١. مجدي احمد مفضل. ٢. حس حامد حسن حامد. ٣. عثمان حسين الأمين. ٤. عوض الكريم الريح بلة. ٥. زاهر عبدالفاضل عجب. ٦. عبادي نورالدين عبدالرحمن. ٧. حسن صالح حسن سوار الدهب. ٨. عمر تاتاي احمد المنصور. ٩. عمار الطيب عبدالله. ١٠. عبد الدائم علي البشير. ١١. جبير اسماعيل جبير. ١٢. عمر محمد اورك الدين. ١٣. محمد عبدالعال هارون. ١٤. احلام عبد الجليل ابوزيد. ١٥. عبدالعظيم محمد محمد الصادق الكاروري. ١٦. ابراهيم محمد الحسن احمد سعد. ١٧. خالد محمود الترس. ١٨. محمد الحسن ابراهيم. ١٩. حمزة عمر حسن احمد. ٢٠. الصادق عبدالله الياس. ٢١. احمد محمد عبدالرحمن سوار الدهب. ٢٢. احمد يوسف محمد.. ٢٣. خالد عبدالقادر شكري. ٣٤. عاصم مختار علي مختار (تاتاي). ٢٥. معاوية التوم الامين. ٢٦. خالد موسي دفع الله موسي. ٢٧. حسن عيسي حسن الطالب. ٢٨. محمود فضل عبدالرسول. ٢٩. الريح محمد العوض حيدوب. ٣٠. محمد يوسف ابراهيم. ٣١. فضل عبدالله فضل. ٣٢. عوض حسين احمد. ٣٣. ابراهيم عوض احمد محمد. ٣٤. ميرغني ابكر الطيب. ٣٥. رحمة صالح العبيد. ٣٦. حمدان وادي دلدوم. ٣٧. احمد حسن احمد محمد. ٣٨. اميرة داؤؤد قرناص. ٣٩. عمر عيسي احمد عبسي. ٤٠. ماجد يوسف يحيي. ٤١. خالد احمد محمد علي. ٤٢. حسن علي حسن. ٤٣. عمر الامين عبدالله. ٤٤. محمد الغزالي التجاني سراج. ٤٥. احمد ابراهيم احمد عوض السيد. ٤٦. كمال جبارة محمد صالح. ٤٧. رشاد فراج الطيب. ٤٨. مودة عمر حاج التوم. ٤٩. عبد الرؤوف عامر علي. ٥٠. عباس مصطفي احمد عبدالله. ٥١. اونور احمد اونور. ٥٢. بخاري غانم محمد. ٥٣. عبدالحفيظ العوض سيد احمد. ٥٤. محمد اسماعيل العوض. ٥٥. جعفر محمد آدم حسين. ٥٦. عثمان ابوفاطمة آدم. ٥٧. محمد البلة عثمان. ٥٨. صالح نور الدائم صالح. ٥٩. اسامة حسن سلمان. ٦٠. كمال علي عثمان. ٦١. كمال بشير احمد. ٦٢. نور الدائم عبدالقادر حمد النيل. ٦٣. الحافظ عيسي عبدالله. ٦٤. عبدالرحيم سرالختم عبدالرحمن. ٦٥. هاشم محمد علي ادريس. ٦٦. مبارك محجوب موسي. ٦٧.ومحمد صغيرون الشيخ. ٦٨. حمدي حسب الرسول عثمان. ٦٩. خالد فتح الرحمن عمر محمد. ٩١. محمد عبدالله عبدالحميد. ٩٢. الهادي صديق علي نميري. ٩٣. اسامة احمد عبدالباري. ٩٤. عبدالعزيز حسن صالح. ٩٥. عبدالحليم عمر محمد. ٩٦. يوسف احمد الطيب الكردفاني. ٩٧. عثمان محمد الفكي. ٩٨. صلاح الدين الحاج محمد. ٩٩. احمد التجاني محمد سوار. ١٠٠. ابراهيم الشيخ عبدالرازق. ١٠١. خالد عباس احمد. ١٠٢. عبدالله احمد الازرق. ١٠٣. ياسر احمد الصديق. ١٠٤. سوسن محمد صالح عمر. ١٠٥. عفاف محمد محمداني. ١٠٦. عبدالله ساتي محمد. ١٠٧. احمد محجوب احمد فضل الله شاور. ١٠٨. اسامة محجوب حسن. ١٠٩. ياسر ابراهيم علي محمد. ١١٠. صالح محمد احمد . ١١١. انس الطيب الجيلاني ١١٢.فتح الرحمن علي محمد ١١٣.حسن العربي ١١٤. عطا المنان بخيت ١١٥. يس عِوَض ١١٨.ادريس سليمان ١١٩. بهاء الدين حنفي وحيش ١٢٠. سليمان عبدالتواب ١٢١. عصام متولي احمد ١٢٢. محمد سعيد ١٢٣. نحوي قدح الدم ١٢٤. عصام محي الدين ١٢٥-ياسر يوسف ( قيادي بألمؤتمر الوطني - وزير دولة سابق بوزارة الاعلام). ١٢٦- ياسر خضر - قريب البشير و هو مرشح حاليا للنقل للخارج مع عدد من الكيزان. ١٢٧- السفير عبد الباقي كبير. عينه البشير و فصله المجلس العسكري عقب سقوط البشير. تم اعادته للخدمة مؤخرا بواسطة الكباشي لأنه من ابناء جبال النوبة. ١٢٨.- السفير حسين الأمين الفاضل
09-21-2019, 05:33 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
خالد موسى دفع الله عندما كان في واشنطن كان يتجسس على السودانيين ولقد حاول عدة مرات أن يقوم بأختراق الجالية السودانية ولكنه فشل في ذلك لتصدي بعض الاخوة المعارضين الاقوياء له.
ولقد عمل بسفارة واشنطن أيضا عبد الباقي كبير، وهو من أبناء جبال النوبة وحاول أن يتجسس ويجند أبناء جبال النوبة لصالح النظام ولكنه فشل أيضا في تلك المهمة تم تبليغ وزارة الخارجية الامريكية عن سلوك عبد الباقي كبير، ومن بعدها أختفى الرجل وظهر من بعدها سفيرا للنظام بيوغندا.
09-21-2019, 07:50 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13718
خدر ، سلام ي فردة. ∆ رحمة صالح العبيد دي و رد ذكرها معي ضمن« قرع تعلين في بلاط القصر »، كزميلة لي بالترجمة في قاعة الصداقة ؛ هي و نجوي شفيق شوقي، و دي كل مؤهلاتها أنها كانت بنت مدير ألقاعة؛ و مؤهل رحمة أنها بنت تاجر كبير ؛معروف ؛ أصولم أظن من فلاتة سنار. و الاتنين كانو عبئاً( سغيلاً ) على المهنة؛ و روسينم أفرغ من فؤاد أم موسى و من خفي حنين.
∆ و أزيدك في الشعر بيت: هناك عبد الغني النعيم تخرجنا سوا ، و أخدوه بالتزامن معانا فعلن للخارجية و عبر لجنة اختيار عم صلاح قرشي.وو لكنه أشفت من يجيد القفذ بالقنا؛ فانطلق گالسهم من الرمية و راح يتسلق إلى أن فوجيئت به ذات نشرة مسائية ، و على شاشة عيساوي يتصدر الأخبار وكيلاً لوزارة الخارجية.
∆ بالله شوف الحسرة يا خدر ، يعني لو ما اتغاشمنا طفشنا قبال مجيء هؤلاء الگيزان بأربع سنين ؛ ثم تملقناهم ، كنا وصلنا وين هسي؟!!
09-21-2019, 08:40 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
Quote: خالد موسى دفع الله عندما كان في واشنطن كان يتجسس على السودانيين ولقد حاول عدة مرات أن يقوم بأختراق الجالية السودانية ولكنه فشل في ذلك لتصدي بعض الاخوة المعارضين الاقوياء له.
دي سويتها وسيعة شوية ..
السفير خالد موسي أكثر من جذب الناس حتى للتعامل مع السفارة ... ودخل علي الناس في الأفراح والأكراه .. يواسي من مرض ويأدي واجب العزاء .. ولا يعترض علي أي رأي معارض .. لكن يريك بطريقة دبلوماسية رهيبة .. و يفهم الأنسان الناقد بصورة غير مباشرة .. بخطل فكرته .. وله علاقات واسعة مع الصحافة والميديا .. ومجتمع السودانين عموماً .. لدرجة أنه خطب حسناء من نساء واشنطن السودانيات .. زولة راقية وحبوبة .. لكن أهلها رفضوه .. وما ح أقول أكتر من كده.
الزول اللقيش هو الذس أكل ناس الجالية الأنجيرة في مطعم الحبشية مسرة وأنت وكوستا وعلي صالح .. دفنتوا لهم دقن ونبشتم الموضوع .. أسمه العقيد محمد سليمان .. دا الزول الأنتم عصرتوه عصرة لما هرب من واشنطن ..
وبعدين حتى في الجامعة خالد موسي رغم أنه كان يلقب بخالد موتر .. إلا أن خالد ليس كادر عنف .. رجل تنظيمي .. يقوم بأعداد البرامج الصيفية مثل تحفيظ القرآن .. وتسير الروابط للأقاليم للمساعدة التثقيف.. خالد يختلف أختلاف جذري عن بقية الأخوان ..
وشوف برامجه التي يقدمها في تلفزيون السودان ... مادام خلو عبد الباقي كبير .. ليه ما يتركوا خالد .. خالد من قبيلة خزام التي تسكن دارفور وكردفان .. ومشهورين بأنهم أهل دين وقرآن وسجادة .. عشان معهم في قرانا سنين .. لا بأكلوا حق زول .. ولا بدخلوا بيت زول .. مستضعفين زي كل الشعب السوداني.
وخالد كان متزوج منذ أن كان طالب .. ورب أسرة محترم ..
أنا أظن وقع ظلم في حق السفير خالد موسي ..
بريمة
09-21-2019, 08:50 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
أنا أفتكر .. شبابنا الوقفوا بصدور عارية أمام القيادة لم يقفوا من أجل عنصرية .. بل حقوق متساوية .. ومحاسبة من أجرم وقتل وسرق .. وما أظن خالد موسي .. ضمن تلك الملة.
بريمة
09-23-2019, 10:46 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9167
أنا أفتكر .. شبابنا الوقفوا بصدور عارية أمام القيادة --------------------------------------------------------------------------- بريمة بطل الكذب انا عارفك كذاب من مدرسة كجة الوسطى الشباب ديل علاقتك بهم شنو وانت طول الوقت تتطبل للحرامى المخلوع
09-21-2019, 08:54 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: بالله شوف الحسرة يا خدر ، يعني لو ما اتغاشمنا طفشنا قبال مجيء هؤلاء الگيزان بأربع سنين ؛ ثم تملقناهم ، كنا وصلنا وين هسي؟!!
