محبى هواية صيد السمك ؛ عندى صاحبى فى السودان من هواة صيد السمك ، داير اشترى ليه هدية(مفاجأة) من كندا عبارة عن سنارة صيد سمك و ملحقاتها. محتار بين النوع العادى و ال fly fishing.
The main difference between fly fishing and spin or bait fishing is that in fly fishing the weight of the line carries the hook through the air, whereas in spin and bait fishing the weight of the lure or sinker at the end of the monofilament or braided line gives casting distance
12-21-2019, 00:23 AM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
سلام ما اظن يكون في السودان الناس بتصيد( بالفلاي رود ) لكن صحبك لو زول مجنون بصيد السمك ال fly rod حيكون هدية جميلة جدا خاصة اذا ارفقت معها CDs يوضح طريقة الصيد Fly casting and flies tying بالمرة قد تكون نقلة لثقافة صيد السمك ان تتحرك نحو من صيد سمك وبس ل رياضة صيد السمك، عموما النيل ممكن جدا تصيد بيه ب fly rod اعتقد يحتاج الواحد ل DH rod بين wf #8 و wf#10 عندكم في كندا كتير بصيدو بيه السلمون
شخصيا بعتبر ال Fly fishing اجمل رياضة و therapy برفق ليك فيديو لل fly casting شوفو واحكم
https://youtu.be/cpQT8zSTFNUhttps://youtu.be/cpQT8zSTFNU https://youtu.be/7vLquZbJQXshttps://youtu.be/7vLquZbJQXs واحد onehand rod وتاني dh rod بس اللنك لانو بكتب بالموبايل ، تقدر تغيرو للكود البخلي الفيديو يفتح
شكرا حامد على النصائح الغالية . بعد مشاهدة عدة فيديوهات عن Fly fishing و لانى انا اصلا لم اخض التجربة نفسها و لانى كنت بصيد بال spin rod وصلت لقناعة انى افضل اشترى السنارة العادية ...السبب انه لاحظت انه ال fly fishing فيهو حركة مستمرة يعنى ترمى السنارة و تسحبها طوالى ثم ترميها و هكذا بينما النوع العادى ..ترمى السنارة تنتظر تغمز ...يعنى الفيلم كله فى عملية الانتظار و التشوق دى . و اظن نحن السودانيين تناسبنا مثل هذه الطريقة..نرمى السنارة و نقعد نتونس (فى حالة الصيد كمجموعة)
ال fly fishing نخليه للمرحلة الجاية عندما تتعدد زيارتنا للوطن و نعمل الدرب ساساقه
12-22-2019, 09:17 AM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
الأخ النصري لك الود والتحايا الطيبات أعدتني بهذا الموضوع إلى جميل الذكريات بالسودان .. وعلى الأخص ذكريات رحلات الصيد وحلاوة الصيد في النيل .. وأعتقد حسب تجربتي أن الأفضل للصيد في النيل هو السنارة العادية وأفضل دائماً أن تكون العصا من الفايبر لأنها متينة وقوية ومرنة في نفس الوقت وتستطيع أن تخرج بها الأسماك ذات المقاومة العالية مثل "العجل" حتى ولو بلغ وزنه عشرة كيلوجرامات دون أن تصاب العصا بالتلف .. وأقول السنارة العادية بسبب سلوك أسماك النيل .. فعلى سبيل المثال السمك الأشهر في الصيد هو البلطي والبلطي لا يأكل من الطعم المتحرك بل يأكل من طعم "الصارقيل" الهادئ ويستحيل أن تحصل على سمكة بلطية من طعم متحرك .. ما أردت قوله اختصاراً .. الصيد في النيل عموماً بطعم ثابت ومستقر فلا أعتقد أن طريقة الفلاينق فش ذات جدوى في النيل .. الموضوع يقود إلى تفاصيل كثيرة جداً ربما أعود إليها في مداخلة أخرى .... مع تحياتي ....
12-22-2019, 11:25 AM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
النصري واخ بابكر قدور بعد السلام الكلام عن صيد السمك حاجة جميلة جدا يا ريت يا قدور تعمل ليك بوست فيو نوعدك بالتفاعل الايجابي. ياخ صيد السمك دا كلام عجيب جدا خاصة Fly fishing بالعربي اعتقد اسمها صيد الفراشة او قريب من الاسم دا. المهم هي طريقة تصلح لاي سمك في اي نوع موية ( بحار.انهار.بحيرات الخ ) المهم في المسالة كلها فهم ال (prosess ) المثير فيها انها لا ترتبط فقط بالصنارة والطعم.
تتطلب معرفة دورة حياة الحشرات حول مناطق تواجد السمك المستهدف. دراسة سلوك السمك المستهدف. ونوع الحشرات/او الاحياء البتغذي عليها. معرفة فترات نشاطه خلال ساعات اليوم (متين بياكل ومتين بتوقف عن الاكل شنو البياكلو من من فترة لتانية ومن شهر لاخر الخ ودرجة الحرارة في الموية وسلوك ما يتغذي عليه السمك. مهمة معرفة كيف بتعرف السمك علي غذاءه ومعرفة كيف عينيه تر. وتفرز غذاءه والالوان وتفاصيل كتيرة بتحدد الادوات لتجهيز ( fishing trip)
ال Fly fishing الممتع فيو انو بتيح امكانية صيد السمك لمختلف انواع السمك والمياه بطريقة جميلة وتوفيق بنسبة عالية لرحلة فيها صيد كتير اذا الواحد توفرت ليو كل المعلومات المطلوبة صناراتو تستطيع صيد من اصغر سمكة : Rod #1 الي ال Big game Fishing ب Rod #15 دا بطلع ليك حوت هههههههههه عندها اعتقد اربعة طريقة او خمسة بتغطي كل العملية Streamer Wet Dry Nymph كلو واحدة تحتاج كتاب عموما الاستريمر هو طريقة تحاكي الاسماك الصغيرة والحشرات البتغذي عليها الويت تحاكي الحشرة الميتة لمن تسقط في سطح الماء الدراي هي الحشرة الحية علي سطح الماء تستعد للطيران يميزها حركتها النشطة بالاجنحة والجسم قبل تطير النمف هو طور الحشر داخل عمق الماء يقال ان الاسماك ٨٠٪ من غذاءها هو النيمف/الدود
دا قسم الصيادين لهذه الاربعة طرق بالاضافة (للسلمون ) طريقتو تقريبا تختلف
النيل عندنا تميق وواسع لنجاح الفلاي فيشنك فيهو يتطلب صنارة طويلة جدا ٥ متر واعلي و خيط كبير معرفة ما يتغذي عليه السمك وسلوكو بساعد نجاح الصيد عملية طويلة واكيد معقدة لكنها ممتعة جدا لمن يهتم ولديه الوقت لممارستها.
