|
كتب الكاتب الفاتح جبرا المتوفرة بمعرض الدوحة
|
|
 Re: قطع شك صلاح بندر (Re: النصرى أمين)
|
انشاء الله يبدلوهم بكائنات فضائية ونحن راضين
باقى موضوع السفارات دا ماكل جمبة مع الكيزان
اوعك تجى تقول انا ما كوز ,لانو الجواب ببان من عنوانه!
اسي ات لو زول سودانى عانى ما عاناه السودانيين من عمايل السفرا الكيزان فى الخارج ؟ما كت كتبت الكلام دا!
من اين ياتى هؤلاء ؟؟؟
| |
  
|
|
|
|
|
|
|
|
Re: قطع شك صلاح بندر (Re: بدر الدين الأمير)
|
Quote: ومن بين الذين ستتم اعادة تعيينهم بالمخالفة للمادة ٥٠ ل السفير عادل شرفي والحارث إدريس .
ونصرالدين والي و عبد الرحمن شرفى[quote/] تصحيحا للمعلومة
السفير نصر الدين والى فى اجازة بدون مرتب بغرض الدكتوراه
| |
|
|
|
|
|
|
|
|
|
Re: قطع شك صلاح بندر (Re: عبد الصمد محمد)
|
| Quote: لكن القرار النهائي بيد جماعة الشفيع خضر الذين يضيفون ويحذفون حسب تقييم جناحهم في الحزب الشيوعي وهم يستشيرون إبراهيم طه أيوب في أمور الخارجية ويعتبرونه أبوهم الروحي. ولا تملك الخالة أسماء إلا أن تبصم على قوائم جاهزة تأتيها من خارج الوزارة. يا حليلك يا يما بهدلوك في آخر عمرك. |
ههههه ... السادة المتداخلين ديل ما فيهم واحد ينتمي
او يعرف ما يدور في دهاليز (قحت) ... قحت لا تستطيع
أن تنفي هذا (الإتهام) المباشر ... قحت شغاله بي نظام
المؤتمر الوطني زمن كان راكب في السلطة ومسؤول من
تعيينات الجهاز التنفيذي ... قحت والشفافية صارا خصمان
منذ فض إعتصام القيادة في ٣ يونيو ... قحت مخططفه
من مرافيد وناكري الحزب الشيوعي ويعملون ليل نهار
لإنفاذ إستراتيجية الحزب الشيوعي في التمكين ...
معركة الولاة والمعتمدين مدورة الآن والغلبة سوف
تكون للحزب في الشمال والوسط وحتي في ولايات
التهميش ... ولازال الحزب يدعي النضال وينادي
بوحدة الجماهير لإنفاذ مطلوبات ثورة ديسمبر
ولم يقنع من إلتهام أطايب الثورة ...
| |
|
|
|
|
|
|
|
|
|
Re: قطع شك صلاح بندر (Re: Salah Zubeir)
|
يا صلاح، الشفيع وجماعته (التغيير الآن) لا يمثلون الحزب الشيوعي وهم يعادون الحزب الشيوعي عداء شديد.
لا أحد ينكر أن الشفيع خضر هو ترابي الحكومة الانتقالية
هو العراب الأوحد
| |
|
|
|
|
|
|
|
|
|
Re: قطع شك صلاح بندر (Re: أبوبكر عباس)
|
بكور ياخي الشفيع نعم مختلف مع (قيادة) الحزب
ويعادونها عداءا" شديدا في الأمور التنظيمية لكن
ليس مختلفا حول أهداف وتعاليم واستراتيجية
الحزب ... وهذا معلوم للكثيرين حول الشفيع ...
بكور الشيوعية عقيدة وليست حزب عادي ممكن
تطلع منو وتمشي لي حزب تاني او تكون حزب ...
البطلع من الشيوعية في حكم المرتد عندنا ...
هسع البندر دا ساعة يتختا في خيارات حا يختار
الشيوعي وهو مغمض ... لأنو ياها دينو ...
| |
|
|
|
|
|
|
|
|
|
Re: قطع شك صلاح بندر (Re: أبوبكر عباس)
|
أتفق معاك تماما ... بس علي الحاج لو قال
لي الشفيع ارحكاكا نصلي المغرب في جامع
الشهيد ونحضر التلاوة البعد الصلاة لغاية
صلاة العشاء ...
