|
|
 Re: في الذكرى الأولى لانطلاق الثورة: العام ٢٠� (Re: عدلان أحمد عبدالعزيز)
|
Quote: فهل كان ذلك سبقاً في صك شعار حرية سلام وعدالة، أمّ هي أشواق عبر عنها آخرون في وقت سابق أيضاً؟ لا أدري.
|
سلام يا حبيبنا عدلان ومنور المنبر،
ناس اللغة زي ناس الخواض بسموهو تناص
وناس الفلسفة زي ناس السناري بسموهو توارد خواطر
أما بقية العنقالة الزي دي بسموهو عقل جمعي، أحكي ليك القصة دي:
عندنا واحد صاحبنا من أولاد الأبيض حكى قال:
في حلتهم في الأبيض دائما العصرية بطلعوا يتفرجوا لتمارين الكرة في ميدان الحلة، لاحظوا أي زول بخش الميدان بدندن بأغنية: بحبك جوة جوة جوة ويردد هذا المقطع ويقعد
في البداية كان بضحكوا من هذه الظاهرة الغريبة، بعد شوية دخلتهم خوفة وقالوا دا جن مسك الحلة 😁😁
وما لقوا تفسير لسبب ترديد الناس لا شعورياً لهذا المقطع
المهم في النهاية إكتشفوا في الزقاق المدخل للميدان أحدهم قد كان كتب في الحائط: بحبك جوة جوة جوة 😁😁
في حاجات بتدخل المخيخ من غير الزول ما يلاحظ ليها.
شركة الكوكولا أكتر شركة استفادت من هذه الخاصية في عرض أفلام السينما وبعد الفاصل المشاهدين يشربون الكوكاكولا لا شعورياً.
| |
  
|
|
|
|
النذير حجازي
فيس بوك
تويتر
انستقرام
يوتيوب
بنتيريست