12-22-2019, 11:53 AM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
اهم شىء يا النصري تركز انه صحبك حيصطاد في النيل وانواع السمك معروفة جدا ومقاومتها في السحب والجر والتبديل ليست بالقوة المعروفة لاسماك البحار عشان ةكدة اول حاجة ان اداة الصيد تكون خفيفة الماكينة من النوع الصغير او المتوسط عشان ما يتعب في الرمي ويبذل مجهود ... ولو عايز تفرحه اكثر .. جيب معاك (جرس صغير) بيتركب في العصا واول ما السمك يخوش الجرس بدق. وصوت الجرس طبعا حسب نوع السمك الداخل في السنارة. خدمة ليك: اذا في كندا المكائن دي غالية هنا في السعودية اسعارها مناسبة جدا ومعقولة انا ممكن ارسل ليك واحدة بعد وصولك للسودان
12-22-2019, 03:19 PM
Osman Awoda Osman Awoda
تاريخ التسجيل: 06-19-2017
مجموع المشاركات: 495
مالكم علينا ياخ😭😭😭 انا طبعا مرضان صيد،،،في الإمارات كان عندي طراد بمشي بيهو ساعتين تلاتة في الخليج وعندي مواقع صيد بمشي ليها بمساعدة ال GPS . طريقة ال fly fishing ما بتنفع عندنا في السودان لانها عايزة أسماك سطح زي الباراكودا والكنعد ...الخ مع التحية للجميع
12-22-2019, 06:47 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
ما عارف السبب شنو انو ال Fly fishing ما بنجح في السودان ؟ بالنسبة لصيد السمك في العمق عندها اسلوب اسمو ( Nymphing ) دا فيو الزول بكون تركيزو كلو يصيد في العمق وبطعم يحاكي الدود او اطوار الحشرات لمن تعيش في القاع .
ال Fly line نوعين نوع للسطح ودا للصيد بالطعم البيحاكي الحشرة الاكتمل تطورا وبادية حياة طايرة من السطح دا لزمن معين (Hatch) اي الوقت البكتمل فيو تطور الحشر لمن بتطاير من سطح الموية السمك بياكلو من السطح. غير كدة السمك اصلا بياكل في الماء/العمق من الحشر في اطوار ما قبل الاكتمال السنة كلها. الجو لمن يكون بارد بيكون حركتو كلها في العمق يدفء شوية بتحرك في الموية كلها لمن يكون في فترة التكاثر بيكون غير نشط وما بياكل كتير
ال Line بتاع ال Nymph و يمكن استخدامو لل Streamer اسمو sinking line يغطس في جوة الموية السمكة يجيبا ليك من الواطة.
الطريقة هي غير منتشرة او مستخدمة في السودان لكن لا يعني انها لا تنفع تصلح لاي نوع سمك ومتاكد اي زول بحب الصيد يجربها بتفلق راسو وتاني حرم في النوم يحلم بصيد السمك. عدم انتشارها اعتقد لان الصيد لم يمارس كرياضة في بلادنا ديك تاني والله اعلم الفلايفيشنك اشتهرت كهواية بتاعت اغنياء اكيد دا زمان وتالتا ادواتها غالية بس التتجرب في السودان بكرة كل الناس بتقع فيها
ممكن تنشط حركة سياحية فقط حول الفلاي فيشنك
12-23-2019, 01:18 AM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
شوفت فيدوهات لمصرين بصيدو سمك لا حول الله نحن ربنا اعطانا نيل طول وعرض طرقنا لصيد السمك سبحان الله ياها زراعتنا ام شادوف وسلوكة و ادوات من زمن الفراعنة ما اتقدمت خطوة. بتاع التشميط دا هههههههههه دا عاطل ام العطلة من الإبداع وطريقتو دي مفروض يتعاقب بيها (بربط عشرومية (Hook) صنارة ويغطسهم جوة الموية ويسحبهم لاعلي بقوة ) تشميط علها تصادف سمكة وتنشمط في واحدة ! كلام عجيب
في فديو لافي لسودانين وعرب في رحلة صيد اعتقد واحد بقول الحمد لله لغاية الان ضاربين كم وخمسين غزالة ولسع رحلة صيدهم ما انتهت دا ياهو التشميط.
صيد السمك بالطريقة الصحيحة ممتع وفيو حماية للسمك
ملاحظ برضو بدخلو فيو دين بطريقة مبالغة.
