|
Re: قيام قرية جديدة.. ما هى المتطلبات؟ (Re: Abureesh)
|
Quote: السلام عليكم ما هى المتطلبات القانونية لإقامة قرية جديدة نموذجية مستقلة إقتصاديا؟ علما بأنها ستقام فى أرض لا تتبع لملكية أى جهة خاصة (تابعة للدولة). |
والله عجبتني الفكرة يا ابوريش خلينا معك في الصورة ناوية على شنو
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
اذا الارض مملوكة ليك مثلا ، ملكية خاصة ، بالنسبة للانشطة الاقتصادية ما بتحتاج تاخد موافقة زول بتشتغل طوالي لكن لو عايز تعمل فيها شركة اكيد حتسجلا وتاخد الرقم الضريبي ن بالنسبة للمنشآت السكنية حتاخد موافقة البلدية التابع ليها المشروع لانو الموضوع مرتبط بالسلامة والخدمات والتخطيط الحضري الخ الخ ناس الايصالات البتقص الضهر ، بعداك لو حتبني طوابق برضو في اجراءات اضافية وفحص تربة وما عارف ، بالنسبة للمنشآت الصناعية برضو عندها اشتراطات.
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
ابو الريش جغرافيا - اداريا لازم تكون تابعة لمحلية بحسب موقعا حتى لو كانت خلا اي محلية عندها خرطة وحدود كوحدة ادارية او جزو من محافظة فلازم تعرف اولا انت تابع لياتو محلية ، ولو انو موضوعك ده يفترض اوبستاهل تشيل ورقك ودراساتك وتصورك بالكامل وتمشي الولاية راس وتجي لحرامية المحليات ديل من فوق . تحياتي
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abdullah Idrees)
|
يا اخ عبد الله الظاهر الفكرة ما وقعت ليك.. هذه ليست قرية جديدة نشأت و حسب.. و إنما معمل اجتماعى (إن شئت ان تقول) و تجربة حل اقتصادي فى بيئة معزولة.. هذا الحل سوف يقدم للحكومة لاجازته و حين تنجح التجربة ممكن يعمم للمدن الحالية.
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
التحيات الطيبات لك ولمن سبقنى بالتعليق والمشاركة
الفكرة ممتازة، وغير مسبوقه. تجاريا يمكن تنفيذها إن لم تصرعك بيروقراطية الجهات الحكومية والصراع على الارض مالم ترتبط التصديقات وتنفيذ المشروع باهل المنطقة المستهدفة. بقية النقاط يمكن التوسع فيها على الواتس. لك تحياتى
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
بالعكس يا ابو الريش عبد الله كلامو صاح السودان كله ( تقريبا) موزع لولايات و كل ولاية موزعة لمحليات يعني عادي جدا تكون ارض خلاء تبعد مئات الكيلومترات عن اقرب مدينة ولكن تجدها ( في خرائط المجالس المحلية) تتبع لمحلية ما
| |
|
|
|
|
|
|
Re: قيام قرية جديدة.. ما هى المتطلبات؟ (Re: Zakaria Fadel)
|
Quote: السودان كله ( تقريبا) موزع لولايات و كل ولاية موزعة لمحليات |
هذه إجراءات إدارية و يمكن أن تتغير فى أى وقت بواسطة الولاية. ما نقدمه مشروع لقرية حديثة بميانيها و مرافقها و مدارسها و مستشفاها...الخ. فكيف تكون تابعة لمحلية مبنية من القش و الجالوص، ورئيسها لا يفقه التعامل مع التقنية الحديثة، و أقتصادها أقوى من رئاسة تلك المحلية الف مرة؟ المهم هذه كلها توضع فى قائمة الامور التى تحتاج الى إجراءات لحلها وتخطيها.
ما مشكلة اساسية يا زكريا..
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
أحب الإبتكار أنا يعجبني أبوالريش في تفرده حتى لو كانت أفكار غير عملية زمانك هشام هباني كان عنده مشروع قريب من دا في تكساس الإمريكية وقلنا أهو فكرة نحقق حلم الهجرة لإمريكا لكن المشروع شكله ما مشى لقدام لكن يا أبوالريش لزول حلمه ينهي حياته وسط أرض زراعية وبهم هل في مكان في قريتكم دي
| |
|
|
|
|
|
|
Re: قيام قرية جديدة.. ما هى المتطلبات؟ (Re: عبد الصمد محمد)
|
Quote: لكن يا أبوالريش لزول حلمه ينهي حياته وسط أرض زراعية وبهم هل في مكان في قريتكم دي |
دا لكن ما انت يا عبد الصمد.. الزول الوصفتو دا هو البيقول نحن ناس بنعيش حياتنا بالطيبة و النية السليمة.. التهكم على الآخرين فى قاموسه ما فى.. و هو سيكون من مؤسس هذه القرية التى سيقوم اقتصادها على الزراعة بشقها الحيوانى.
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
لا حولاااا يا أبوالريش ...تهكم شنو؟ أنا قسماً بالله أمنيتي في هذا العمر المتأخر الحياة في الطبيعة أرض زراعية بطرفها بيتي وحولي البهائم أخوة في الله يعني في القرية ممكن تكون في أطرافها جناين أو مزارع بيطرية يعني حاجة محدثة برضو
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
Quote: هذه القرية التى سيقوم اقتصادها على الزراعة بشقها الحيوانى |
أهم متطلب لإنشاء قرية هو وجود حوجة للسكن في الموقع الذي ستنشأ فيه القرية. وحوجة الناس للسكن في مكان معين يحددها وجود مصدر إقتصادي وسوق للعمل. إذن أهم متطلب لقيام قرية جديدة هو خلق حوجة للسكن فيها فمثلاً تم التخطيط لمشروع مصنع سكر كنانة اولاً ثم تخلقت الحوجة لإنشاء قرى لإسكان العمال ثم تخلقت الحوجة لخدمات. المتطلبات الأخرى تشمل مصدر للمياه النظيفة والطاقة والبئة الصحية المناسبة والخدمات التعليمية والخدمات التجارية التي تلبي إحتياجات القرية وبعض المؤسسات الإجتماعية والترفيهية.
بحسب المقتبس أعلاه القرية ستقوم لتلبية الحوجة السكنية للعاملين او الملاك لمشروع الإنتاج الحيواني او الزراعي الذي يمثل العائل الإقتصادي للقرية. إذن لماذا لا يكون سؤالك يا أبو الريش هو "قيام مشروع جديد للإنتاج الحيواني.. ما هى المتطلبات؟"
| |
|
|
|
|
|
|
Re: قيام قرية جديدة.. ما هى المتطلبات؟ (Re: Hafiz Bashir)
|
Quote: إذن لماذا لا يكون سؤالك يا أبو الريش هو "قيام مشروع جديد للإنتاج الحيواني.. ما هى المتطلبات؟" |
السبب يا حافظ هو لأننا نعرف الإجابة على هذا السؤال، و قتلناه بحثا.. والان نريد الجوانب القانونية م هذه المتطلبات..
و برضو شكرا على إجتهادك.
| |
|
|
|
|
|
|
Re: قيام قرية جديدة.. ما هى المتطلبات؟ (Re: Hafiz Bashir)
|
سلام ابو الريش وصلت تب يا ابو الريش .. البيانات المطلوبة .. توصيل الخدمات مهمة شديد .. كهرباء . مياه . صرف صحى . شبكة اتصال . طرق برية بحرية جوية لربط القرية .. عدد سكان القرية المستفيدين المقيمين و الغير مقيمين نسبة النمو السكانى .. المستوى التعليمى . امى .ثانوى . جامعى . فوق الجامعى .. نوع القرية. تعليمية . زراعية . صناعية . تجارية . رعوية . متنوعة .. نوعية التربة صخرية . طينية . رملية .. المناخ صحراوى. شبة صحراوى .استوائى .. نسبة الامطار فى السنة .. توقعات الهجرة للقرية .. اهم شئ مساحة الارض مفتوحة ام محددة .. الخطوط الكنتورية منخفضة او مرتفعة ام الاثنين معا .. طبيعة القرى و المدن المجاورة لها . هذه المعلومات مطلوبة وهى قاعدة البيانات التى يعتمد عليها لبناء قرية حسب الموصفات .
| |
|
|
|
|
|
|
Re: قيام قرية جديدة.. ما هى المتطلبات؟ (Re: أيمن نواى على)
|
الأخ أيمن، الظاهر أخذت العنوان و جيت نازل تحت طوالى..
المتطلبات شرحتها فى البوست على أنها الإجراءات القانونية لقيام القرية.. اما ما ذكرته أنت وكذلك تطرق اليه حافظ، فموجود دراسة الجدوى التى قطعنا فيها شوط بعيد و لم يقى إلا الدراسة على الطبيعة.. حتى تحليل التربة ضمن الدراسة الميدانية قبل تحديد الموقع . و شكرا على المجهود.
أعتقد البوست أدى غرضه من شرح الفكرة.
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
يا أبو الريش أنا ذاتي بتكلم عن الإجراءات الحكومية ولو إعتبرتني أنا الحكومة وجيتني قلت داير تعمل قرية تموذجية في الموقع الفلاني اول سؤال حأسلك ليهو هو "ماهي الدواعي لإنشاء القرية؟" وما بصدق ليك القرية ما لم توجد حوجة للإنشاء
وإذا قلت لي الدواعي هي إنشاء مشروع لتربية المواشي مثلاً حأسألك من التصديق بتاعو وإذا ما عندك تصديق للمشروع الإنتاجي ما بصدق ليك إنشاء القرية.
القصد يا أبو الريش إنو تصديق المشروع الإنتاجي يسبق تصديق إنشاء القرية إجرائياً وتصديق المشروع يشمل تصديق إسكان المشاركين او العاملين في المشروع. تصديق القرية لا يشمل تصديق المشروع ولا يتم إلا بعد او مع تصديق المشروع.
أما إذا الطلب بتاعك يحتوى على دراسة جدوى شاملة للمشروع والقرية فموضوع الطلب هو إنشاء المشروع وليس إنشاء القرية إلا في حالة واحدة هي أن هدف المشروع هو إسكان فئة معينة من المواطنين بسبب ظروف إستثنائية مثل النازحين ففي هذه الحالة فقط يكون موضوع الطلب هو الإسكان
| |
|
|
|
|
|
|
Re: قيام قرية جديدة.. ما هى المتطلبات؟ (Re: Hafiz Bashir)
|
يا حافظ كلامك دا كله أنا عارفه، هذه هى الإجراءات البيروقواطية (المكتبية) النمطية، و هى لا تحتاج لسؤال .. المحامى الذى يسجل لك هذا المشروع اعلم بهذه الإجراءات وسوف يقوم بها..
معليش أقول ليك Off point قدر ما شرحت ما فى فائدة
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
ابو الريش المتطلبات شرحتها فى البوست على أنها الإجراءات القانونية لقيام القرية. .................. يا ابوالريش .. إجراءات قانونية شنو و تصديق شنو .. انت سيد بلد .. يعنى ما مهاجر .. تمسح الواطة البتعجبك و تبنى قريتك .. تخت بندقيتك جنبك .. اليفتح خشمه تملاهو جبخانة لمن يتكيف .. لو انت خايف تعال عندنا فى كاودة تبنى لمن تفتر .
| |
|
|
|
|
|
|
Re: قيام قرية جديدة.. ما هى المتطلبات؟ (Re: Abureesh)
|
ابوريش الخوف دا يا أيمن إلا نأخذ فيه كورسات محو الأمية.. لا فى البيت لا فى الحياة العامة لا فى المدرسة.... ما أدونا ليه ....................... ابشر يا ابو الريش .. اذا قالوا ليك كانى مانى .. تعال لينا بى جاى فى كاودة اراضى حدادى مدادى .. جيب الخريطة و دراسة الجدوى .. مرحب بيك حبابك .. الارض ان ما شالتك نشيلك فى رؤسنا .. بس انت قرب تعال ماتبتعد .. عندنا دراسة كاملة متكاملة بس منتظرين السلام .
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|