الشفيع حا يكبس ليهو دين عااااادي ....
| |
|
|
|
|
|
|
|
|
|
Re: قطع شك صلاح بندر (Re: أبوبكر عباس)
|
Quote: قحت لا تستطيع
أن تنفي هذا (الإتهام) المباشر |
الصح قبل أن تنفي قحت, ان يثبت البندر - وأنت ايضا - اتهاماتكم بالدليل - مش تحليل وقياس وفلان وحدثني دفعتي و سمعت وجابوه لي
حتى بعد داك يكفي قحت اليمين
| |
|
|
|
|
|
|
|
|
|
Re: قطع شك صلاح بندر (Re: أبوبكر عباس)
|
Quote: الصح قبل أن تنفي قحت, ان يثبت البندر - وأنت ايضا - اتهاماتكم بالدليل - مش تحليل وقياس وفلان وحدثني دفعتي و سمعت وجابوه لي
حتى بعد داك يكفي قحت اليمين |
أفهم يا ود البشرى دفاعك عن قحت التي تمثل
لك قوى الحرية والتغيير قبل ٣ يونيو ... لكن
قحت اليوم (غير) ... لتعرف حجم المصيبة
خلي قحت تنشر أسماء لجان الإختيار للوظائف
الحكومية العليا ومعايير الإختيار ... ما قحت
دي تحالف عدة قوى ومن واجبها أن تتسم تصرفاتها
بالشفافية ... لمحدودية كراسي الحكومة والسيادي
لم تظهر مشاكل بين هذه القوى ... تعال شوف معركة
الولاة والمعتمدين والمجلس التشريعي التي سوف
تكون قاصمة الظهر لهذا التحالف بفضل أطماع اليسار
بالتكويش ... والعاجبو عاجبو والما عاجبو داك البحر ...
علي أية حال كلام البندر سوف نعلم مصداقيته من
كذبه في الأيام القليلة القادمة ... وساعتها حا نشوف
قحت حا تنفي ولا حا تقول ديل شيوعيين (سابقين) ..
| |
|
|
|
|
|
|
|
|
|
Re: قطع شك صلاح بندر (Re: Salah Zubeir)
|
Quote: أفهم يا ود البشرى دفاعك عن قحت التي تمثل
لك قوى الحرية والتغيير قبل ٣ يونيو |
كلامي الكتبته يا ود الزبير ما تقراه دفاعا عن قحت فدا مبدأ عام و ينطبق على الكل
الشي التاني صدّق لو نالت جهة واحدة لنقل الحزب الشيوعي مثلا كل مقاعد الولاة و الجهاز التنفيذي فليست مشكلة, لأنه الآن ومع الحرية و الرقابة و العيون المفتوحة للآخر من يتولى منصب تنفيذي سيكون قطعة من نار عليه إن أفسد او فشل, في عهد الرقابة الشعبية لدرجة التجني و الترصد الحاصلة دي ليس مهما من يحكم بل كيف يحكم
واهو انت شايف براط سياط النقد بشقيه البناء و الهدّام التي تنال اعضاء المجلسين السيادي و التنفيذي بالحق و الباطل
فلا تظن ان تولي المناصب التنفيذية و الولاة سيكون كما ايام المؤتمر الوظني وسيلة للتمكين و تمرير البرامج الحزبية
| |
|
|
|
|
|
|
|
|
|
Re: قطع شك صلاح بندر (Re: محمد البشرى الخضر)
|
| Quote: الشي التاني صدّق لو نالت جهة واحدة لنقل الحزب الشيوعي مثلا كل مقاعد الولاة و الجهاز التنفيذي فليست مشكلة, لأنه الآن ومع الحرية و الرقابة و العيون المفتوحة للآخر من يتولى منصب تنفيذي سيكون قطعة من نار عليه إن أفسد او فشل, في عهد الرقابة الشعبية لدرجة التجني و الترصد الحاصلة دي ليس مهما من يحكم بل كيف يحكم |
يعني عاجبك البيعمل فيهو وزير الصحة دا ...
لا سايل في مجلس وزراء ولا مجلس سيادي
يعلن الوباء في عدة ولايات بدون الرجوع لرئيسه
المباشر ويتصل بالمنظمات الصحية العالمية بدون
إبلاغ الجهات السيادية ومع ذلك يتلقي الدعم
والمساندة مباشرة من ل م ...