معرفة سلوك السمك و How To Reading The Water بوفر معلومات لمعرفة: اوقات تواجد السمك و ال (fish feeding times) اماكن تواجدهم و نوع الحشرات البتاكل في المكان والزمن المعين بخلي يختار الادوات والطعم البرفع نسبة نجاح رحلة الصيد
يا اخوانا ان شاء الله برجع ليكم واحد واحد لكن مندهش من خبرة و موسوعية و معرفة أخونا حامد عبدالله من هواية صيد السمك و الله مندهش و معجب. ذكرنى اخونا و مولانا حافظ فى بوست سرعة الضوء
12-23-2019, 02:28 AM
ترهاقا ترهاقا
تاريخ التسجيل: 07-04-2003
مجموع المشاركات: 8406
أخي حامد عبدالله يبدو لي أن فكرة فتح بوست منفصل عن الصيد بالرغم من استحساني للفكرة إلا أنه يبدو أن الإندياح في هذا البوست يجعلني أصرف النظر عن الفكرة ولا بأس من الإندياح هنا إذا أذن لنا الأخ النصري .. وأعتقد أنه من الأجدى محاولة ترجمة "Fly fishing" إلى العربية بمعناها الصحيح حيث أنني أعتقد أننا نمارسها في الصيد في مياه النيل على الرغم من أنني لم أكن أعرفها إسماً إلا في هذا البوست وقد شاهدتها ملايين المرات في التلفزيون .. وللوصول للترجمة الصحيحة فإن كلمة " fishing" لا غموض فيها بل هي واضحة جداً ولكن ماالمراد بكلمة " Fly"؟ هل المراد بها ذبابة فراشة .. حشرة .. بحيث ينصرف التفكير للطعم أم المراد بها طيران .. سباحة طفو في الماء .. عائمة في الماء .. إلخ وإذا ماتمت الترجمة الصحيحة فستترتب عليها نتائج كثيرة أهمها هل بالفعل نمارس هذه الطريقة دون أن نعرفها ؟ انتظر منك التعليق حول هذه النقطة حتى ندلف إلى عمق أكثر ....
12-23-2019, 12:09 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
اخ بابكر تسلم سؤالك دا مهم جدا وايجابتو تشرح كتير عن هذه الطريقة الترجمة الحرفية تعطي انطباع وكانو الصيد بتم بطعم طافح علي سطح الماء. الاسم اخذ لارتباط الطرقة ب كل (fly insect)
عموما المهم في الطريقة كلها هو معرفة ما يتغذي عليه السمك ومحاولة محاكاتو بصورة تجعل السمك يهجم عليه. الكلام دا يعني ان العملية تتطلب مراقبة الحشرات في النهر او البحيرة المعينة. دورة حياتها طبعا اغلب الحشرات تبدا دورة حياتها في المياه العزبة كبيضة ومن ثم الي ان تصبح حشرة كاملة وتعيد انتاج وتموت الخ.
السمك اصلا في المياه العزبة بعيش بشكل اساس علي اكل الحشرات في الماء. الحشرة الواحدة تضع ملاين من البيض البصل يكمل دورة حياتو بسيط جدا مقارنة بعدد البيض الموضوع من ملاين الحشرات لو لا السمك يعيش علي الشرانق واليرقات والدود في الماء لتسببت الحشرات في كارثة قد تنهي الحياة علي الارض.
(اكيد مسالة لديها علاقة بنظام وتوازن البيئة ) فا fly جاي من( الحشر البطير او الطيار) في مراحل دورة حياتو المختلفة
بخت صورة تقرب الفهم وبواصل تاني
https://ibb.co/HPGCTq8
12-23-2019, 01:06 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
الاعجب انو الحشرة اطوراها بين هي بيضة وقبل ان تصبح حشرة كاملة تعيش طويل جدا في الماء ! وعندما تصبح حشرة كاملة غالبا ما تعيش ساعات او يوم يومين الخ ذي الفي الصورة.
ياهو( ابون الدقيق) بتاعنا داك ذاتو هههههههه نشوف صور مكبرة لشكل الدودة منها واليرقة والشرنقة والحشرة الكاملة الاربع مراحل دا ياها الاربع طرق/المجوعات المختلفة البتقسم الصيادين وتحدد ادواتهم وممكن ال (mantality) بتاعهم
بحاول ارفع صور بشكل الحشرة بوضوح بمختلف مراحل حياتها واشرح نحن ال( Fly fishermen) لشنو مهمة لينا معرفة التفاصيل دي هههههه
https://imgbb.com/
في الصور دي دودة /يرقة وتعيش تحت الماء لزمن طويل ويتتغذئ عليها الاسماك
https://ibb.co/2MWZKtp
في الصور دي شرنقة/Nymp وتعيش تحت الماء لزمن طويل ويتتغذئ عليها الاسماك الي ان ياتي وقت اقتراب صيرانها حشرة كاملة
https://ibb.co/PYX2Mnm في الصور دي (Emerger) شرنقة تقترب من سطح الماء تخرج من حاملها (تملص جلدها) لتصير حشرة كاملة تستعتد للطيران
https://ibb.co/Fz8hfxV في الصور دي نشاط (Emerger) شرنقة وهي تسبح تقترب من سطح الماء لتصير حشرة كاملة تستعتد للطيران وقت بكون فيو السمك في حالة نشاط كثيف جدا لل (feeding) الاكل
12-23-2019, 01:35 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
https://imgbb.com/ في الصورة دي طارت وركت في شجرة تنتظر الذكر للتزاوج
https://imgbb.com/ في الصورة دي تزاوجت https://imgbb.com/
في الصورة دي وقعت الموية تبيض وتموت طوالي في هذه الحالة ينشط ناس (surface fishing) صيد الطعم الطافح في السطح ناس (Dry fishing)
في دي بضع ليك صور ال (Flies) الطعم البتعمل ليحاكي كل شكل من الحشرة دا الشرنقة/Nymph https://ibb.co/FnK93FN دا اليرقة/Larve https://imgbb.com/ دا الحشرة الكاملة https://imgbb.com/
12-23-2019, 02:10 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
بعد التفاصيل الكتيرة المملة اعلاه الانا بحاول اضغطها عن الحشرة والسمكة
تاتي مرحلة لا تقل اهمية : هي فهم سلوك السمك في زمن (Feeding) كيف يكتشف الطعم اي اتجاه بسبح للحصول علي الاكل وعينيه كيف ترئ الطعم و الالوان علي حسب عمق الماء.
