قالت لي دي من الاسناب و انا اصلا بتابع ده في الانستجرام فلو عملت لي add في الفيس ممكن اعمل ليك شير ؟
بعدين سكتت كده لامن لقتني ما اتجاوبته و قامت قالت لي بي قرفه كده انت ما حريف شكلك في السوشيال ميديا؟
قت ليها و الله انا كنت احسن زول بدكك الكفر و احرف من العجلاتيه في رقعة الجواني اب بوز ؟ نططت عيونها و قهت ... عاينت ليها بي طرف عيني و بي تغا و قلت ليها ... انتي شكلك ما حريفه في الحاجات دي ؟
12-10-2019, 02:12 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
Quote: قت ليها و الله انا كنت احسن زول بدكك الكفر و احرف من العجلاتيه في رقعة الجواني اب بوز ؟ نططت عيونها و قهت ... عاينت ليها بي طرف عيني و بي تغا و قلت ليها ... انتي شكلك ما حريفه في الحاجات دي ؟
ههههههههههه يعني اديتا بالباقي تسالي :) لحدي هسي بتكون مقهية بتقول عمو دا من عصر الديناصورات يا قُبه عندي ليك فيديو قريب من حالتكم دي ما بقدر ارسلو هنا بجيبو ليك بي هناك رسلتو لي واحد صاحبنا من جيلكم دا صرف لي بركاوي هههههههه
12-10-2019, 03:39 AM
Kabar
Kabar
تاريخ التسجيل: 11-26-2002
مجموع المشاركات: 18537
انا بعرف يا قريبي (لا تستغرب يا قريبي ، يضع سرو في جناح بعوضة..في اضعف الخلق يا يحي..!!)
العريبي بدر الدين الأمير ، ذات حرية ، ذات هواء نقي ، ذات تضحيات شباب امسودان ، بدر الدين يضري عيشو في الهبوب..,يحجر علي عيال الريف الإحتفال براس السنة..يدخل دينق..ويصرف حاجات كتيرة لبدر الدين..مفادها اقعد في صريفك يا عريبي يا بدر الدين..وخلينا نحتفل برانا ..ونعرف وين نخط قزازنا..!! كاااااااااااااك يا يحي..وتاني كاااااااااااااااااااااك..!! دينق ، من كل ابهة اللحظة ومظنة العريبي بدر الدين في الإحتفال بيقين اخر..دينق ما فهم غير رصة القزازة..!! قول ليها يا يحي ، لو بتقدري ، بمحبة اليقين النضاح ، تعمل شير لحسن الهاوي ، ولو ما عرفت حسن الهاوي ، دارجها..ماشيها شوية ..بمصطفى سيد احمد..لو ما عرفت واحد من ديل..ما ح اقول ليك الرماد كال حماد ، لكن بقول ليك..ارحكاكا نجلد بدر الدين الأمير ودينق ، الإثنين معا يا قريبي..!! اوعى زولتك تطلع حنكوشة..وتملانا فقر انو دق الناس انتهاك لحقوق الإنسان..!! كل الحب يا يحي..هبي نو اير يا عمك..!! كبر
12-10-2019, 07:30 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: ههههههههههه يعني اديتا بالباقي تسالي :) لحدي هسي بتكون مقهية بتقول عمو دا من عصر الديناصورات يا قُبه عندي ليك فيديو قريب من حالتكم دي ما بقدر ارسلو هنا بجيبو ليك بي هناك رسلتو لي واحد صاحبنا من جيلكم دا صرف لي بركاوي
جيلنا مالو .؟ و الله صمغنا شايل و ابشرك كلما نكبر نزيد حلا زي ما قالن البلابل ... هههههههه
12-10-2019, 07:36 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
انا بعرف يا قريبي (لا تستغرب يا قريبي ، يضع سرو في جناح بعوضة..في اضعف الخلق يا يحي..!!) العريبي بدر الدين الأمير ، ذات حرية ، ذات هواء نقي ، ذات تضحيات شباب امسودان ، بدر الدين يضري عيشو في الهبوب..,يحجر علي عيال الريف الإحتفال براس السنة..يدخل دينق..ويصرف حاجات كتيرة لبدر الدين..مفادها اقعد في صريفك يا عريبي يا بدر الدين..وخلينا نحتفل برانا ..ونعرف وين نخط قزازنا..!! كاااااااااااااك يا يحي..وتاني كاااااااااااااااااااااك..!! دينق ، من كل ابهة اللحظة ومظنة العريبي بدر الدين في الإحتفال بيقين اخر..دينق ما فهم غير رصة القزازة..!! قول ليها يا يحي ، لو بتقدري ، بمحبة اليقين النضاح ، تعمل شير لحسن الهاوي ، ولو ما عرفت حسن الهاوي ، دارجها..ماشيها شوية ..بمصطفى سيد احمد..لو ما عرفت واحد من ديل..ما ح اقول ليك الرماد كال حماد ، لكن بقول ليك..ارحكاكا نجلد بدر الدين الأمير ودينق ، الإثنين معا يا قريبي..!! اوعى زولتك تطلع حنكوشة..وتملانا فقر انو دق الناس انتهاك لحقوق الإنسان..!! كل الحب يا يحي..هبي نو اير يا عمك..!! كبر
كبر يا صديقي الجميل ...
