارا. ضرورى يكون فى شركه مواصلات عامه تغطى الخطوط الرئيسهواهمها الاهتمام الخطوط الدائريه التى تدور على مدن العاصمه الثلاث .ولاتخرج الخطوط الفرعيه (بعد اتساع المدينه) عن رقابه وضبط الجهات المسئوله. اصبحت سيارات الاجره والركشات فوضى فى تحديد الاسعار واعتقد فكره ادخال العدادات للنوع دا من الخدمه بيكون لصالح الطرفين صاحب المركبه والراكب معا. تجربه ترحال تجربه جيده ومريحهتقفل الباب امام استغلال اصحاب المركبات (رغم انو قبل كم شهر واحد من سائقى ترحال ذكر لى ان النسبه المخصومه لصالح الشركه هى حوالى 12 % لا ادرى ان زادت ام لا الان.
| |
|
|
|
|
|
|
Re: لا توجد أي مواصلات حقيقية (بصات أو حافلات) (Re: Kostawi)
|
. يا كوستاوي ... يوجد نظام اوبر في السودان وفي حاجة شبيهة للاوبر اسمها ترحال ... لكنها مقارنة بمستوى دخل الفرد في السودان استخدامها غير ممكن فمشوار حوالي 10 كيلو ممكن بالحافلة تمشيه بي 10000 جنيه (بالقديم) لكن بالاوبر او ترحال محتاج ليك لي 200 الف جنيه بالقديم ... اوبر وترحال بيتم اللجوء ليها في حالات الطواريء فقط في السودان ...
| |
|
|
|
|
|
|
Re: لا توجد أي مواصلات حقيقية (بصات أو حافلات) (Re: Kostawi)
|
Quote: هل نظام ال Uber و ال Lyft |
فى كم خدمه اشهرها ترحال الاتصال بيها عبر تطبيق او رقم مختصر .تتيح خيار مركبات بسعات مختلفه بين 4 الى 11 راكب .لكن اعارها ليست فى متناول الكثيرين.تستخدمها بكثره الاسر فى مشاوير المناسبات او الزيارات. اخر مشوار استخدمت فيهو ترحال كان قبل مجزره القياده بيومين مشوار 18 كلم ب 242 جنيه (ربما تكن زاد معدل السعر /كلم الان).
| |
|
|
|
|
|
|
Re: لا توجد أي مواصلات حقيقية (بصات أو حافلات) (Re: Asim Ali)
|
ترحال ارخص من التكسى العادى كتير.. و برضو فى جياد ارخص منهم الإتنين، (بس لا زم تكون مفاوض بارع متحدث لبق)..
رغم كل هذا، كيف لمدية مثل الخرطوم أكبر من دولة قطر ما يكون فيها مترو أنفاق.. المترو هو الحل الوحيد. دى مسؤولية وزير البنية التحتية الولائى لولاية الخرطوم. هى زاتها مسمينها البنية (التحتية)
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|