والمهم وجدا ال(fly presentation techniques) كيفية تقديم الطعم بطريقة تحاكي (imitate) الحشرة دون ان ينتبه له السمك ودون ان تخيفه ومسالة برضها مهمة (how to read water for fishing) دي فيها الصياد بيتعرف للاماكن اليتواجد فيها السمك . السمك من اكتر الحيوانات (spooky) وحزر جدا اقل جوطة ازعاج ضل الخ بهرب. ف معرفة قراية الموية بتخلي الواحد بكل سهولة يحدد وين السمك ويصيدو كيف وبشنو بدل الطريقة( الداعشية )😳 التشميط 😳 بتاعت المصرين ستمية صنارة هههههه وخوج الموية
دا ياهو ذي نظرية التفجيرات بتاعت البدخل سنتر كامل فيو الف محل بفجرو وبقول فيو مرقس ماجن 😳
ما اظن فى دراسة واحدة اتعملت فى المجال ده ..يعنى مافى زول عارف ليه السنارة قبضت بلطى بدلا عن عجل او قرموط او قرقور او ماذا يأكل العجل و لماذا ياكل ذلك الصنف ، وماهى دورة حياته ؛ والنهر نفسه نوعية الكائنات التى تعيش فيه و دورة حياتها. الناس بتصيد بالفطرة ..يرموا السنارة و الباقى الله كريم .
12-23-2019, 03:27 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
Quote: ما اظن فى دراسة واحدة اتعملت فى المجال ده ..يعنى مافى زول عارف ليه السنارة قبضت بلطى بدلا عن عجل او قرموط او قرقور او ماذا يأكل العجل و لماذا ياكل ذلك الصنف ، وماهى دورة حياته ؛ والنهر نفسه نوعية الكائنات التى تعيش فيه و دورة حياتها. الناس بتصيد بالفطرة ..يرموا السنارة و الباقى الله كريم .
كلام صحيح مية بالمية. واحد بصيد ب ( مُشك) التقول السمك بضرب عبابير هههههه واحدين بصيدو بلحمة واحد مصري كابي جوافة ضاربة في البحر واحد ملخبط دقيق بكاستر بكضبدة دجاج ههههه غريبة دا تنظير ساااااااااااكت
البي دودة السارقيل اقرب طريقة واكتر طريقة ممتازة لصيد السمك اعتقد الفكرة بسيطة جدا ما بتحتاج لتعقيد كتير فقط مراقبة ما يعيش عليه السمك وتقديمو في شكل طعم: ياتو صنارة ما بتلعب دور كبير (spinning rod or flyrod) هي بس لزيادة الإثارة ما اكتر في حاجة في السودان اسمها (رماي ) علي ما اعتقد فكرتها صامولة بدل (wait) مربوطة في خيط فيهو عدد من الصنارات تُطّعم وتجدع في النيل وبربطوها في شجرة ولا وتد بسحبوها تاني يوم دا ياهو (Nymphing) ناقص إثارة فقط دي حسب رائ قد يختلف معاي زول تاني. المهم تٌشكر علي المساحة ونتمني انو ما كسرنا روسين الناس بلاب لاب لاب
المسألة انا ناشط فيها جداً وبحبها شديد بصيد كل انواع صيد السمك (بحر.انهار.بحيرات.وسلمون) بالنوعين Fly rod و spinning rod وجاي كندا قريب لموسم السلمون عندي معلومات كويسة عن الصيد عندكم بلاقي ناس من عندكم في رحلات صيد
هواية صيد السمك من أغرب الهوايات لان فيها عنصر الإدمان. اذكر مرة قضيت اليوم كله على شاطئ نياجرا نصيد فى السمك مع مجموعة من الأصدقاء. رجعت البيت حوالى منتصف الليل ، تعبان ، مرهق ؛ فى مدخل العمارة التى كنت اسكن فيها لقيت جارى و صديقى سيد يجهز نفسه و معداته للذهاب لنفس مكان الصيد ؛ هو من هواة الصيد بالليل .
سيد قال لى ارح معاى ؛ قلت ليه انا عشرة ساعات بصيد السمك ووصلت البيت تعبان. لم يحتاج سيد لكثير اقناع و منطق ..ركبت معاه العربية و رجعت لنفس النهر لصيد السمك. هواية عجيبة لمن تشبك فيها من الصعب التخلى عنها ..
طبعا هى ممتعة حد الإمتاع : لا اظن ان هناك رياضة (اذا افترضنا انها رياضة) مثلها
12-23-2019, 06:03 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
النصري تاريك انت ذاتك جوة اللعبة هههه خلينا نشجعك (ونشيل فيك اجر) ههههههههه تدخل عالم الفلاي فينشك كندا واحدة من الدول المشهورة جدا فيها وبصنعو فيها من اجود الصنارات وادوات الصيد ولديهم منتجعات لرحل الصيد.
من ناحية رياضة اطمئن رياضة مرفق يوتوب (كاس العالم 2019) طبعا تنظيم منافساتها ما للفلاي وبس.
والله و بصراحة اخدت فترة كنت مدمن و بهضرب بيها بالليل . بقت السنتر بتاع حياتى يعنى طول اليوم افكر افكر متين اخلص من الشغل و البيت عشان امشى صيد السمك.. اجمل حاجة لمن نمشى مجموعة و نشيل كافتيرة الشاى والقهوة. الجو العام فى كندا مشجع على الهواية باستثناء عامل الطقس (الشتاء) مثلا كندا فيها اكتر من 30 الف بحيرة يعنى اى مكان تتجه اليه هناك مسطح مائى فيهو سمك ؛ الحاجة التانية كل احتياجاتك من أدوات الصيد فى متناول اليد و ليست غالية ؛ بصورة عامة الرياضة متاحة للفقير و الغنى . اغرب شء ؛ الصارقيل يتباع فى البقالات يعنى تفتح التلاجة تلقى برطمانية الزبادى جنبها برطمامية طين و جواها صارقيل سمين و مدغلب . أخونا كامل فى الشقة فتح التلاجة و سأل عن برطمانية الصارقيل فيها شنو ! قلنا ليهو زبادى . فتحها و صرخ من الرعب لمن شاف الصارقيل يتلولو.
فى الشتاء الخيار الوحيد هو ice fishing وده شعرا ما عندنا ليه رقبة لكن يقال انه لأ يقل متعة من الصيد العادى.
قبل أسبوعين قابلت واحد صينى بالصدفة ماشى على الصيد ، كتب لى اسم البحيرة التى تبعد عن كالقرى ساعة و شوية..موش كده بس ، فتح الشنطة..فيها زى مية سنارة ؛ اختار واحدة و ادانى ليها وقال انها صناعة يابانية لا يوجد مثلها . السنارة قاعدة ..بصورها بعد شوية و جنبها كاكا للمصداقيةةو كده هههه
12-23-2019, 07:42 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
ال (outdoor activities) جميلة بتقلل ضغوط الحياة والعمل. ام الوليدات بتحب ال ice fishing قدر ما حاولت ما ركب راسي تقد حفرة في التلج لغاية تصل الموية وتنزل ال (Hook) بطعم او عندها (lure) و (spinner) صغير. باقية لي مملة جدا هههههه انا لازم اتحرك ولازم احس انا الفت انتباه السمكة وخليتها تجي للطعم ما اجدع طعم وهي بمزاجها تجي تاكلو هههههههههههه مع الاولاد الصيف كلو في الخلاء نجمع عنب بري انواع مختلفة بنعمل منو مربي سمك بنصيد كمية بتمشينا الشتاء كلو ههههههه بنصيد طيور وارنب بري بالخرطوش هل تصدق عامل (نبلة) هاهاها نشتري لحمة (Moose) و ال (Deer) من الصيادين في الموسم عندنا خيمة كبيرة تشيلنا كلنا ما مقصرين من الحوامة اسع الصيف دا بديناها من الدينمارك تقريبا مسافة ٣٠٠ الف كيلو متر بعربيتنا وخيمتنا وصناراتنا (الدينمارك-السويد-النرويج-فنلندا-من اخر شمال فنلندا دخلنا اقصي شمال النرويج لغاية حدود روسيا وبالعكس )
شي صيد شي سياحة الخ
12-23-2019, 08:03 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
سلامات لو داير صاحبك يتكيف منك اشتريلو الرماى . الرماى امتع طريقة للصيد . اسمو الرماي . خيت صيد متين تعمل فيه بين سبعة وعشرة لصقات ( جبادات ) وفي نهاية الخيت تربط صامولة . وبداية الخيت سلكة طويلة شكل بربندي . وتلولح تلولح وتجدع طبعا البربندي بكون مدقوق في حجرة النيل . وبتعمل عود تشعلق في راس العود الخيت عشان يبين لو في سمك بشاغل في طعم السنارات ولو الرماي قبض سمكة سمكتين ممكن العود ينكسر . العود اسمو الحراس .
12-23-2019, 10:43 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8815
بما انني لا افقه في هذه الامور لكن هذا لا يمنع ان نسلم عليك اخي النصري وبقية المتواجدين وان شاءالله اي هديه من طرفك لصديقك الكريم حتما ستنال رضاه وفرحه، تطيب الخواطر اثره النفسي علي الانسان جد كبير احترامي الذي تعلم
12-24-2019, 09:23 AM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
الأخ حامد عبدالله والحضور لكم جميعاً الود والتحايا الطيبات إذن ياحامد اتفقنا أن طريقة الفلاي فشنق تعتمد على الطعم الصناعي وهي طريقة حسب تجربتي لا تصلح للصيد في مياه النيل بسبب سلوك السمك في النيل والتي سأتعرض لها بالتفصيل .. وقد مارست الصيد بطريقة الفلاي فشنق بمفهومها هذا في مياه البحار وتحديداً في البحر الأحمر على شاطئ بورتسودان وعلى شاطئ جدة .. أما في النيل فيتم الصيد بذات التفاصيل ماعدا الطعم فيتم عن طريق الصارقيل (Earthworm) وهو متوفر ومتيسر جداً عن طريق شرائه جاهزاً أو حفره من الأرض بلا مقابل مالي. وعندما نقول الصيد في النيل فالمقصود هو الصيد في المسطحات المائية المتوفرة لدينا وهي الأنهار الدائمة والموسمية وقنوات الري في المشاريع الزراعية (الترع) وأول الأشياء بعد تجهيز المعدات هو معرفة أماكن وجود الأسماك التي تريد صيدها والجميع يبحث عن أماكن تواجد السمك البلطي (niloticus tilapia) لسبب بسيط وهو أنه يسكن في مجموعات ويتحرك في مجموعات ويترتب على ذلك أن الصيد سيكون وفيراً بالإضافة إلى أنه سمك صاج من غير منافس (مقلي بالزيت) .. وهذا لا يعني عدم وجود أسماك أخرى تسير في مجموعات مثل سمك الكوارة أو الشلب (شلباية لابسة عباية) هههه ولمعرفة مكان تواجد البلطي عليك أولاً بالبحث عن ماء يغلب عليه الهدوء ولا يكون تياره شديداً .. ويجب أن يكون طرف الماء ضحلاً شديد الإنحدار نحو ماء عميق لأن البلطي يفضل إعداد مساكنه في الأماكن الضحلة ويجب أن تكون طبيعة الأرض طينية لأن البلطية ترقد على صفحتها وتضرب الأرض حتى تكون منخفضاً دائرياً 360 درجة بأدق مقياس والمنزل الواحد نسميه (صحن) وسبحان الله ترقد فيه مابين ستة إلى