سلام دفع الله لو تملقتوهم كان اسع اساميكم متصدرة اللستة دي😂 و يمكن بشة يجيب سيرتكم في المحكمة و الجرايد و المنتديات و اللايفات تحكي عنكم قصص عجيبة و تلعن فيكم مع الكيزان.
09-21-2019, 09:29 PM
Deng Deng
تاريخ التسجيل: 11-28-2002
مجموع المشاركات: 52561
أنت دائما تدافع على الكيزان وتنتقد الشرفاء. وذلك لأنك كوز .
خالد موسى دفع الله قبل الخارجية كان يسمى في الخرطوم ب خالد موتر، هل تعرف يا بريمة من هم الذين كانوا يركبون المواتر في بدايات الإنقاذ؟؟ كانوا هم الامنجية الذين يلقون القبض على الشرفاء ويكتبون عنهم التقارير.
يا عبار بطل أستهبال.
09-21-2019, 09:38 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
andأنا أفتكر .. شبابنا الوقفوا بصدور عارية أمام القيادة لم يقفوا من أجل عنصرية .. بل حقوق متساوية ..@
فعلا ،القلم م بزيل بلم ،،،زول يقوللليك كوز و هو ذاتو يجى يديك معلومات تنظيمية دقيقة عن مهمتو ويناقض روحو فى نفس المداخلة ويسميه خالد موتر وفى النهاية يجى يحشر كلمتين و عنصرية ؟؟؟ وين العنصرية يا بريمة موتر ...
09-22-2019, 03:56 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13718
Quote: ود الأصيل ياخ انتو التملق ما طبعكم و لا بتقدر ا عليه.
سلمت ي دكتورة. ممتنوز للنخاع أحسن ظنكم بما ترونه منا و لسان حالنا يقول: إني لا تعذبني ڢإني مقر بالذي قد كان مني .. يظن الناس بي خيراً .. و إني لاشر الناس إن لم ترض عني. فمعليش أنا ح أديك أنموذجين تقيضين بس تقري النهاية و نشوف أنموذج نمبر{ون} الحقونااااا ! نحنا يادوب بنقول مدنياااو تدونا درس قدر كدا يلا، و بي جاي الشاي ياخونا الشاي وبي موية سكة و معاو كيكة.
∆ القصه كالآتي تم ترشيح دكتور مجدي اسحق لمنصب وزير الصحه وتنافس معه الدكتور أكرم فتساوا في الدرجات العلميه والخبرات والعمل في المنظمات الدوليه وضجت الاسافير بهذا التنافس المحتد ∆ فاقتنع دكتور مجدي اسحق بأن دكتور أكرم يتساوي معه من حيث الكفاءه و العلم و العمل في المجال الطبي ويتفوق عليه في جزئيه مهمه وهي تطوير المرافق الصحيه فهو من قام بتاسيس مرافق صحيه في كمودبيا وعدد من دول شرق اسيا وأقر بأنه مؤهل لهذا المنصب أكثر منه بحسب المعايير المهنية لهذه الوزارة
∆ بالله عليكم هل رايتم انمذوجاً مثل هذا الشاب خلال ال٣٠ سنه الماضيه بالله عليكم هل رايتم مثل هذا العدل وتقديم من اولي بالمناصب بكل اريحيه وتفهم والله يادكتور مجدي اسحق انت علمتنا درس بليغ ومعني وطني بأن المناصب تكليف لا تشريف؛ و أن السلط لمن تسعى إليه ، لا لمن يلهث وراءها إلي ،و أنك من تستحق منا الشكر والتقدير و الولاء لهذا الدرس البليغ في مادة التفاني، ملغية من كم سنة؟!؛
∆ عندما قلنا مدنياااو كنا مطمئنين لاانها ستاتي بامثالك ممن يضعون هم البلد نصب أعينهم و ينسون انفسهم. فقد علمتنا درس ونحنا في بدايه دولتنا هذا الدرس لن تجده الا في بلاد الديمقراطيات العريقةالشكر لك وانت تفسح المجال لدكتور أكرم رغم قوه ترشيحك ومسانده الاغلبيه لك ولكنك اخترت مقاييس وطنيه عاليه الجوده والأخلاق والايثار وبعد الانا بالله عليكم لو كان هذا التنافس في العهد المضي كان يفوز واحد بالمناصب و يتجه الاخر للغابة و يكون فصيله المصلح و لكننا في عهد جديد نتنافسها بالمقايس العلمية و الخبرات فقط انتهي زمن المخاصصات وجاء زمن الكفاءات تعلموا يا ابناء شعبي من هذا الدرس فنحن في بدايه الطريق وأمثال هولاء هم من يوقدون شموع الطريق اتصل الي مبتغانا فلانضل سبيلنا القويم نحو إرساء دعائم الفصيلة بلا هتاف .
09-22-2019, 04:06 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13718
∆ الصافي جعفر القيادي بالمؤتمر الوطني وأحد ذوي الحظوة لدي السيد المشير يمدد رجليه في قصره المترف الذي بلغت تكلفة تشييده 3.5 مليون دولار كان يسكن قبل الانقاذ في منزل بالايجار بالحلة الجديدة . – رئيس مجلس إدارة مشروع سندس الزراعي السابق ومستشار والي الخرطوم– الصافي جعفر كنموذج لـ (ورع) الانقاذ عينه عمر البشير – كبير (الورعين!) – كأمين عام لمجلس الذكر والذاكرين اضافة الى منصبه بمشروع سندس .
∆ يكثر الرجل الحديث عن (السيرة النبوية) – عن الرسول الخاتم صلى الله عليه وسلم – الذي توفي ودرعه مرهون بشوية مواد غذائية يسد بها رمق أهل بيته وكانت تحت أيديه خزينة دولة عظمي وهو الذي بدأ دعوته تاجراً ميسور الحال زوجه السيدة خديجة رضي الله عنها أغني نساء قريش و يمر الشهر و الشهراني و لا يدخل بيته إلا ال الأسودان و يربط على بطنه الحجر و الحجرين من شدة الزهد ، و لكن عمك الصافي لا يخشى الحديث لانه ربما لا يخشى ان يكون ممقوتاً عند المولى عز وجل ( كبر مقتاً عند الله أن تقولوا ما لا تفعلون) .
∆ مشروع سندس الزراعي مشروع فاشل نهب المال الحكومي و النهب المصلح من مدخرات المغتربين وكان مصدر ثراء العديد من المتسلقين وسماسرة الحزب الحاكم وعلي رأسهم الصافي ، وظلت مشكلة مشروع سندس الزراعي الكبرى (المياه) التي تعز على الإنتاج الزراعي ولكن تتوفر إلى حد السفه لأحواض سباحة المترفين ! في تأكيد لأهم أعراض خراب العمران بحسب النذارة الالهية ( بئر معطلة وقصر مشيد) . جدير بالذكر ان الصافي جعفر الذي يمدد رجليه حالياً في قصره المترف كان يسكن قبل الانقاذ في منزل بالايجار بالحلة الجديدة .
∆ و الفساد في الانقاذ فساد شامل يرتبط بآيدولوجيتها التي ترى في الدولة غنيمة ، علاقتها بها وبمقدراتها بل وبمواطنيها علاقة ( امتلاك) وليس علاقة خدمة . وحين تنعدم الديمقراطية ، لفترة طويلة ، كما الحال في ظل الانقاذ ، تسود لدي المنفردين بالسلطة عقلية العصابة ، ويتحول الفساد الى منظومة شاملة تعيد صياغة الأفراد على صورتها ، فيصبح الإرتفاع بمستوي المعيشة وتوزيع الثروة أمر يقتصر علي أولئك المسيطرين علي القرار والآلة الحكومية وأسرهم والمحاسيب والمقربين منهم في الحزب المسيطر علي السلطة، الجدير بالذكر أنه حتي القاعدة الجماهيرية للحزب محرومة هي الأخري مع بقية الشعب المنهوب إلا من كان له ظهر و علاقات مع ذوي المناصب الحساسة. ختاماً - ما تحرقوا أعصابكم - ده كلو كلو بينتهي قريباً ومثل هذا القصر البيسكن عشرة أسر في بلد فيو ٤ مليون نازح بعد أن تتم مصادرته لن نحتاري كثيراً في ما سنفعل بهم.
09-22-2019, 09:55 AM
Deng Deng
تاريخ التسجيل: 11-28-2002
مجموع المشاركات: 52561
العبار بريمة بلل عاوز يستهبل الناس. خالد موتر شغل منصب القنصل بالسفارة السودانية بواشنطن لأكثر من 9 سنوات، وكانت مهمته هي أختراق الجالية السودانية وأستغلالها لصالح النظام، ولقد فشل في تلك المهمة طيلة تلك الفترة، رغم إضافة عنصر من جهاز الامن والمخابرات لطاقم السفارة في وقت لاحق. وطبعا نظام الإنقاذ البائد كان في تلك الفترة في أشد سنين عزلته، وعمل النظام على الاستعانة بشركات اللوبي الامريكية من أجل فك عزلته ولكنهم فشلوا في ذلك. ولقد كانت هنالك قلة من ضعفاء النفوس والإنتهازيين كانوا يترددون على السفارة ومحاولين كسب ود الكيزان بالسفارة.
يا عبار كوستاوي والنذير قاعدين في المنبر ده وممكن يشهدون على ما أقول.
09-22-2019, 06:40 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
بالله ديل كلهم سفراء . . !! هسي نحن عندنا مصالح مع العدد ده كلو من الدول . .
هي تعيينات كيزانية و ترضيات لا معنى لها و هناك جيش من الأمنجية في هذه السفارات يتمتع بامتيازات عالية منها راتب و مميزات من وزارة الخارجية و راتب و مميزات من جهاز الأمن اذا جمعتها تكاد تكون اكتر من راتب الوزير نفسه يجب كسح كل هؤلاء التافهين
09-22-2019, 10:21 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
لا يضير الحوار .. أن يضيف كل منكم ما يعرفه عن السفير خالد موسي وليس لي غرض في الدفاع عنه .. أنا لا كوز .. لا لا لا أي شيئ .. ولو طردوني من المنبر زي ما قاعدين يطردوني بسبب ارائي بلم حاجاتي بمشي بخليكم تسوطوا براكم .. ممكن يفتح الله علي أيديكم وتخرجونا جميعاً معكم .. دينق ومرتضي أنتم ليس فيكم ذرة ديمقراطية .. ولا عدالة .. ولا سلام .. جايين تنتقموا .. وعمر الأنتقام لا يقدم ولنا عبرة في الزعيم مانديلا .. والمهاتما ..
نحن علي مشارف دولة القانون .. وبالقانون يجب أن يتم محاصرة وقبض أكبر رأس .. نهب وخرب وقتل .. ليه في المنبر عايزين تأخذوا القانون بأيديكم؟ ..
