النصري حاجتين ما ح يكونوا في السودان.. القتل السريع والكيزان, حالة صعب وصفها والله.. بالمناسبة لسة المستشفيات فيها حالات خطرة حرجة للاسف.. والجرحي بالجملة. بقية الاطفال زملائهم واصحابهم واولاد حلتهم وفريق الكورة.. إنا لله ياااااخ.
07-30-2019, 05:26 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الدعم السريع مليشيا متفلتة افرادها غير نظاميين. لا يخضع القبول للانخراط في المليشيا دي لاي تقيم أكاديمي او معرفي والقبيلة وتوصية العمدة أو الشيخ هي المعيار الوحيد للقبول. الولاء الاعمي لقائد المليشيا يجعل من الصعب دمجها في أي قوة نظامية معروفة وإن كانت مؤدلجة كالجيش السوداني معناها غرس خلايا مسرطنة في جسم سرطاني.
تسريح المليشيا دي بقي مطلب شعبي لصعوبة قبول الشارع وجودهم في اي منظومة أمنية. الشعب السوداني يكره الجنجويد لتاريخهم الاسود في كل بقعة طاهرة من ارض الوطن دنسوها بفظاعاتهم وتفلتهم وبربريتهم.
Quote: الما بعرف الجنجويد يقول سلمية
يا خالد المليشيا دي مش لو غيرت أسمها معروفه عند الناس. المواجهة بين حميدتي والشارع حتما ح تكون دموية لكن في النهاية خسارته. أسياده في الامارات ومحورها طبعا ح يحاولوا يجنبوه أي مواجهة مباشرة لانه خسارتهم ح تكون تلاتة دول منتشرة فيها المليشيا دي.
07-30-2019, 07:47 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
مجزرة أطفال الابيض وضعت المفاوضات بين المجلس العسكري وقوي الاعلان علي المحك. الكراهية المتزايدة لقوات القتل السريع والدفاع المستميت من البرهان وفريق الخلا لم ولن يجد ااي آذان حتي عند أكثر المتعاطفين مع المليشيا بوقوعها ضحية للاختراق. مصداقية فريق تفاوض قوي الاعلان أضحت مراقبة من الشارع أكثر من أي وقت مضي في الوصول لاتفاق فوري مع العسكر وزيادة الشفافية في التعامل مع الملفات. القتل السريع أتنسفت كل محاولات تجميله وح يصبح عبء حتي علي حلفائه في المحور وأمريكا.
مولانا إسماعيل التاج قال ( فلتذهب المفاوضات والمجلس العسكري والتجمع وقوي الحرية والتغيير الي الجحيم اذا لم يتم اعتقال المعتدين علي المتظاهرين و تقديمهم للمحاكمة). دي أنسب فترة واكبر فرصة ممكن يحقق فيها فريق التفاوض أهدافه ويرفع سقف المطالب ويضيق الخناق علي العسكر.
07-30-2019, 08:09 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
كتبت المداخلة الفوق دي وفاتح الحدث (للاسف). بس نزل خبر عاجل من البرهان وجه فيه وفد التفاوض الوصول لاتفاق مع قوي الاعلان باسرع ما يمكن والتغاضي عن الصغائر. كل سوداني يقتل خسارة كبيرة ويجب الاستجابة للشباب. بس وصف الدعم السريع بأنه قوات خااااصة.. ودا ماااا ح يتبلع. الحصانة لم نطلبها ولا نريدها ودا اقتراح من لجنة مشتركة!! امممممممم! هل دا معناه الوثيقة الاثيوافريقية ادتهم حصانة منهم؟؟؟ ليه؟؟ المجلس العسكري جاءته تعليمات من فوق..
07-30-2019, 08:39 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
واضح انه جاءتهم التعليمات من فووووق اسيادهم او اسياد اسيادهم. المجلس العسكري خسر كل الاراضي تقريبا ودي اكثر فرصة ممكن لقوي الاعلان تمرير كل مطالبهم ورفع سقفها. حميدتي وجنجويده بقي ماعندهم ااي وضعية في البلد وما ح ينفعوا الا مرتزقة للمحور وحروبه.
طبعا اي كلام من البرهان او المجلس بشكل عام لا يجب التعامل معاه بجدية لانه كمية الكضب عندهم لا ليها حد لا ليها عد!! بس انا المحيرني موضوع الحصانة من اللجنة الفنية المشتركة!1 دي يا تو لجنة.؟ هل دي لجنتهم أم لجنة محايده؟؟ أم هل دا الاستاذ اللبّات وثيقته الخائبة؟!!
07-30-2019, 08:52 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
يلا يا تجمع وقوي الحرية كربوا التفاوض وبالمرة أعلنوا عصيان مدني علشان يكون الضربة القاضية للعسكر وأدخلوا المفاوضات. قصة المسيرات والمواكب الايام دي ما حبابها ومفروض نكوووون إتعلمنا من المرات الفاتت. كلما قربت المفاوضات تصل لنهاياتها تحصل كارثة وموت بالجملة.. المرة دي الكورة في ملعبكم وجاءتكم مقشششششرة شوتوا المجلس بالعصيان والكتائب والجنجويد بهدف وشوته من بعييد قرب دائرة السنتر.. يومين إعتصام متزامن مع المفاوضات اسلم طريق لتحقيق كل أهدافنا.. مواكب ومسيرات ح يكون فيها موت ح يكون فيها مووووت.. مافي دااااعي وكفانا حزن ودموع والم..
07-30-2019, 06:29 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
في الاخبار.. تاجيل المفاوضات لاجل غير مسمي! ليه؟ دا أكيد ح يخدم المجلس تاااااني زي كل مرة. أتمني عدم صحة الخبر والعودة للمفاوضات وحسم الملفات المعلقة. تعليق التفاوض في كل مرة المستفيد منه هم العسكر والتأجيلات تشهد!! العودة للتفاوض الااااان مهم جدا والاستفادة من حالة الاستنفار في الشارع.
07-30-2019, 06:37 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
د. عبدالحليم عيسي تيمان.. اللجنة الفنية المشتركة أختتمت أعمالها, وأحداث الابيض أجلت الاجتماع بين العسكر وقوي الاعلان لتواجدهم في عروس الرمال الجريحة. كويس إنه أكد عدم تاجيل المفاوضات..
07-30-2019, 08:45 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
في عطبرة.. قوات القتل السريع تحاول دهس طلاب المدارس!! واضح أنه التعليمات هي إستهداف طلاب المدارس.. كويس إنه تم قفل المدارس لحد ما بعد العيد.. الجنجويد كل لحظة بعمقوا في الكراهية من الشعب وفريق الخلا في آخر مراحل نسفه..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutasim Idris
فيس بوك
تويتر
انستقرام
يوتيوب
بنتيريست