عشرة بلطيات تجدهم متراصات .. وفي حالة مرور شبكة (طراحة) فإنه يكون هادئاً حتى مرور الشبكة دون أن تصيد منه واحدة في حالة هدوئه داخل الصحن وعند وجود الماء المناسب عليك أن تقرأ حركة سطح الماء لمعرفة علامة الحركة التي تظهر في السطح لتدلك على نوع السمك دون أن تراه .... ولشرح هذه الجزئية بطريقة عملية يرجى النظر إلى الفيديو في مداخلة حامد عبدالله بعد مداخلة ترهاقا مباشرة وتحديداً يرجى التركيز في الدقيقة 4:14 عندما قبض الرجل على السمكة وانظر شكل الدوائر الناتجة على سطح الماء فستجد دائرتين كبيرتين وفيهما إنبعاج في وسط الدائرة وهذا هو الشكل الذي تراه في الماء عندما يكون البلطي سابحاً يلهو .. وذلك لأن البلطية تقترب من سطح الماء ويكون رأسها في الأعلى وبمجرد إحساسها بسطح الماء تنقلب بسرعة إلى داخل العمق فتترك على السطح الشكل المشار إليه وبذلك تعرف أنك قد حصلت على (مراح) كامل من البلطي .. وعلى سبيل المثال إذا كان الشكل شكل دائرتين كبيرتين دون إنبعاج في نصفها فإنها في حالة تكون هادئة بلا صوت فإنها حركة سمكة (بياض) أما إذا صاحبها صوت فإنه (قرموط) بلا شك .... يتبع
12-24-2019, 10:45 AM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
قدور تسلم روق شوية خلينا نكتب ونشرح ما تستعجل ل ( لا تنجح في السودان ) اول الفلايفيشنك في صيد البحار يختلف من صيد الانهار. - البحار لا تعيش فيها حشرات في الغالب -الانهار فيها نظام بيئ عبره تتم دورة حياة اغلب الحشرات في البحار الاسماك تتغذئ علي بعضها او بعلي بعض الكائنات البحرية في الانهار الاسماك تعيش علي الحشرات وعلي الاسماك االصغيرة
خلينا نثبت معلومة : الفكرة من الفلايفشنك كلها كيف انك باحسن صورة تعمل طُعم مشابه تماما لماء يتغذئ عليه السمك ويحاكيه بصورة تقارب للطبيعي.
اما بالنسبة لعمل الطعم انا ما بسميه صناعي بالرغم من انو( يتعمل) ما بعرف ياتو كلمة بالعربي تقابلها (Fly Tying) بس هو فن ذيو وذي الرسم او التلوين النحت الغناء الخ
كدي لو عندك شوية بس شوف الفديو دا اصبر لغاية الدقيقة سبعتاشرات ونيف هههههههه لو كمان عندك الزمن اجلطو كلو. بس اطلع من انو ما بنفع في النيل دي او اكتب السبب شنو ؟ عندي ليك برضو سؤال : السمك البلطي دا وعموما السمك في النيل بياكل شنو ؟
12-24-2019, 12:14 PM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
أخي حامدتحايا طيباتعلى أتم استعداد لترويق (المنقة) ومعاك للآخر .. وكدي اتفق معاي أن نخرجمن النقاش البحر وسمكو لأنو صيد البحر مختلف تماماً من صيد النيل .. وخلينانركز شوية في النيل .. ونمسك سمك النيل بيتغذى على شنو مواصلة ونشوف البلطيبيتغذى على شنو منها إستجابة لسؤالك ومواصلة لمداخلتي السابقة .... فالسمك في النيل يتغذى على الآتي:1- العوالق2- النباتات المائية3- اللافقريات المائية القاعية4- يرقات الأسماك5- مغذيات المخلفات6- المواد العضوية المتحللةولو مسكنا البلطي على إنفراد فسأقول لك شيئاً فريداً .. عند العثور على مكان البلطيومن ضمن الأشياء المفيدة التي تجمع لك أكبر عدد منه تحت الماء هو أن يكون معكعيش (مجروش) وتبلله قبل يوم بالماء وتضع عليه ملعقة شاي من خميرة البيرة وتشتتهفي أماكن وجوده فستراه منجذباً وباقياً في المكان لمدة طويلة .. يعني بالبلدي كدةتقدم ليهو (مشك) يعني برضو الرائحة داخلة في اكتشاف الطعام .... البلطي يأكلالصارقيل بشراهة وهو يعتبر من اللافقريات .. وثمة شيئ آخر .. البلطي يفرز مادةمخاطية في زعانفه تجذب إليها الديدان السابحة في الماء فتعلق بها فيأكلها عند الحاجةوهذه تتوفر في النيل حول المناطق التي تكون تربتها من (السار) الذي هو (الكرد) وهوعبارة عن رمال النيل الناعمة في صورة متحجرة وتتكون منه بعض الجزر .. ألم تسمعالشاعرة السودانية حين قالت مادحة:تمساح جزاير الكردبتقضي الغرضإنت بتشيل بي وقتما متلك ولدأرض الكرد ترعى فيها جميع الأسماك بأنواعها المختلفة .. والبلطي يسكن في التربةالطينية التي تكون قريبة من تربة الكرد لوجود الطعام فيها ... فإذا أمسكت ببلطية من هذه المنطقة وعند نظافتها فستجد الديدان حية عالقة في خياشيمها وهي حمراءاللون وتشبه الصارقيل إلا أنها نحيلة وقصيرة عند مقارنتها بالصارقيل .... أيضاًالبلطي يأكل المواد العضوية المتحللة فعدنما تقبض بلطية من أماكن المواد المتحللةتجد لونها من أسفل ظهرها حتى حول بطنها وذيلها تجدها سوداء اللون .. والبلطية التي تلتقطها من المناطق قرب السار تجد لونها ناصع البياض ويكون فضياً لامعاً ..سبق أن رأيت بلطي مزروع في حوض داخل مصنع بسكويت ويتغذى على مخلفاتالبسكويت ووزنه جيد للغاية .... هناك أيضاً أماكن تجمع للأسماك في النيل ولكنليس من بينها البلطي وهي الأماكن التي تكثر فيها نبتة تسمى محلياً (أم صوفة) فقدحظيت بصيد كثير من هذه المنطقة ولكن ليس من بينها البلطي وجدت الكاس ..البني .. القرقور .. القرموط .. إلخ ولكن هذه النبتة أيضاً توجد في الترع ومن الترعحظيت بكم وفير من البلطي من حول أم صوفة .. نسيت أن أعطيك مثالاً لأرضالسار حيث توجد في النيل في غابة الكشافة بمنطقة الخوجلاب ببحري وهيمنطقة صيد مشهورة عند الهواة ...... وللموضوع بقية ....