انت عارف وليدات الزمن ده قايلين دكيك الكفر ده اي من كان بعرف ليو ...
زمان حتى لو ما لعاب بكون عندك خانة في التيم لانك بتعرف للكفر ...
اما العريبي ود الامير الدنيا ودتو من شراب العيكوره لي شراب الشيفاز يا كبر تخيل ...
انا خايفو كمان اكون بقى يعرف الفرق بين السنقل مالت و باقي الاوساك ...
شنو يااااا كبر ياخ منتظرين منك بوست حول قضية التعويضات السودانية لضحايا الهجمات الامريكيين أنا غايتو جنس القضايا دي ما بفهمها إلا منك لأنك بتكسر لغة القانون الجامدة بملكة الرواية وكلام الونسة أقسم بالله ما فهمت موضوع العقوبات الأمريكية إلا منك .. ولا فهمت جوطة سيداو إلا منك برضو ووزعت رابط البوست بتاعك بالواتساب
المهم يا إما تعملو بوست كامل زي عادتك يا إما تعال لي في بيت قباني دة وقع لي الشغلانة
12-10-2019, 08:01 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
اخونا قباني سلامات سنة 1998 رسلتني الشركة لي ساوباولو في مهمة تجارية ( احذية رياضية ) الزولة المسكت ملفي من انزل من الطيارة لاحدي ما اشحن الحاوية كان اسمها مارتا . انا كان وصولي صباح يوم ثلاثاء . وبي سرعة قطعنا شوط في ترتيب الطلبية . يوم الاحد جاتني في الفندق وده برنامج المصنع لي ك زبون . من الخارج . جاتني والدنيا مصيفة وكانت لابسة حاجة اسمها ( ساكت ) ودتني زيارة لي مكان سمح . فيه تمثال وزحمة ناس واقعين تصوير في التمثال . بعد شوية زولتي اخدت كرة قدم من شاب و راحت تدكك . دككت زي الليل . وبي نفس قايم قالت لي الشاب الفي التمثال ده اسمو ( شارل ميلر ) وقعدت تحكي . قالت لي شارل ده شاب انجليزي . ودخلت في كلام كتير انا مع ضيافة الشربوت نسيت نصو . كلام عن ملعب باكاديمو في بانيستير كورت اسكول في ثاوثهامبتون . وسرحت تشرح في قواعد اللعبة الكان اسمها ( الكريكت ) اتحولت لي فوت بول . و اهل البرازيل سرقوا المصطلح واهتمو بي الكرة . دخلتني مكتبة ضخمة كلها عن قواعد اللعبة والدككان حقك ده . وقالت لي الناس هنا انشغلوا بي الشغلة دي من سنة 1895 والله يا قباني من الشربوت ضحكت في التاريخ . واتذكرت كلام اخونا الشاعر الراحل حميد كان يحكي لي في جدة السعودية عن قصيدة ام بقر بيحكي في القصيدة عن معركة ام بقر الحصلت في نوري بين الاهالي والانجليز سنة 1895 .. معركة ام بقر حصلت في نفس الساعة القامت فيها اول مباراة في ساوباولو سنة 1895 وفي طرف باحة تمثال شارل ميلر مكتوبة اسماء اللاعبين جت . الشاركوا . ضحكتنى التواريخ وانا برضو سرحاني طال مع قصيدة حميد البتذكر فيها اسماء جميع شهداء معركة ام بقر . .... ياخ الحكاية طويلة . لكن داير اقوليك لحظة زولتنا بتدكك بي الكرعين البرتقاليات . انا جاطت في راسي الحكايات . بعدين هي ليه اللغة البرتغالية سموها برتغالية ؟ شنو الداعى ؟ وكيف اهلنا البرازيليين دفسوا مصطلحاتنا العربية والانجليزية في البرتغالية . وانت يا قبة الوداك تدكك في حارة الدكاكين شنو ؟ برجعليك
(عدل بواسطة Osman Musa on 12-10-2019, 06:27 PM) (عدل بواسطة Osman Musa on 12-10-2019, 06:40 PM)