أنا أدليت بشهادتي .. عن خالد في الجامعة .. وللأخ مرتضي .. ليس الكيزان الذي يركبون المواتر .. كلهم كوادر عنف .. هناك حراس شخصيين .. مثل بروف نافع ..يحرسة لفيف منهم .. هناك أخرون مدربون لحماية المنشآت ما عندهم غرض بضرب الطلاب أو السياسيين .. لذلك أخذ الناس جميعاً بجريرة أن التنظيم أجرم في حق الشعب السوداني أشبه بمقولة أن كل الشيوعيين كفار .. وأنا لا أقبل هذه المقولة .. والله شوف عيني ذهبت لشيخ صوفي في الكلاكلات كنت مريض بمرض أستعصي علي الدكاترة كشف كنه .. تمام .. الوالد أنصاري وأعمامي كلهم أنصار .. قالوا الزول شغلوا عين .. إلا يودوه فكي فلان في الكلاكلات .. ركبت براي ومشيت .. وأنا مرهق ومتعب .. وجدت عدد كبير من الناس في صالون الشيخ كأنهم ينتظرون في صف .. فأشاروا علي أن موقعي يكون خلف ذلك الرجل .. كلام زين .. ميشت رقدت جوار الزول .. ومسكت مصحف وبدأت أقرأ ... في أثنا رقدتي والله دخل طالب من كلية البيطرة شيوعي أحمر (لم أره حياتي دخل المسجد .. ربما يفكر أن مساجد الجامعة للكيزان .. هوو نووس) .. قطعت قرأءتي وبدات أتابع الرجل . ذهب مباشرة للشيخ .. وجلس أمامه .. ركبتيه علي ركبتي الشيخ .. وتحدث علي أذن الشيخ وصغي له الشيخ ثم رفع الشيخ يديه بالفاتحة رفع الشيوعي يديه بالفاتحه .. ثم أحتضنه الشيخ وخرج إلي سبيل حاله .. والله لم أكلم أحداً سواء كوز أو غيره بالحدث .. الموقف خلاني نذهب للشيوعين المعانا في القسم واجلس معهم فترات طويلة .. لاعرف هل من الشيوعين من يصلون فعلا وليس كما يقول الكيزان .. قالوا هاه الكيزان العرفهم بالله شنو؟ .. قالوا لي الزعيم نقد ذاتو بصلي .. بقيت حذر جداً إلا زول يجاهر بألحاده .. حتى أعرف الزول دا غير ملتزم بالدين ..
النضمي دا كله .. عايز أقول لا تزر وازرة وزر أخري .. الشهيد حسن علي التاي .. كان مع الأخوان ولكن حتى سفرة إلي الجنوب مع الأخوان في الحرب .. ما كان التنظيم إلا وسيلة تعينة للتقرب إلي الله .. حديث الجماعة .. ومعنا هنا سعادة العميد التاي .. حسن ببقوا ليه أبن عمه .. حسن زول نضيف .. رحمه الله.
لكن دينق وكوستاوي .. لا يعرفون هذا فهم ناس تعميم مخل .. بالأمس الوزير وزير الأعلام .. مش قال أنا لم أئتي للتلفزيون لفصل الناس .. وليس من حقي .. أنا من أجده ظلم وأعتدي علي حقوق الناس برفع مذكرة لرئيس الوزراء بأقالته .. والجهات العدلية لاتخاذ ما يلزم تجاه .. ومن لم يجرم يكون قاعد حتى لو كوز ..
خلينا يا دينق من حكاية أختراق .. ونضمني فاضي .. قول لينا الزول سرق .. الزول كان عذب أحد .. قولوا لينا هنا أكّل الناس الأنجيرة في مطعم مسرة علي حساب السفارة (الشيوعيين هنا بحبوا الملح هبدوا الأنجيرة هبت صاح .. قول لينا قال الناس المعارضين بشتريهم بقروش الحكومة كما فعل العقيد محمد سليمان .. ما بتقدر .. خزام كقبيلة ينحدر منها السفير خالد موسي .. ناس دين وقرأن والله قال والرسول قال .. هل تصدق ربما لا تجد منهم أحداً أعتدي علي المال العام .. شعب سوداني بسيط .. لو قلت له الله قال والرسول قال .. لو أنت كافر هم بتبعوك .. ناس بسيطين وطيبين .. وعلي سنة أهله، تزوج السفير خالد موسي منذ الصغر .. أولادهم يزوجوهم أول ما يبلغوا الحلم حتى يحفظوا لهم دينهم ..
المسألة لو الناس جايين يفرموا رقبت أي كوز .. دا معناه أي بيت سوداني ح يكون فاتح بيت بكي .. أنتم وناس الحكومة الجديد عارفين من أجرم ومن سرق ومن قتل .. عشان كده قلت ليكم .. 4 في السيادي من كردفان يخلق مشكلة .. المرأة العجوزة دي .. بتمضي ساكت علي كل شيئ دون تحري .. أمشوا جيبوا ملف السفير خالد موسي .. عشان يحاسب عليه .. وإلا يكون شعارت حرية وسلام وعدالة بلوها وأشربوا مويتها ..
بريمة
09-22-2019, 10:41 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
ما شايف فيكم زول قال رأي في الأخ عاطف بدري .. لماذا؟ .. وكل مرة يمشوا ناس كوستاوي وعلي صالح أمام السفارة ويشاكلوا ناس الامن .. السفير من جوه .. برسل ليهم عاطف بدري .. اليس عاطف يعمل في سفارة النظام؟ .. عاطف بعرفنا كلنا نفر نفر .. ويخدمنا حتى لو هو لم يكن بالسفارة .. يحبه كل الناس .. وأنا أتوقع لو هناك أنصاف من قبل هذه الحكومة عاطف بدري يكون السفير .. عاطف وقف معنا في المعاتم .. والسودانين الماتوا وما عندهم اهل .. ووقف مع الناس في كل كبيرة وصغيرة .. وعاطف هو مرشحي للسفير في واشنطن .. ولا يهمني ولا أريد أن أعرف أنه زول منظم أو غير منظم .. ما يهمني .. همة عاطف وتواضعه وزول خدوم تضعه في الجرح يبري ..
يا أخى غبائن الشيوعين والكيزان دي أمرقونا منها .. والسفير خالد موسي كذلك .. أرجع لكل أشرطة الجالية الشارك فيها .. وشوف خالد كيف يخاطب الناس .. أحترام جم ..
بريمة
09-23-2019, 06:10 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8949
يا بريمة من حيث تدرى او لا تدرى اتبرعت بمعلومات عن الزول ده ما كان في داعي ليهو. يا اخي زول جاى امريكى كدبلوماسى و برضو عايز يعمل مثني و ثلاث و رباع. اما بخصوص التعامل و التداخل مع السودانيين, فهذه سياسة تبنتها الانقاذ لو بتتذكر مؤتمر الاعلاميين الاتعمل في السودان. كانت خلاصتو انو اعضاء السلك الدبلوماسي يتداخلو مع سوداني المهجر و اختراقهم لاجل تحسين صورة السودان في الخارج بعد ما عمر البشير قبلوهو (كتلميذ) في الجنائية.
09-23-2019, 07:57 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11833
هذا الكشف حايم بالواتس اب وقام باعداده المتضررين من الثورة التي اقودها الاستاذة اسماء عبد الله وضمنوه اي اسم عندو علاقة بالخارجية وفيهم من تم نقله لاماكن اخرى ومن تقاعد وفيهم من الشرفاء وعدد ممن قضى نحبه
والجداد مازال شغال
09-23-2019, 08:09 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8802
بمعيار موضوعى جدا كل من يعمل فى السلك الدبلوماسى واعتلى منصب اعتمادا على التدرج الوظيفى والكفاءة يظل فى وظيفته مع مراجعة كل التعينات السياسية فى مناصب السفير او الوزير المفوض او سكرتير او مناصب المللحق العسكرى او التجارى او الثقافى كثير من التعينات جاءت وفقا للولاء السياسى او مكافاة لعسكرى ابعد من الخدمة كما يجب مراجعة عدد السفارات والقنصليات
09-23-2019, 08:30 AM
Deng Deng
تاريخ التسجيل: 11-28-2002
مجموع المشاركات: 52561
Quote: يا بريمة من حيث تدرى او لا تدرى اتبرعت بمعلومات عن الزول ده ما كان في داعي ليهو. يا اخي زول جاى امريكى كدبلوماسى و برضو عايز يعمل مثني و ثلاث و رباع. اما بخصوص التعامل و التداخل مع السودانيين, فهذه سياسة تبنتها الانقاذ لو بتتذكر مؤتمر الاعلاميين الاتعمل في السودان. كانت خلاصتو انو اعضاء السلك الدبلوماسي يتداخلو مع سوداني المهجر و اختراقهم لاجل تحسين صورة السودان في الخارج بعد ما عمر البشير قبلوهو (كتلميذ) في الجنائية.
محجوب عبد الله
سلامات.
المعلومات الخاصة التي أدلى بها العبار بريمة بلل عن خالد موتر نحن نعرفها جيدا ونعرف أدق تفاصيلها، ولكن نعتبرها معلومات خاصة ولا شأن لها بالعمل العام. ما يخصنا هنا هو أن خالد موتر كان يتجسس على الجالية وكان يعمل على تطويع منظومة الجالية لخدمة نظام الإنقاذ الذي كان يعاني من عزلة حقيقية في أمريكا. ناس خالد موتر وجماعنه في السفارة صرفوا ملايين الدولارات من أجل فك عزلة النظام ولكنهم فشلوا في ذلك تمامان والفضل في ذلك يعود الى شرفاء واشنطن الصلدين من أمثال السفير نور الدين منان، كوستاوي ، عادل صالح، محمد محمود، ولي القيس، والنذير حجازي.
يا عبار هل سمعت بي زول أسمو وليس القيس من قبل؟؟
09-23-2019, 11:02 AM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
ولتعرفنهم في لحن القول نحن بحمد الله لنا معرفة واسعة بالأخوان المسلمين تقارب النصف قرن ونتابع عجيب أمرهم من كبارهم الى صغارهم أؤكد لكم بالحرف المليان أن الأستاذ عبادي نور الدين عبدالرحمن وكذلك د. حسين الأمين الفاضل لا علاقة لهم بهذا التنظيم الشيطاني الخبيث كتبت مداخلة في خيط آخر - في ذات المنحى - وضعه هنا الأستاذ زهير عثمان حمد
Quote: سلام كبير يا أخ زهير نؤكد، لمن عسى يحتاجون لتوكيد، أن الأستاذ عبادي نورالدين عبدالرحمن، لا علاقة له بالتنظيم المجرم لما أمتحن لوظيفة السكرتيرين الثوالث كان أول دفعته من الممتحنين ولم يكن لهم بد من أن يأخذوه للتغبيش وبذلك أحتفظ بحقه الدستوري في خدمة بلاده ومع ذلك لقي منهم الأمرين والتهميش -- سأحاول أن أورد لك - من سودانيزأونلاين هنا - بعض ما كتبه عنه كادر شيوعي مقيم في جنيف منشور هنا
---
Quote: كتب محمد موسى جبارة - في سودانيز أونلاين
Quote: أذكر أن دبلوماسياً شاباً ونابهاً وجسوراً وقف ذات يوم في بيت مندوب السودان الدائم لدى المقر الأوروبي للأمم المتحدة ليقول في شجاعة قاتلة للأستاذ علي عثمان محمد طه بأن الإحالة للصالح العام أثّرت على أداء وزارة الخارجية).