قدور تسلم وتشكر علي التفاعل والمعلومات المفيدة في ميزان الحسنات انشاء الله. تمام خلينا في النهر او المياه العذبة. كلامك ممتاز جدا َ عن مصادر وانواع غذاء الاسماك في النيل. ياها من معلومات ذي دي وغيرها تبدأ خطوة تحديد اي الطعم
-العيش المدروش وبقايا الاكل والمُشك وكبدة الدجاج والجوافة الخ دا لصيد السمك بال (Fishing Bait) ودي طريقة قريبة جدا من فكرة ال (Nymphing) الإولي انت بستخدم (Spinner rod) صنارة عادية ب (Bait rig) اللهو خيط (monofilament nylon) و (spinning reel) في نهاية الخيط بكون عندك ( وزن) من الرصاص وكم عدد من ال Hooks وبالاضافة للطفاح (bubble) اكيد مطعم بالطعم البتتختارو للصيد من خلال ذي المعلومات الانت كتبتها دي. ما عندي اي راي بقول انو دي طريقة ما ممكن تصيد سمك او لا تجلب الإثارة (excitement of fishing ) او الحصول علي صيد كتير 😀😀 https://imgbb.com/ https://ibb.co/s1bG5bH https://imgbb.com/
بالنسبة لصيد (الفراشة) نسميها كدة بدل الفلاي 😀 اعتقد دي اسمها المعرب الفكرة تبديل ادوات التسميك اعلاه وتخفيف كل الوزن لكي لانو صيد السمك بياخد زمن كتير فاللعبة كلها كيف انو الصياد يمارس هوايتو برقم الزمن الكتير البتاخدو لا يتعب (fiscal) او يصاب بتمزق العضلات
جاءت فكرة/طريقة صيد الفراشة والتي تعتمد علي طعم لا وزن له تركت (cast) جدع/رمي الطعم بدل يكون من العضلات في حالة (spinning rod ) ل العصاية (rod) في حالة صيد الفراشة بجهد عضلي يكاد ان يكون صفر اكيد لازم تعلم تكنيك الرمي. وبالنسبة للطعم ناس صيد الفراشة اخدو الحشر والكائنات الصغيرة بدل الحشائش وفضلات الطعام لامكانية عملها واكيد بالتجربة اثبتت فعاليتها
12-24-2019, 02:37 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
الفراشة ادواتها العصاية (fly rod ) فيها من نمرة واحد(Rod #1) بكتبوها كدة تعني العصاية تسطيع فقط ان ترمي خيط (fly line) بالحجم #1 دا رقم متفق عليه وانترناشنوال ذي الفي( Spinning rod ) الصنارة العادية لمن يكون خيطك (monofilament 25 gram) يعني يستطيع رمي (cast) طُعم بوزن 25g ال عصاية (rod#15) دا يستخدم للسمك الكبير جدا جدا )
ال خيط (fly line) صنعو منو تقريبا اتنين رئيسيات (sinking line) ودا وصلتو سطح الماء بغطس لاخر القاع و اخر (floating lines) دا بطفح علي السطح بين الاتنين ديل في كمية خيطوط بتفاصيل مختلفة يغطس بالتدريج يغطس سريع يطفح الخ,
ال (Rig) تجهيز الصنارة هنا في نهاية الخيط عندنا خيط رفيع يسمو (Leader) دا بكون بكون ٣ متر يزيد يقل علي حسب المزاج قوي جدا يستطيع مقاومة اي نوع سمك وفي نهاية الليدر تاني في خيط ارفع منوو تكاد لا تراه بالعين (Tippet) دا البتثبت فيو الطعم (flies)
https://imgbb.com/
https://imgbb.com/
لو ملاحظ انها هي طريقة/اسولب صيد سمك ما عندها مكان ممكن نقول انها تنجح ما تنجح فيو !