| |
|
|
|
|
|
|
|
|
|
Re: قطع شك صلاح بندر (Re: Salah Zubeir)
|
الفرق يا صلاح الناس في عهد شفافية ومن قبل ما يمر على الحكومة أسبوع
تناول كل الحانقين على تعىين هذا أو ذاك تناولوا تعيينهم بالنقد وبألسنة حداد
عبر الصحف الحرة والقنوات الحرة بل مسئول السدود عملوا ليه مظاهرة جوة المؤسسة
دا عهد جديد يا صلاح ويا صلاح ما فيه حصانة لزول وما فيه أمن بيهددك ويعتقلك عشان ما تقول
ودي فترة إنتقالية الناس ما قفلت سنتها الأولى لإصلاح إعوجاج خراب 30 سنة
فزي ما صبرتوا 30 سنة اصبروا على ديل 30 شهر
وزير الصحة لو انت من الحانقين على قرارته ياما هنالك الآلاف المبسوطين جداً من منهجيته في الشغل
في النهاية الوزير مسئول لدا رئيس الوزراء فهل سمعت إنه حمدوك إستدعاه وأنبه
قد تكون منهجيته إنه إنتهى زمن الدس والغتغيت
يعني لو البلد فيها وباء يجب أن يتم إعلان ذلك لأنه دا الشيء الصاح
حتقول لكن دا فيه ضرر إقتصادي؟ نعم لكن انت بين خيارين
وهو بصفته دكتور في الوبائيات فقد إختار الخيار البراه أسلم
ولعلمك هو كان موظف كبير في منظمة الصحة العالمية قبل تعيينه
فيا شباب روقوا المنقة دي فترة إنتقالية
وحتعقبها انتخابات حقيقية ما فيها تعيينات أو وصايا
لكن للأسف عناصر الثورة المضادة وجماعتهم حيستمروا في خلق الفتن
ما ظهر منها وما بطن
وإذا جينا للبندر
أرجعوا أقروا عن الفتن العملها في البحرين
وأقروا عن سيرته ومسيرته في ذلك البلد العجيب
لتفهموا نفسيته ودوافعه لكتاباته الغريبة
| |
|
|
|
|
|
|
|
|
|
Re: قطع شك صلاح بندر (Re: عبدالغني محمد الحاج)
|
Quote:
أتفق معاك تماما ... بس علي الحاج لو قال
لي الشفيع ارحكاكا نصلي المغرب في جامع
الشهيد ونحضر التلاوة البعد الصلاة لغاية
صلاة العشاء ...
الشفيع حا يكبس ليهو دين عااااادي |
الشفيع براهو ؟ اى زول عاش الكابوس بتاع التلاتين سنة بتاعة المجرمين ديل حيعمل كده ..
| |
|
|
|
|
|
|
|
|
|
Re: قطع شك صلاح بندر (Re: د.محمد بابكر)
|
البندر طرد من البحرين شر طردة لأنه حاول يخلق فتنة بين الطوائف هناك وحاول يدق اسفين بين افراد الشعب البحرينى ، بمثل هذه اللغة المفخخة يلقيها هكذا في الهواء وبداخلها الحقد والعداء والنفس المريضة وبالطبع تخصص في الفبركة واصطناع الاحداث والوقائع ، لن يتخلى عن طبيعته
| |
|
|
|
|
|
|
|
|
|
Re: قطع شك صلاح بندر (Re: قسم الفضيل مضوي محمد)
|
Quote: يعني عاجبك البيعمل فيهو وزير الصحة دا ...
لا سايل في مجلس وزراء ولا مجلس سيادي
يعلن الوباء في عدة ولايات بدون الرجوع لرئيسه
المباشر ويتصل بالمنظمات الصحية العالمية بدون
إبلاغ الجهات السيادية ومع ذلك يتلقي الدعم
والمساندة مباشرة من ل م ... |
يا صديقي العزيز صلاح
انا من قرية فتوار التي كانت اول من ظهرت فيها حمى الوادي المتصدع
أصيب معظم افراد اسرتي بالحمى اللعينة
ومات أربعة من اقرب الأقربين لي
ونفقت معظم مواشي أهلنا البسطاء
انا لا اضحي بموت من تبقى من أهلي لاجل حفنة دولارات يذهب معظمها لجيوب القطط السمان .
| |
|
|
|
|
|
|
|
|
|
Re: قطع شك صلاح بندر (Re: MOHAMMED ELSHEIKH)
|
يا عزيزنا ودالشيخ ...
ربنا يرحم موتاكم وموتي المسلمين ويشفي
مرضاكم بقدرته يا كريم ...