12-10-2019, 09:34 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عان جاي يا قبب ياخ مافي طريقة تسويلك قرطة دولارات لي تذكرة طيران للبرازيل لي شيخنا عبدالحي . شوف منك ومن كبر وياسر طيفور . خلي الشيخ يمشي يتفرج في دككان بنات الريودي والساوباولو . خلوهو يمشي يتفرج سحر البنات بي الكرة في الفسحات البهية المش ممكن يعتدي عليها لا كرتي لا برتي . خليه يمشي يتفرج في ضقل البنات لي الكرة . خليه يتفرج في خط طمنطاشررررر . والوان نجوم سراويل ناس شيلينا . خليه يتفرج في الضقل الحلال . ربنا يرحم شهداء التحرر . يارب .
مالك انخلته ... اخوك بتكلم عن الكفر أبجواني ... الجواني أب أنبوبة برتقالية لازم تكون حريف في طوية البوز و لازم يكون عندك مسلة محترمة ... و التدكيك زاتو خشم بيوت ... يا زول ده شغلة اسطوات ..ههههه
12-11-2019, 03:46 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
أنا قاعد ياقباني من أول البوست .. وعايز أعرف التدكيك ده شنو .. وماعايز أتشالق ساي .. قلت لو عنده علاقة بالكورة اصلا مابتفوتني .. الواحد كان راسه غير الكورة مافيهو حاجة .. لكن حسيت إنه شفل التدكيك ده ما لعب كورة ولاتضقيل .. فطلع زي ما اتوقعت بوز وكفر برتقالي بمخرزوهو بي مخرز ... يأخ دي حاجات قديمة خلاص .. عامله زي الكدارات الكدايسا كدايس خلا ديك ـ .. والله مالعبت بيها ... خخخخخ
عارف فكرت برضو في لحظة ما إنه كفر العجلة ... ههههههه المهم قعدت لامن بانت لبتها ولبّنت .. والسعيد بشوف في غيره أو كما يقولون .....
12-11-2019, 05:35 PM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
غايتو لمن ظهر كان أحسن إختراع .. كفر الإبرة .. رحمنا من كفر البوز والدكيك وله تسمية تانية (الزرير) ولو بقت على بوزو وربيطو أهون .. لكن الخارجى فتايلو بتتفرتق .. دا غير الجوانى البرتكانى بيطرشق!
أخونا عثما ن موسى ما كمل قصتو .. وقف فى الكرعية البرتكانية البضقل فى ميدان عام .. أها وبعديين .. بات فى الميدان؟
12-11-2019, 05:58 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
اخونا اب ذر سلامات . ههههها قلت لي القلفطة؟ ياحليل زمن المراكب الماهلة . مراكب نقل الفاصوليا من مشرع الزيداب غرب لي المحطة . قلفطنا يا اب ذر ما خلينا شلتوت ما حشيناهو في حطب المراكب . قلفطنا وخللنا وصررنا وجزينا ضان علي حمير وداوينا الجرب والقراقيش وضلفنا الحمير . انتو في رفاعة وسم مرحاتكن شنو .؟
12-11-2019, 06:44 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا قباني .. يا زول يا جميل .. صدقني أقرأ البوست خمسة مرات ما فاهم حاجة .. آه يا ناس ضواحي الدنيا مع أن هناك مجموعة من عندينا محيدو ودالقوز عووضة بوست فيه فطاحل الاخوانيات أرجو المداخلة تكون بحواشي ( شرح ) مراعاة لظروف ( ضواحي الدنيا) يدكك يقلفط يخرز .. إلخ
مودتي الحبيب قباني .. دائماً بوستاتك جميلة
12-11-2019, 06:52 PM
Hamid Elsawi
Hamid Elsawi
تاريخ التسجيل: 09-22-2005
مجموع المشاركات: 3450