----
Quote: رد عليه وقتها المجرم علي عثمان بـ ""بأننا في دولة إسلامية وعلينا أن نستعين بكوادرنا التي نثق بها، أما عندما تأتي دولة علمانية لحكم السودان فيمكنها أن تستعين بمن تشاء من البشر"...
هذا الحديث دار أمام عددٍ من الناس ممن يعملون في المنظمات الدولية بجنيف...بعضهم أشفق على مصير ذلك الدبلوماسي وبعضهم الآخر أثنى على رحابة صدر الوزير وديمقراطيته وقبوله ذلك الرأي من موظف صغير عنده
لاحظت خلو القائمة من بعض اسمائهم مثل: غريب الله خضر / يكتبونه أحيانا قريب الله خضر وكان سفيرا في موريتانيا وعمل لفترة ناطقا رسميا بأسم الخارجية المفترى عليها العبيد أحمد مروّح
09-23-2019, 11:07 AM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
ما أعلمه أيضا عن آخر شخص في القائمة د. حسين الأمين الفاضل أنه ليس أخا مسلما هو كادر دبلوماسي كان أول دفعته وأبتعثته جامعة الخرطوم لفرنسا ونال درجة الدكتوراة وعاد للتدريس بالجامعة ولما أحتاجت وزارة الخارجية لكوادر تتحدث الفرنسية استوعبته
09-23-2019, 02:33 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
خالد موسى دفع الله عندما كان في واشنطن كان يتجسس على السودانيين ولقد حاول عدة مرات أن يقوم بأختراق الجالية السودانية ولكنه فشل في ذلك لتصدي بعض الاخوة المعارضين الاقوياء له.
ولقد عمل بسفارة واشنطن أيضا عبد الباقي كبير، وهو من أبناء جبال النوبة وحاول أن يتجسس ويجند أبناء جبال النوبة لصالح النظام ولكنه فشل أيضا في تلك المهمة تم تبليغ وزارة الخارجية الامريكية عن سلوك عبد الباقي كبير، ومن بعدها أختفى الرجل وظهر من بعدها سفيرا للنظام بيوغندا.
التحية عبرك لاشاوس و كنداكات امريكا لوقفتهم الصامدة و مصادمة جواسيس النظام في امريكا منذ ثلاثين عاما لم تلن لهم قناة و لم يتراجعوا عن مبادئهم الثورية في تزاحة هذا النظام الفاسد خالد موسى و عبد الباقي كبير و غيرهم من التافهين يجب ابعادهم و محاسبتهم في اي تجاوزات بعد التفتيش الدقيق من وزارة خارجية الثورة
09-23-2019, 03:17 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
تقصد الوحش .. ول أبا ولي الدين .. الأنصاري. لو تقصد الوحش .. ذهب الخليج .. لو زول أخر كلمنا عنه ..
أنا لا أعرف ال 24 ألف نفر في منطقة واشنطن الكبري .. لكن أقسم بالله أمتلك ذاكرة .. فيها كل أضياف الشعب السوداني .. وأسرار تحت من جوه .. غريقة خالص ... والبوح بها لا يحوز .. ومن ستر مسلماً أو مسيحياً أو أي سوداني سترة الله يوم القيامة . يعني الفاسد أخلاقياً .. ونفعياً .. في المعارضة أنا عارفه .. وبموت بسري في بطني ..
لكن حينما يكون الحديث عن العام بقول رأي واضح .. بالأمس أنسحبتم من شهادتي التي أدليت بها عن الأخ الصحافي عبد الرحمن الأمين .. وهى ليس عيباً لعبد الرحمن .. أنما شيئ من جوة بيت الكلاوي .. وأستغربت عدم ألمامكم .. كيف يعمل الصحافين إلا دكتور ياسر الشريف، علل لذات الموقف حسي، شهادتي في السفير خالد موسي .. ح تتراجعوا عنها .. ومن لديه موقف .. عن السفير خالد موسي يقولها .. ويشهدنا علي ما لا نعرف .. وأنا لا أعرف مجاملة في المجال العام ..
أنت خفيف ساكت .. وزن ريشة .. أنت لا تعرف الديمقراطية ..
الأخ عادل صالح .. حينما هتف .. الأمن يخرج بره .. الأمن يخرج برة .. الأمن يخرج بره .. وما لبثن الكنداكات والميارم هتفن معه قبل الرجال .. أنا دونت ذلك في مذاكراتي عن معرفة الأخ عادل صالح أنه رجل يفهم في الديمقراطية .. ومارس حق ديمقراطي .. رغم أن الجالية مفروض توقف الأخ عادل .. لأن اللجنة المنتخبة للجالية هي التي يجب أن تمارس الحق بقبول حضور العقيد من سليمان أو لا .. وكان عادل بعيد كل البعد عن العنف .. في تلك اللحظة ... حتى أخرج الناس العقيد محمد سليمان .. لكن عادل نفسه وقف ضد الجالية . وسجل أسم الجالية بعد أن علم بأن الجالية أختارت الأسم ووضعته في أوراقها الخاصة .. وعادل جري وسجلها .. وسحب البساط من تحت أقدام الجالية .. فهو لدية موقف من الجالية .. وأنت لديك موقف من الجالية .. لكن بتجوا وتحضروا فعاليات الجالية بغرض الكيد .. لكي تمنعوا ناس أخرين أمثال ناس السفارة .. شنو الفحلوة التي كنتم تمارسونها ..؟ ليس ممارسة ناس يفهمون قوانين البلد التي يقيمون فيها. شيئ أشبه بالبلطجة ..
بريمة
09-23-2019, 03:28 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
في هذ البوست تداخل ول أبا أحمد سيد أحمد والأخ دكتور عبد الله عثمان .. الأول شيوعي والثاني جمهوري .. لو أختاروهم في المجلس السيادي والله لا أقول بغم .. الديمقراطية تفاضل الناس علي أساس العطاء العام .. وما أكلوا الأنجيرة في مطعم "مسرة الحبشية" الممول بقروش العقيد الذي يشتري السياسيين بالقروش كما قال.
وأنت والأخ خضر وأمثالكم ليس أوصياء علينا ولا علي أحد .. قولوا رأيكم وبس ..
بريمة
09-23-2019, 03:38 PM
Deng Deng
تاريخ التسجيل: 11-28-2002
مجموع المشاركات: 52561
أنا كنت متأكد بأنك فعلا لا تعرف من هو ولي القيس، أسئل منه كوستاوي. لمعلوميتك. الندوة التي هتف فيها عادل صالح ضد رجل الامن العقيد محمد سليمان كانت في ندوة ، ولا علاقة لمنظمة الجالية السودانية بها. وبعد الكلام ده كان في عام 2013، أي بعد الثورة الشعبية التي قتل فيها أكثر من 300 شاب وشابة. فماذا كنت تتوقع من الحضور الذي هتف ضد رجل الامن ورفضوا وجوده بينهم؟
بعدين نحن ما دايرن نعرف خالد موسى كان عاوز يعرس منو في فرجينيا، نحن بنشرح للناس كيف كان يتجسس خالد موسى على الجالية. زي ما قلت لك، نحن نعرف أدق التفاصيل ولكن دعنا في الشأن العام يا عبار.
09-23-2019, 03:45 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
Quote: يا بريمة من حيث تدرى او لا تدرى اتبرعت بمعلومات عن الزول ده ما كان في داعي ليهو. يا اخي زول جاى امريكى كدبلوماسى و برضو عايز يعمل مثني و ثلاث و رباع. اما بخصوص التعامل و التداخل مع السودانيين, فهذه سياسة تبنتها الانقاذ لو بتتذكر مؤتمر الاعلاميين الاتعمل في السودان. كانت خلاصتو انو اعضاء السلك الدبلوماسي يتداخلو مع سوداني المهجر و اختراقهم لاجل تحسين صورة السودان في الخارج بعد ما عمر البشير قبلوهو (كتلميذ) في الجنائية.
محجوب، السفير خالد موسي .. رجل دارفوري معدن نفي إلا أذا السلطة أفسدته في مكان أخر .. ننتظر شهادة من يشهد بذلك .. لكن هنا في واشنطن حتي خروجه منها لم نشهد له إلا بما شفناه بأعيينا عديل ..
بريمة
09-23-2019, 04:38 PM
Deng Deng
تاريخ التسجيل: 11-28-2002
مجموع المشاركات: 52561
أنت عندك موقف من الجالية .. كوستاوي عنده موقف من الجالية .. عادل علي صالح عنده موقف من الجالية .. أسستوا المنبر الديمقراطي .. بالخليكم تتدخلوا في شأن الجالية وتطردوا ناس .. وتتفحلووا ضد أخرين؟ أنا ذاتي عندي موقف من الجالية منذ موقفها المخزي من مسألة الجنوب .. وساهمت بفعالية في فتح أبوابها للمتمردين .. أن يأتوا ويحتفوا بهم كأنهم ربنا الأعلى .. أنتم ما براكم ضد الجالية ..
أنا أوقفت نشاطي معهم منذ عام 2011م لا أشارك في تصويت ولا أنتخابات .. لكن الأن سوف أعود أساهم مثل كل عضو .. طبعاً تميتوا سنين تقولوا أنا زول أنطوائي .. كذب ساكت .. أمشي أقري بوست الكابوي البقاري تعرف أنا .. أتخذت طريقي ..
وبعدين أبعدنا عليك الله من مسألة السفير "نور الدين منان" .. رجاءً .. الزول دا ليس مرشح لأي منصب عام .. وليس من حقنا الحديث عنه ..
وبعدين منبركم حضرت له ندوتين .. ذقتكم فيها الويل تتذكرهما .. اليوم الذي أستضفتم فيه ندوة "الجبهة الثورية" .. أول مرة جايين يسوقوا أنفسهم للشعب السوداني .. لما القاعة ضجت و قاعدة تطالب بأخذ الميكروفون مني .. نشكر الأخ عادل .. تدخل وقال المنبر سمح له بالحديث .. ونحن منبر ديمقراطي .. تتذكروا كلامي .. أنا طالبتكم بأن الجبهة الثورية تفتح 36 مرحال من مراحيل البقارة .. ما لم يتم فتحتها ح نكون ليكم شوكة حوت في حلقوكم .. وح نموت معكم دقيق سوسة.
الثاني لما استضفتم القائد مني أركو مناوي .. وكانت الأخت دانية المكي .. هي مدير الجلسة .. تذكروا كيف دافعت عن لماذا يموت أبناء النوبة لوحدهم لصالح القضية السودانية .. والخواجه .. وهناك قابلت الشخص الأستلم الشيك بمبلغ 100 ألف من المنظمات اليهودية .. كنا لا نعرف بعض إلا بالأسماء .. وحينما سلمت عليه قلت له أنا بريمة .. ظل الرجل يرتعش .. أنتفخت أوداجه ... قلت له .. أنتظر خارج القاعة بعد الندوة .. سوف أتحدث إليك .. ولك أن تقل ما تشاء لي .. ظل يردد أنني أحفظ القرأن .. وأدعو الله أن يخذلك بتشهيرك به .. لم أقل كلمة .. في خارج القاعة أستوقفته .. وقلت له قل "والله العظيم وكتابه الكريم لم أستلم الشيك بالأنابة عن أبناء دارفور؟" لم يستطع .. وذهبت للخواجة بدأ يلجلج .. سألني الخواجة هل أنت جنجويد .. قلت له بتعرف شنو عن دافور .. عشان كلامك الأشتر .. المدخلك في القضية السودانية شنو؟ عايز لورد حرب لكي تأكل أموال دافع الضرائب من خلال ضهره .. صمت الرجل صمت أصحاب القبور .. بقي يقول أوه "ويل" "ول" .. بالأنجليزية طبعاً .. ل كن أنا وجدت كل ذلك يدعم أنشطة الجالية والشيوعيين والحركات بصورة غير مباشرة .. فأبتعدت .. منكم جميعاً ..
بالله عليك .. أذكر لينا حادث واحد تجسس فيه السفير خالد موسي ضد أبناء الشعب السوداني في واشنطن ..؟ ما يبقي كلام سايب ساكت ..
ول أبا خضر، أنا خليك متابع .. أنا كنت أظن أن الجالية والمؤسسات السودانية الشعبية في أمريكا .. هي التي تدفع بالعمل الديمقراطي .. تفهم الشعب كيف تكون الديمقراطية وكيف تتم ممارستها .. مش مثل ديمقراطية السودان السابقة .. التي تترك أمثال حسين خوجلي يأتي بصورة زعيم ضخم في حوض السباحة (ويسمونه البطة) .. وأخر رقبته طويلة (يسمونه الزرافة) .. نحن عايزين ممارسة حقيقية .. وتجربة عمر ننقلها .. ونقول الحق حتى ولو علي أنفسنا .. منصفين متى يتطلب الأمر .. وننقد نقد مؤسس حينما يكون هناك خطل .. أنتم ناس مشاترين ساكت ..
بريمة
09-25-2019, 00:11 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
مرحب حبيبنا ود الحيشان التلاتة احالة الكفاءات بما كان يسمى جزافاً بالصالح العام فتح الباب للفاشلين و عاطلي الموهبة و اللصوص من الكيزان الشرفاء الذيكم يا صديقي لا يبيعون مبادئهم مهما كانت المغريات زميلنا معاوية عثمان خالد كان من ضمن عدد كبير من الكيزان تم تعيينهم كسرتيرين ثوالث في وزارة الخارجية و هذا الشخص لا يعرف كوعه من بوعه و بعد سنوات عينوهو سفير للسودان في نيويورك محل دبلوماسيي قطارات الدقارات و الشحدة في البارات اخيراً و قبل السقوط الأخير كان المتحدث بإسم زريبة الخارجية الهاملة التصفية يجب ان تشمل كل طفابيع النظام البائد حتى تسير مركب الثورة لتحقيق آمال و تطلعات الشعب السوداني
Quote: خدر ، سلام ي فردة. ∆ رحمة صالح العبيد دي و رد ذكرها معي ضمن« قرع تعلين في بلاط القصر »، كزميلة لي بالترجمة في قاعة الصداقة ؛ هي و نجوي شفيق شوقي، و دي كل مؤهلاتها أنها كانت بنت مدير ألقاعة؛ و مؤهل رحمة أنها بنت تاجر كبير ؛معروف ؛ أصولم أظن من فلاتة سنار. و الاتنين كانو عبئاً( سغيلاً ) على المهنة؛ و روسينم أفرغ من فؤاد أم موسى و من خفي حنين.
∆ و أزيدك في الشعر بيت: هناك عبد الغني النعيم تخرجنا سوا ، و أخدوه بالتزامن معانا فعلن للخارجية و عبر لجنة اختيار عم صلاح قرشي.وو لكنه أشفت من يجيد القفذ بالقنا؛ فانطلق گالسهم من الرمية و راح يتسلق إلى أن فوجيئت به ذات نشرة مسائية ، و على شاشة عيساوي يتصدر الأخبار وكيلاً لوزارة الخارجية. زميلنا معاوية عثمان خالد
∆ بالله شوف الحسرة يا خدر ، يعني لو ما اتغاشمنا طفشنا قبال مجيء هؤلاء الگيزان بأربع سنين ؛ ثم تملقناهم ، كنا وصلنا وين هسي؟!!
09-25-2019, 02:11 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
يعني انت بتقر بانو الكيزان خونة و تافهين طيب ليه بتدافع عنهم ؟ اذن خالد موتر الانت بتدافع عنو دا في زمرة التافهين يا بريمة مواقفك سلبية و اي عضو في المنبر دا عارف الحاجة دي فما تمعطنا
09-25-2019, 02:51 AM
ترهاقا ترهاقا
تاريخ التسجيل: 07-04-2003
مجموع المشاركات: 8423
Quote: ١٢٧- السفير عبد الباقي كبير. عينه البشير و فصله المجلس العسكري عقب سقوط البشير. تم اعادته للخدمة مؤخرا بواسطة الكباشي لأنه من ابناء جبال النوبة.
بالله الكضباشي ده مفروض يكون عضو مجلس سيادي؟ زول تفكيره جهوي زي ده ، يبدو أن موضوع التغيير في السودان حياخد معانا وقت طويل في وجود أمثال هذا الكباشي سليل النظام البائد
09-25-2019, 02:51 AM
ترهاقا ترهاقا
تاريخ التسجيل: 07-04-2003
مجموع المشاركات: 8423
Quote: ١٢٧- السفير عبد الباقي كبير. عينه البشير و فصله المجلس العسكري عقب سقوط البشير. تم اعادته للخدمة مؤخرا بواسطة الكباشي لأنه من ابناء جبال النوبة.
بالله الكضباشي ده مفروض يكون عضو مجلس سيادي؟ زول تفكيره جهوي زي ده ، يبدو أن موضوع التغيير في السودان حياخد معانا وقت طويل في وجود أمثال هذا الكباشي سليل النظام البائد
09-25-2019, 04:34 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13718
تعرف يا خدر ، فتحت لينا ملف أوسكار 5 نجوم. لكن بالجد خطير ؛ دا جرح دنيانا الذي لا يندمل. و لو بحتنا فيه لأغرق من كدا الدم بيوصل الركب. فحكاية الترضيات دي بالمناسبة استفادو منها بشر انتهازيين متسلقين أكتر من كتير من الكيزان ساي ، ناس قربعتي راحت.
# عندك مثالاٌ ، لا حصراٌ واحد بلطجي كدا اسمو رشاد فراج الطيب، عبارة عن كُتلة آدمية كدا كان هامل كان في اليمن ضياع زمن( مع اللعتذار لعمك عادل أمين طبعن). جابوه من هناك يينوه في أغنى سفارة في مشيخات الخليج؛ ود الامير بعرفا كويس . المهمم البني آدم دا لا علاقة له لا من بعيدو لا من قريب بالشغلة ؛غياتو إلا (لدوماسية ساي) اللهم إلا أبوه كان عامل قصيدة غزل في المخلوع معنوِنا / يا عُمَرَ(و) يعني ياها زاتا (و أحب ناقتها بعيري).
رجعنا لي اساليب مايو 1969 وحكمة ربك ناس ق ح ت هم نفس الناس الفصل لازم يكون دستوري من اي مرفق معا ادانة جنائية دامغة ايضا للشخص او يستحي يمشي براه لانه بعد شوية بتجي المخازي بتاعة مايو 1969 وتوصلكم الحضيض البشبهكم تمام\ يا حليل المحكمة الدستورية ودستور 2005 بالمحمي المواطن والوطن
https://up.top4top.net/
يا خضر الكوز البدقر للامريكيات وجهجه تمثال الحرية ذاتو...موجود في الكشف ولي لا ؟؟؟ كده الدبلوماسية ولي بلاش يا بعاعيت مايو
09-25-2019, 05:21 AM
adil amin adil amin
تاريخ التسجيل: 08-01-2002
مجموع المشاركات: 37010
Quote: .. خالد من قبيلة خزام التي تسكن دارفور وكردفان ..
رغم عدم اهتمامي بالقبائل..لكن خالد ذكر أنه من قبيلة الكواهلة..خالد من طابت، أماً و أبا، مولود في نيالا البحير، لأنو والدو حاج موسى دفع الله عليه الرحمة (هاجر) لنيالا قبل ميلاد خالدو عمل مطعم هناك إسمو(أبوخالد)..و كان مشهور بالنظافة و الأكل السمح..بعدها (هاجروا) لأم درمان..و خالد امتحن الجامعة من طابت..و عاش خالد موسى في أم بدة..
Quote: وخالد كان متزوج منذ أن كان طالب ..
هذه خطأ بالكامل..خالد تزوج زميلته في الخارجية بعد التخرج بأعوام عديدة..و تزوج مؤخراً بصحفية ...
خضر، أنت محتاج تقرأ التأريخ الأمريكي .. في مسألة تصفية الخصومات السياسية .. Duel في الصورة التالية أندرو جاكسون الذي صار رئيساً من بعد .. يقتل تشارلس ديكنسون .. في أطلاق نار متبادل ..
حتى في تلك اللحظة الحاسمة لو تري هناك قضاة .. يضبطون سير المقتلة .. وفي أكثر لحظات التأريخ الأمريكي يموت الخصمان .. تري الرئيس أندرو في الصورة أصاب خصمة تشارلس ديكنسون .. بطربة حقيقة في حين جلت طلقت ديكنسون الرئيس تشارلس .. فهمت أنا بديك في ياتو درس ..؟
الطيب بشير، سلامات .. ألف شكر علي التصحيح .. وقبلت بك مرجعية في خلفية السفير خالد موسي الأثنية ... نسألك عن المرحوم بروفسير حسن الأمين .. مدير جامعة الجزيرة .. ومدير كلية البيطرة سابقاً .. وعضو المجلس الأربعيني للأخوان المسلمين .. أيضاً في مدوناتي .. هو من قبيلة خزام .. ؟ بالله الرجاء تصحيحي .. أو أي شخص أخر يمتلك المعلومة ... وأنا أعرف شقيقه توفي في قرانا بكردفان .. ربما وقع الخلط لي هناك حينما كنت أبحث عن أبناء القبيلة في الدولة .. وأنا ببحث في ذلك لكتابة الأثنوغرافي عن القبائل السودانية ..
بارك الله فيك ..
بريمة
09-25-2019, 06:27 AM
الطيب بشير الطيب بشير
تاريخ التسجيل: 12-06-2003
مجموع المشاركات: 5762
قصدك بروفيسور التجاني حسن الأمني يا بريمة. علَّامة موسوعي و صاحب ملكات مذهلة في توصيل علمه ممزوجاً بالقفشات و الكلام اللذيد . مرة عينوه والي ولا محافظ لي حتة كدا فقالو قلليهم حظكم يا ناس، هدا جاكم والي بورف مرة واحدة. و مرة بتكلم عن مشاهد يوم الحشر ، قال في اليوم داك تشيف عاد الجماعة غُلُف و عرايا و جري نضيف ) وآخر برنامج ليه كان شحمان جدن عن فوائد بول الإبل في علاج كثير من أمراضنا المستوطنة في مجال طب المناطق الحارة و اللي ليها علاقة بالتعامل مع المياه الراكدة زي البلهارسيا وتليف الكبد . له الرحمة و المغفرة ، فعلاً فقد عظيم
سلام ود الشيخ مافي ماسورة في الموضوع انا ما قلت شالوهم مفروض يشيلوهم خال زوجتي في اللستة دي وبعرف فيهم خمسة تم تعيينهم كسكرتيرين ثوالث من فترة طويلة بعد احالة كل السكرتيريين الثوالث الماتابعين للنظام كن ضمنهم زميلنا الكوز معاوية عثمان خالد مافي شرفاء بخلوهم الكيزان
Quote: خضر او كما يقول صديقنا ود البشرى اوع الماسورة
هذا الكشف حايم بالواتس اب وقام باعداده المتضررين من الثورة التي اقودها الاستاذة اسماء عبد الله وضمنوه اي اسم عندو علاقة بالخارجية وفيهم من تم نقله لاماكن اخرى ومن تقاعد وفيهم من الشرفاء وعدد ممن قضى نحبه
والجداد مازال شغال
09-25-2019, 08:52 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
سلام الراكزة نعمات المصائب الخلفوها الكيزان كتيرة و كبيرة و محتاجة لوقت طويل ربما ان الفترة الانتقالية ليست كافية لمحاسبتهم و ارجاع الوضع لضبط المصنع و خالي من الكيزان و اذنابهم تشكيل اللجان القانونية النزيهة مهم جداً في هذه المرحلة و المحاكمات يجب ان تكون حاسمة و حازمة و تضع في الاعتبار عامل الوقت الجرجرة مع هؤلاء الخونة ما بتنفع جلسة واحدة لكل من اجرم و الزج به في السجن او اعدامه تنظيف الخدمة المدنية و عودة النقابات النزيهة مطلب شعبي معرفة مكان ارصدة و عقارات الكيزان في اي مكان في العالم و المطالبة باستردادها فوراً , و مطالبة البةليس الدولي بالقبض على كل من اجرم من الكيزان في اي مكان في العالم و محاكمتهم فوراً مراجعة منصرفات السفارات من لحظة استيلاء الكيزان للسلطة و معرفة مصير المقار التابعة لوزارة الخارجية التي تم بيعها و مثال لذلك بيت السودان في لندن و الذي تم بيعه بثمن بخس و الكوميشن الاخدوهو فيهو و موضوع مطار هيثرو , و غيرها الكثير
09-25-2019, 09:06 AM
Deng Deng
تاريخ التسجيل: 11-28-2002
مجموع المشاركات: 52561
Quote: .. خالد من قبيلة خزام التي تسكن دارفور وكردفان ..
رغم عدم اهتمامي بالقبائل..لكن خالد ذكر أنه من قبيلة الكواهلة..خالد من طابت، أماً و أبا، مولود في نيالا البحير، لأنو والدو حاج موسى دفع الله عليه الرحمة (هاجر) لنيالا قبل ميلاد خالدو عمل مطعم هناك إسمو(أبوخالد)..و كان مشهور بالنظافة و الأكل السمح..بعدها (هاجروا) لأم درمان..و خالد امتحن الجامعة من طابت..و عاش خالد موسى في أم بدة..
Quote: وخالد كان متزوج منذ أن كان طالب ..
هذه خطأ بالكامل..خالد تزوج زميلته في الخارجية بعد التخرج بأعوام عديدة..و تزوج مؤخراً بصحفية ...
الاخ الطيب بشير
سلامات.
شكرا لتصحيح المعلومات الخاطئة التي نقلها العبار بريمة بلل. وبريمة فعلا هو شاهد ما شاف حاجة.
09-25-2019, 09:08 AM
Deng Deng
تاريخ التسجيل: 11-28-2002
مجموع المشاركات: 52561
مرحب استاذ محمد سيد احمد اتفق معك في كل ما قلت و يجب مراجعة كامل افرع وزارة الخارجية من قبل لجنة متخصصة و بمتابعة سعاد الوزيرة و هذ الامر يجب ان يتم في اسرع وقت لأن الوقت لا ينتظر و ان الفترة الانتقالية محدودة
Quote: بمعيار موضوعى جدا كل من يعمل فى السلك الدبلوماسى واعتلى منصب اعتمادا على التدرج الوظيفى والكفاءة يظل فى وظيفته مع مراجعة كل التعينات السياسية فى مناصب السفير او الوزير المفوض او سكرتير او مناصب المللحق العسكرى او التجارى او الثقافى كثير من التعينات جاءت وفقا للولاء السياسى او مكافاة لعسكرى ابعد من الخدمة كما يجب مراجعة عدد السفارات والقنصليات
09-25-2019, 11:47 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
نعم يا ول أبا .. بروفسير التجاني حسن الأمين .. مرة طلاب جامعة الجزيرة هتفوا ضده .. عميل عميل يا تجاني حس الأمين . فأرتقي المنصة .. قال ليهم عميل لمينو .. ما تقولوا لي الكيزان ..! أنا كوز ليه ضل وفي المجلس الأربعيني بتاع الكيزان .. عاد الزول يبقي عميل لنفسه؟
نعم ... هو بروفسر التجاني حسن الأمين .. وعاصرته حينما كان بروف في كلية البيطرة ..
بريمة
09-25-2019, 12:23 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
وزارة الخارجية هي أكثر الوزارات التي يميل اهل السلطة بتعيين أهلهم ومنسوبيهم فيها غض النظر عن الكفاءة.. واول ما يفترض تبدأ به الوزيرة ليس السفراء، بل مدراء الادارات وأصحاب السلك الدبلوماسي الرفيع أصحاب الرحلات الماكوكية المستدامة ََََََََََََََََو النثريات التي لا تنقطع.. يأتي بعدهم السفراء ثم الملحقين وكل ممثلي الجهات الأمنية والشرطة والعسكرية والاعلامية في السفارات، وصولا للماليين وباقي الموظفين.
09-25-2019, 01:39 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48813
الدكتور مطرف صديق النميري سفير الإنقاذ في بلجيكا. أو على الأقل عندما تمت استضافته في BBC عربية في أبريل الماضي. لا أعلم إن كان موجودا كسفير هناك حتى الآن أم لا.
خضر، يا أخي أرتقي .. بوستاتك بقت مثل جرايد االتابلويد في الغرب وأوروبا .. ما هي فائدة مجلس السيادة ومجلس الوزراء ..
أنتم عايزين تستولوا علي عمل الحكومة .. تتبرعوا بمعلومات خطيرة عن الشعب السوداني ..
والعبار دينق، خلاص .. سرح في أمرح ..
-------------------------------------------------------------------------------- ما دام عايز التابلويد .. قبل سنوات أسراني دينق نفسه بخبر أنه يملك 30% من منبر سودانيزأونلاين .. لذلك تري المنبر خالي من خصومه وأصحاب الرأي الأخر ..
بريمة
09-25-2019, 04:25 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48813
سلام للجميع لقد سرني ما كتبه الأخ عبد الله عثمان عن أخي الجمهوري عبادي نور الدين خاصة ما اقتبسه من مقال الأستاذ محمد موسى جبارة في عام 2005، وكنت قد وضعت ذلك المقال في بوست هنا في سودانيز أونلاين كما يتضح من الرابط الذي وضعه عبدالله عثمان. طبعا عبادي لا علاقة له بالإخوان المسلمين.
وهذا ما يلزمني تأكيده.
09-26-2019, 08:25 AM
الطيب بشير الطيب بشير
تاريخ التسجيل: 12-06-2003
مجموع المشاركات: 5762
حبيبنا بريمة هو اسمه التجاني حسن الامين و كان في لقاءاته مع الطلاب يقول نادوني ب تجاني و ليس ال تجاني لا داعي لإضافة الالف و اللام الالف و آلاف تضاف للنكرة لتعرفه لكني لا احتاج للالف و اللام ف أنا غني عن التعريف و كان يفتخر بأنه لديه دكتوراه في ال Pharmacology و يقول أنه أصغر بروفيسور في هذا المجال في افريقيا جنوب الصحراء اعرف ان أصوله من الابيض كان ابن أخيه يدرس في كلية الطب جامعة الجزيرة في نفس دفعتنا و كان من كبار الكيزان و لا اريد أن اخوض في تفاصيل اخرى عن حياته و انعكاساتها على سلوكه تجاه طلاب جامعة الجزيرة اذكروا محاسن موتاكم
اخونا خضر سلام
09-25-2019, 05:45 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
خضر، أنا مش قلت ليك بوستاتك بقت مثل التابلويد في الغرب .. ليه ما سألتني؟
Quote: مرحب اخ حسن فرح Quote: بريمة بطل الكذب انا عارفك كذاب من مدرسة كجة الوسطى الشباب ديل علاقتك بهم شنو وانت طول الوقت تتطبل للحرامى المخلوع
أصل المداخلة أستاذ حسن فرح .. والله مهما أشتط معاي وقال كلام غلط .. بخلي وبمش .. في كثير من الأحيان .. إلا في حال ونسات .. لكن أنا خلفك أنت .. البتغرف تردم في منبر بكري .. وتقدم معلومات أمنية مجانية .. لكل من هب ودب .. ونحن أنتخبنا حكومة ومجلس سيادة لهذا الأمر ..
قسماً بالذي رفع السماء .. لم أدرس ب كجة الوسطي .. ولا كجة الثانوية .. أنتهي!
بقوا عليك أثنين ضنب كوكو: كذبة مونتي .. الصقعتي امرأة كف في اليونان! ... والثانية بتاعة أستاذنا حسن فرح .. !! والله قدام الناس ديل .. أنزل ليك 300$ .. منى لك في حسابك .. قدام ناس المنبر لو أثبت كذبك البتنقلوا هنا .. وأعتبرها مني أخ لأخية .. أنا لا أفترض أنك عدوي نهائياً .. أري فيك أخو مثابر ولكن يفقد الحس الأمني والديمقراطي .. وعايزك تكون ديمقراطياً .. سواء لك حزب أو فرد.. يا زول العبار بريمة رجل والرجال قليل ..
أنا أوثق أثنوغرافي للقبائل الكردفانية .. وبسمع الكلام من خشم زول .. وبمرره علي شخص أخر .. وأخر .. لما أتأكد .. هنا بخوص السفير خالد موسي .. والله لو كنت أعرف المعلومة خطأ لسألته هو نفسه .. فاتت عليّ .. مرات تفتكر زولك ثقة .. كلامي عن بروف تجاني .. شقيقه أنا بعرفة .. في قريتنا عاش معنا سنين ولم أسأل حاج البدوي نصلي خلفه منذ أن كنا صغار في الابتدائي .. ولم أسأل ا أولاده .. حتى رحلت القرية بفعل التمرد .. ورجع الناس إلي قبائلهم .. فصرت أسأل عنهم ... يعنى بعد التمرد يداب وعيت أن السودان قبائل وأعراق .. قبل ذلك كان ليس لي غرض .. وحتى تخرجت في الجامعة لم أسأل أحد عن أصله وفصله .. ظهرت لي هذه الفوارق الأثنية حينما بدأت أوثق لتراث البقارة .. أسأل إلي أي فرع ينتمي فلان؟ أو إلي أي قبيلة ؟ .. الأثنوغرافي أصعب من التجارب العلمية التي أجريتها علي مستوي الدكتوراة .. ولو حققت كل ما في كتبي سوف أتقدم بها لجامعة لنيل درجة دكتوراة عديل ..
بالله خلونا من أسماء قيادات الشعب السوداني .. لا تبزلوا معلومات خطيرة بهذه الأهمية عنهم .. هل تصدق معرفة أنسان لهذه المعلومات ممكن يتصل عليهم ويحرضهم ضد الشعب السوداني .. أو أن يأتوا له بمعلومات مهمة .. وهم مازالوا لهم صلات .. الموضوعات ذي دي ما عايزنها .. تكون كتامي في داخل مؤسسات الدولة ..
أنت حسك فرقك من إدوارد أسنودن .. Edward Snowden شنو؟ ----------------------------------------------------------------- نطيت حكاية العبار دينق قال لي لدية 30% في سودانيزأونلاين منذ سنين .. وهذا يعنى أنه شريك في القرار .. وأنا كمبرمج أتابع سودانيزأون لاين .. 4% من كتابات سودانيزأونلاين عن الأستاذ محمود محمد طه .. ووصل المنبر أقل درجات ترتيبة لما فصل كل أبناء السودان ما عدا الشيوعيين ..
امامك 300 دولار .. يا تكسبوها للتابلويد بتاعك دا .. يا تاني ما عايز ليك نقل فارغ .. أنضبت يا أخي .. نحن محتاجنك في أشياء أكثر أهمية ..
بريمة
09-25-2019, 07:14 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
Quote: حبيبنا بريمة هو اسمه التجاني حسن الامين و كان في لقاءاته مع الطلاب يقول نادوني ب تجاني و ليس ال تجاني لا داعي لإضافة الالف و اللام الالف و آلاف تضاف للنكرة لتعرفه لكني لا احتاج للالف و اللام ف أنا غني عن التعريف
ألف شكر ..
بريمة
09-25-2019, 07:31 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
Quote: ما دام عايز التابلويد .. قبل سنوات أسراني دينق نفسه بخبر أنه يملك 30% من منبر سودانيزأونلاين .. لذلك تري المنبر خالي من خصومه وأصحاب الرأي الأخر ..
بريمة
العبار بريمة بلل.
ياخ لو داير تعمل إشاعة حقو تعملها كويس، أديني ملكية كاملة للمنبر أو على الاقل 50 في المية مش مجرد 30 في المية! أنت طبعا عارف أنا لو عندي واحد في المية في المنبر ده في ناس كتار كان كشيتها من هنا وأنت تعرفهم جيدا. بعدين شايف حججك كلها تم نفيها تماما، الجماعة خلوك في السهلة ساكت.
قلت لي جاي تدافع على خالد موتر وبلا خجلة كمان.
09-25-2019, 11:02 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
مرحب الراكز دكتور مرتضى بريمة رايح ليه الدرب في الموية هسي شوف عدد المداخلات بتاعتو كلها ما تطلع منها بي سطر مفيد شابكنا ورجغ ورجغ ورجغ ههههههه
Quote:
فعلا ،القلم م بزيل بلم ،،،زول يقوللليك كوز و هو ذاتو يجى يديك معلومات تنظيمية دقيقة عن مهمتو ويناقض روحو فى نفس المداخلة ويسميه خالد موتر وفى النهاية يجى يحشر كلمتين و عنصرية ؟؟؟ وين العنصرية يا بريمة موتر ...
09-26-2019, 03:57 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
ياخ لو داير تعمل إشاعة حقو تعملها كويس، أديني ملكية كاملة للمنبر أو على الاقل 50 في المية مش مجرد 30 في المية! أنت طبعا عارف أنا لو عندي واحد في المية في المنبر ده في ناس كتار كان كشيتها من هنا وأنت تعرفهم جيدا. بعدين شايف حججك كلها تم نفيها تماما، الجماعة خلوك في السهلة ساكت.
قلت لي جاي تدافع على خالد موتر وبلا خجلة كمان.
مش الديمقراطية تعني الشفافية ... دا القلته لي بعظمة لسانك .. ونطالبك أكثر بكشف ممتلكاتك في السودان الشمالي .. أبتاءً من المنزل الفخيم للأسرة .. وحاجات تانية حامياني .. أنت رجل أعمال ناجح .. في عهد الكيزان .. ههههاي .. أنا عايز خضر يرفع نسبة مكتساته .. من التابلويد البعمل فيه دا .. أطلع من التابلويد .. أنت رجل غير منتخب ..
خلونا من كشف حال الناس ..
--------------------------------------------------------- حسي ح تشوفوا دينق ينفعل كيف ؟
بريمة
09-26-2019, 04:48 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
بروفسور التجاني حسن الأمين كان شخص مفتري جداً و عندما كان والياً لدارفور و بمجرد وصوله لتسلم مهامه كان هناك لقاء جماهيري منقول مباشرة في التلفزيون قال لأهل دارفور المحتشدين لاستقباله ( من نعم ثورة الانفاذ عليكم ان يخاطبكم بروفيسور ) بعد دقيقتين خرج له اربعة عشر بروفيسور دارفوريين و بعدها انفض الجمع حكي لي اخي الاصغر محمد و الذي كان يدرس في كلية البيطرة في شمبات بان هذا البروفيسور لديه عقدة و دائماً ما يتحدث عن نفسه و انه البروفيسور الوحيد في السودان و لولا انتمائه لجوقة الكيزان لما وصل لهذه الدرجة العلمية الرفيعة حدها كان سيكون مساعد تدريس و دي ذاتا كتيرة عليهو تباً لكل الكيزان طلعو في ريسينا كل التافهين
09-26-2019, 06:47 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
عليك الله ركز يا خضر .. وما بخليك إلا تبقي رجل منضبك .. ودا مصلحتك ومصلحتنا جميعاً .. ذي ما قلت لك أنت إنسان بتعافر ومواظب .. وديل الناس النحن دايرنهم لكن مشكلتك عويصة .. حاطب ليك .. تجري تخم وتجئ ..
Quote: حدها كان سيكون مساعد تدريس و دي ذاتا كتيرة عليهو
نظام جامعة الخرطوم في عهد مجدها لا تأخذ إلا أوائل الدفع .. لمساعدي التدريس .. لترسلهم لنيل درجات علمية في تخصصات حسب التخطيط العلمي والنظرة المستقبلية .. وبروفسر التجاني رجل من العهد الذهبي .. أنا بريمة لو لا شقاوة الدنيا التي بسببها صادف تخرجي سنة مجئ الكيزان .. وأنا أخرني المرض والتمرد في مناطقنا .. الأن لكنت بروفسير جامعي .. دفعتى بروف محمد النور طه .. مدير جامعة كردفان .. صديقي العزيز بروفسر أحمد أبو عصار من أبناء الزغاوة مدير أبحاث الجزيرة ..
في سنتي التي تخرجت فيها .. قفلوا علينا الباب .. ويوظف القسم من يختاره حتى لو كان طيش الفصل .. جامعة كردفان أخذتي كمعيد مباشرة .. وكان من تحري معنى هو المرحوم بروفسير غبوش الضاوي .. لكني ذهبت في ماجستير علي حساب السوق الأوروبية وليس عن طريق الجامعة .. نحن خمسة ذهبنا من السودان .. ولا للحكومة دخل بنا إلا مقدراتنا العلمية ..
----------------------------------------------------------------------- مالك تتحاشي العبار دينق .. كأني لم أزودك بمعلومات التابلويد بتاعتك التي تبحث عنها! خايف من شنو؟
بريمة
09-26-2019, 07:01 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
Quote: وين ذكر خالد موسى إنو من قبيلة الكواهلة ؟ زي ما إنت عارف إنو خالد موسى كبرابي خشومابي جموعي .
يا أخوانا خلاص خلونا من السيد السفير خالد موسي .. هو أبن من أبناء السودان البررة وكفي .. هل ظهرت ليكم صعوبة التوثيق الأثني في السودان .. بروفسير يان كنيسن .. أخذ ثلاثة سنوات ساير مع المسيرية .. حتى أستطاع أن يطلع بشيئ مفيد .. بروفسير علي أبراهيم سار مع الكواهلة والكبابيش شنة كاملة حتى قدر يفهم تراثهم ..
مشكلة تشكك في الأخ الطيب بشير . واضح رجل ثقة .. دخلت لي في اللحم الحي .. تاني إلا نمشي لول أبا منصور المفتاح ..
بريمة
09-26-2019, 08:31 AM
الطيب بشير الطيب بشير
تاريخ التسجيل: 12-06-2003
مجموع المشاركات: 5762
Quote: مشكلة تشكك في الأخ الطيب بشير . واضح رجل ثقة .. دخلت لي في اللحم الحي .. تاني إلا نمشي لول أبا منصور المفتاح ..
لو تتذكر يا بريمة أنا صدّرت مداخلتي بعدم إهتمامي بمسألة القبائل، و هذا بالطبع ليس تقليلاً من إهتمامك بها، و أصررت على الكتابة لتأكيد معلومةأن خالداً لم يتزوج وهو طالب و أنه من أبناء طابت أماً و أبا.. .
09-26-2019, 06:49 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
مرحب استاذ عبد الله عثمان الكيزان معروفين قبل ما يستولوا على الحكم حينما نزل الترابي في دائة الصحافة ابان انتخابات الديمقراطية في دائرة الصحافة سقط سقوطاً مريعاً و مقولة الاستاذ محمود و نبؤته صدقت بكل حذافيرها يا ريت يا عبد الله تضيف للقائمة بتاعة الخارجية كل من تعرفهم من الكيزان
Quote: ولتعرفنهم في لحن القول نحن بحمد الله لنا معرفة واسعة بالأخوان المسلمين تقارب النصف قرن ونتابع عجيب أمرهم من كبارهم الى صغارهم أؤكد لكم بالحرف المليان أن الأستاذ عبادي نور الدين عبدالرحمن وكذلك د. حسين الأمين الفاضل لا علاقة لهم بهذا التنظيم الشيطاني الخبيث كتبت مداخلة في خيط آخر - في ذات المنحى - وضعه هنا الأستاذ زهير عثمان حمد
09-26-2019, 08:28 AM
الطيب بشير الطيب بشير
تاريخ التسجيل: 12-06-2003
مجموع المشاركات: 5762
مش الديمقراطية تعني الشفافية ... دا القلته لي بعظمة لسانك .. ونطالبك أكثر بكشف ممتلكاتك في السودان الشمالي .. أبتاءً من المنزل الفخيم للأسرة .. وحاجات تانية حامياني .. أنت رجل أعمال ناجح .. في عهد الكيزان .. ههههاي .. أنا عايز خضر يرفع نسبة مكتساته .. من التابلويد البعمل فيه دا .. أطلع من التابلويد .. أنت رجل غير منتخب ..
خلونا من كشف حال الناس ..
--------------------------------------------------------- حسي ح تشوفوا دينق ينفعل كيف ؟
بريمة
العبار بريمة بلل
شايفك لسه مصر في أن تطلق الشائعات حولي ولكن دعني أقول لك أن غيرك كان أشطر. يعني موضوع الشائعات ده ليس بجديد عني. بعدين أنا لو كنت بنفعل لكنت تركت هذا المنبر ده من زمان.
لكن كده نسئلكّ موضوع قبيلة خالد موتر ده أنت جبتو من وين بالله؟ متى سوف تتخلى عن القبلية والتخلف الذي يعشعش في مخك هذا؟
09-26-2019, 08:44 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48813
فى كتاب للمحبوب عبد السلام بعد المفاصلة ذكر ان الانقاذ فى بدايتها لم تجد سفير ينتمى للجبهة الاسلامية غير سفير سابق لا اذكر اسمه عمل سفيرا فى الامارات ومن ابناء كردفان واليوم تغولو على كل السفارات
09-26-2019, 11:22 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
شايفك لسه مصر في أن تطلق الشائعات حولي ولكن دعني أقول لك أن غيرك كان أشطر. يعني موضوع الشائعات ده ليس بجديد عني. بعدين أنا لو كنت بنفعل لكنت تركت هذا المنبر ده من زمان.
لكن كده نسئلكّ موضوع قبيلة خالد موتر ده أنت جبتو من وين بالله؟ متى سوف تتخلى عن القبلية والتخلف الذي يعشعش في مخك هذا؟
أنا لما أدافع عن شخص .. لا يعرف حتى الكثيرين أنني أدافع عنه .. حسي أنا أوضحت للكم الهائل الذي يسخط فيك ليل نهار .. أنك دافع عنه من حر مالك عشان يجئ يكورك فيك. مشكلتك أنك تراجعت كثيراً .. في مسألة محاربة العنصرية .. والذي حيّد مواقفك معروف .. والباقي من صميم مسألة الديمقراطية.
بريمة
09-26-2019, 12:57 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
يا ول آبا إنت من أول مرة قول سوداني وكفي بدل خايض في قبيلة فلان من وين وعلان من وين؟ نستفيد شنو نحن كان طلع بقاري ولا كاهلي ولا أي قبيلة كانت ؟ بعدين خلينا من حكاية عايز توثق للقبائل السودانية .. وثق عادات وتقاليد وفنون وتراثيات مش توثق أشخاص.
Quote: المداخلات بتاعتو كلها ما تطلع منها بي سطر مفيد شابكنا ورجغ ورجغ ورجغ ههههههه
Biraima talk a lot but say nothing يا ها ورجغته
09-26-2019, 01:50 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
ول أبا محمد القاضي، أنا في إجازة عشان كده .. الله قال بقولكم "وهذه مفردة بقارية .. تعنى الله سخط عليك" ..
Quote: يا ول آبا إنت من أول مرة قول سوداني وكفي بدل خايض في قبيلة فلان من وين وعلان من وين؟ نستفيد شنو نحن كان طلع بقاري ولا كاهلي ولا أي قبيلة كانت ؟ بعدين خلينا من حكاية عايز توثق للقبائل السودانية .. وثق عادات وتقاليد وفنون وتراثيات مش توثق أشخاص.
لا تفتكر أن الأخ السفير خالد موسي .. ممكن يوم يكون رئيس للسودان أو في رأس الدولة؟ لا تستهزأ أبداً .. الرجال تحت الشوك ..
------------------------------------ الموليته ... أمر عشبة يأكلها الشعب السوداني .. البقارة يسموها " نجيق" .. إلا تغسلها بالماء الساخن .. وتكتر ليها الفول أو السمسم المظلوط عشان تنبلع .. رغم أن الناس يأكلونها علاج للملاريا .. نحن البقارة نأكلها سلطة .. نتلذ بمرارتها .. مرة حنضل .. ولو المرأة غسلتها شديد وقللة المرارة .. نقولوا ليها "نجيق بتاعتك براده ساكت".
بريمة
09-26-2019, 02:21 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27543
Quote: يا بريمة ال 300 دولار دي انا بدخنا سجائر في الشهر بتساوي بعملتنا دي الف ريال خليها الف دولار و بقول ليك ههههه
أنت ودينق عارفكم مليانين قروش .. لكن هناك شيئ يسمي بالقيمة الرمزية invaluable ... السودانين بفهموا هذه الكلمة غلط .. بأن شيئ لا قيمة له .. لكن الصحيح أن هذا الشيئ لا يقيم بثمن .. ذي التراث النوبي مقابل السدود .. فأنا واقف في جانب التراث النوبي لأنه invaluable وأنت أثبت الشيئ بتاعك قدام الناس .. ووجهني قول لي أديها لفلان أو تبرع بها للجهة الفلانية .. بالأنابة عنك .. ح أفعل وعد رجال .. وهذا وعد قائم .. ما دمت أنت تعتقد في صحة الكلام الوصلوه ليك .. وتردده .. تابلويد
والعفو والعافية أنت رجل ما ساهل وقلبك حار .. لكن تب غلبك تتعقل وتلتزم بالعمل الديمقراطي ..
وما تجيبوني تاني بعمل في شهادة .. برمجة .. لكن فاضي قاعد بالبيت.
بريمة
09-26-2019, 04:38 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
ول آبا بريمة عليك الله شيل الألف واللام من قاضي سيم سيم زي بروف تجاني حسن إنت قايلني نكرة ولا عشان ما بروف ههههههه أيوة كلمنا عن تراث القبائل السودانية بدون ما تبخس الناس أشياءهم هههههه بعدين إنت خليت لستة فيها أكتر من 100 دبلوماسي كوز بس مسكت بينا زمن في موتر الموليته ياهو عندنا الكوداد وبنسلقه زي 5 مرات عشان مرارته تروح ونطبخه مع خلطة بسيطة مع الرجلة وسمن وقراصة. يا أخي نحن عندنا المديكا والكركر ....بنزرعهم في الجروف أسأل منهم أستاذنا علي عبد الوهاب
09-26-2019, 11:02 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
مرحب بيك ود الحيشان التلاتة الترضيات الكيزانية و التعيينات على حسب الولاء و ليس الكفاءة اضرت كثيراً بالخدمة المدنية و شهادات البكالريوس المزورة و بتاعة ما يسمى بالمجاهدين ايام حرب الجنوب بجي الدباب المعتوه بدخل مكتب عميد الكلية بتونسو معاهو و بتخرج بامتياز و هو محاضرة ما حضرا دا غير جماعة الماجستير و الدكتوراة المسروقة و د فراج دا البغل دا ما فاهم طز من سبحان الله كان بجينا في التلفزيون مع ابوهو و ابوهو كان زول ما ساهل له الرحمة و المغفرة رغم تملقه للنظام قبل وفاته درينا كورس عن متن الاجرومية كان في غاية الروعة لكن للأسف جاب البغل دا عشان كده يا حبيب طلعنا خلينا ليهم السودان ما بقدر اعيش مع القرف التافهين ديل و لذلك بطالب بكنسهم و حرقهم و الى الابد
Quote: تعرف يا خدر ، فتحت لينا ملف أوسكار 5 نجوم. لكن بالجد خطير ؛ دا جرح دنيانا الذي لا يندمل. و لو بحتنا فيه لأغرق من كدا الدم بيوصل الركب. فحكاية الترضيات دي بالمناسبة استفادو منها بشر انتهازيين متسلقين أكتر من كتير من الكيزان ساي ، ناس قربعتي راحت.
# عندك مثالاٌ ، لا حصراٌ واحد بلطجي كدا اسمو رشاد فراج الطيب، عبارة عن كُتلة آدمية كدا كان هامل كان في اليمن ضياع زمن( مع اللعتذار لعمك عادل أمين طبعن). جابوه من هناك يينوه في أغنى سفارة في مشيخات الخليج؛ ود الامير بعرفا كويس . المهمم البني آدم دا لا علاقة له لا من بعيدو لا من قريب بالشغلة ؛غياتو إلا (لدوماسية ساي) اللهم إلا أبوه كان عامل قصيدة غزل في المخلوع معنوِنا / يا عُمَرَ(و) يعني ياها زاتا (و أحب ناقتها بعيري).
10-21-2019, 10:31 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10326
وين التابلويد هنا يا بريمة واقع الحال بقول ان على حكومة الثورة تنظيف السفارات من طفابيع النظام البائد و محاسبتهم بواسطة المراجع العام ومن وزارة الخارجية و كل من يثبت عليه تجاوزات مالية يجب ان يحاكم و بلا رحمة من باع بيت السودان في لندن و كثير من العقارات التابعة لحكومة السودان و من ساهم في بيع خط هيثرو و غيرها من ممتلكات السودان وبدلاً من ان يتم اسكان السفير في منزل قيمته ستمائة الف جنيه استرليني يجب اسكانه في شقة عادية و يكون لديه سيارة واحدة للزيارات الرسمية ارجع لخبر زهير و شايفك متداخل فيهو مداخلة على استحياء و بطنك طامة .كبرى :) بريمة ياخ ما تلاوع انا عارف انك مصدوم لانو جماعتك الكيزان اصبحوا في خبر كان و الى الأبد سودان بدون كيزان و لا جر,ذان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر الطيب
عمر سعيد علي
Deng
دفع الله ود الأصيل
Biraima M Adam
Hassan Farah
نعمات عماد
Mahjob Abdalla
MOHAMMED ELSHEIKH
mohmmed said ahmed
عبدالله عثمان
ترهاقا
adil amin
الطيب بشير
عمر التاج
Yasir Elsharif
منتصر عبد الباسط
محمد محمد قاضي
فيس بوك
تويتر
انستقرام
يوتيوب
بنتيريست