|
Re: كتبت سهير عبد الرحيم -أريــــد سيجــارة (Re: زهير عثمان حمد)
|
Quote: حتى لا ينبري أحدهم ليقول إنني أمارسهما معاً لذلك أبرر لهذا الفعل
|
كعب أخيل ....... كان أخير ما دافعتي من أساسه ... مالو ما يشربن البنات السجاير والشيشة والبنقو لو حبن الشغلة مش حرية شخصية ولا مو هيكـ .. كدي إنتي وبدون أن تشعري طلعتي فعلهن ده مش ولابد ...
| |
|
|
|
|
|
|
Re: كتبت سهير عبد الرحيم -أريــــد سيجــارة (Re: علاء سيداحمد)
|
سلام عليكم طبعا كما ذكر الاخ علاء انو الشباب جابو الشخصيه بالاسم ومعلومات كامله وصوره بالزى الرسمى.ممايعنى الموضوع مصنوع . منو المستهدف ؟ المستهدف هو الناس البسطاء فى المجتمع . . الجهه العملت القصه دى اثبتت انها لاتعرف شىء عن المجتمع السودانى. فى بعض مجتمعات السودان خاصه شمال السودان من قديم شرب السجائر وسف التتمباك سلوك معتاد لدى النساء الكبيرات فى السن +50 وخاصه فى جلسه الجبنه. وفى خصوصيه ضمن مجموعه النساء* . ربما كان المدخل اللى لعب عليه مصدر الفيديو هو تجاوز اطار خصوصيه الفعل فحتى بالنسبه للجيل المعاصر تناول السجائر يتم فى خصوصيه حتى فى اطار مجتمع النساء (يعنى تناول السجائر فى الداخليه دون علم محيطها من زميلات السكن)** ربما اصبح حاليا اكثر علنيه لكن فى اطار الخصوصيه الممارسه من زمن النساء الكبار فى السن. باستثنء الشيشه البتتمارس فى اطار خصوصيه اوسع فى الكافيهات او جلسات الاصدقاء المنزليه المختلطه.. . بالمناسبه عمليه العلنيه فى امور لدى البعض غير محموده حسب مفاهيم البعض فى مجتمعنا البسيط زى الاكل او الشرب فى الشارع (سواء عند كافتيريا او ست شاى) يقلل المروءه- حسب تعبير زميل عمل وجدتو منتظر موعد قرب ست شاى ودعونه لشرب الشاى معى فكان رده هكذا- وحتى الان فى الاسواق كتير من القادمين للخرطوم ربما لعلاج او اجراءات لما يطلب الزوج شاى او قهوه ليهو ولى زوجتو تجلس الزوجه فى مكان قصى وضهرها للناس .دى حاجات فى مجتممعاتنا (البسيطه) ومفروض نقرا الموضوع دا على هذا الاساس مش مجتمعات المثقفين وحكايه حريه شخصيه شخصيه او اضرار صحيه وهلمجرا .ونكون عارفين انو احيانا فى حاجات ممكن تكون طبيعيه فى ممارستنا كمجتمع مدينه ومتعلمين لكن يمكن (الايام دى) نقله لومخاطبه البسطاء بيهو بشكل سالب. ----- *فى التمانينات ولد كان بيشترى التكباك لعمتو اخت ابوهوالكبيره بشكل منتظم وفى مره ابوهو لاقواهو فى الشارع وماشى وين؟ وشنو الفى ايدك دا ؟ فاضطر يقول انو دى الحقه بتاعت عمتو وماشى يجيب ليها تمباك من محل العمارى. واكتشف الولد انو ابوهو اول مره يعلم انو اختو تسف تمباك وهم الاتنين قد تعدى احدهم ال50 والاخر ال60 . **بنات داخليه التمريض العالى نهايه التمانينات او بدايه التسعينات انتقلو من الشك الى اليقين انو معاهم زميله تشرب سجائر فى الحمامات وبيلو اعقاب السجائر واحيانا اثر الرائحه اها ناس الشمار مشن سالن بتاع الحرس فقال ليهم نعم فى واحده بتجى بتاخد منى سجائر لكن ماعرفوها رغم كدا.
| |
|
|
|
|
|
|
Re: كتبت سهير عبد الرحيم -أريــــد سيجــارة (Re: Asim Ali)
|
Quote: كدي إنتي وبدون أن تشعري طلعتي فعلهن ده مش ولابد ... |
ردك يا ود القوز لايتسق مع كلام الأخت
هي ضد اعتبار التدخين للفتاه عيب كما صوره الفديو هي ضد التدخين لاسباب صحية ومادية سواء كان المدخن انثى ام ذكر هذا ما فهمته واتفق معه لاني كنت مدخن شره وتركته قبل 20 سنة للسببين أعلاه
كسرة
تتصور يا ود القوز لمان كنت بدخن كان سعر العلبة حوالي واحد دولار
اليوم في السعودية 6.7 دولار تخيل زول بدخن علية يوميا دا محتاج ل 2400 دولار سنويا أي ما يعادل 193 مليون جنيه سوداني!
يعني لو كنت مواصل كنت دخنت في العشرين سنة التي تركت فيها التدخين ما يعادل 3.8 مليار جنيه
| |
|
|
|
|
|
|
Re: كتبت سهير عبد الرحيم -أريــــد سيجــارة (Re: MOHAMMED ELSHEIKH)
|
التدخين كان عادي زمان وغير مستنكر زمان في احياء الخرطوم الشعبية
انا مولود في الديم وفي طفولتي وبحكم ان الاطفال ما بيستحو منهم .. كنت اعرف علي الاقل 5 بنات ونساء من الجيران يدخنو السيجائر ويرسلونا الدكان لشراء سجائر البنسون
البعض منهم كان يدخن عادي امام الزوج والرجال والحنك كان " عندها ظار"
| |
|
|
|
|
|
|
Re: كتبت سهير عبد الرحيم -أريــــد سيجــارة (Re: MOHAMMED ELSHEIKH)
|
محمد الشيخ سلامات
والله الزار ده كان عالم تاني
السيجائر موجود وحتي البيرة والوسكي (اذا كانت من ضمن طلبات الخواجة)
كان لا يخلو شهر من الشهور الا يكون في ظار في الحلة او الحلة المجاورة
ايقاع قوي ورقيص هستيري من النساء
ده كلو تقريبا اختفي الان
الغريبة في مصر حتي الان موجود!
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|