تحياتي قباني و ضيوفه نحن ناس كورة شُراب ساكت و بنسرق الشراب من اهلنا الموظفين الكبار مرة عمنا شافنا بنلعب كورة بي الشراب بتاعوا دخل البيت و جاب لينا الفردة التانية اما عماتنا و خالاتنا و امهاتنا حكايتهم تانية لمن وحدة منهم ربنا يرحمها لِقتْنا بنقطع في الملاية بتاعتها الجديدة بالمقص عشان نعمل كورة شُراب. بقينا كل ما نعمل كورة يقولوا ياربي دي بي ملاية منو. و احسن ناس بعملوا كورة شراب كانوا موضع الاتهام. اها الموظف الجاب فردة الشُراب التانية مشي جاب لينا كفر لعبنا بيهو كم يوم لكن ما عرفنا نتعامل معاهو لان الشارع ضيق و كل شوتة يطير في بيت. لمن يوم الكفر طار في بيت فيهو ضيوف و كسر عدة الشاي الفارههة التي تم و ضعها امام الضيوف الجايين لخطوبة احدي الفتيات و من اليوم داك الكفر اختفي و نحن قلنا الحمد لله و رجعنا لي كورة الشراب و سرقة الملايات
12-11-2019, 09:56 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: أنا قاعد ياقباني من أول البوست .. وعايز أعرف التدكيك ده شنو .. وماعايز أتشالق ساي .. قلت لو عنده علاقة بالكورة اصلا مابتفوتني .. الواحد كان راسه غير الكورة مافيهو حاجة .. لكن حسيت إنه شفل التدكيك ده ما لعب كورة ولاتضقيل .. فطلع زي ما اتوقعت بوز وكفر برتقالي بمخرزوهو بي مخرز ... يأخ دي حاجات قديمة خلاص .. عامله زي الكدارات الكدايسا كدايس خلا ديك ـ .. والله مالعبت بيها ... خخخخخ
عارف فكرت برضو في لحظة ما إنه كفر العجلة ... ههههههه المهم قعدت لامن بانت لبتها ولبّنت .. والسعيد بشوف في غيره أو كما يقولون .....
للقوز ما نسينا يا صديقي ...يا جمال
ياخ كفر التدكيك ده قاعد لييي السبعينات ... الانبوبه و حاجات الرقعة كنا نجيبها من دكان احمد حسين في المحطة الوسطى
انت لعبتها كفر ابره و منفاخ عجله شكلك ... كفركم جاااهز ... انحنا عشان تجهز الكفر ساعتين انت ترزي و عجلاتي و نقلتي ...
12-12-2019, 08:04 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: ايتو لمن ظهر كان أحسن إختراع .. كفر الإبرة .. رحمنا من كفر البوز والدكيك وله تسمية تانية (الزرير) ولو بقت على بوزو وربيطو أهون .. لكن الخارجى فتايلو بتتفرتق .. دا غير الجوانى البرتكانى بيطرشق!
Quote: حبيبنا قباني .. يا زول يا جميل .. صدقني أقرأ البوست خمسة مرات ما فاهم حاجة .. آه يا ناس ضواحي الدنيا مع أن هناك مجموعة من عندينا محيدو ودالقوز عووضة بوست فيه فطاحل الاخوانيات أرجو المداخلة تكون بحواشي ( شرح ) مراعاة لظروف ( ضواحي الدنيا) يدكك يقلفط يخرز .. إلخ
مودتي الحبيب قباني .. دائماً بوستاتك جميلة
و الله طولنا من اكل ( الحواشي ) يا عم علي ...
قعود مدنكل كده و نقعد نسولف ...ههه
حاضرين يا عمك ... المره الجاي ليك علي البوست يمر على خوري و عبيد قبل العرض ...
12-12-2019, 11:01 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: تحياتي قباني و ضيوفه نحن ناس كورة شُراب ساكت و بنسرق الشراب من اهلنا الموظفين الكبار مرة عمنا شافنا بنلعب كورة بي الشراب بتاعوا دخل البيت و جاب لينا الفردة التانية اما عماتنا و خالاتنا و امهاتنا حكايتهم تانية
صاوينا كيفنك ...
كورة الشراب دي ما تبعي ... شغلها صعب و لعبها اصعب ... و لعب زقاقات بس ... الكفر اساسي للسداسيات و البزيانوس هههه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة