|
|
|
 Re: قوة البشير قوة فاسدة ؛ النشيد الماسورة (Re: أحمد محمد عمر)
|
كتب ابراهيم شحت الله :
________________________
إعادة قراءة للمشهد:-
وأحدة من مشاكل السودان ده إنو نحنا ما بنعرف بعض كويس والبنعوفو بنغيبو بشكل متعمد وبما إنو دارفور تحديدًا في الثلاثة عقود الماضية في ثقافات محددة وحدها هي التي تُعكس للناس في الخرطوم والجامعات والمحافل..
الفيديو أدناه كان على هاتفي المحمول من فترة طويلة أي قبل الثورة بعدة أشهر ومعه أخريات لنفس الأطفال وهم يتغنون بأغاني مشابه وعندما نشر في الميديا والقنوات لم اعلق عليه لان تلك المرحلة الأشخاص يبحثون عن ما يخدم خط الثورة ولكن الآن وبما إنو زمن الغتغته والدستيس إنتهى... هاكم الزيت:
هولاء الأطفال يلعبون ما يسمى في تراث عرب غرب السودان بإسم
"ام ردس" وهذا الفيديو زاع سيطه بشكل كبير جدًا في السوشل ميديا خاصة في فترة الثورة وما بعدها .. بتأوليلات كتيرة بسبب ضعف في الأذن السامعة والبحث عن ما يلبي أشواق هذه الأذن مما نتج عن ذلك من تأويل خاطئ كلياً لهذه الكلمات على شفاه هولاء الصغار..
اولاً وللتوضيح:
أن أثنين من هولاء الأطفال هم أبناء الخال عبدالله دهب (الدابي) وهناك ثالث يظهر معمها هنا وفي فيديوهات أخرى هو إبن الأخ توقو أحمد السعيد والبقية لا اعرفهم شخصياً وهم من بادية "طرابو" ريفي خوربرنقا (فوربرنقا) وكل الفديوهات المسجلة لهم كانت في المراعي حول الفريق كنا يظهر فيها من سهول وأشجار في تلك المنطقة.
ثانيا وللتوضيح أيضًا:
أن الدعم السريع يملك قوة تسمى القوة الخاصة وهي القوة الرادعة الحقيقية داخل الدعم السريع وهي تسيطر على المخيلة الشعبية للحكامات في ميادين المحافل في القرى والمدن..
ندخل في صلب الموضوع:
قوة البشير
قوة خاصة جات
حرصات حرصات (حِراسات) كناية عن مجموعات وفصائل.
قوة خاصة جات
حرصات حميدتي
قوة خاصة جات
جننو البنات
قوة خاصة جات
علقو البنات
قوة خاصة جات
وهنا الدلالاه على إنهم خطفو قلوب الفتيات من الأخرين بالفراسة والأموال التي يمتلكونها (الجن والتعليقه مترادفات في المعنى)
الله من الدعم ( العبارة تفيد الإعجاب والتهول)
قوة خاصة جات
والله برحم رحم (تفيد القوة والحسم لان رحم جاية من مرحوم)
قوة خاصة جات
أما بقية الفيديو عبار عن تكرار وترديد للأبيات أعلاه أتمنى أن أكون قد وضحت ما في الفيديو من كلمات لان اللغة حمالة أوجه والولوج إليها بمنعزل عن فهم اللهجة والواقع الإجتماعي غير مجدي.
(قوة فاسدة) هذه العبارة هي أشواق أذانكم ولم ترد في الفيديو قط يا أعزائي.
#شكرن
| |
 
|
|
|
|
|
|
|
|
Re: قوة البشير قوة فاسدة ؛ النشيد الماسورة (Re: أحمد محمد عمر)
|
قال ليك أدروب بيعمل سلات في محطة القطر ..
اتنين شبكوهو جيب واحد سلات جيب شطة ..
تاني جيب اتنين سلات وجيب ليمون وشطة ..
القطر اتحرك جروا منو وركبوا القطر ..
وادروب جاري وراهم ياها القروش ياها القروش
بعد القطر سرعته زادت وادروب فقد الأمل
يرموهو ليهو قروش ..
رفع عقيرته وكورك قال ليهم
يا ها إن شاء الله القروش ماتجيب ..
والله لحم الفطيس اكلتو ..
| |
|
|
|
|
|
|
|
|
|
Re: قوة البشير قوة فاسدة ؛ النشيد الماسورة (Re: جمال ود القوز)
|
Quote: يا ها إن شاء الله القروش ماتجيب ..
والله لحم الفطيس اكلتو .. |
بس ياهو الحصل علينا
كنت مسمي البوست (قوة البشير قوة ..... أو حين مسكنا الماسورة)
| Quote: اليوم عادوا بإصدراة جديدة "لسه حاكمه" |
والله يا ياسر بعد دة لهجة ما فاهم مصطلحاتها ومخارج حروفها بالكامل ما بصدق تفسير الناس ليها
كانت ماسورة من أمها مسكتها كل القنوات العالمية الاتكلمت عن الثورة أيامها الأوائل
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Yasir Elsharif
جمال ود القوز
فيس بوك
تويتر
انستقرام
يوتيوب
بنتيريست