|
Re: كتبت سهير عبدالرحيم -نبيل أديب المسلم الق� (Re: خضر الطيب)
|
Quote: حين أتصل عليه هاتفياً مساءً وأقول له أستاذنا أنا جايه عليك فيالمكتب او المنزل وعاوزة كباية شاي بي لبن كبييييرة ومعاها كيكة او بسكوت)، |
♡ياخوانا الشااوي..الشاي بي جاي..شيء ما عادي..بي موية صحة..و معاو (كيكا) . و أنت يا خدِر حردانو بالزلابية الهينة دي. يا مولانا صحي إتا جادِّي؟!! بكل صراحة ماني جاي أفتل خبرية توأم روحي زهير . بل، بالعكس و لا حتى خايفو يزعل مني و ح ياخدني على قدر قرفتي. خسوسن عارف الدنيا (خمايس) و عقاب شهر و ماني لاقي لي زول اعضيه في أضانو. بس ما صدقت لميت فيك يا خدر ، هابشني عن الاسمو حمودي فجيت ألاقيك و أسالمك..و جيت أقول : مبارك ، موش(مبروك) عليك.
(عدل بواسطة دفع الله ود الأصيل on 11-01-2019, 08:14 AM)
| |
|
|
|
|
|
|
Re: كتبت سهير عبدالرحيم -نبيل أديب المسلم الق� (Re: Abdullah Idrees)
|
و الله يا ود الحيشان التلاتة الناس الطلعو صحفيين في التلاتين سنة الفاتت دي حيرونا كوب اوف تي دي عند الانقليز احتمالاتا واسعة ذي بنت عدنان عندنا , تحتمل ما تحتمل .. صابنها :) من هنا رسالة للاخ الاعلامي رشيد يعقوب اعادة امتحان القيد الصحفي لكل من يكتب في صحف الخرطوم و الولايات و حتى من يكتبون في الجرائد الحائطية و المدرسية و يشمل القرار من يكتبون على الجدران و ان يقوم بوضع الامتحان رشيد يعقوب , صدقني لو نجح خمسة من المليون شهيد ديل يكونوا ما قصروا و العمود بي بكم بشتروا , هناك قولان .. قولن اتا دا .. مالك سغير ولا ما بتعرف تقول :) وزهير ما بخبر زعل .. و الناس هناك ما بتخبر زعل .. بنزعل انحنا ما يطق لينا عرق .. عرق النساء المتصوحفات و الثعلب فات و في ديلو سبعة لفات .. و عيييك يازول الشغلانة منبهلة انبهالة بالة قطن ياخ ثالثة اللسافي زميل المنبر سمسار العربات الكورية و متعهد علف بيت الاشباح محمد المسلمي طلع عندو قيد صحفي اها دا مفروض يكون عندو قيد من جنازير مربوط في كراع قِد عند حوش جدو الشيخ الكباشي و على ذلك قِس اها ليلى دي ما لا ما بدوها قيد.. صحفي !!
| |
|
|
|
|
|
|
Re: كتبت سهير عبدالرحيم -نبيل أديب المسلم الق� (Re: Hani Arabi Mohamed)
|
شكرا للأخوة الكرام على الملاحظة والتعليق.
كلام سهير ده أنا أعتبره خارج من العقلية ومن المجتمع الذي تربت فيه رغم أنها متقدمة كثيرا في أفكارها عن الاخرين ولكنها هنا سقطت مثل الاخرين.
مسالة الاديان دي بتحتاج من عدد كبير من المسلمين أن يعرفون معنى وحقيقة التسامح الديني المنشود في السودان.
أنظرو اليوم الى الحكومة الإنتقالية، كم شخصية مسيحية تم تعينها حتى الان في المناصب الهائلة والموجودة؟
بالمناسبة
السيدة رجاء عبد المسيح تم إختيارها بواسطة العسكر في مجلس السيادة وليس قوى الحرية والتغير.
| |
|
|
|
|
|
|
Re: كتبت سهير عبدالرحيم -نبيل أديب المسلم الق� (Re: Mohd Ibrahim)
|
مرحب عبد الله ادريس
Quote: تقول شنو يا خدر ، والله نبذ راسو عدييييل الناس دي ما بتفهم ولا ما بتحس ولا الموضوع شنو ؟ لمن الصحفي او الصحفية يربط الاخلاق بالاديان بتقدر تستوعب لييه في كائنات حية بي هناك بايعت عبدالحي يوسف اميرا للمؤمنين. |
للأسف مع جهل المتصوحفين ديل عادي يطلعوا ذي جماعة عبد الحي ديل وواضح انو الخط واضح لا فرق بين جماعة عبد الحي والنوع دا من المتصوحفات انا ما بقول يمنعوهم من الكتابة لكن يجب اخضاعهم لامتحان القيد الصحفي و الذي يجب ان يتم وضعه من جهة متخصصة برئاسة الاخ رشيد يعقوب
هاك النتيجة دي , عشان تعرف حجم المأساة و التلاتين في المية ديل لو اتغربلو بعد ينزلو الميدان ممكن ينجحوا منهم تلاتة بس
Quote: اعلان نتيجة القيد الصحفي غدا ونسبة النجاح 30% ديسمبر 30, 2018
الخرطوم : فجاج الإلكترونية
تعلن لجنة تسجيل الصحافيّين عند الثانية عشرة من ظهر يوم غدٍ الإثنين بقاعة الشهيد الزبير في الخرطوم، نتيجة امتحانات التأهيل لمهنة الصحافة (السجل الصحافي) للدورة (22) للعام 2018.
وقال مقرر اللجنة وجدي الكردي، إن لجنة التسجيل المشتركة بين اتحاد الصحافيّين ومجلس الصحافة، أجازت نتيجة العام الجاري التي بلغت نسبة النجاح فيها (30%) مقابل (41%) العام الماضي، ما يعني أنها تدنت بمقدار (11%). فيما حصل (6) من طلاب الكليات الأخرى على مراكز في قائمة العشر الأوائل، مقابل (4) فقط من كليات الإعلام.
وكان (560) ممتحناً جلسوا لإمتحان التأهيل لمهنة الصحافة بقاعة الامتحانات الكبرى في جامعة الخرطوم، (343) منهم من كليات الصحافة والإعلام، و(117) من الكليات الأخرى.
|
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|