انا انتظرت انو ممكن تقول حجم النيل وعرضو يكون عائق لصيد الفراشة اكتر من الطريقة نفسها ! رأئ الطريقة الاولانية : -تحتاج من حين لاخر تتاكد من الطعم انو موجود ولا انجرف -محتاج ترمي الطعم مع الوزن كل مرة (متعب جدا) بعد مرور الساعات -لا تستطيع رمي الطعم بعيداً لانك قد تفقدو بقوة الرمي عشان كدة تضطر انك تكب (مُشك) تلم السمك قدامك وتسكرو ههههه حتي بعد داك تصيدو ! -تنتظر الطفاح يتحرك عشان يقول ليك في واحد سكرانة جاتك في الصنارة ههه عشان تشد عليها ال (hook). - اعتقد والله اعلم (التنظير بتاع مُشك وكاستر وجوافة معفنة الخ ) مسالة غير مفيدة للبيئة ممكن تكون لتلوث بيكتيرى الخ.
12-24-2019, 04:04 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
Quote: إذن ياحامد اتفقنا أن طريقة الفلاي فشنق تعتمد على الطعم الصناعي وهي طريقة حسب تجربتي لا تصلح للصيد في مياه النيل بسبب سلوك السمك في النيل والتي سأتعرض لها بالتفصيل .. وقد مارست الصيد بطريقة الفلاي فشنق بمفهومها هذا في مياه البحار وتحديداً في البحر الأحمر على شاطئ بورتسودان وعلى شاطئ جدة .. أما في النيل فيتم الصيد بذات التفاصيل ماعدا الطعم فيتم عن طريق الصارقيل (Earthworm)
ممكن اكون يا داب فهمتك الانت صيدت بيها في البحر وجدة اعتقد والله اعلم ههههه صنارة عادية بس طُعم مختلف (Rig)
انا قومت ضاغط ابنص للنهاية من دون افهمك صحيحا المهم ياهو عملنا دعاية لل (Fly fishing ) من خلال عدم فهمك 😀😀
انت صيدت ذي ما بتقول بالطريقة العادية في البحر الطعم فيها (Lure او Jig) من البلاستيك او الحديد او الكريستال اعتقد اسمو كدة بلاستك برجف/هزاز ههههه بخت ليك من كل واحد
في هذا كلامك صحيح مليون في المية في النيل انت صيدت بنفس الصنارة لكن ال (Rig) التسميك/تطعيم/تكنيك الخ اختلف بدل الطٌعم الصناعي اشتغلت بالسارقيل ودا الصحيح 100%
قبل ما تجينا نحن ناس ال الفراشة في حاجة اسمها (Spinner fishing) دي البتكلم عنها االناصري بخت ليك صورتها ههههه ياخ دا انت لو لميت فيها حتكيفك كيف ما شايف الناصري بقول حميان النوم هههه
وتاني في ال (carp fishing rigs) قريب من طريقتك بتاعت النيل هو البنجح في نهر النيل صيدو عنييييييييف للاخر فيه سيستم بالتنبيه اللاكتروني ههههههه
نحن ناس الفراشة بعديييين منهم كلهم خالص
12-24-2019, 07:10 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
صور لنموزج ال (Lure/Jig) الطعم الصناعي طبعا منو المصنوع من الرصاص بيغطس وفيو المنصوع من البلاستيك بيطفح للسمك البياكل من السطح. وتاني من السليكون دا بتحرك/بهوزز ذي حركة السمكة دي بتاعت بحر اعتقد انت صيدت بيها في بورتسودان وجدة. دي في النيل ما بتنفع الا السمك يكون شبعااان (مُشك) ههههههههه
كريستال https://ibb.co/ZG16Jyn بلاستيك قوي للسطح https://ibb.co/JFLbLvr حديد/رصاص للغطس https://imgbb.com/
12-24-2019, 08:01 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
اما ال (carp fishing rigs) اظن دا ياهو البنفع مع الطريقة الشائعة في السودان هو تقريبا نفس الاسلوب تختلف فقط الادوات قليلا وال (carp) ياهو ود عم البلطي, مرفق صور لسيستم جميل جد بنظام المنبه بالالوان اخضر احمر والتنبيه بيب بيب بيب دا طلع باكل عيش الريف معني حقنا داك ذيادة علي المٌشك ممكن بشوية يشرب مريسة هههههههه سلوكو بتاع اكل المُشك ما عجبني اكيد من طريقة سكنو قريب من مكانات كمائن الطوب دي بن الكلب بكون الجماعة مضوقينو العبار هههههههههه
اعلاه نموزج لل spinniner مسمين عليها طريقة الصيد تستخدم لصيد الانهار والبحيرات الصغيرة للاسماك القريبة خفيفة وعملية جدا داخل الماء لمن تسحب بالمكنة بتلف(spinn) بطريقة تجعل السمك يهجم عيها منها اشكال والوان مختلفة
تحت نموزج لتلات نوع من ( spinning reel) ماكينة المكتوب عليها (bait ) دا سيستم جديد عندو تامين للخيط لمن ترمي ولمن تسحب بقلل فرصة شربكة الخيط وخفيف يسمح برمي لمسافة شوية ابعد من الاتنين التانين
https://ibb.co/k82Gq9R
هنا عندك ال (rod) القصبة المصرين مسمينها اريل اختلافو من بتاعت البحر بس الحجم والوزن والماكينة برضو اختلافها انها صغيرة شوية
https://ibb.co/vJwbyRg
https://imgbb.com/
وبكدة كلامنا كمل كسرنا راس الناس كل دقيقة رافع مداخلة سمك ولخبطة اعفو لينا ياها الحاجة البتحبها شديد الشقي البعتر فيك بتنشف ريقو وتكرهو اليوم الفتح خشمو سالك
النصري عوافي يا امير الجاتك في بوستيك سامحتك وقدور تُشكر جدا إنشاء نلاقيك يوم في طرف النيل نونسك ونسة حبوبات وتاكلنا بلطي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حامد عبدالله
بابكر قدور
Ahmed Yassin
Osman Awoda
محمد الامين احمد
ترهاقا
Osman Musa
محمود الدقم
فيس بوك
تويتر
انستقرام
يوتيوب
بنتيريست