يا حبيبنا ... اذا الوزير يشرق ويغرب كل يوم في
أرض السودان الواسعة دي منو البخت ليهو النظام
(System) ومنو البخت ليهو الإستراتيجيات للرعاية
الصحية لي ٤٠ مليون سوداني منتشرين في اكتر من
مليون ونص كيلومتر مربع ... شغل الهبتلي دا
الناس لو ما خالتو واتوزعت المسؤوليات بين أعمدة
الوزارة وعرف كل واحد شغلو في كافة الظروف بي
Procedures محدده ساعة الطواري او الوباء او
الخلل في الخدمات في جهة معينة يبقي حا نعك
ونعك ونعك ... وفي النهاية طحين مافي ... اسلوب
الثوريين بتاع زين العابدين عبدالقادر والكوز العقيد
والي الخرطوم السابق (الحمد لله نسيت اسمو) ما
حا يطور البلد دي .... مهمة الوزير الأساسية هي خلق
القوانين والاستراتيجيات وتوزيعها علي موظفينو
الكبار والاشراف علي التنفيذ من مكتبه في وزارة
الصحة وإذا أخل أحدهم عليه التحرك للمساندة
والحساب لاحقا" ....
| |
|
|
|
|
|
|
|
|
|
Re: قطع شك صلاح بندر (Re: Salah Zubeir)
|
Quote: انا من قرية فتوار التي كانت اول من ظهرت فيها حمى الوادي المتصدع
أصيب معظم افراد اسرتي بالحمى اللعينة
ومات أربعة من اقرب الأقربين لي
ونفقت معظم مواشي أهلنا البسطاء
انا لا اضحي بموت من تبقى من أهلي لاجل حفنة دولارات يذهب معظمها لجيوب القطط السمان .
|
لا حول ولا قوة الا بالله .. البركة فيكم يا ود الشيخ
طيب لما الموضوع خطير كده ، اعلام السجم ده قاعد وين ؟
من البداية كان رأيي انو الوزير على حق واشتغل شغلوا ، بعدالك وزارة الثروة الحيوانية برضو تشتغل شغلا
ببساطة وزير الصحة مسئول من البشر ووزير البهايم مسئول من البهايم ، ما ممكن تضحي بي زول عشان
ما يموت خروف ولا ما يتباع!
اسي لو الوزير ده صهين زي وزراء البشير زمان ، منو الحا يتحمل المسئولية ؟ كنا حنشوف نفس الاقلام
الهاجمتو عشان اعلن الوباء حتهاجمو عشان صهين ..
| |
|
|
|
|
|
|
|
|
|
Re: قطع شك صلاح بندر (Re: Abdullah Idrees)
|
Quote:
انا لا اضحي بموت من تبقى من أهلي لاجل حفنة دولارات يذهب معظمها لجيوب القطط السمان |
سلام عليكم
أخي محمد الشيخ
عظم الله أجركم وأحسن عزاءكم وغفر لموتاكم و جعل الجنة مثواهم.
إنا لله و إنا إليه راجعون.
| |
|
|
|
|
|
|
|
|
|
Re: قطع شك صلاح بندر (Re: نعمات عماد)
|
كيف الإقرار بأن هناك ت’مر وشلة عصابة متحكمة فى قحت وفى التعيين للوظائف
وأن معظمهم شيوعيين أو مرافيدهم، وبأن ما فى مشكلة ما دام فى رقابة؟! هى الرقابة
دى ككيفنها إذا كانت بتغمض النظر عن إنحيازية التعينات من حزب واح لفترة حكم
يفترض تمثل كل ألوان الطيبف !!!
مقال صلاح البندر بتناول على أنه معطيات يتم تقييمه يا الأخذ بها أو ببعضها أو إهمالها
لكن كونه شيوعى سابق أو تارخه وحاجاته لا تهمنا من قريب أو بعيد .. وما دام الناس
ما قادرة تنكر أن الشفيع خضر يسيطر على محموعة بحقت وعلى حمدوك وبيعين على
كيفو، فشمارات البندر رافضنها لى .. ما فى دخان من غير نار!
* فترة الحكم الإنتقالى 3 سنة وشوية، وسيكون فيها إحلال وظيفى كبير وشكله حيكون
بمزاج الشلة .. تقول لى رقابة !! هى الشمولية دى كيف؟ والتمكين كيف؟
ثورة راحت شمار فى مرقة!
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
| |
ahmed hmed
Mohd Ibrahim
محمد البشرى الخضر
بدر الدين الأمير
جلالدونا
أبوبكر عباس
Salah Zubeir
د.محمد بابكر
wadalzain
قسم الفضيل مضوي محمد
MOHAMMED ELSHEIKH
Abdullah Idrees
نعمات عماد
فيس بوك
تويتر
انستقرام
يوتيوب
بنتيريست