كيف تفاعل السودانيين مع تهديدات حميدتي لهم بالفصل عن العمل
05-21-2019 11:35 PM رصدت الراكوبة تفاعل بعض رواد التواصل الأجتماعي مع تصريحات حمديتي بفصل كل من يضرب عن العمل حينما قال: "أي زول يضرب يمشي بيتهم طوالي و ما يجي تاني." إليكم جانب من ردود الأفعال:
عبدالوهاب محمد تطاول حميدتي على الشعب السوداني بالفصل من الخدمة المدنية لكل من يضرب عن العمل لهو عبث وجهل ومراهقة سياسية من شخص يفتقر لأي فهم لقوانين الخدمة المدنية ويجب أن يعلم أن السودان ليس ضيعة والده أو ورثه من أجداده. الدولة السودانية ليست ذهب جبل عامر ولا تصدير مرتزقة إلي اليمن هذه أمة لها حضارة ضاربة في القدم قبل 5 ألف سنة قبل الميلاد ولا يستطيع جهلول وبدل فاقد تربوي أن يتذاكي أو يمارس أي وصاية عليها. ستظل الأدوات السلمية فاعله إذا استمر المجلس العسكري في غيه وسيجرف العصيان المدني والإضراب السياسي الشامل المجلس العسكري وجنرالاته وما ابن عوف عنكم ببعيد.
حافظ أنقابو بأي صفة يهدد حمدتي المضربين بالفصل؟ يبدو أن الرجل نصب نفسه حاكماً للبلاد وصدق أنه رجل الدولة الأول..!
أحمد المونة بلداً مافيها الجيش يقدل فيها الورل
د. منير حري حميدتي لا يتعظ ممن سبقوه فلقد هددنا الفاتح عزالدين بقطع الرقاب. وعمر البشير بالقصاص، وعلي عثمان بكتائب الظل... النتيجة كانت سقوطهم الآن عليك انتظار سقوطك فالشخصية السودانية لا تقبل الأستفزاز.
عبدالكريم الأمين
حميدتي الان في حالة كونه عايرة وأدوها سلطة.
ياسين حبيب نورا
العولاق بتاع الجنجويد: الشعب قبل ما يضرب، مفترض يضربك بالشباشب، فما كل صرصور في نظر الشعب عصفور.
محمد إبراهيم آخر زمن حميدتي يهدد الشعب العظيم
غزالي ود شاطر اجماعة الطيرة دا أظن فاهم الإضراب دا ضرب ولقط بالعكاز فهموهو ياجماعة،،، الله يرضى عليكم
خالد فتحي المجلس العسكرى اختطف اسم القوات المسلحة ويمثل ذيول النظام البائد
عمر كروم اخر زمن حميدتي يهدد العلماء بالفصل من العمل اذا اضربو
مصعب عبدالكريم المجلس العسكري كلهم جنحويد و قتلة نفسي اعرف البخليهم يختفوا خلف الكواليس ببشاعتهم وطغيانهم و يدفروا الجنجويدي العوير حميدتي يجي يهضرب بافكارهم و رأيهم و يتحرق براه شنو!؟ ...... نقطة سطر جديد بقية الجنرالات شغالين سياسة بحميدتي المتهور المغفل الشايف نفسوا ارجل زول و هم اكعب من حميدتي حقيقة و قالها بالواضح الجنجويدي السجم بتاع الجوية اما الميكروفات من حيث لا يدري (انا اكعب من حميدتي لكن الناس ساي ما عارفني) وكلامه صاح القوات الجوية هي الطلعت زيت الناس في مناطق الحرب و الهامش في جبال النوبة والنيل الازرق و دارفور بالقنابل العنقودية والكيماوية و حرقت القري و شردت الناس الي اللجوء و النزوح بالقصف الجوي و بالمطاردات الجوية لحدي الحدود الشادية والاثيوبية و جنوب السودان و افريقيا الوسطي و النزوح الداخلي ودي قواته. فلتسقط مجلس الجنجويدي
بشير أربجي يا قوي اعلان الحرية والتغيير وتجمع المهنيين السودانيين انتو ما عارفين إنو المجلس العسكرى دا قطع الطريق علي الثورة عن اكمال أهدافها ولا شنو نحن تفاوض ما عاوزنو اصلاً.
05-22-2019, 00:56 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48867
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة